譽居

營業中

休息中

叫個油菜加碟魚鬆炆米，等足半個鐘，叫侍應追下，再問佢追左未？可唔可以出碟油菜先？佢仲話：又唔係我整！人唔多，等咁耐，追下都要受氣，幾好食都假，況且質素一般，以後唔會黎！劣劣劣！

一起身就好想食雲吞麵就走去青衣食野，平時我好驚出面好多雲吞麵都非常大陣堿水味，好攻鼻之餘仲大大影響雲吞同麵既味道。我覺得譽居既雲吞麵算係合格，麵非常彈牙，而且堿水味唔太重（要求外面既雲吞麵完全無堿水味係無可能架啦，所以佢都算合格啦），不過雲吞就過於普通，雖然皮整得非常薄，而且味道適中，不過口感欠奉，裏面餡料同蝦唔太彈牙，有待改進。我仲叫左碗肉丸粥，粥底本身煮得唔錯，綿綢得黎可以見到都幾多米粒係裏面，另外個肉丸普通，味道偏淡，如果口味比較清淡既朋友都係一個唔錯既選擇。整體黎講價錢中等，不過不失。

今日同同事一行七人去到好多地方都冇得食，周圍都爆晒，竟然去到這間仲有位當然即時入去食午餐啦，我地食過覺得其實都吾錯味道，而且價錢合理，佢的午餐牌原來不定時會轉，今次我地6個人竟然都係想食同一款，京都排骨（我記得六十二蚊左右）！～因為我地之前食開佢地的豬扒係十分好味道，夠厚之餘又有肉味，吾會得個鞋同冇味。而今次我地叫的京都排骨就更多左酸和甜味，份量又多，再加一個大白飯其實我地女同事黎講係食吾晒。仲要有例湯添，不過今次的例湯就偏淡有點失望。而最後一個同事食燒味飯都係四十多元，價錢吾叫十分平，但燒味肉，义燒肉質瘦肥平均又吾太多肥膏，味道夠又香，吾會鞋同加左豉油飯同事話十分好味又吾咸。係一個多選擇而價錢合理在青衣城的餐廳。>

由於番到青衣已經10點,間間餐廳都CUT曬ORDER,但我同朋友又好肚餓想搵野食...點好呢,吾通真係要食M記?不死心地行曬咁多間,由3樓行到落G樓!!終於比我地搵到間門外貼寫有宵夜GE中式麵館,咁岩我都想食番D有湯GE野,就入左去.平時好少黎衣間到食,因為食物冇咩特別,但價錢就貴貴地,而且個冷氣經常都好凍.唯一優勝之處係通常都吾洗等位.仔細一睇個餐牌其實又吾係樣樣都貴GE,叫左兩碗野,一碟小食,牛肉河(朋友的),雲吞麵(我的),手撕雞(share食).不過不失的 雲吞河,d面都ok,吾太硬,冇難食ge鹼水味.個雲吞都吾太差,皮薄,都有大大粒蝦.我比較欣賞佢個湯吾算太咸,至少我食完之後冇係咁飲水止渴.衣個份量我食得曬,幾好.牛我吾太好,所以冇食到.手撕雞令我同朋友都吾係太開心.因為佢有西芹,而我同朋友都吾食.真係吾知原來手撕雞係會有配西芹衣個食法...搞到我地千方百計挑d少得可憐的雞肉出黎每人食得個兩三條...d辣就吾會太辣,我覺得ok ge.凍檸茶好好飲,個茶吾會太澀,檸檬都有幾塊,夠酸.真係吾知點解.永遠都係同桌叫凍檸茶,我自己吾會叫,但就會搶對方個杯黎飲...係一直都覺得自己吾會

一直對它的及弟粥都很鍾情。最近午市食了個小菜套餐，椰香茘芋鷄加老火湯，非常失望。個青紅羅蔔豬骨湯老實說是咸滾水，冇料就多加些鹽。碟椰香茘芋鷄就共有六塊雞，其中有兩塊鷄翼尖和一大塊鷄頸，味道也是得個咸字，回家一個下午飲了很多杯水，失望！

