譚仔雲南米線 (好爵中心)

營業中

休息中

呢間譚仔，以往一到午餐時間，必定人頭湧湧。所以比較鍾意係繁忙時段前或後光顧，避開人潮。以往一個人可以優先獲得安排坐位。以往門口有個非常醒目既姐姐負責安排入座。以往廳面每個店員都好似活力十足，快手快腳......以往近幾次再去，已經無需避開「繁忙時段」，因為睇來，亦唔太繁忙。一個人攞左飛，見到場內單丁位大把，而店外等候者亦只係三三兩兩，但就係要等。好不容易同個Ｄ兩人飛、３人飛、四人飛一齊叫號，終於叫到，可以入座，咪又係被安排坐係近門口個Ｄ單丁位。叫左確重慶酸辣豬雞米線 。自從某次同友人來食，佢叫左呢款酸辣試食之後，清湯已被排在第二位。又酸又辣，的確過癮！雞肉豬肉水準亦與從前相若。廳面服務，真係一大問題。唔知係咪被收購後架構上有咩重大改動影響到前線員工士氣，好明顯店內侍應數目比以住少好多，亦無咁積極。一間餐廳要成功，環境差可以係出品及顧客服務方面補救。出品未能做到鶴立雞群，亦可以通過定價吸引食客。但若然顧客服務方面變差，衰落既喪鐘就敲響了！畢竟係附件，食肆林立，貼錢買難受之事，唔係太多人願意做。

譚仔係香港人美食， 每次諗唔到食咩就會食米線。佢個土匪雞翼都係必食。今日入到葵芳呢間譚仔，發覺 佢比一般分店少d , d 餸無咁滿， 連芽菜都唔多。好似縮水咁。可以都係食返其他分店好似掋食d.

今日又同同事食譚仔但今日兩個人食，所以叫咗個套餐！仲叫咗青瓜同雞翼！我第一次食青瓜估唔到又幾好味🤣🤣可能酸酸尾尾夠開胃！🙈🙈🙈我以前試過一個人食哂個套餐😂😂😂😂😂😂所以我同事驚無得食，叫多兩個餸！😍😍😍今次等位唔耐，原因係我用網上App預先拎位😂😂😂😂所以唔準時出去都唔駛等就有得食😂😂但如果等得耐真係要催，因為太多人甩單都不足為其！掛住食同傾計遲咗返公司...

一點鐘去到譚仔已經人來人往高朋滿座， 呢間譚仔坐落於葵涌，附近有好多學校所以都幾多人。今次點嘅係麻辣 重慶米線，配嘅係墨魚丸再加炸醬。味道 還可以另外加配咗皮蛋， 其實皮蛋嘅味道同重慶麻辣係一樣 ，米線都嘗算大碗嘅 作為一個lunch一定夠飽， 呢間譚仔同其他地方嘅男仔水準差不多，不過太多人，好彩而家去譚仔食都可以電子攞飛， 可以減省好多等候嘅時間， 上菜嘅時間都算快, 環境一般，始終譚仔 地方 都係比較狹窄, 不過作為一個快飯地方佢都算係可以的 ，下次會再幫襯。

一點鐘呢d放飯時間，兩條友搵地方食lunch，周圍都咁多人，譚仔竟然唔駛排隊，叫個過橋米線乜餸都有唔駛煩，估唔到除左三x，佢都有蕃茄湯揀，味道同三哥唔同，呢間濃郁啲，仲叫左個蒜泥白肉，但個汁就無三x 咁好食。

當一個人揀食咩lunch，又唔想點等位，去譚仔都係一個首選。 每次都係食魚蛋米線十小辣， 今日仲特別叫咗個四川青椒皮蛋同土匪雞翼。 講番個米線先，魚蛋好彈牙，好爽口， 魚蛋好有魚味 ，個湯底好有麻辣嘅味道。 因為我唔食得太辣所以叫咗十小辣。 土匪雞翼夠香口，仍然保持到水準。皮蛋係我最鍾意食，唐心蛋仲有勞埋啲辣椒油一齊食

老早以前舊公司開始，經常吃譚仔，貪佢唔貴夠飽肚。每一次叫譚仔都不外乎個幾味餸，例如牛丸、炸醬、雞肉等等。譚仔比三哥多了的是少米線可減一蚊，每次都會選擇少米，反正最後都吃不完。清湯是我必然的選擇，只因不敢吃太辣，亦掌握唔到自己適合吃多辣，曾經試過小辣已辣到飛起今次依舊是清湯雞肉加炸醬走韭芽，雞肉份量算多，不過不算滑，至於炸醬分量一般，始終不夠單點的多，味道不會太鹹，拌米線非常好吃！一般吃法我都是米線加上少許湯底，這樣吃除了吃到湯的清甜，還濕濕口，唔會太乾。

今日去左葵芳地鐵附近間譚仔，叫左碗過橋米線，配清湯。碗米線足夠2人食，超大碗，多款餸。煵肉最爽口，雞肉豬肉都好。湯低夠鮮魚味，杯奶茶都幾好。如果呢碗米線做細份D,收番30多元一碗就好好多。應該仲會多人食。

