豊勝手丼 (已搬遷) 新店位置

見到openrice此店有三百幾個好評，d食物賣相又靚，於是去試一試。今日大約11:50am去到，但餐廳原來未開始營業，但店員可以比我入座先坐下。打開餐牌，午餐無lunch set, 全部單點，我點左一份碎蔥吞拿魚腩加黑松露火炙帶子丼，價值$238另加一服務費。個餐本來包一沙律，一麵豉湯，但因為時間尚早，未有麵豉湯供應，於是店員比多一份沙拉🥗我。個丼黑松露醬好似粒芝麻咁細少👎🏼，完全無味👎🏼，火炙帶子似塑膠，完全無帶子的質感👎🏼，都唔知佢燒到想點呀👎🏼☹️😭好彩碎吞拿魚就肥美正常啦！總括來說，完全唔值$238，勁後悔！😭😭

📍銅鑼灣📍厚切刺身飯🤤極鮮甜🐟今次嚟就叫咗個五品丼🇯🇵有齊五款刺身，有好厚嘅三文魚、油甘魚，又無筋，無腥味😏之前食過有間有筋omg😩真係差評，永遠唔會再去🙅🏻‍♀️所以每次食刺身，最基本要求👌🏻唔可以有筋🤦🏻‍♀️仲有好鮮甜嘅赤蝦、帶子😎都好大隻🤓好鮮甜啊🤣🤣海膽同蟹膏仲可以撈飯食😍真係食多幾碗飯都仲得😜而且個馬刀貝好爽口😚最鐘意就係呢個口感，爽口得嚟，鮮味十足😝個set仲包沙律同麵豉湯夠曬豐富💕💕

朋友推介呢間豊勝手丼，今日特登黎試下。店裡面不大，好有日本小店既感覺。睇睇個餐牌，有好多選擇。正在煩惱唔知食邊款既時候 店員問下我地 冇咩特別唔食之後 向我地推介左個廚師發辦丼。好少丼飯餐廳有呢款 所以就一於試下。丼飯附上麵鼓湯 豆腐同沙津，廚師發辦有5款唔同既魚生，海膽香甜 新鮮，鮑魚爽口，其他魚生全部都好好味 果然冇介紹錯！另外朋友就叫左個鹽燒鯛魚定食。好驚喜呢度仲有熟食選擇，岩哂朋友唔食得太多生野。埋單每人大慨二百零蚊，價錢合理👍🏼

原本想去同街上的拉麵店，剛好經過豊勝手丼，很想念最近愛上的海膽飯，再看看剛出糧的銀包就昂然走進店鋪，發現是非常地道日本風裝潢小店，這裡卻只有4個4人座，面積較小餐牌：午餐約$1XX-3XX不等，價位中等，內有主食、麵鼓湯、蟹子沙律等，店家強調食材來自日本，安全保質，也可以免費添飯(日本米)，而且餐牌選擇豐富，令自己有點猶豫不決，幸好侍應見我舉棋不定，主動過來介紹五品丼，一次過可嘗試5款海鮮，內有我最喜歡的海膽，何樂而不為? 哈哈五品丼 $268麵豉湯：外表簡單的麵豉湯，味道濃厚，暖在心頭真材實料，厚切刺身種類多，包括三文魚、油甘魚、活帶子、海膽、赤蝦，同時刺身及米飯份量多，用料新鮮！海膽：口感細膩，入口即融，非常creamy三文魚：肥美嫩滑，啖啖肉！油甘魚：味道鮮美，肉質彈牙活帶子：珍寶SIZE，新鮮甜嫩，還有檸檬片提昇鮮味!赤蝦：又大又肥美的兩隻赤蝦，鮮甜不腥刺身肥厚，新鮮誘人沙律有蕃茄、蟹子及沙律菜，味道酸酸甜甜，十分開胃小食味道剛好！對我來說，享用差不多三百午餐比平時較貴，幸好相對服務、食材質素較高，加上最近嬴了獎金，作為給自己一個獎勵，心理會較平衡，我還是很喜歡這種丼飯~~~

