豊洲水産海鮮丼専門店 (已結業)

老婆著我陪她到銅鑼灣吃名字響噹噹的海鮮丼飯，沒有想到，餐廳的熟食也做得不錯。餐牌比我想像中選擇多，小食也有滿滿的一頁，不是清一色的刺身丼飯。一片刺身海中，被我發現有和牛丼飯，正中我下懷。每客飯也配味噌湯，味噌湯也不簡單，有鮮魚肉在內。丼飯分量很大，和牛件鋪滿反面。牛肉質素頗高，有鮮牛香味，而且肥瘦亦很適中，混和醬汁，「餸飯」實在一流！老婆愛吃生蠔，我比較喜歡燒蠔，各取所需。選了牛舌作小食，厚切的口感很實在。配上蔥花和特製的辣椒味噌醬，頗為惹味。天婦羅常常吃，但一般也是用上小蝦的，這兒的天婦羅是特大的虎蝦，別有一番風味。同場加映老婆和外母大人的豐富刺身飯。雖然我沒甚研究，但從刺身海膽的顏色也看得出是高質貨色。豐富的晚餐，每位四百多元，逗得兩位女士開懷，很值得！

輕鬆的一天 , 輕輕鬆鬆的吃個丼做 lunch ~午飯地點就在 位於 灣仔 的 豐洲水產 海鮮丼專門店 ~餐廳的設計裝修充滿日本風情 ~Menu ~點了一個 火炙鰈魚邊、黑鮪、三文魚、魷魚明太子丼 $133 ( 跟湯 ) ~ 味噌湯 : 此味噌湯並不簡單 , 湯的材料豐富 , 有魚肉、昆布、洋蔥、豆腐 , 湯的味道有濃厚鰹魚味 ~火炙鰈魚邊、黑鮪、三文魚、魷魚明太子丼 : 這店以海鮮丼專門店自居 , 其海鮮丼當然不會失禮 , 一個丼之內有四款海鮮 , 一次過能吃得到火灼鰈魚邊的肥美甘香 、黑鮪的鮮嫩 、三文魚的肥美 、 魷魚明太子的鹹鮮 , 加上軟硬適中又Q韌的珍珠飯 , 如此美好的一個丼 , 還挑剔什麼 ~本篇完 ~

豊洲水產係築地有名嘅海鮮批發商，而家想食新鮮海產，唔駛專登飛去築地，仲要大排長龍先有得食嘅! 佢嚟左香港開舖，灣仔同油麻地都有直營店啦! 成間店最Sharp就係呢支七彩掛旗，掛到高一高，好吸睛。座位有吧枱。就算一家六口嚟，都有長長卡位，唔會迫。【豊洲水產海鮮丼$248】全場人氣No.1就係呢個豊洲水產海鮮丼，海鮮有︰黑鮪中拖羅、黑鮪赤身、黑鮪魚腩蓉、三文魚子、帆立貝、牡丹蝦、北海道響螺、油甘魚、三文魚、松葉蟹、熊本縣產醋鮮魚、飛魚子、三文魚玉子蛋卷。咁多款口味，款款都咁新鮮，排到靚一靚，一次過滿足晒! 飯係用日本山形縣生拔米煮，粒粒分明，軟硬適中，入口有飯香味。碗入面配左兩片紫菜，仲可以自製手卷，但包完要快啲食，咁樣紫菜先會夠脆。睇顏色已經知佢新鮮。一梳梳蟹肉，仲加左黃金飛魚子，一個字︰鮮!牡丹蝦得一隻，多一隻就好喇，幾鮮甜!嫌唔夠喉可以叫個Mega Size，不過我一個人連Normal size都食唔晒。【薄燒日本和牛丼$148】面頭有一層炒香菇，下面係好多件和牛片，大大塊。和牛油脂豐富，入口嫩滑，燒過後牛油香味更出，一食就食得出係和牛!每個丼都會有一個「麵鼓湯」，好大碗，仲有魚肉，

