豆乳狂人 (已搬遷) 新店位置

今次係第二次食，回頭嘅最大原因係餈飯，非常好食！餈飯入面嘅油炸鬼脆得好驚訝，配合其他配料味道一流，飯唔太濕，很好，超推介！仲有超煙靭豆花都係推介嘅，入面有珍珠同芋圓，本來擔心味道可能有d怪，但食落有驚喜，原來配埋黑糖都夾，而且好味！香芋豆花都可以嘅，不過味道就普遍d，唔係好出色，一般，不過不失。臭豆腐，無乜臭豆腐嘅風味，麻麻地，下次唔會再點。整體黎講，我自己嘅回頭率係頗高嘅，會揸車落去買返屋企同家人分享，不過唔會繁忙時間去，因為呢間野任何時間都要排隊，繁忙時間條隊更長，下午兩點零三點落去，條隊會短d

🐰兔美子誠實食評🐰路過去到河畔花園 ,見到邊間買豆乳ge 店 排咗一條10人嘅人龍。其他隔離嘅餐廳都好靜，所以即刻衝埋去試吓。圖裏面嘅係豆乳豆花，佢係完全冇加糖，另外問佢攞咗啲黃糖自己加。啱晒我依啲食好小甜ge 人。 上面粒芋圓係係屋企自己整，唔係喺度買ga🙈

沙田河畔有間好受歡迎既豆乳飲品店，幫襯過幾次，次次都要排隊買🚶🏻‍♂️🚶🏻‍♀️🚶佢除左飲品，仲有豆腐花、小食等等😎🔸芋圓豆花豆花好滑要讚！不過好似唔夠豆味🤔芋圓份量都夠，口感都煙韌。🔸豆乳豆花即是原味豆花，加左黑糖，都ok😙唔算好甜，幾啱我！🔸無糖豆乳另一次跑步經過又再買支豆乳飲吓，揀左無糖，健康啲。呢間回頭率好高，我都會繼續幫襯，因為仲有幾種口味的豆乳想試吓，例如係桃膠豆乳😙

嚟緊呢兩日就開始凍🥶啦！大家記得要注意身體唔好除夕新年假期至病呀！所以今日就同大家介紹一啲特色嘅熱飲啦！相信大家都一定有飲過豆漿，但有冇諗過豆漿可以Crossover其他配料。呢一間位於沙田既小店就將傳統嘅豆漿配上當下人氣配料，而味道意外地相襯。舖頭採用加拿大🇨🇦黃豆，香味十足。經過多次隔渣，豆漿特別香濃🙂。最特別係大家可以按自己喜愛加糖，非常個人化！紅豆豆乳最受歡迎👏🏻，就好似食緊紅豆沙咁，少少甜🤏🏻，口感又豐富。手工芋泥豆乳係落左黑糖，而芋泥份量都算多，而豆味同芋泥味道意外地夾。總覺得比珍珠奶茶🧋更健康，喺附近經過朋友不妨一試！

沙田屋苑裡面居然有一間鋪頭，不分日夜都會見到排隊人龍。賣既就係豆漿，仲要係自創既創新豆漿，標榜無添加防腐劑，暫時有9款口味，其中特濃可可， 燕麥口味比較特別，出面嘅豆漿舖係比較少見，全部豆漿可以選擇無糖或者加黑糖，啱曬現今注重養生既都巿人👍貪靚既我揀咗無糖桃膠豆乳$22 ,當日可能生意太好既關係，店員同我講佢地d豆乳入唔切樽，要用杯裝，排咗接近一個鐘隊既我唯有無耐接受🙈( 其實我真係好鍾意個膠樽㗎😅)當日都幾黑仔，排到我居然賣曬粢飯，試唔到手工製粢飯既質素，唯有下次請早💪仲試過佢既鮮芋泥西米露，西米唔算大粒，不過煮到好透，粒粒分明，晶瑩剔透😍芋泥絕對係超水準，芋頭煮到好綿，分量絕不吝嗇，好多芋泥好滿足，美中不足既係我覺得佢甜咗少少，淡返d應該最完美😊(個人口味)嚟沙田踩單車既朋友，經過不妨順便感受下豆乳狂人既實力😂

