讚記廚房 (已結業)

尋日冬至日，諗住去酒樓食一定貴，於是試下去呢間叫小菜，屋企人之前食過話都 ok. 咁就一行五個去咗呢間叫小菜，叫咗 4人套餐，4餸1湯及4白飯再另叫多兩個小菜，試過個黑椒牛仔骨幾好食，半隻白砌雞都唔錯，海鮮雜菜煲唔錯，京都骨都 ok.只係散叫個枝竹大善煲就細煲 d , 仲要 $128. 其他嘅餸都 ok. 埋單 $554. 唔使加一或茶錢，咁都算抵食. 下次有機會會再食過.

這裡也是我其中一個街坊飯堂，有時一曰三餐在此攪掂，我最喜歡的早餐是肉燥米缐，雙蛋，牛角包及熱飲，水準也可保持晚餐則時好時差，星期三叫了一人套餐，有湯，主菜，及飲品，叫了枝竹斑腩煲及梅菜蒸肉餅，很入味，份量很足夠，飯後還有甜品送👍但昨晚時間一樣，叫同一樣的食物，但湯來是暖的，但不熱，班腩煲則淡而無味，蒸肉餅勁咸，水準可以咁大分別，我又要停一輪先再去試😞

很久沒幫襯讚記， 外賣兩個餐漏左d野都算， 倒湯落碗麵之後有驚喜， 張外賣單係湯底， 浸左咁耐d 墨水都應該luk唔少， 好肚餓， 勉強食左。 無辦法， 可能睇唔到果d我食左好多， 唯有降低要求， 或少食外賣。

我好鍾意去茶餐廳，價錢實惠選擇多，有時仲會有驚喜，好過去西餐廳。茶記特餐有龍蝦湯意粉仲要配牛角包，係咪有驚喜呢。每片鴨胸肉既邊邊都圍住少許肥肉，入口嫩滑，仲散發出少許煙燻味，配埋鮮甜既龍蝦湯，雖然大大碗非常有份量，但我竟然可以食晒！牛角包賣相一般，但入口鬆軟。口水雞辣中帶少麻，醬汁夠多，雞肉夠滑，而且肥瘦適中，最最最重要係件件雞都連皮架。BB鴿食左半隻先記得影相，無辦法啦，一上菜果陣燒乳鴿既香味太吸引喇，緊係忍唔住食左先...皮脆肉嫩又多汁，好有水準，非常推薦。

呢間餐廳逢下午茶時段就漏單有一次叫了一個炸雞脾薯條餐外賣，之後漏單，要等成40分鐘第二次叫了個福建炒飯，又漏單，都係等成40分鐘，甚至個炒飯炒得唔均勻，有白飯......下次唔會再幫襯佢下午茶.....

星期六唔想出去太遠食午飯，又唔想自己煮，最好梗係落街附近食個快飯。我就去左街坊食堂讚記度醫肚。我地叫左鮮茄蓉焗豬排飯 (HKD 48)同埋白汁焗海鮮飯 (HKD 48)。呢兩個午餐係會送兩碗例湯。兩個飯都係屬於分量大既，個塊豬排係超級大塊，勁抵食，不過啲飯同埋個西蘭花就略為乾身左啲，但係個蕃茄醬汁調較得唔錯。 至於個海鮮飯，有大大隻青口同魚柳，白汁個味道都不過不失。 整體黎講，算係抵食既。至於個例湯，火喉都算十足。

下午茶經過見到鹽酥炸雞脾同薯條$36見好似幾抵咁 入去試下叫左炸脾薯條熱奶茶唔係等左好耐炸脾黎到熱辣辣 薯條都幾熱一切落去juicy既 入口塊皮幾脆 肉質嫩滑都好juicy薯條熱既 少少軟身 算正常唔錯份量幾大 足夠一個女仔食有餘叫左杯奶茶 奶茶幾滑 茶味濃整體黎講上餐速度正常味道唔錯下午茶黎講抵食

好耐冇行過嚟西環，今日兩個人一齊黎影下舊樓記錄下歲月痕跡，行行吓肚餓Tea time 經過西環食呢間讚記，極推薦！以為平平凡凡芝士火腿多士 ， 點知食落口都顯得不平凡， 入口外鬆脆內軟，芝士半溶可以拉出黎😍😍😍😍😍😍😍😍😍😍😍😍😍豉油雞髀沙律， 雞肶又大隻又入味，色香味都唔錯， 小小嘅沙律，是 蘋果雪梨做的， 食入口感覺新鮮美味 ，同其他地方，只用甘筍薯仔做的，味道差得太遠了！👍🏻👍🏻平民價錢咁既質素，冇得輸！

