豊洲水産海鮮丼専門店 (已結業)

最近玩fb 抽獎抽中這間食店既4選一既丼飯,有得選黑鮪拖羅丼、黑鮪腹身丼、黑鮪赤身丼以及鰻魚蛋卷丼,我選了黑鮪拖羅丼,可惜抽獎既選擇不能選三文魚腩丼,因為我很喜歡吃的, 我book 了 1點鍾去食,早15分鍾去到已爆爆地人,最後我選了黑鮪拖羅丼($298),侍應細心給了我一杯熱茶。黑鮪拖羅丼來了,飯既份量岩岩好,食得飽很重要,麵豉湯味道濃味岩岩好,裡面有豆腐洋蔥,都算大碗,其實我本身正係鍾意食三文魚腩,所以就算呢碗黑鮪拖羅丼個樣睇落好正好肥美,但我覺得都係普通,有d酸同有少少根,不過真係切得幾厚切,味道正正常常哦~PS: 如果抽中三文魚腩丼一定會食得更加開心呢

行街街行到夜，抬頭望到有間食丼飯既日本餐廳，係門口望左一陣餐牌都好似幾吸引，就決定試試有好多唔同款色既丼飯同套餐，揀左一陣終於揀到啦！鹽燒鮪魚鮫定食好香，鹽度剛剛好唔太咸，燒到表皮好香脆但拆開食到中間d魚肉還是嫩滑有汁唔乾，讚👍🏻麵豉湯味道較淡紅噹噹 豐洲海鮮丼魚生全部都好新鮮 我從來都唔食魚子因為怕腥都食到，最有驚喜反易係wasabi ,因為係新鮮山葵磨食到一粒粒既口感，好香個餐仲跟左個烏冬，味道就比較普通冇咩特別仲叫左個醬油山葵響螺醬油味足，反易山葵味較淡，但整體都好食

一直聽聞豐洲水產的鮪魚超好味。今日去到附近睇戲，所以終於有機會食。我揀了火灸碟魚邊，黑鮪，三文魚，魷魚明太子丼。兩大塊厚切充滿油脂的三文魚超好味，粉紅色細直的是魷魚，順滑有口感。火灸碟魚邊就是白魚，味道不錯，烤得剛好，口感柔軟又不會爛。主角當然是三塊鮪魚，一口咬落已經感受到充滿油脂，吃畢鮪魚會發現鮪魚味道完全蓋過了其他魚。香氣十足而且是厚切，比普通日本的店的貨式好上超級多。醋飯極之出色，必定是用上日本米，顆粒分明，甜甜的醋飯香味，浸在醬油中也不會化爛的日本米，超級出色。是完美的刺身丼！讚嘆👍

叫了一個北海道響螺松葉蟹甜蝦丼，跟個湯既，208元。覺得有點小貴，主要因為個湯完全唔夠熱，但丼都可以，刺身都算新鮮。另外叫了一個豊州海鮮丼跟沙律及海鮮忌廉烏冬，176元。呢個覺得反而覺得價錢合理，飯同烏冬都好食，忌廉日式烏冬既感覺都得意，同埋暖暖地，當中有啲菜感覺冇咁罪惡添。不過沙律就差左啲，太多醬同太多酸汁，食完個沙律係可以見到有3份1碗汁响度。本身沙律菜好爽好新鮮好清甜，就係個醬汁扣哂分，想撥都撥唔到。不過整體都覺得不錯既，諗唔到食咩既時候都可以黎下，起碼中伏機會低。服務態度都好好，要添茶有添茶，要牙簽有牙簽。

放工想食 魚生丼飯 ，呢間標榜日本直送吞拿魚所以心思思想試下 ~丼飯都有好多款可以選擇~揀咗個有吞拿魚，三文魚，油甘魚同三文魚子 嘅丼飯。$ 128、跟一碗 麵豉湯。吞拿魚 顏色, 雖然唔算太淺色 ，但味道，口感都好好。 食到 有油脂香味。三文魚都幾肥美 。油甘魚略嫌細件， 但口感煙韌 ，冇渣都唔錯。 呢個價錢有咁多款 刺身嘅丼飯都可以接受 有機會可以再試下其他款式嘅丼飯