又到銅鑼灣朝聖，今次是到一間名氣甚高的長龍店！豊州水產以築地直送聞名，又係好出名的過江龍。啱啱新開的時候，常常都要排好耐先入到去，好彩我今日特登早啲去食晚飯，唔使等位。佢哋呢期做緊宮城縣直送海產，主打當然係時令的秋刀魚啦！可惜媽媽唔鍾意食秋刀魚。所以我哋揀咗淺嘗宮城蠔，生蠔好大隻又肥美，配上蔥花蘿蔔絲入口感覺幾清新，質地比較爽。一場黎到，當然要食主打的魚生丼，媽媽三心兩意樣樣都想食，我就建議佢食自選丼。睇吓佢幾貪心！一客丼飯有齊佢想食的品種，母親大人超級滿意。我都偷食左少少，最欣賞油甘魚同埋左口魚裙邊。油甘魚肥美，左口魚裙邊的魚油則十分豐富。而我就揀咗一個招牌丼飯。店內特有的黑鮪腹、金黃海膽、粒粒三文魚子，構成大滿足！紫菜可以包少量飯同海膽，海膽偏細但仍有鮮美，每一口都充滿甘香。三文魚子脆卜卜，同海膽一齊食好正。大拖羅絕對係我來朝聖的目的，拖羅肥美無筋，入口即溶，每一啖都令到口腔充滿魚油的衝擊。整個丼飯的衝擊可以話係令人應接不暇，一浪又一浪。佢跟飯的湯亦幾有誠意，好足料的。整體食物都令我哋幾滿意，環境亦唔錯，雖然有點小貴，但排長龍也合理的。

去咗零一區見客，Lunch當然會搜尋一下附近嘅美食，原來響鵝頸橋附近開咗一間日式刺身飯店，呢度介紹佢價錢唔貴，睇落食評都唔錯！一於來試吓！呢度嘅髒話好有日色情懷，有吧枱亦都有卡位。午市會有餐湯，今日係三文魚麵豉湯。餐湯好熱， 職員提點要盡快飲，凍咗會有腥味，入落口好舒服，好甜！豆腐又滑，不錯！我點左一個大拖羅雲丹三文魚子丼。聽個名已經好豐富，上到枱就更加嘩一聲！原來分量咁驚人！前面三文魚魚子同海膽已經有滿瀉嘅感覺！三文魚子超級大粒，咬爆後魚籽汁充滿鮮甜味！撈飯一流！海膽亦都非常新鮮！好creamy 有小小海水味！除咗前面滿瀉嘅三文魚子同海膽之外，後邊嘅大拖羅亦都不容忽視！有五片厚厚切，十分肥美！大拖羅食入口有慢慢溶嘅感覺，有油香，一點也不腥，超有口感超好吃！見到啲到＄13有一杯士多啤梨石榴乳酸飲品，我又叫咗一杯試吓！酸酸甜甜感覺好開胃，亦好似好幫助消化！仲好解渴！如果夏天飲會更加好！呢度有啲特色飲品，下次要來試其他口味！走嘅時候發現門面有一部水機，應該係比客人排隊飲用的，真係好細心！加分！呢度除咗刺身飯亦都有好多熟食，唔識生野嘅朋友都有好多選擇！今次唔打唔撞又食咗一餐好嘢，真係大滿足！

午飯時分，在豊洲水産開餐，朋友望著餐牌三心兩意，為點餐而煩惱，店長看在眼裡，窩心推介了時令的秋刀魚及池魚定食，還有金線鯛刺身。店長說金線鯛即是日本紅衫魚，單看賣相，色澤與紋理跟我們的紅衫魚十分相似，先來一口原汁原味的，肉質結實而有彈性，味道非常鮮甜，接著一口灑上檸檬汁，再混著辣椒蓉同吃，又是別有風味的鮮甜。時令的秋刀魚刺身定食，秋天就是享用秋刀魚的最佳時分，肥美的秋刀魚原條切至薄片，賣相壯觀，泛著亮眼銀光，一啖咬下，魚味香濃，結實的口感充滿油脂香，蘸上蔥蓉及芥辣同吃，實在一大享受。池魚刺身定食，池魚肉質通透，口感爽彈，味道清鮮，原條上碟，單看已令人垂涎。定食還有暖暖的味噌湯，內裡有大量魚肉及昆布，味道濃厚。新鮮的日式野菜沙律，青綠爽脆的沙律菜很甜，車厘茄美味水潤，清新醒胃。吃罷定食，朋友還追加了油甘魚刺身，一客五件，充滿光澤，入口清爽之中帶著濃厚油香，實在的口感令人大滿足。