朋友推介，今日襯無野攪特登走去試下，遠處已經見到條人龍😱 我以爲自己眼花，下午3:30仲排緊隊，而且係繼續後繼有人咁keep住條人龍，平時我見到龍已調頭走人，但今次真係特登走去見下呢個狂人，所以惟有乖乖排隊😝 最後買好野走人已經4:10p.m了 ，不過一路排一路都響度諗食咩好🤣🤣由龍尾到頭位期間，我諗我起碼轉左四、五次決定🤣🤣🤣最後..........我選擇左四樣野 😁芝麻糊豆花 😋👍🏼椰汁紅豆豆花 😋👍🏼手工芋泥豆乳 😋👍🏼炸mini豆卜 😋👍🏼👍🏼👍🏼👍🏼👍🏼呢個超讚，香脆，加左啲蒜鹽，好惹味😍佢連個豆花外賣碗都好認真，有雙重封蓋😁👍🏼最後，也要讚下店員們，佢地得兩三個人，但一對一去接單，唔會亂，而且都好快手😁👍🏼👍🏼👍🏼今日試呢幾款加埋都只係$71，性價比好高，一定會再去試埋其他野，首選應該會係臭豆腐🤣🤣🤣

天寒地凍最好就係食一碗熱辣辣嘅豆腐花😋呢間豆乳狂人開喺沙田圍河畔花園 前身係豆腐巴克 亦係主賣豆腐花的轉咗手之後佢哋少改咗啲menu, 不過仍然係主打豆乳產品; 但係花款就多咗好多, 例如有超煙韌豆花, 黑糖珍珠豆花, 椰汁紅豆豆花, 手工芝麻糊豆花, 芝士奶蓋豆乳等等; 另外佢哋亦有咸點售賣, 例如燒賣魚蛋粲飯...今次我選擇咗花奶豆花, 因為食起來口感更香滑; 豆腐花本身係用黃豆做大家都知, 不過食落夠唔夠滑同有冇豆味就真係好考功夫; 其實如果搵佢同九龍城公和(已結業)比較的話係幾唔公平, 始終人哋係百年老字號, 再俾啲心機繼續保持水準一定會有人欣賞的💪

而家疫情嚴重，晚市無得堂食。相信好多人都會選擇買外賣返屋企食。記得之前食過一間好好食嘅小店，等我推介一下給大家啦。嗰日我喺沙田交通安全公園附近收工，見到一條長長嘅龍尾，原來係排緊上網都好多人介紹嘅”豆乳狂人”!所以我都唔執輸，即刻跟隊尾先😋今次豆漿粢飯係我嘅目標，果然無令我失望👍🏻紮紮實實的粢飯，非常足料，有榨菜、肉鬆、油炸鬼，鹹脆惹味，真係個完美的黃金組合，yummy yummy ，配上豆香味濃嘅黑豆漿，perfect 👍🏻👍🏻真心推介😋

吃過兩次 ，每次都企係鋪頭餐牌前面諗足五分鐘，因為有太多野想試想吃🤣今次試”三色芋圓—拼自選三款$28”：黑糖，豆花，西米 (店員會問你加唔加花奶同椰奶，我兩樣都有加)真心好吃！ 芋圓好出色，煙韌有𡁻口，深紫色重蕃薯味，淺紫芋頭同黃南瓜味道就冇咁出。豆花第一啖落口，好有豆味！ 食到一半好飽肚了，又西米又芋圓，加埋芋泥(要加$6)就Perfect，但係怕太飽所以放棄加底🤣🤣另外，想讚下佢呢個外賣膠碗，佢蓋中有蓋，唔怕漏，好厚實，6號PP膠絕對係可以重用，我除左想食其實係私心想要多個膠兜放湯水自用🤪🤪 (店員姐姐話下次買拎返個膠盒去裝可以減$2)題外話：佢有痴飯賣(買少見少)，肉鬆餡，都唔錯，食得過誠意十足，豆乳狂人加油👍🏻

