豊勝手丼 (已搬遷) 新店位置

同友人經過呢頭，隨便黎食晚飯嘅，店鋪唔大，都幾乎坐滿人，遲d黎可能要等，好彩啫。由於胃口唔算大，冇揀大丼，淨係揀個燒鯛魚定食。前菜沙律係鴨胸沙律，酸酸甜甜算開胃，個番茄仔幾得意，甜甜的，但我忘記咗影😂有味噌湯暖暖個胃。電員送上玄米茶，味道唔算濃燒鯛魚定食幾靚，金黃金黃咁。出面燒得幾靚，入口魚肉好軟，鍾意軟定硬就見仁見智吧，如果可以結實多少少就更好，可能唔關手勢事，魚品種問題，我之前都係食開鯛魚刺身，燒嘅好似真係第一次。飯米夠熱，飯米都係好軟，口感就各人喜好不同吧😂友人食嘅係壽司飯，凍嘅，會煙韌d，我比較喜歡佢的飯。我胃口真係超細，呢個分量啱啱夠，唔會太飽，滿足的一餐吧。如果唔夠食，可以添加壽司飯哦，免費任添的。

每次做完gym都會俾個藉口自己去食餐好，而呢個都係動力來源之一，今晚都唔例外😂心血來潮想食日本野，但又唔想食壽司咁普通，行經謝斐道見到有間日式丼飯專門店，即刻狗衝入去。店鋪面積不大，大概只有16個位，但個餐牌選擇一D都唔小🙂左揀右揀之後決定嗌個「北海蟹丼」前菜有炸茄子同煙鴨胸沙津，麵豉湯當然唔少得，個湯比較淡口，唔會好似一般日式料理店咁咸👅蟹丼有齊蟹籽、蟹肉、蟹膏、蟹腳同鉗，而且所有蟹鉗同腳已經去哂殻，基本上唔會整污穢對手，超貼心勁抵讚👏🏼👏🏼👏🏼蟹膏勁鮮甜🤤蟹腳同鉗仲有淡淡既海水味...不特止，每啖飯都可以有齊蟹籽，蟹肉同蟹膏加埋支蜜桃梳打簡直大滿足👍🏼

而且今天和很久沒見的朋友到銅鑼灣逛街，打算去吃點精緻高質的美食。剛巧看到這間充滿日本風味的餐廳，裝修很漂亮，便選擇了吃這間餐廳。餐牌原條秋刀魚丼 $268這個是期間限定的！光是看到這四個字已經很吸引我，而且秋刀魚刺身也真是很少見，所以便二話不說點了。原條上的秋刀魚擺得十分漂亮，魚肉沿著魚骨擺放，整條魚差不多有手臂長，份量很多！秋刀魚的味道很特別，是一種油分不多的魚，不像三文魚那樣入口即化，有一點爽口，搭配餐廳給的薑蓉醬油，十分美味！8.雲丹卜口丼（原板韓國海膽 +碎蔥吞拿魚腩）$238這個價錢能吃到原板海膽還有吞拿魚腩也不算太貴，而且還有紫菜附上。海膽十分新鮮，完全沒有腥味，甚至有淡淡的鮮甜味。碎蔥吞拿魚腩比例很好，蔥不會太多，沒有搶過吞拿魚的味道，還能襯托出吞拿魚的鮮味。而且吞拿魚腩中完全沒有碎骨，能放心大口吃。兩個丼餐也有白飯，味噌湯，沙拉，半隻糖心蛋。溏心蛋蛋黃甜甜的，沙拉配料是煙鴨胸，使用的是酸酸的像醋的醬汁，十分開胃。另外餐廳是白飯任添，不怕浪費了魚生。

今日銅鑼灣做完運動原本打算到某某日本大型拉麵店吃碗麵，但在街口卻突然被鄰近的豊勝手丼吸引著，銅鑼灣這兩三年開了很多日本丼飯小店，我卻一次都未試過，在門外看見內裡座位不算多，而且剛剛有客人離開，加上向來喜歡支持小店的我決定放棄拉麵，吃個丼飯。店內有16個座位，店員都很細心介紹和推介我吃什麼，最後選了五品丼（三文魚、油甘魚、赤蝦、帶子、日本海膽），還加了一支北鹿雪本釀造180ml，除了丼飯，還有跟前菜、味噌湯、沙律。五品丼的三文魚很新鮮、油甘魚色澤也很鮮明，沒有一點腥味、赤蝦沒有黑頭，又很細心地去除蝦蘇，底讚、帶子很大粒、日本海膽也非常新鮮，前菜是溫泉蛋，店員說會隨著時令有所不同，可能會是漬物、味噌湯也很符合香港人口味，不會太咸。總評：服務很好，而且可免費加添珍珠飯，下次再做完運動會再來吃其它丼在銅鑼灣這兩三年開了很多日本丼飯小店飯。

