讚好台灣

營業中

休息中

紅磡的小店，台灣食店。台灣讚好。有台灣的味道，有台灣的格調。已聽過無數的人說這店的食物非常好味，出色！ 係好值得去試試的🤔。 但每次都見到好多人在門外排隊。食好野就要等等！今日，去左幫襯。我叫左個午餐，鹽酥雞肉燥客飯。 鹽酥雞👍👍👍！ 脆口，不太油！肉燥汁送飯一流！台灣人注重蔬菜，所以客飯中會配一些蔬菜。食得健康！ 飲品叫左凍珍珠奶茶，珍珠軟硬度適中。奶茶味真不錯！特別喜歡店子的外賣盒，非常有台灣的感覺。紙盒包裝，唯獨比較細盒，恐怕未足夠香港人的食量。😄

思鄉時不妨食下的台灣菜~~疫情影響久未「回鄉」，今次懶得自己煮，就去讚好台灣食下「家鄉菜」。今次嗌左路邊攤拼盤、豬軟骨同牛腩便當。拼盤份量ＯＫ，但台灣腸略少得4塊，但鹽酥雞好夠脆，啱啱炸起熱辣辣，好食。花枝丸有魚味好彈品，似台灣的味道啊！豬軟骨同牛腩、蘿蔔都唔錯，都夠淋同入味。其中最鍾意既係蘿蔔，吸晒啲腩汁。但呢2個主食都唔係啲會覺得好特別／非食不可既野。而且諗左好耐都未明，點解大家都係便當，牛腩果個好似少個小菜咁既XＤ？？不過總括黎講，思鄉又唔想自己煮既時候，都係可以止住渴先既。

作為街坊嘅我，留意自己嗰區有啲咩餐廳🍴好食。呢個「讚好台灣」台灣已經有店舖，之後喺香港開咗第一間海外分店。以前只🉐️一間鋪，當生意上咗軌道之後，擴充埋隔離鋪位之餘，仲重新裝修....咁多年以嚟食物質素一樣咁有水準除咗珍珠奶茶🧋、新竹米粉絕對係台灣食物代表之一⋯⋯d米粉好幼滑、爽口，最正嘅係麻辣湯底，嗰陣香味，係忍唔住要飲曬成碗湯⋯前菜，我選擇左麻辣牛肚絲⋯⋯配一流⋯⋯另外，佢哋嘅鹽酥系列食品好值🉐️推介比大家去唔到旅行🧳、又唔想staycation,支持一下小本經營餐廳，當自己去咗台灣

Taiwanese marinated meat and rice bowl 家鄉滷肉飯 🥢$40 (配夜市小香腸、逢甲鹽酥雞、滷蛋) 下午茶時段真係好抵食，雖然滷水汁唔係好夠，但飯用咗珍珠米同夠煙韌🍚，鹽酥雞炸到好脆🍗，滷水蛋入味得來唔算太鹹，整體來講性價比算高如果另外轉飲珍珠奶茶或者其他特飲，到時係加$7咋，超抵飲啊，仲有得揀甜度同埋落幾多冰勁貼心平日嘅晏晝時段幾去人唔算太多，都唔駛等位，有機會去開紅磡開會再試

經常經過依間餐廳，都有好多人排隊等外賣，放假黎午餐，十二點左右，唔使等位😊😊原來飲品有優惠價，只需要加$10。香酥排骨飯排骨炸粉幾好食，不過前後兩邊都有骨，食嘅時候要小心啲🤔🤔肉比較實，都要慢慢咬。中間嘅白飯，形狀好得意，唔通係台灣形狀😄😄用上了珍珠米，粒粒口感都好好。飯上面有肉燥，份量都OK多，不過味道就比較淡，所以好快就將其他配菜都食晒。我覺得配菜份量可以多番少少，因為佢哋嘅配菜都比較淡口味。放假飲番杯珍珠奶茶，放鬆晒😊😊

《💛紅燒牛肉湯麵》🐮呢度嘅所有湯麵都有3款嘅湯底可以選擇，有鮮蕃茄湯、牛肉湯、同埋麻辣湯。小編就揀咗最正宗嘅配搭，牛肉湯配牛筋腩。牛肉湯味道非常濃厚，雖然有啲油但不會覺得膩，蔥蒜味突出，同時帶能出紅蘿蔔嘅甘甜。牛肉看似用牛肋條多過似牛腩，因為比較瘦，毫無肥膩感，肉質炆到好腍好入味。滑溜溜牛筋入口即溶。《💛鹽酥雞湯麵》🐥🍅小編揀咗蕃茄湯，湯底都幾濃，有啲鹹多過酸。鹽酥雞有六舊，炸得夠酥鬆，粉漿冇好厚，略嫌唔夠熱(可能唔係即炸)，味道正常發揮。跟主食+$10可以有珍珠奶茶，味道正常偏好，小編都成杯飲晒，呢個價錢可以接受。整體來講，餐廳都係街坊價，食物質素唔差，值得一試。