價錢有不同選擇，味道質素都好味譽居都係我地既飯堂，因為12點去到吾洗訂座可直接去夠方便（每次8-10人）。今日去既時間再看午餐餐牌更新了。同事最愛椒鹽豬扒冇左..唯有食新野。而我因為成日周圍食野咁滯，所以今日食清一點先...A2 荔灣艇仔粥$34：粥方面吾叫好多材料，但粥都夠綿，吾太咸，食落味精不多。整體味道吾錯。套餐加六蚊豉油皇炒面$6：不太好味，煮得太淋同好多爛而難“甲“，顏色和味道淡，差不多沒有配料有點失望。佢既$62Q版套餐送湯更為吸引，原來食滿$150用恒生仲有9折。

青衣城係返工地方最近的商場，我地差不多食晒全部餐廳。就係這間未食過，見到門口午餐都係講緊＄60左右，所有找了天一行八人在12:20到達在不用等位情況下開餐！～茶芥每位＄3如小菜餐會有湯和飯，如果其他就要加大約＄6左右可選擇湯或飲品。炒面，腸粉之類都有都係大約加$6-9就有。有粥粉面飯咩都有，我地一行八人都叫了不同，大約問左同事食完意見：椒鹽豬扒都話好香口吾油好味道。燒味飯吾多肥膏义燒，醬汁好味，女同事最後食晒所有白飯。豉椒牛肉炒河：豉椒味重但吾咸，各款椒熟得剛剛好，好香口同脆口。牛肉吾會好硬有牛肉味。份量都夠有飽。皮蛋瘦肉粥（＄32)：煲得都好綿身，配料多同瘦肉係有用鹽俺過所以有少少咸味，份量都大。食完都不用加腸粉之類，一個女仔已經足夠。

第一次幫襯，叫咗碗自選2餸粥，同麻辣手撕雞。 麻辣手撕雞唔麻唔辣=0=，反而似泰式醬，而且雞絲好少，西芹佔85%。凍奶茶少甜仲係好甜...下次要叫超超少甜xD，但有茶味，還可以。最後個自選粥，粥好綿，好傑，抵讚，有薑絲，食完夠晒飽。

打工仔們熬過漫長的三月，期待已久的復活節終於來臨，實在令人興奮雀躍！難得五日連假，每天我都為自己的行程安排得滿滿；遇上好天氣當然要把握機會郊遊去，出發前吃個豐富的早餐為待會兒的勞動作準備。在青衣城不想吃快餐式的早餐，就只剩譽居可選；早上十時多抵餐廳，店有八成滿，兩個人被安排到四人卡位就坐，空間感十足，好不舒適。早餐至十一時半仍有供應，肚餓得很的我倆快快手點兩個早晨孖寶(粥＋小食)互相分享。粟米肉粒粥 $26今天我不想吃皮蛋不想吃豬皮不想吃內臟，粟米肉粒可算是云云選擇裡稍為健康的一個，粥底綿滑有米香，鮮黃色的粟米爽甜，可惜是那經鬆肉粉洗禮的肉粒，帶點肥又幾乎無味道，不喜歡。牛肉肉丸生滾粥 $32即點即做的關係，等了好一陣子才上桌，想起要拍照時也為時已晚哈哈！帶淺啡色的粥底多了一份鮮甜味，牛肉軟淋但肉味略淡，三粒肉丸好像縮了水，外型小巧，爽滑彈牙味亦討好。豉油王炒麵 (早晨孖寶)點了以後才知原來男友和我都根本不愛炒麵，好一個美麗的誤會。炒麵配料就只有面頭的幾條菜絲、蔥絲，幸好麵條不太油，淡淡地送粥也不錯。蔥花炸兩腸 (早晨孖寶)炸兩是我吃粥時的良伴，這兒配粥就只有約半條油炸鬼的份量，自己一

青衣城食肆時時旺場...唯獨...譽居...門口唔見有人等...間間要等位...譽居竟然可以即時入座...唔想等...咁就即入啦...計茶芥...咁就飲啖茶啦...店內可能人唔多...相比茶樓清靜好多...不過...點心就久奉了...一碗粥配一個小食一 SET ...兩 SET ...粉腸粥粥底綿...粉腸食落唔覺有腥味...GOOD...皮蛋瘦肉粥就普普通通啦...油炸鬼睇落唔太見得人...不過...食落就脆卜卜...咁炸両中間的油炸鬼呢...同樣脆呀...不過...包住油炸鬼的腸粉唔夠滑...加配一個魚蛋麵...埋單一百零七元...我覺得價錢不過不失了...偶然唔想等位...我會再去...