係葵芳睇完早場後，就隨意地係附近食lunch醫肚。講到平民飯堂，首選自然係譚仔米線。呢間譚仔既位置都幾方便，地鐵站轉角就到，仲要唔洗等位。我地有技巧地分別叫左過橋米線，再另叫一碗淨米線。咁樣唔單止可以食均晒所有既配料，而且份量對兩個人黎講岩岩好。今次我地都作出左一個新嘗試，叫左2小辣，對於少食辣既我地黎講都算係一個小挑戰！另外，我地都有追加一碟皮蛋，味道香得黎又唔太辣，絕對適合所有唔食得辣既朋友，價格合理。譚仔絕對算得上係香港人午/晚餐既平民首選，味道唔會差得去邊，同時價錢亦都唔會貴得去邊。

放工放得遲，自己一個最快最能找到位子的非譚仔莫屬。簡單地只點了一種配料，墨丸配清湯。平常中午時段不太餓情況下會叫小米線，因可以有一元折扣優惠。米線不過不失，湯底顏色呈現奶白，但明顯米線與湯沒有太大的配合。米線顯然並沒有完全的浸透，吃起上來沒太多味道，基本上份量還是可以的，整體味道還好，以這樣的價錢當然不能要求做出高質素。每次吃完這間米線後，都會感到異常口渴，今次也不例外，這現象應該是食物下太多味精所致。但作為晚餐價錢來說，已相對便宜。

今日lunch同同事去食我最鐘意既'譚仔'❤️❤️我地3個人因為比較早去，所以唔駛等位，就直接入咗去坐😎今次我食咗墨魚丸炸醬酸辣米線，同埋叫咗個蒜泥白肉，飲凍檸茶✌🏻️✌🏻米線煮得啱啱好，唔會太軟身，酸辣湯底酸味啱啱好，呢間米線配菜好似特別多，墨丸真係好正，好有口感亦同肉醬米線個配搭好夾，肉醬都有小小辣，但呢間好似比較細碗肉醬🙈🙈個蒜泥白肉我個同事叫咗多蒜，佢整得辣中夾蒜，肉亦切得好薄，食到停唔到口🤐🤐凍檸茶就好正常，系有少少唔夠凍🙆🏼🙆🏼

夜晚去到譚仔，發覺太多人，所以決定外賣番屋企食。我叫左炸醬雞肉酸辣米線。我之前食過麻辣既中辣，但發覺都係酸辣最岩自己，酸酸地感覺好食好多。外賣盒原來會分開兩層，上層係米線，下層係湯底，唔會怕d米線浸到淋曬。D米線夠彈牙，我個人唔鍾意太軟既米線。炸醬依然咁好食，甜甜地。湯底唔會太辣，而且辣中帶酸，食落好開胃。反而d雞肉實在麻麻地，好似有少少怪味，我食左少少就無食d雞肉。

人生若有一個肯陪你吃譚仔的人，肯定與你十分親近。她不介意這食物是否昂貴，地方是否高級，願意和你一個套餐兩個人吃，是一件幸福的事。很久沒有和兩個好知己見面，第一次三人聚首於譚仔，閒話家常。套餐的味道依然不變，變的只是價格。$50可以二人分享，這價格，在這物質高企的社會，哪裡還可以找到？豬膶依然香軟不騷，墨丸依舊彈牙可口，豆卜清而不膩，腩肉的鹹香結實質感，依舊是我倆的最愛。說起蒜泥白肉，不得不敬佩廚師的刀工，如何可以切得如此薄而不爛？入口味道有點似火腿，辣油配蒜蓉，重口味但配上清湯米線，中和了不少。一小時過去，滿足，開心.....

經過連續幾日的大喝大吃後,今天午餐想來個算是清淡的來中和一下!以在公司附近位置既方便又保持一貫水準的就即想到譚仔米線!說行就行,來到葵芳地鐵站附近的這間店子,由於剛過了中午12點一些,所以人流不算太多,很易找到座位!坐低後,略略看看餐牌都沒有改變,就點了墨魚丸豬膶米線;等了五分鐘左右一大碗尚算熱騰騰的米線就送到面前:最為人所津津樂道的湯底,在如此大量供應下依然保持著"鮮味",實屬難得!至於墨魚丸依舊是爽滑彈牙,而且在加少許辣椒油提味後,更覺鮮甜;豬膶味道與口感亦不俗,而且僅僅到煮熟的程度,控制得剛好,突出了爽脆的口感;米線就是一貫的樣子,介乎爽滑與煙韌之間,極合乎我的口味也!簡評此餐,甚是標準化口味的米線,每次吃起來就是很熟悉的感覺!而飯後水杯指數(食物調味輕重度,5杯為最重口味),本人給予3杯,或許是湯底太"鮮味"吧!

d食品每況愈下，士匪雞翼一點也不脆、無味，d牛丸成份唔知有幾多是牛，魚片頭愈來愈薄及無味，湯底的成份不知是什麼，愈來愈怪，真的比以往更難食，d員工好懶散，服務態度唔得。