譚仔雲南米線 (好爵中心)

營業中

休息中

接完朋友下班後，想要簡單的晚餐，非譚仔莫屬，況且米線又不是甚麼地方都有，我覺得這是屬於香港獨有的味道。譚仔的米線菜單是自由配搭的，由於太多選擇反而會把人弄得七上八下，剛好看到有過橋米線套餐，一大碗幾乎包含所有的食物材料，能滿足二人的份量，價錢又便宜，擁有選擇困難症的朋友選這套餐就可以解決問題了。再加一至兩樣風味小吃更好，這次點了土匪雞翼，不知道土匪是代表甚麼意思的烹調方法，但這土匪雞翼好好味，有一種濃濃烤過的香味再加上灑了芝麻在上面，令人一試難忘

又是Team Lunch的時候，今天去了葵芳好爵中心的譚仔三哥，明明KCC辦公大樓下面就有一間三哥，偏偏要行十多分鐘到葵芳，然後等位等了二十分鐘，我真的不明白同事們在想什麼說什麼這間三哥好吃一點? 是嗎? 別說笑了，米線淋巴巴，毫無彈性，不知是overcooked還是這種是特色 酸辣湯底又不是一樣，酸酸甜甜般，毫無層次毫無特別。貢丸有四粒，比街市$18/磅那些還要差。對此，我沒有特別評價!

是日不算太肚餓, 於是去了葵芳譚仔吃碗麵食, 平靚正。由於譚仔“梗有一間係左梗”, 很容易便可找到一家。不過這一家不是吃開的“三哥”。清湯豆卜米線平常也很喜歡叫清湯, 上台時一試深感不妙, 味道與平時不一樣, 湯味淡, 不熱, 少了平常的香料味道, 幸好麵線仍然彈牙。吃了幾口已經不想再吃。土匪雞翼譚仔有名菜式, 平時是即煎的, 又熱又惹味, 今次上台時明顯已經放了很久, 不太熱, 皮不脆, 還有芝麻味, 但肉汁已流失。失敗的雞翼, 只能以合格形容。是日晚餐, 好似沒有吃過般。

因為工作突然要加班，同事相約一起吃晚飯，便去了譚仔雲南米線，2人一起食一個大米線。譚仔三哥已經吃過，譚仔就是第1次食，個人認為味道確實比譚仔三哥濃一點。每人的味道喜好不同，不代表譚仔三哥不好吃，只是我較喜歡譚仔多一點。*****************木耳，木耳入口都幾滑口，麻辣又香，惹味得來又不是很辣，好好味。 土匪雞翼，這是小份量，食過三可的土匪雞翼，惹味得很。但譚仔的土匪雞翼也不差，也是吃過都番尋味。 過橋米線套餐，$46有齊17種配料，包括魚旦、牛丸、墨丸、竹笙、牛肉、雞肉、豬肉、腩肉、火腿、炸醬、酸菜、豬膶、芽菜、韮菜、腐皮、生菜及豆卜。 材籵十足又新鮮，粉底份量也很多，湯身帶乳白色，又鮮甜，最愛湯粉中的芽菜和腐竹，和湯底的味道是十分配合。

今日老公帶埋BB黎揾我食下午茶.,E間野開左一段時間, 但LUNCH 超多人, 今日食下午茶,唔洗排排隊就閃左入去...叫左個過條米線套餐(酸辣)+$7 要多杯凍檸水個人其實唔太食得辣，好彩佢黎到後又唔係好辣，同裏面真係好多料, 最喜愛就係佢個炸醬,少少甜好好味, 唔知有冇齋炸醬賣, 我應該2,3日可KO佢...兩個人食一碗野係夠食, 仲要係飽 抵呀連譚仔都要寫食評...都係因為要推介E度個"炸醬", 真係超好味..