今日同朋友去完銅鑼灣行街街之後去咗附近呢間食日式丼嘅餐廳！就係呢間豊勝手丼啦之前都聽過其他朋友話呢間唔錯！如果佢地想食仲會book位添！所以今次我都醒目提早book咗位先，廢是冇位又要排隊，你知啦血拼完一定好攰！我地大約18:30到咗餐廳！哇估唔到有幾個人排隊。好彩好彩！先睇睇menu 啦！我放大影呢邊啦！因為我揀咗7號 馥之丼！食物製作中嘅時候當然要睇睇店內環境。好有日式味道，而且牆上有牌寫住 本店壽司飯免費任添！好少可見到係免費任添架喎主角終於到了！先食前菜，蟹籽三文魚（熟）沙律🥗！佢個汁係用醋整嘅所以好開胃，味道剛剛好選埋三文魚（熟）。之後就食炸蝦天婦羅🍤，不錯呀！之後再試試個味噌湯！飲落唔會好咸而且都算足料有蘿蔔，紫菜同豆腐等等！個人卻幾鐘意呢個味噌湯！係時候睇睇個丼啦 個帶子燒過而且仲放咗黑松露！而且帶子個size真係拎人哇一聲！絕冇誇大！而吞拿魚腩撈飯都好好味。。。有魚味同有油香，不錯不錯總括下次可以再黎試試其他丼，仲可以介紹比朋友去呀 ，要提佢地一定要book 位

突然想食日料，冇人陪我去放题，就来试试这家评价不错的丼饭店比较满意的就是有自选。我钟意食海胆同带子，但就非常食唔惯鱼生，大多数配好的海鲜丼都有三文鱼／油甘鱼／吞拿鱼，我就都唔爱食，嫌它味淡还口感肥这家就可以任拣三款刺身送寿司饭配成海鲜丼，非常符合我的需求。虽然会贵d，不如已有款式划算。点了加拿大海胆、带子和三文鱼籽。海鲜丼最重要的就是食材够新鲜好质素，这家不错的海胆有三块，完全唔苦，甜香满口真好味。带子只得1个切两半，虽然贵但是大大只劲鲜甜三文鱼籽就多d，味道都唔错。米饭就普普通通，不过落咗少少小银鱼算有心。买单加一196，还是有点贵的。但食材新鲜好味，偶尔一试都唔错。

今次特意同朋友到這裡吃晚飯，除了出差前再食多次這𥚃的蟹丼外，也因為朋友對甲殼類過敏，所以我點的蟹丼可以私有化外，亦可免費品嚐一下友人點的丼既味道~~~🤣望望餐牌，有好多選擇~~ 好啦都係決定要蟹丼架喇唔好再三心兩意~~ 好快，我既北海蟹丼已經黎到，淨睇外表已經吸引!!!松葉蟹腳、蟹鉗、蟹肉，蟹子加蟹羔，鋪滿整個飯面，只差沒有不能吃的蟹蓋😜，蟹的所有能吃的部分全部集合於這𥚃。新鮮的蟹腳、蟹鉗、蟹肉，全部啖啖肉，保持一貫水準，肉質鮮甜爽滑。個人最愛這𥚃的蟹羔，棉密口感，濃濃甘香味，加上不多不少的蟹子，每囗飯配搭不同的蟹部分食，口感豐富，吃不停口。朋友所點的是鮭魚親子丼，朋友大讚這兒的三文魚肉身夠厚，新鮮，好滑。另外，三文魚子非常多，友人與我分享品嚐，鮮味十足，沒腥味，不過友人怎樣也不肯分享一件三文魚給我，也難怪，的確只是望已經非常吸引。整體來說，保持水準，這兒的蟹羔味道真的十分濃郁，如果可以加碗粥配蟹羔相信都會十分受歡迎。