這天到銅鑼灣辦點事 辦完到了午飯時間 平時很少出來這邊 不太清楚有什麼好吃 就問問在這邊上班的朋友附近有什麼好吃的 然後他推介了這間日本餐廳店內裝修很日式 以木牌寫上刺身種類 牆上則有段日文介紹勝手丼的由來我點的是廚師發辦壽司套餐 包麵豉湯 前菜和沙津主角壽司拼盤有9件精美壽司 只看顏色和紋路已知是新鮮好貨 而且有幾件除了魚生和飯外 還特別配搭過 例如甲紋魷魚配上紫蘇葉和蟹膏蟹子 紫蘇葉除了能提味增香之外更能殺菌暖胃 能中和蟹子蟹膏的寒性 但我最喜歡的是拖羅 左口魚邊和海膽這三件 拖羅肥美多油 師傳還在筋位開了幾刀 使它入口即溶 左口魚邊亦是油脂度滿分 而且厚厚一塊 不像其他地方吃到的那麼薄 很滿足 海膽味道甘香 質感細膩 非常新鮮

早幾日經過銅鑼灣，見到呢個好有日本小店feel的餐廳，就不其實行左入去，坐低埋。原來重點是吃丼飯的！ 但當然都有其他野食可以點啦我點左海之幸丼！套餐包左沙律，味噌湯同凍豆腐，性價比即時提高很好！而且非常滿足！丼飯的用料超新鮮！海膽鮮甜，蟹肉肉質結實，左口魚香口，吞拿魚入口即溶！ 味噌湯是最傳統的一款，喝下令人身體暖和！凍豆腐爽口，配日式芝麻醬是最匹配的！沙律的菜很新鮮，而且混有三文魚肉，令味道層次提升不少！是很滿足，而且抵食的一餐！😋

星期五晚o既銅鑼灣特別多人特別難搵位，係無心插柳o既情況之下，同老公黎試試呢個舖仔細細o既日本野。間舖有兩邊，一面有四人枱，另一面就得一行bar枱，bar枱 o既闊度真係剛好坐到人同埋夠個侍應行過，都幾似某ｄ日本ｏ既地道餐廳。食物選擇都好多，一定揀到o岩你心水o既，今日同老公都係想食魚生飯。佢特別鐘意食toro同海膽，我呢就咩都想食😄定食配左湯同沙律，一份仲配左隻蛋，另一份就係豆卜。老公一路食一路讚過好食，靚toro配蔥花簡直無得彈，海膽相比之下反而係我個份比較濃厚。整體ｃｐ值唔錯ｏ既，有機會會再食!

呢間餐廳係我嘅food list入面已經好耐， 最近去開銅鑼灣終於有機會入去試下。一道餐廳就係一陣撲鼻而嚟嘅魚味， 非常有日本魚生市場嘅感覺。 餐廳環境唔算大，但係都坐得幾舒服。飲品方面我叫咗呢支蘋果梳打， 由日本進口， 味道都相當唔錯。呢度嘅魚生丼款式相當之繁多，令人揀唔落手。 問咗店員之後， 佢就建議我揀呢款由廚師發辦嘅魚生丼，魚生種類豐富之餘亦較新鮮。丼飯上面鋪滿咗唔同嘅魚生， 有赤貝、三文魚、拖羅、海膽等等，種類相當多，而且每款都非常新鮮。除左魚生飯外，個set仲包埋沙律、糖心蛋同湯，味道亦相當唔錯。

Toto Katte Don廚師推介丼師傅拍版嘅新鮮食材，海膽新鮮，三文魚軟滑, 沙律菜酸甜沙律醋，開胃爽口, 口感豐富健康又醒胃。由於食材新鮮即日製作，壽司只加少許豉油增美已經十分美味。精選壽司九件定食刺身有赤貝、北寄貝同生蠔，我食左赤貝同北寄貝，口感爽脆彈牙，非常美味。另一層係極上大拖羅雜錦刺身飯，其他刺身粒非常有光澤，三文魚腩加上油甘魚同魚子等每款都好鮮甜嘅刺身，配日本壽司飯，味道層次豐富。Suntory 生啤帶有少許甜味的凍生啤佐生肉，perfect match!