多年前，曾在現已結業的「譽居」尖沙咀店吃過它特別推介的「橫行膏蟹砂鍋粥」和「名人蝦子撈麵」，印象不差。數日前，在青衣城閒逛過後，到了下午茶時間，來到這間「譽居」青衣分店，吃的仍是這兩款粥麵孖寶，可惜，這次的感覺卻大不如前。先是「橫行膏蟹砂鍋粥」（$38），份量確是不少，大大鍋的，已斬件的膏蟹雖然並不大隻，而且不單蟹肉不多，就連蟹膏也不多，但這大鍋蟹粥無非賣三十八元而已，還是甚為抵吃的。不過這粥的質感太稠，吃來漿口得很，要是與稀冷冷的粥相比，絕對是犯了過猶不及的毛病，並不理想 。再是「名人蝦子撈麵」（$22）。這蝦子撈麵與哪位名人有關我並不知，但這撈麵麵質太乾，乾得只可以大量的撈麵湯來把它浸軟才比較方便入口，實在差勁。加上蝦籽份量不是那麼多，這所謂的「名人蝦子撈麵」絕對不及格。幸好這次幫襯，我還在下午茶的食品選擇中叫來很久不曾吃過的「蜆芥鯪魚球」（$26） 吃，水準不錯，算是挽回多少分數。這「蜆芥鯪魚球」一碟五粒，外皮炸得香脆，裡面又夠熱辣，蘸點濃冶的蜆芥醬吃，惹味得很。要是甚為喜歡吃「蜆芥鯪魚球」的爸爸來到的話，一定十分高興呢！這次再次幫襯「譽居」，既吃了不濟的粥麵孖寶，也吃了不錯的「

途經青衣，商場內的食肆均高朋滿座，唯獨是這間不用等位！羔蟹砂窩粥甫上桌，羔蟹粥粥底不夠黃，証明蟹羔用料不夠，雖然用砂窩端上，但並非代表用砂窩去煮，呷一口粥沒有燙口感覺，粥不夠綿，較為遜色！蝦子撈麵蝦子的鹹香比想像中少，鮮味欠奉，麵身較乾而且沒有蛋香，不吃也罷！怪不得這間食肆不用等位，中伏了～

下午到譽居吃飯。服務員安排得宜，很快卡位坐下。枱面整齊，服務員放下餐牌便離開了，忘記了上茶。提了服務員2次，約15分鐘后才上中國茶。落完Order後，餸菜約10分鐘左右送到，意外地快速。其實餐牌價格偏貴，有10%加一收費，但份量小，味道也令人失望。

去青衣城睇完戲後，因時間都好晏la，所以就o係戲附近是旦搵一間又未收o既野食，見到呢間話11:30先last order，就入去試下啦，環境其實唔錯，有d古色古香o既格調，佢食o既野都係中菜，粥同麵係主打，不過唔知係咪宵夜時間，所以要叫先識得比碗碟，但仲要係崩咖喎。咁叫左幾樣野，最普通o既白粥原來係最好味，夠綿夠滑，之後果幾樣真係唔好睇更加唔好食，淨係講燒肉，舊舊都勁多肥膏，都唔知點食，芬蹄還可以，不過都好難唔好食，但海硩o既味道就好怪，唔識形容o既怪味，不過我應該唔會再比機會呢間，因好少會入到青衣城睇戲!

同阿E去食飯，例牌就是去青衣城，今次揀了譽居。我到埗時，大家已經點好菜，坐低馬上有得食。先有燒味，係叉燒燒腩仔雙拼，前者切得較薄，卻幾鬆化，有點蜜香。燒腩仔至少皮脆，帶點咸香。仲有豬手和牛筋腩，前者腍身，膠質幾重，唔錯，但牛腩就實在韌得離譜，我試了兩件，亦無法吞下，大為浪費。想不到炆冬菇的份量咁多，隻隻厚身又入味，是全晚最好的。通菜炒牛肉，上來的通菜都已變黃。怕唔夠食，又來炒河和星米各一，乾炒牛河無厘鑊氣，星洲炒米又是毫不惹味，蝦肉更是完全沒味，兩款都強差人意。埋單每人平均一百有找，算是幾便宜。