7月1日回歸看完煙花後回西環吃晚餐，於是去讚記廚房吃～讚記是我在西環和家人的飯堂，週末經常都會去幫襯。當天我們一共有五人去吃，埋單最後四百多元，價錢都算實惠 餐廳內部很寬敞，可以坐很多人，像飯堂一樣，每逢假日或者中午都非常多人整餐味道最佳的是“豉椒蒸白鱔”， 我們五人叫了一個大的蠔仔粥， 每人都可以食到兩碗細的。 木耳蒸雞雪味較重，味道麻麻雞比較多骨，肉比較少～ 豆腐斑腩煲中的粟粉下得太多，食落去很漿 碎肉涼瓜切得很薄，炒出來味道一點也不甘苦，味道不錯~

食物唔熱係飲食界大忌，無湮同似係用微波爐係咁耳叮一叮。唔熱影響胃口同唔係即場整。應該唔會有下次。我見除了個湯有煙出，其他枱食物無煙出，唔明點解有人讚，價錢中等，味道ㄧ般。

中午又到覓食嘅時間，一班男同事們話要食茶餐廳，好啦，就陪下佢哋食啦~鮑魚汁蝦球炒麵 - 呢碟幾抵食，有五隻蝦都幾大隻， 食落都幾爽， 炒麵就真係好睇間茶餐廳嘅功架，呢碟炒麵炒得好脆，又唔太油，good！土魷蒸肉餅飯 - 肉餅嘅味調得唔錯，都有土魷味，正常~招牌雞拼鹹蛋飯 - 招牌雞以為有咩咁勁， 咪都係普通白切雞一隻， 食落都係正正常常一般般啦，反而隻鹹蛋睇落就麻麻哋 ，唔算好鮮色~咖哩牛肉飯 - 味道唔太辣，正常！ 雞扒撈出前一丁 - 呢碟一上檯，係咁多碟之中最吸睛嘅，賣相好得，朋友話炒得好香，味道幾濃， 掂！總括嚟講，呢間茶餐廳算喺附近幾間之中質素比較好嘅，價錢又唔算太貴，ok啦~

呢日行完西高山過嚟搵食，唔熟呢頭所以都係求其搵間食我哋四個人，決定叫一個二人餐($178)，再加個椒盬豬扒出前一丁($52)椒盬豬扒出前一丁的豬扒好好味，椒鹽醃得好惹味，豬扒夠軟腍前菜的海蜇拼春卷4條，剛好我地哋一人一條，都OK好味XO醬西蘭花爆蝦球，西蘭花清清地幾好食，蝦都新鮮又有口感三杯雞煲所謂三杯就係一杯麻油，一杯酒，一杯醬油。呢個製法當然係會有啲油同肥，雞肉好滑，味道唔錯今餐總共食了$230，計返每人都只係食咗$57.5，都幾抵食

點餐要練習口語，點餐要適應返收銀的習慣，如果唔係，就會將Apple點成F，重話冇得換，打電話問點解，竟然掛電話。今時今日咁的服務態度。我就唔想再次食啦。你地呢？如果有0⃣️星，我都唔會撿一星。多謝大家。

平時食開早餐，未試過晚餐。今晚試過覺得一定要推推，又平又好食又大碟。叫左一個set，另外散叫一個涼瓜，兩個人都夠食。 啲小菜都炒得好有鑊氣，味道同份量都值得一讚。

其實西環的小店、地道茶餐廳有不少，連鎖的真的少見，不過企理、比較有特色的就不多。讚記是一家不算大型但有分店的茶餐廳，鋪面大，吃過幾次，感覺質素也不差。但今次真的完全認為價錢和所享用的完全不行……雖然知道讚記有是日午餐，不過未曾食過。今日見到門口，見到有個鮑汁燴海鮮飯，好似好吸引咁。今日下午2點先入去，希望避免午飯高峰人流時段又逼又要搵位又等得耐，因為呢間平時都多人。一坐低點野食，開始覺得今日有啲唔妥：有一個職員幫我落單，問佢檸蜜駛唔駛加錢，佢就話「唔知喎」，然後笑住口咁同我搭枱的人講「我淨係知早餐唔駛加，午餐…好似要」，仲補多句「唔知架，我落左單就改唔到架啦」吓？！ 算，天氣都熱，改飲杯凍檸茶啦。點知另一個男既，未見過佢但好醒目咁同另一枱客UP得出飲品有「檸茶、咖啡、檸蜜……」唉，真係！然後又明明話有免費WiFi，之前都用到，但而家淨係連接到WiFi，但都係上唔到網囉！呢個算啦，當冇一樣Bouns的服務。午餐包餐湯。呢個唔知咩湯，只知飲落勁鹹勁有味精，之前冇飲過呢度既例湯但估唔到會咁鹹。餐飲係+$3的凍檸茶，味道唔錯，啲茶都幾香，不過已經係成餐裏面比較好的一樣食物。等左約15分鐘，終於