都有一段時間冇食日本野啦，本來特登一個人嚟到啲一間位於銅鑼灣廣場第二期附近充滿日式裝修嘅丼飯店諗住食個丼飯，點知一入到去俾佢嘅燒魚爐發出嘅香味吸引左，一於就來個燒魚定食先！鹽燒鯛魚定食由於燒魚係即叫即燒嘅，所以店員就首先送上前菜沙律同埋味增湯。北寄貝沙律新鮮味美俾人清爽嘅感覺，食得出一粒粒北寄貝的。味增湯熱辣辣，都很唔錯㗎！至於燒魚方面，用鹽燒帶出咗魚嘅鮮味，燒得很剛剛好很有層次，外脆內軟很Juicy，連魚肚都係咁好食，配埋佢嘅特製酸汁，配搭得非常之好，推介！魚皮燒得非常完整，成條魚燒得好似藝術品咁靚，食得出同睇得出師傅有日本人那一種對待食物嘅認真態度。信州蘋果梳打最後要左支日本直送嘅信州蘋果梳打，梳打氣量剛剛好，再加埋一啲蘋果嘅味道，為完美嘅一餐畫上完美嘅句號。

今日公司委派我自己一個人到銅鑼灣上training course，因為老公今晚要加班，所以我決定自己在附近自私食。行過謝斐道近銅鑼灣廣場二期，看見店舖門面好有居酒屋感覺的豊勝手丼，而且看到門口餐牌有好多丼飯選擇，就一於入去食。丼飯的選擇實在太多，睇了好耐都揸唔定主意，見到餐牌有一項季節魚廚師發辦的丼飯，就一於相信師傅黎一個廚師發辦啦。果然是季節魚廚師發辦，丼飯一上枱就散發出新鮮的氣息，每片魚生都立立令的，好像識閃閃發光般。海膽原片好大片，好鮮甜亦都無藥味，在口內溶化，好想encore。三文魚籽粒粒脹卜卜，咬落卜卜聲，魚油豐富。赤貝是原隻的，好鮮甜，入口爽嫩彈牙。魷魚意想不到的軟滑，配上捲上的香葉，更能帶出鮮味。油甘魚魚味濃郁，入口細膩。鯛魚鮮甜美味，入口軟綿綿。吞拿魚腩是厚切的，紋理好清晰，而且好肥美亦都無筋，入口即溶。秋刀魚香濃鮮美，入口充滿魚香。三文魚腩並不普通，超級肥美，入口又香又滑。食完碗丼飯，再加埋支味道甜美夠氣的完熟白桃梳打，好滿足，可以有足夠的能量為明天的工作加加油。

最近食得太多熱氣野今晚想食得清淡健康一點醒起之前朋友介紹既日本餐廳咁岩要經過銅鑼灣 就去試下行到店門前已被吸引裝飾得好有心店仔細細但好有日本風情 一入到黎就身心寧靜今晚想放空所以叫左個omakase set即係由廚師發辦 佢決定有什麼材料用最時令既魚生今次有海膽，三文魚，池魚，真鯛，赤蝦，自家制鰻魚玉子燒，北寄貝好多款式好滿足岩哂我依d鐘意試多d款既人雖然好多唔同魚生但味道好夾店員話佢地採用岩手縣既一見鍾情米 好可愛既名聽個名都夠甜佢每樣魚生都非常鮮甜味美！魚類厚切啖啖肉海膽入口即用連襯底既青瓜片都係新鮮爽脆感覺味覺係十級享受遇到岩口味岩心水既omakase係好難得我仲試左柚子梅酒冇平時果d咁甜因為多左柚子既酸味 多了一份清新今餐滿足到極點