今日同同事食lunch，同事提議試吓新的餐廳，這間餐廳位於一樓，縱然樓下排長龍等電梯去其他樓層的餐廳，我們行一層樓梯就可以到達了。到了這間日本餐廳，入到去感覺光猛舒適，雖然人流滿滿的，但不嘈吵。午市套餐大概100位，我選了一個午市套餐，火炙鰈魚 魷魚 三文魚 黑鮪丼飯，刺身及海鮮都非常有鮮味，且好厚肉，最驚喜的是湯的size完全不是小，是大大碗的湯。#hkfoodie #foodie #yummy #tripadvisor #相機食先

當天中午時份在油麻地附近逛街，在行經此大廈地下就被餐廳放於地下的廣告吸引，就搭升降機去該樓層試食。可能由於已過飯點時間，當天人流並不是太多，一進餐廳已經可安排入座。由於餐牌食物太多選擇，與朋友都要花了好一會時間才能選定食物，其中一個餐牌是一飯併一麵可自己配搭，開頭都擔心一飯配一麵會否太飽，但最後發現一人也是可以把食物吃清光的。價格相對都比較少貴，食物與價格成正比。食物美味可口，如有機會還會再來光顧。

偶然經過便嘗試光顧， 隨意得來卻充滿驚喜 ！餐牌有很多選擇！無論是壽司、魚生或熟食，都總會選到你喜歡嘅食物！ 而且特色飲品價錢相宜 ！ 抵最欣賞是配搭餐牌！可以飯配麵 ，有湯律， 自行再加杯飲品，實在非常滿足是次一個人點了魚生飯＋拉麵。另一個點了鰻魚飯＋ 溫泉蛋忌廉意粉(A+3)&(E+1)。好好味！豐富又有多種選擇配搭，實在很欣賞！！恆生和匯豐信用卡有95折，抵唔駛講，一定會再幫襯

我係YB,又係唔是打手系列咁呢就同女朋友上一下豐洲水產A+B套餐，價格偏貴不過又幾好味，卡邦尼烏冬太濃，未能食出烏冬應有的口感饅魚丼都還可以，本人不太偏好滑沙bee,所以令享受感覺大大降低，但仍能入口，味道不錯沙律就醬汁酸左些少接落黎女朋友系列湯底非常之濃完。我就偷食左幾啖，就幾有肉味，我就覺得唔差價格60尾，都還可以然後坐既位置比人發放邊疆，要自己出去叫服務員黎幫手寫野，覺得要加個鐘制同埋環境偏嘈雜

7月15日晚上，我和幾個舊同學一行四人晚飯，順道和其中一個女同學慶祝生日。女同學推薦我們到油麻地譽發廣場一樓的豊洲水產海鮮丼專門店，於是我們便在夜雨中出發。到達後，只見環境舒適，佈置幽雅，有些座位之間用了布廉來分隔，多了一分日本風味，也多了一分私人空間；可能當晚天雨關係，人客不多，增添了一份寧靜。侍應帶了我們坐在一角，奉上綠茶和餐牌。餐牌上款式很多，有單點的，也有套餐；我們四人之中，同學P是食神，他看餐牌看得甚是仔細，有不明白的地方，就召來侍應詢問，侍應很耐心給我們解答。最後同學們選了丼+烏冬套餐，但我不大喜歡烏冬，總覺得淡而無味。女同學見我拿不定主意，就介紹薄燒日本和牛丼給我。等了一會，食物上桌了，同學們的刺身有三文魚、吞拿魚……只見色澤紅潤、厚身，看上去不錯；我的和牛丼餐，牛肉很軟熱鮮味，加上燒汁，上面鋪了些幼細蔥絲，吃起來更是美味，本來不大肚餓的我，也把整碗飯吃個清光。同學給了一些豚骨魚湯稻田烏冬我吃，吃了又覺味道不錯，也許下次可以一試。侍應不時為我們加添綠茶；枱子濕了一大片，也能即時為我們拭抹，服務很是周到。餐後我們本想點些甜品吃，可惜只有一款，不合我們心意，是唯一美中不足之處

The toro don has a few spoonfuls of negitoro, 2 pieces of maguro, 3 pieces of chutoro, and 2 pieces of otoro. It looks wonderful, yet the taste of the tuna was not strong enough. Perhaps the miso soup was too savory, reduced the flavor of the toro don. I highly recommended have the toro don first before the miso soup. Also, the portion was not quite enough for a male. Overall, the experience was fair.