其實葵芳真係好多間米線，最近我公司的譚仔米線，我覺得麻麻地囉，因為排隊幾耐下，平時有位就搭入去，呢間要攞票攞位、仲要無薯粉，味道真係比其他的差一點。我叫的係雞肉腐皮清湯，但係腐皮唔夠"林"、還有點硬，米線也是，不知道是不是人太多，滾唔切的關係。反而雞肉都無咩野，還可以的。

是日想吃得清淡D, 揀左吃譚仔，次次都叫套餐，清湯底，鹹檸七，加多碟木耳。鹹擰七先到，炎夏飲杯涷既有氣飲品，一大樂事！套餐好大碗，份量夠晒我地食，反正女仔吃不多，材料豐富，有芽菜，生菜，腐竹，竹笙，墨丸，牛丸，魚蛋，豬潤，牛肉雞肉，豬腩肉，火腿等……清湯不油膩，不好辣者的選擇！米線不會過淋，隨餐有酸菜和炸醬，前者酸酸甜和，十分開胃醒神！後者味道還可以既。為清淡米線增加多些味覺上享受！木耳份量多到乜咁，食極依然仲有……麻辣又香，刺激味蕾結賬80元。價格合理

不知甚麼原因 , 有一段時間非常喜歡譚仔雲南米缐，尤其是那惹味的土匪雞翼，是每次必吃的小食。今天路過譚仔， 遠遠已聞到一股誘人香氣，但門外擠滿等位的人群，決定外賣一客土匪雞翼，回家慢慢品嚐。雞翼皮香肉滑，美味十足，配上黑芝麻，更加香口，而且雞翼毫不油膩，絕對是色香味俱備的美食。一客五隻雞翼， 轉眼間已吃光，原來要買兩客，胃口才能夠滿足。

相信大家一定唔會對譚仔感到陌生 估唔到耐無食原來真係會掛住（呢件事好少發生係連鎖餐廳身上）炸醬加腩肉一直係大家默認的最佳配搭 但今次就有少少唔同 揀左炸醬豬潤 另叫豬耳仔同細土匪 唔洗我多介紹 譚仔的食物品質不嬲都有保證 間間都唔會有太大差別 麵的粉量十分之足夠之餘 每一次比的配料（芽菜 腐竹）都唔少 誠意加哂分 絕對唔係想偷工減料 順帶一提佢個豬潤 食落無乜腥味／怪味 唔知係咪有特別的製作投巧呢炸醬！！一個字形容曬“世界級“我直頭覺得係譚仔的招牌菜 未食過千祈唔好同我講你食過譚仔 Btw 佢每次都比得幾多下 搞到我食曬d麵之後 要齋食炸醬（件事好似有d奇怪） 今次我個湯底特登叫左清湯 其實就係為左迎接個豬耳仔先講番個豬耳仔 咬落好爽口 味道幾好 初時見隔黎d人食 會好奇點解佢地可以食到咁辣 係！碟野望落似食完會噴火 但實情係 一！D! 都！唔！辣！！！！個辣椒油只係帶出少少咸味同令個豬耳仔好好味（真係好難形容個味 自己試啦xd) 至於點解係清湯 因為我有個朋友教落：叫豬耳仔再將d油點落個麵度 會好好食又比佢up中左 真係幾得意既！！！推介大家試下以上方法 個皮炸好脆 上面的芝麻

今晚Happy Friday. 和同事OT完唔知食乜？週圍D餐廳又排長龍。就唸住快快食完行陣街，所以揀左食「譚仔」。以前來過覺得坐得好逼，見佢裝修完重開，D位好似好D喎 ！所以來試一下。見menu又加咗價！食物如何？ 誰知~ 「涷擰茶」淡到一D茶味都無！好差！！淡到無朋友！2杯都係！檸檬重有D酸！唔掂！我叫咗「麻辣小辣湯配雞肉／墨丸」：** 叫佢走芽菜，來到係乜都走晒！只得2小塊腐皮，同待應反映，佢話幫我加返其他配菜，我說不用了，又唔知整幾耐？加完出返哩麵都淋晒了，不好食，費事。所以算了。** 墨丸好唔掂，以前都話似返粒墨丸，現在有7成似魚蛋多D！ （唯一比較好係個湯夠熱，夠辣）另一碗「清湯配魚腐／雞肉」同事說湯不熱，魚腐唔知係乜哩。於是我食了她一塊魚腐，食完我都唔知係乜？完全沒有魚味！另外佢個碗雞肉勁少得很！唯一比較正常既係「土匪雞翼」。但味道始終不及三哥。另外，見到中間右邊的前後4人位，打對面坐就好麻煩，見到個小姐要食食下企出來，俾坐裡邊個人行出來，先至坐返原位繼續食。