搞掂曬啲嘢來個 late lunch, 豊勝手丼勝在就腳, 銅鑼灣地鐵站出口行幾分鐘就有得食。豊勝手丼係日式小店, 座位不多, 所以我通常都避開傳統 lunch hours 時間黎, 免排隊等位之苦之餘又可以坐得鬆動些。很簡單的餐牌, 以set 為主, 送前菜、三文魚沙律及麵豉湯, 價錢一般百零二百文, 以銅鑼灣地區嚟嘅實屬經濟實惠。三國雲丹丼 ($288/set lunch)辛苦搵來自在食, 今日食豪啲。沙律 ~ 蟹子三文魚沙律蟹籽爆脆, 三文魚軟滑, 沙律菜爽口, 又係以酸甜開胃沙律醋做醬汁,口感豐富又醒胃。前菜 ~ 車厘茄以前甜酸醋醃製, 酸酸甜甜好開胃。麵豉湯大路的豆腐、羅白及海帶麵豉湯, 豆香羅白甜。嘩！好土豪呀, 成碗海膽不特止, 仲有成板海膽畀我送飯, 三種海膽各有味道;1. 日本海膽 ~ 日本海膽細緻滑溜, 入口即溶, 甘甜鮮味。2. 韓國海膽 ~ 海膽細小, 色澤浅黃亮麗, 成板上呀, 太豪爽了吧, 韓國海膽味道甘香軟滑, yummy。3. 加拿大海膽 ~ 大大片的葉子, 程深黃色, 一睇就認得出系來自加拿大, 加拿大海膽海水味比較濃, 海膽带海洋的鹹鮮, 勝在夠cr

星期日的下午，與友人到銅鑼灣逛街，突然心血來潮想食日本野，所以走到平時唔多行過既小巷，結果俾我地搵到這間日式刺身丼小店。店內每個角落都佈滿日式的裝潢，俾人一種好親切既日系感覺。我同朋友一坐低，店員就遞上兩杯暖茶，仲主動為我地推介一些食物。原來佢地最近做緊一個岩石縣美食節，我同朋友見到餐牌上既秋刀魚丼好吸引，所以就決定叫一個秋刀魚丼同五品丼試下。朋友叫左一杯柚子梅酒，我嚐左一口，一入口就已經充滿淡淡既梅味，酒精味唔太濃，容易入口。我就叫左一枝白桃梳打，白桃味突出。過左一陣，第一個主角出場 - 原條秋刀魚丼。好欣賞魚生師父既刀工，將原條秋刀魚連骨起埋。一開始，我完全冇諗過秋刀魚可以咁肥美，一啖食落去，魚既油脂即刻湧出嚟，肉質鮮美。第二個主角亦都跟住出場，五品丼入面包括左我最愛既日本海膽、帶子、牡丹蝦、油甘魚同三文魚。海膽味道濃郁，帶子好鮮甜，配埋淡淡醋香味既飯，真係冇得彈。兩隻牡丹蝦超級大，好新鮮。油甘魚同三文魚既肉質鮮嫩，吃一口，嘴裏已經係滿滿既魚油，真係有種入口即溶既感覺。每個丼仲會跟埋麫豉湯、沙律同前菜。所以，我同友人都吃得飽飽的。整體嚟講，魚生丼份量多，而且用料十分新鮮，真係物有所

成個星期返工咁辛苦，所以星期天個人想放鬆下，同埋食餐好些當作獎勵自己。四處係咁搵野食，行過小巷就見到有間食日本菜的，餐牌上的食物相好像不錯，所以入去一試。餐牌上有好多不同的丼飯，每一款都好吸引，令我和朋友都選擇了很久。經過一番掙扎，我選擇了「五品丼」，配有前菜、沙律、麵豉湯。沙律菜很新鮮，再配上兩塊煙鴨胸肉，美味可口！另一個係前菜北寄貝沙律，北寄貝咬落去好有口感，再配合秘製的沙律醬，令人覺得唔夠喉！而五品丼是由五種刺身組合而成，包括有非常肥美的三文魚、厚切的油甘魚、大大隻的赤蝦、珍寶帶子同埋我最鍾意食嘅北海道海膽！每一款刺身都非常清新鮮甜，絕對係高質之作！特別係油甘魚，配搭了柚子鹽，大大提升了油甘魚的鮮甜味道！至於麵豉湯，味道濃郁，唔錯唔錯！而餐廳最近做緊「岩手縣美食祭」，既然係期間限定，所以我朋友叫了原條秋刀魚丼，淨係賣相已經好吸睛！廚師好細心地把成條秋刀魚起骨，成件事都變得好貼心！而且一咬秋刀魚刺身，你會發覺肉身好有口感，性價比高！飲品方面，我就點了柚子梅酒，本來朋友都想飲赤式吟釀，但由於要駕駛，所以他最後選擇了一支白桃梳打，呢兩款飲品簡直為咗呢一餐劃上完美的句號！