喺石門食完飯好飽，所以朝住沙田火車站方向行吓散步🚶‍♀️。行到去河畔花園附近，離遠見到長長人龍，就走埋去八下。原來大家排緊嘅小店叫「豆乳狂人」，個個都期待食飯後甜品。人龍不斷，我開始排時前面約十個人，但當我買完後就成廿幾卅人，認真厲害👏。不過其實等十五分鐘左右就排到。小店有好多嘢食，例如芋圓、豆花、豆乳奶蓋同豆豆甜品等，花多眼亂🙈，因為樣樣都想食。呢度亦不乏鹹嘅小食。除此之外，小店仲設置大大個雪櫃，入面放咗各款口味嘅豆乳。小店號稱此乃宇宙最強豆乳‼️，營養同蛋白質含量極高，容易發酵，因此最佳保存方法係即時放入你個肚，哈哈。等咗陣後生男店員(老闆?)就執齊嘢飲嘢食畀我哋，佢好好禮貌又落力👍。我哋即席搵咗個地方食咗甜品先，樽裝豆乳就拎返屋企同屋企人分享，好彩天氣唔熱咋🙏🏻。豆味芝士奶蓋豆乳茶($35)，呢杯好好飲🤤，我排隊時聽見後面個女仔話奶蓋係呢度最正，我認同！豆味芝士奶蓋味道恰到好處，🧀芝士鹹香唔會過重。茶底係凍頂烏龍茶加特濃豆乳，最底部就係豆乳布甸🍮。成杯口感好豐富，有唔同層次，另外仲搭一串手工白玉🍡。超煙韌豆花($32)，齋睇個名唔係好知有乜料，但一打開時就發現係有雙色珍珠，口感Q彈。

沙田河畔花園新開豆乳狂人店舖雖小，但卻是整個河畔花園沙田圍最多人幫襯的一間小店，環境企理乾淨衛生， 而且也是 踏單車必經之路， 路過踩完單車， 可以在附近 稍事停泊休息，喝口豆漿，吃點小點， 也非常不錯最重要。餐點款式多， 除了是豆漿也有不同種類的甜點和小食，芝麻糊， 豆腐花 ，三色芋圓，各款台式即炸小點， 粢飯，燒賣等等也應有盡有， 渴的吃的也有。三色芋圓 芝麻糊 西米 紅豆28三色芋圓可以在配搭三款煮食， 由豆腐花芝麻糊綠豆紅豆西米等等都可以選 而且本杯身是可以重用的款式，眼見不少熟客也將之前的碗再重用。 三色芋圓， 蕃薯芋頭 紫薯， 粒粒大小均一口感煙韌。 芝麻糊也煮得夠杰身濃郁。加點 紅豆和西米作陪襯，天然紅豆天然的甜度， 為芝麻糊加添香氣。經典臭豆腐 25外酥內嫩、多汁份量大的臭豆腐， 配埋甜醬同辣醬 ，吃起來口味多層次，非常滿足感！椰奶多芒小丸子 28完全是踏單車後的消暑 聖品， 芒果酸甜多汁， 配上椰奶甜甜香香。 小丸子煙韌有口感， 28蚊份量超大一杯，抵食。奶蓋豆乳布丁燒仙草30超得意的一杯飲品， 豆乳非常濃郁，估唔到埋埋黃豆粉奶蓋，讓到整杯豆乳的滋味可以提升。加埋