昀爺從英國返咗嚟， 約咗喺呢個下雨天嘅星期五晚飯。本來想去創興打嗰邊爐，但樓下等嘅人龍實在太得人驚。咁我哋向前行下行下就見到譽發商場， 上到嚟竟然唔使等位，即刻坐低叫嘢食啦。兩個人，一人叫咗個丼，兩個 snacks 再加兩杯啤酒。昀爺叫咗個自選丼，有4樣嘢： 墨西哥海膽、松葉蟹、帆立貝同三文魚魚子。 記住，自選丼嘅丼底係要80蚊嘅，唔好淨係睇餸嘅價錢。我就叫咗個豐洲海鮮丼 crossover 叉燒烏冬。 魚生其實都算新鮮。另外個烏冬，湯底就鹹咗啲同 creamy 咗啲。小食就叫咗軟骨魚蛋串同軟殼蟹沙律。 魚蛋串都食唔到軟骨。不過個軟殼蟹沙律就有surprise。軟殼蟹成隻上不在話下，另外沙律上亦都加咗蟹肉，好食。這裏環境舒適人就不算太多，是傾計的好地方。另外埋單要675蚊，就偏貴了。用恆生和匯豐信用卡係有九折嘅，而我就偏偏冇帶 HSBC 張咭，激死!

開張咁耐都無機會食, 剛巧經過油麻地, 諗起便上來試下~平日午餐時段都有很多位~不用排隊即刻可入座~午餐很抵食, 套餐最抵食$78 + 10% 便有~我們叫了三文魚丼和牡丹蝦海鮮丼 套餐包湯, 應該是三文魚麵豉湯, 比平時SIZE 大碗, 入面混有三文魚肉, 很鮮味~三文魚丼 $ 118 + 10% = 130有炎燒三文魚三塊, 三文魚刺身三塊, 牡丹蝦一隻, 蟹肉和少許魚子, 還有牛蒡2小條酸蘿蔔2片紫菜一大塊~首先要讚係個壽司飯底, 我覺得很好食~軟硬適中, 飯酸度剛剛好~真的有水準~我平時食丼飯通常都會食淨飯, 但今次真係食得好乾淨~魚生當然全部都新鮮, 三文魚很肥美+厚切, 蟹肉撈飯真是很美味, 加上青檸汁更加清新~牛蒡條口感很特別, 平時很少有得生食~所以食埋佢~ 牡丹蝦海鮮丼 $178 + 10% = 196有三文魚刺身三塊, 牡丹蝦一隻, 三文魚子, 帶子2舊, 蟹肉和少許魚子, 還有牛蒡2小條酸蘿蔔2片紫菜一大塊~友人也就整體都很新鮮好味~塊紫菜還可自製手卷食法, 更是可口~有機會一定會再試其他~

今日下午我們喺油麻地周圍附近搵吓有咩好食，行到去譽發廣場見到呢間「豊洲水產海鮮丼專門店」嘅廣告餐牌相當吸引，所以我們就決定去食下午茶！一入到去見到店內嘅環境裝修充滿日式和風嘅感覺，坐位同坐位之間亦好寬敞，感覺非常舒服，不過可能當時過咗食飯時間，所以人客唔係好多！我們叫咗豊洲皇牌飛天黑鮪丼嘅黑鮪魚赤身位置相當大片厚身，色澤非常紅潤，就算未食都已經知道係好新鮮，食落味道超鮮味濃郁，而黑鮪魚腩蓉就極之芳香軟滑，而且入口即溶，真係超正呀！黑鮪、三文魚、油甘魚、三文魚籽山芋丼嘅所有刺身都係非常新鮮，味道相當鮮甜，而且充滿油脂嘅香味，不過本人重點推介嘅並唔係刺身，而係可以用嚟拌飯嘅山芋蓉，質感好黏黏咁，雖然山芋蓉本身係無味，但加啲豉油同wasabi撈埋啲飯一齊食，真係諗唔到會係咁正，因食落嘅質感超級軟滑，真係令人回味無窮呀！蒲燒鰻魚、自家製明太子蛋卷丼嘅鰻魚肉質相當肥美肉厚，而且燒得好芳香，而蛋卷就非常香滑軟綿，中間就係微微辣嘅明太子，真係好正呀！至於跟餐嘅味噌湯同平日飲開嘅唔同，因呢度係加咗三文魚一齊熬煮，所以味道相當味味濃郁，真係好好味呀！

今天中午3/7/18 和朋友吃中午set lunch 在街上見到menu 圖吸引上去食 點知圖以供參考刺身不新鮮 不是壽司飯只是好普通食物食板前仲好食過這間set lunch都不平