自從去咗日本食過日本的丼飯......返香港真係好想搵返有日本水準的丼飯，終於喺銅鑼灣比我搵到呢間叫（豊勝手丼）位於銅鑼灣謝斐道八百中心地下鋪頭雖然唔係好大但好有日本的感覺🇯🇵今次我選擇了卜口丼，卜囗丼加$20可跟前菜，配料，味增湯卜口丼有四種刺身包括吞拿魚，中吞拿魚腩，大吞拿魚腩，吞拿魚碎.....一個丼食到四個層次吞拿魚非常之滿足仲好肥美新鮮🤤前菜有蟹子再加熟三文魚同雜菜.....配搭非常好同好新鮮👍🏻凍豆腐外面暖內邊凍很有層次感👍🏻味增湯不會太鹹剛剛好👍🏻完熟白桃梳打很好飲好豐富的桃味👍🏻

今日喺銅鑼灣shopping買咗對波鞋心情大好😁所以喺附近搵食🤭要食我最愛嘅日本菜🤩喺門口覺得呢一間店舖好有日本feel，而且佢門口仲特登寫明係用日本產米！所以二話不說，直接入去！平時食壽司就真係多，丼飯就真係好少食！而且見到佢啲相都係鋪滿晒唔同嘅刺身，而且價錢又唔貴真係好吸引🤭如果飯唔夠的話，仲可以免費添加🤩而且仲有Asia miles 賺Tim,有興趣可以留意下！抵讚👍🏼一個set 包括有主菜丼飯+味憎湯+蟹籽三文魚沙律+明太子蛋卷😍丼飯隔住個Mon 都知道份量十足！牡丹蝦鮮甜爽口，吞拿魚茸肥美，日本海膽鮮味十足，而且非常鮮甜，海膽味濃，韓國海膽成版上海膽鲜甜好味🤤而且菊米點綴襯托好靚！蟹子三文魚沙律特別地用咗熟嘅三文魚惹味十足

約舊同學食晚飯，她在銅鑼灣那區上班，說有好介紹，經過銅鑼灣廣場，進入謝斐道的一所日式料理，侍應禮貌地給我倆奉茶，係一杯好香嘅炒米茶。餐牌上丼選擇多多，我同學有選擇困難😂，於是她跟我一同選了鮭親子丼。鮭親子丼送來了，跟餐牌上吸引的相片相差不遠，厚身的三文魚刺身有5塊，建議不加鼓油直接一囗吃，魚生十分鮮味，魚脂豐富，甘香肥美，另外三文魚子份量亦多，每一粒都非常飽滿，一咬穿隨即在口腔爆發鮮味，沒腥味，魚子份量足夠送飯，三文魚生真的太好味，回味無窮，友人讚不絕口。另外，面鼓湯、沙律同前菜（蛋卷）也不過不失，沙律微酸，開胃醒神，配少許吞拿魚及蟹子，口感爽脆豐富。服務方面，侍應服務細心，向我介紹不同的菜式，今餐果然沒有令喜歡吃魚生的我倆失望，我們實在十分喜歡這兒的魚生丼😘

平時都好少食正宗既日本野，但今次因為朋友推介，於是就黎左依間豊勝手丼食一食佢既日式料量。咁我就叫左個鹽燒鱈場蟹定食，誠惠278元，吾好俾佢個價錢恐親住，佢真係物有所值架！ 佢一set定食總共有前菜，沙律，麵豉湯，鹽燒鱈場蟹腳，蟹膏醬，白飯各一份。佢既鹽燒鱈場蟹腳總共有四隻，其中兩隻仲要係蟹鉗黎😋，就咁攞到埋黎已經有好大陣燒蟹既香味，忍吾住要即刻開黎食，廚師已經好貼心咁幫我地將Ｄ蟹殼敲碎咗，等我地可以好輕易就將Ｄ肉拎出黎食，蟹亦都燒得烚到好處，蟹肉既水份都冇因為燒得太耐而乾爭爭，另外都避免左Ｄ肉痴住蟹殼嘅情況出現，蟹肉嘅肉質盈實冇散開曬一條條咁，一啖食落去有種滿足既感覺🤤🤤🤤但我想講既係我係食蟹腳之前已經食晒成飯啦😆😆！點解？因為啲蟹膏醬囉，用黎撈飯真係一流，就咁食又嫌佢有少少鹹咗啲，所以冇辦法啦，5分鐘內就清左碗飯啦，中意蟹膏既一定吾可以放過😁雖然佢另外既野都只係一般，但就咁主菜我已經感覺到佢既熱誠架啦😁希望下次仲食到啦