依條街可以講係紅磡嘅食街，要係到屹立不倒咁多年，就要做到四個字：價廉物美。下午茶時段來，tea set 只係$34起，有一個主食，三個小食，加熱飲。落完單很快成set就連餐盤送上, 主食揀咗鹵肉飯，鹵肉用了半肥瘦的腩肉，煮得非常入味，砌成mini size, 連埋肉汁，其實已經可以成碗飯食矖。小食揀咗炸豆腐、台灣腸同鹽酥雞。要講最有特色應該係炸豆腐，炸皮加左好多木魚碎，上面加上甜酸醬同青瓜絲，未食已經好開胃，咬落又有炸皮嘅脆口，又有豆腐嘅嫩滑！台灣腸同鹽酥雞都不過不失，只要夠熱好難唔好食。之於跟餐奶茶就麻麻地。

今日同閨蜜去黃埔行街街，來到這家叫 「讚好台灣」餐廳，突然非常掛念台灣滷肉飯同麻醬麵，剛好係下午茶時間，一於入去先食飽飽再行街。店舖光猛佈置文青，就是逼了一點，如果空間位多少少就好喇！下午茶 A + B + C抵食啊！先選好食飯定食麵，再選三樣餸，再加一杯飲品👍🥢套餐配熱飲 $34我的麻醬乾麵配鹽酥雞、木魚炸豆腐同半隻滷蛋😋麻醬好香麵底有醬油，撈勻後大大口超好食，麵條軟糯帶點彈牙有嚼口，鹽酥雞入味且酥香，豆腐配以木魚絲味道不錯👍，滷蛋略為乾身。🍵配健康熱飲，熱檸檬水🥢套餐配凍飲 $37閨蜜的家鄉滷肉飯配鹽酥雞、台灣小香腸同青瓜青瓜爽口有蒜蓉香。讚好👍

午饭时间没有特定的吃饭地方，在红磡随便走了一下，看到哪家吸引就吃那家。在赞好台湾的店前站着不少人，都是排队轮候进店的。看到店面也颇为新，也没有怎样考虑就决定在这里吃午餐。大概等了5分钟就可以进内了。餐牌比较吸引，图文并茂，看到了就有点心动，价钱是一般般，没有离地。看过图片后可以在专用点餐纸上选自己需要的东西。不用太久，东西就端到面前。这款干伴面与盐酥鸡分开上，总共不到十颗炸鸡。鸡粒吃下去没有什么特别，除了刚炸完的香脆，并没有盐和酥的感觉。 另外伴面的质感较糊，不够爽滑。与肉燥混着吃有点咸，吃完有点渴。看到很多人点牛肉面，看上去卖相不错，下次可以试一下。

黃埔📍抵食台灣下午茶自從轉咗online之後都好耐冇食到讚好😌今次難得有機會出開嚟🦦係時候要懷緬吓～～下午茶時段真係super抵😚一個主食+3個小食+飲品都只不過係$34蚊！轉凍飲就要+多$3麻辣擔擔麵夠哂麻唔太辣啱哂我🌸味道上全部都好好！好夠味🤤小食分別係：梅粉甘薯炸豆腐鹽酥雞My fav is炸豆腐🤤～個汁好好食！like it!! 💯 讚好台灣 (紅磡)地址：紅磡湖光街1-7號聯成大廈鴻運閣地下13及14號舖下午茶時段：1430-1800