譚仔雲南米線在香港有多間分店，如果有留意店名，會發現另外有一間叫譚仔三哥米線，兩者本是同源，後來分家。由創辦人譚仔主理的叫譚仔三哥雲南米線，由譚仔妹夫打理的是譚仔雲南米線。每次在葵芳，想簡簡單單吃點的什麼，就會想到譚仔，而每次來這裡，四月男總會提起一件關於他的傷心往事...話說N年前，他一個人來吃米線，離去的時候，走到收銀處結帳，竟然發現帶不夠錢。在褲袋左尋右找，無論如何仍欠$1，當下他向收銀阿姐說﹕「唔好意思，我差一蚊，可唔可以轉頭返黎還返比你？」回應他的只是一個不屑的眼神，可以想像那一刻有多尷尬。結果他離開，然後再帶着$1回來，當時阿姐臉上錯愕的神情說明了我們很多時候都習慣以貌取人。譚仔雲南米線雖然是茶餐廳的裝修，但全店牆上掛滿了阿虫的畫，又似乎增添了一點文藝氣息。在學生時代，尤其喜愛他那句「不是沒有牽掛，只是提筆難下」。在這兒，這個「樣樣有齊米線套餐」是我們的定番，$46有齊17種配料，包括魚旦、牛丸、墨丸、竹笙、牛肉、雞肉、豬肉、腩肉、火腿、炸醬、酸菜、豬膶、芽菜、韮菜、腐皮、生菜及豆卜。當中丸類每款只有一粒，非常矜貴。墨魚丸味道鮮甜，口感卻稍欠爽彈。豬肉片最好味，肉味重之餘又

這天跟朋友去葵芳shopping~ 我們下班後便先去譚仔醫肚~每次去譚仔, 我都必食土匪雞翼, 這個才是整個晚餐的精髓所以米線我不會叫得多餸, 只會叫酸菜清湯米線~再加多一杯凍檸水~雞翼上場, 感覺這間有點失準, 雞翼大小不一, 有些不夠黑芝麻...有些局部地區燒焦了, 不過還算好吃~可能因為這店太多人所以質量便會有所下降, 希望下次吃會有所改進啦~

今日LUNCH夾唔岩時間, 得我一個孤獨仔食飯.....諗唔到食咩好,,,又係食番譚仔...上網睇番食評,原來好少人寫過關於呢一間譚仔既食評, 實在係唔知點解. 因為我真心覺得呢一間好食. 我叫左一個冬菇魚付米線, 一份土匪雞翼, 一罐可樂一個人黎食都唔會尷尬. 又平又好食, 絕對會再黎呀!!!

想食下午茶同細妹SHARE,就近近地去左呢間譚仔..以往係呢間譚仔堂食過唔少次...只可以講真係好一般~ 一般既服務 一般既價錢..不過20,30蚊都唔可以高要求得去邊..點知今次買外賣就出事，我買過橋米線套餐!!!縮哂水...我唔介意外賣貴一蚊,但個外賣縮水得好離譜,米線仲要得好少~外賣<--無下次

話說今日同媽媽去葵芳…見到有間譚仔心以為，譚仔應該唔會差得去邊，就帶媽媽吃啦之前吃過油麻地、太子、大埔、筌灣……點知，阿媽第一次食，就黎到呢間1. 炸醬豆卜米線(清湯)$25——阿媽叫的。炸醬比其他店為少，其他店就算是雙拼，都多過呢度。而且無咁香。2. 酸菜雞肉米線(清湯)$25——呢個就都差唔多。但配料分量都比其他店少(例如腐皮.)。3. 土匪雞翼(3隻)$15——之前大埔見同學食過，所以都想試下。點知，等到兩碗麵食完先黎到都算，可能即整會慢。但，一睇個樣，就樣衰過其他店果d好多…芝麻都明顯好少。一放上黎，香味無乜，記得上次大埔果間，果陣香味香到佢地食完先無架。味…好一般。唯一讚就是keep到肉汁，唔會乾。4. 凍檸蜜$5——少冰都好多冰。度度都係咁味，是全餐最正常果樣。以後唔會再吃這間譚仔…還是其他分店較有質素。土匪雞翼？下次去返其他店再試過。