6點多的時間, 一人吃晚飯最方便通常都是拉麵. 剛經過這家海鮮丼的小店, 是另一個好選擇. 店子不算很大, 只有4張4人枱, 幸好是6點多未進入繁忙的晚飯時間. 清酒的選擇頗多, 但待會還要試酒, 只點了一杯清酒佐餐. 這款武藏男山可以用杯的形式去點, 味道辛口, 帶豐富米味, 與各類刺身的配搭全無難度. 餐單上有好幾種不同類型的丼選擇, 除此之外還有勝手丼: 即是自選配料. 這次則選了最想吃的2樣材料: 海膽, 拖羅. 套餐的海鮮丼包括了前菜, 沙律, 丼飯, 麵鼓湯.配菜相當豐富. 先吃海膽, 然後吃的是肥美的拖羅蓉. 韓國海膽, 海膽的瓣塊稍薄身, 論質素自然不及北海道馬糞海膽. 但亦不失甜美. 而且以這個價錢可以嚐到一整板, 性價比非常高. 拖羅蓉混著蔥粒, 再加上些許醬油, 拖羅的甜味用來拌飯是至高的. 光是一碗飯, 只是配拖羅蓉已經不可能足夠了. 幸好這裡的白飯是無限量供應. 晚餐一個豐富海鮮丼飯套餐連一杯清酒的價格大約$300, 抵食之極. 

我自小就很喜愛海膽，覺得海膽味道好獨有，很好吃。而友人剛認識我時，她常問，為何要吃海膽，因為她覺得海膽很臭。但是我們曾到訪日本後，她品嚐了海膽後，她和我一樣喜愛海膽。咁起香港邊到食海膽呢，經網上一看，發覺了很多人推薦了這間店的海膽，而且覺得價錢可以接受，就去左試下。我地叫左兩個餐 一個海膽飯 一個鯖魚飯，海膽飯係有一板韓國海膽，同埋日本海膽，海膽好鮮甜，另有兩隻蝦，蝦就普通d，但因為海膽太好味，所以蝦的不足就沒所謂了。 所以我和友人都各自加了一碗飯，加飯是不用錢的，而且是日本米。另外，鯖魚飯，即叫即燒，皮好香，肉質好，都係值得一讚。下次想食海膽都會再黎呢間。

食野除左講求色、香、味，環境同情調都好重要。早兩日本身諗住行去食著名拉麵店，點知見到呢間咁過癮既小店，就諗都唔洗諗即刻轉駄入去一戰。間鋪既裝修同的色既設計真係好日系，如果淨係睇門面我諗都呃得下人，以為去左日本。鋪面雖小，但坐落好舒服，加上樓底高同冷氣夠，整體感覺一d都唔侷促。話明丼，緊係要食飯，我叫左個廚師推介: 燒油甘魚鮫定食。雖然我唔敢話自己係食家，但真心推薦。淨係睇個賣相已經值回票價，大大舊一d都唔孤寒，原件魚鮫配埋海鹽即燒，唔似出面個d分拆上市，充分保留住油甘魚既油香同肉汁，同朋友個五品丼相比，真係別有一番風味。忍唔住仲叫左杯sake和一和個口，小弟唔係酒鬼唔識品評，但我肯定既係我一定會再戰！

行開銅鑼灣呢頭，今次發現左間幾正嘅日式居酒屋小店，見門面介紹唔錯，決定試下新野。餐廳門口貼有好多證書，可見佢地選料嚴謹同用日本直送海鮮，質素有保證。餐廳menu選擇亦非常豐富，主打魚生丼，賣相十分吸引。我叫左份壽司併盤set，上面嘅魚生富有亮麗光澤，燈光下睇非常吸引，教人食指大動。壽司飯同魚生比例恰度好處，刺身亦好鮮甜，入口即融。最值得欣賞嘅係呢個併盤包含嘅壽司款式亦非常多元化，滿足曬有選擇困難症嘅我。另外，餐飲我點左時令白桃梳打，桃味十足，芳香味道扣人心弦。經開銅鑼灣一定要黎試下呢間日式居酒屋，包你滿載而歸。