知道沙田有間食粢飯、豆漿、芋圓等食品嘅甜品 店舖可外賣帶走，而且好好味，今次經過附近就走去試下，因為家人鍾意食芒果類甜品同埋楊枝甘露，所以點咗多芒楊枝甘露，同埋椰奶多芒小丸子，另外點咗2個粢飯，三色芋圓揀咗紅豆、芝麻糊、同台式仙草做配搭， 最後加多一杯豆乳奶蓋豆豆杯。粢飯入面嘅油炸鬼好香口，仲有榨菜做配料，同埋一啲好味嘅肉鬆，粢飯亦都煙煙靱靱值得推介。楊枝甘露同多芒小丸子入面嘅材料都好足，每一啖都可以滿足到我家人嘅口味。三色芋圓因為可以自己揀配搭，所以仙草、紅豆、芝麻糊都係我嘅至愛，又係食到停唔到口。而豆乳奶蓋豆豆杯個芝士味超濃，個奶蓋好香醇，鍾意芝士嘅朋友一定要試。

收工去咗舅父屋企食晚飯，食完飯走的時候，見到有間舖排哂隊，望吓乜嘢咁犀利，原來係賣自家製手工豆乳，甜品與及小食之類，又走去八吓，反正甜品係第二個肚，一於買反屋企做夜宵....煲劇😂😂————————-「人生很短行樂需快.....黃豆很小..功夫很大..」用❤️整作中請稍等一下這幾句說話確實無錯，又吸引了我都排埋一份先，排咁長龍，肯定好正🥰—————————相機食先既我，當然又放到靚靚先食😂—————————🟧手工炸豆腐：甘香鬆脆又軟熟，完全影響唔到我食飽飯食都一樣咁好味👍———————-🟩鹽燒雞軟骨：香脆又有口感，雞軟骨的味道又係調配得適中，最鍾意食有咬口的食物，脆卜卜，煲劇中的享受滋昧小食😋———————-🟫台式鹽酥菇：曄，意想不到的好食😋，嗰種鬆脆口感有入口即溶的感覺，呢個口感食落仲以為自己食梗炸軟殼蟹，原來鹽酥菇係咁好食😋————————🟨三色芋圓豆腐花：芋圓是我愛吃的甜品之一，所以飯後甜品三色芋圓配豆腐花又是我煲劇中的甜品🍮.....享受..嘆😂😂😂手工芋圓味道軟硬度恰當，彈牙有口感，豆腐花豆味濃郁又滑溜溜，食飽咗都覺得好食既食物，係絕對真正好食😋👍—————————🟪手工芋泥豆

呢日食完飯經過豆乳狂人，見到都好多人排隊，又想買雨糖水俾屋企人食，於是我又黎熱鬧埋一份👻我叫左個黑豆漿，一個黑豆漿仙草，一個椒鹽豆卜，一個芝麻糊豆花桃膠芋圓，一個楊枝甘露同埋一個黑糖桃膠鮮奶～黑豆漿同黑豆漿仙草可以揀加唔加糖，我就冇加，飲到勁香豆乳味！！！ 仙草仲好有咬口！一枝份量都好多！應該有400-500ml !椒鹽豆卜夠哂惹味！正！椒鹽味好香，豆卜夠哂香脆！芝麻糊豆花桃膠芋圓夠哂煙煙unun,芝麻味好濃，配埋豆花食到好滑，又食到芋圓既口感，一次過滿足哂咁多個願望！楊枝甘露勁多料！味道夠哂正！ 芒果啖啖肉，夠哂甜！黑糖桃膠鮮奶感覺好養生！鮮奶味都好香濃！重點係店員非常有禮貌，糖水小食各樣野都好正！應該一想食甜品就會諗起佢！

好多人幫襯的【豆乳狂人】， 見佢咁受歡迎當然買多幾款同家人分享！😍💖三色芋圓+芝麻+紅豆+珍珠💖三色竽圓+手工黑糖+桃膠+豆乳布丁💖黑糖珍珠豆花💖豆味芝士奶蓋豆乳茶💖黑糖豆與烏龍茶💖炸豆卜💖酥脆雞軟骨三色芋圓口感qq彈牙，而且加咗花奶， 非常香滑！😋 奶蓋豆乳配上一串小丸子，煙韌香甜，非常美味！😋佢哋的豆漿每日新鮮製作亦不加防腐劑，不加白糖，只選用手工純黑糖，夠曬健康! 而且款式超級多，總有一款啱你！👍