之前小弟經過呢間餐廳幾次都見到排晒長龍！難得呢日中午時間居然唔使等位嗱嗱臨入去試吓先😂入面舖頭唔算大，加埋枱與枱中間嘅透明膠板其實都有啲逼～由於係中午時間又係平日，所以可以試吓佢哋嘅午市套餐😆款式都幾多，有飯有麵，仲包埋嘢飲👍🏻👍🏻小弟就揀咗牛肉麵，屋企人就揀咗滷肉飯😋見到呢個名有少少淆底😂之前成日聽啲人講喺台灣牛肉湯麵係冇牛肉嘅，只係一碗麵配牛肉湯😂😂如果係要有牛肉嘅就要叫牛肉麵～小弟於是喺個Menu度睇佢係冇一個item叫做牛肉麵，所以叫呢個應該冇錯😂😂個湯底味道都幾濃，但係又唔會太咸👍🏻啲牛肉份量唔係太多，但啲肉質好林好滑😋😋麵條方面佢哋用嘅係幼麵，比較特別，睇落有啲似公仔麵，食落去就有少少似上海麵～餐飲方面我哋就加咗$4要咗杯熱嘅珍珠奶茶！糖係可以比你自己落嘅，但係飲落去茶味唔香有啲淡😕杯珍珠奶茶試一次就夠，下次可以唔使加錢飲其他飲品😌

-平時Lunch時間路過真係好多人排隊🤩今次要係Tea time 時間去食😜Tea set 都幾抵食，價錢係$34起～一款小碗 飯/麵，三款小食和一杯飲品😎-小碗 麻醬乾麵🥰($34)鹽酥雞｜小香腸｜椒麻牛肚絲個人好鍾意食麻醬乾麵🍜麻醬味好香🤩而點左其中3款小食🙌🏻款款小食都好吸引鹽酥雞好香脆╰(*´︶`*)╯♡而椒麻牛肚絲有點辣，好淋幾入味✌🏻好惹味(*´∀｀*)-小碗 家鄉滷肉飯🤗($34)鹽酥雞｜木魚炸豆腐｜甘梅脆薯滷肉飯的醬汁偏少(・∀・)味道都不錯👍甘梅脆薯同木魚炸豆腐都好好食😎必食👄幾鍾意小食🤤-台灣奶茶（＋$0）不過不失，正常味道🧋-Name🏠: 讚好台灣 Zanhao TWLocation📌: 紅磡湖光街1-7號聯成大廈鴻運閣地下13及14號舖（港鐵黃埔站 B 出口, 步行約4分鐘）價錢💰: Tea set（$34）

紅磡近黃埔區，成條街都食肆，呢間台店居然分兩個舖位營業裝修有味道，用木系風格，木枱木櫈木窗框，加埋送餐木托盤招牌大大個，有時人龍都長，好彩今日門口得4個排緊，後來越食越多人等位小食鹽酥雞 ＋$20午餐加配，份量OK，炸得外脆內軟，不過爭少少調味鹽酥排骨定食 $48排骨比較薄身，炸皮甩皮，同樣爭啲調味。。。飯太多，佢為左做個台灣形狀比左碗半飯咁多，我只係食左一半，隔離仲有醃菜，係醬茄子，菜脯同幾條菜，份量十足，味道要改善肉燥飯定食 $45肉燥份量多，而且好漿，呢個味道反而好夠，肉燥有部分係肥位，同埋少量皮嘅豬毛未去得清，飯量都係多左啲。。。至於跟餐杯灣奶茶可以接受，凍飲會好飲啲，否則我都係鍾意港式奶茶多如果唔係行經嘅話，唔需要特登黎試，唔係話好特色，亦唔係好好食，只係一般水平，正常發揮，老實試過就算，同價我揀返去茶記食更好

之前多數叫麻醬乾麵！今日試吓佢嘅擔擔麵原本以為係湯麵！但原來都係撈麵鹽酥雞-唔太熱，牛肚絲-微辣要嚟送麵，木魚豆腐-都係唔夠熱，豆腐夠滑仲有啲青瓜絲熱檸茶-夠濃

今日又約左喺紅磡返工嘅老友食晏，今次試呢間讚好台灣，其實我覺得香港啲台灣餐廳，間間啲野都差唔多，今日呢間都唔例外喎午餐佢有張紙，食咩自己寫，選擇都算多，都係香港台灣餐廳常見嘅餐點先黎野飲，凍同熱嘅珍珠奶茶，我老友飲熱，我覺得熱嘅珍珠奶茶怪怪地我杯凍嘅唔錯喎，唔太甜我老友叫嘅滷肉香酥排骨便當，個飯係用珍珠米，排骨其實應該係豬扒，粉唔會太厚，肉唔會太薄身我就叫牛肉麵，有舊牛筋，其餘都係肉，冇咩特別囉，個麵好似啲日本拉麵咁，個湯正常，係牛肉湯嗰隻味肉都淋，有牛味嘅都加$20有小食，揀左鹽酥雞，啖啖肉，香口依家香港大眾化啲嘅餐廳，食個晏都係咁上下價錢，呢間ok嘅，可以試下