不知道十全十美中的「十美」有否包括肥美，如果沒有的話，那麼我今天吃的魚生丼定必是第十一美了。今天早餐還未吃，在中午路経看見派傳單阿姨手中的海報，簡直是口水在心裏流，一於接過傳單直到餐廳。豊州水產海鮮丼（$248）這個是餐廳人氣#1 的海鮮丼，總重量達 500g, 最適合一些每樣都想試的人仕，或是選擇困難的人，因為丼內總共有十三種不同的食材，當中包括：▪️黑鮪中拖羅▪️黑鮪赤身 ▪️黑鮪魚腩蓉 ▪️三文魚子 ▪️帆立貝 ▪️牡丹蝦 ▪️北海道響螺 ▪️油甘魚 ▪️三文魚 ▪️ 松葉蟹 ▪️熊本縣產醋鯖魚 ▪️飛魚子 ▪️三文魚玉子蛋卷試過這個丼後，就會明白為何這個海鮮丼能夠成為人氣第一。每種食材都是新鮮由原產地直送，而且份量夠大，食材有十多種類，加上用了飽満香滑的日本米。一碗丼飯已吃到十款以上材料，滿足你十多個願望。牡丹蝦又大隻又新鮮，眼仔精靈。飛天黑鮪大満貫丼（$298）如果你喜歡吃鮪魚，這個丼飯一定要點，這個簡直是鮪魚天堂。一個丼飯內已可以享受到四種不同口味/部位的鮪魚，其中包括：▪️黑鮪大拖羅 ▪️黑鮪中拖羅 ▪️黑鮪赤身 ▪️黑鮪魚腩蓉這個砌到一個十足鮪魚富士山模樣的丼飯，分別有各三片的大拖羅，中拖羅，赤身和一大

位於銅鑼灣豐洲水產, 每次都見到店鋪外常企滿食客在輪候. 也難怪, 因為豐洲魚生丼最馳名, 無論香港定日本ㄧ样客似雲來!今日六時左右特地早來嘗試, 避過繁忙時間。我係魚生丼發燒友, 自選了海鮮丼, 包括牡丹蝦, 帆立貝及飛天黑鮪腹身:特大牡丹蝦刺身很鮮、弹牙, 尤其是蝦頭部份, 多䯧又多汁, 帆立具大粒又爽口, 鮪魚厚切, 非常新鮮, 仲好有咬口。 order毎款丼都會跟特製魚湯, 用上盛三文魚及魚骨淆製而成, 花上數小時時間, 魚湯精華出晒嚟, 記住湯必定要趁熱飮, 才能体會到那清甜鮮味! 放在我面前E款炸虎蝦天婦羅丼併魚籽温泉蛋, 真係好有份量, 成隻手掌長嘅虎蝦, 外面卜卜脆裏面肉厚美味, 炸漿又不太厚, 啱啱好, 把魚籽温泉蛋ㄧ併 攪勻撈飯, 口腔裏每啖飯都滿怖蛋汁同魚籽內魚油, 好好味呀😚😚😃!食多左, 唔夠Cash唔緊要, 除了可用信用咭付款, 食店还可以用EPS! 係我第一次係食肆付款方式。

今次食午餐，刺身好大件，女仔胃口細，真係食唔曬！刺身幾新鮮，大大件。最讚係個三文魚湯，熱辣辣，有魚湯渣，幾多下，好甜👍🏻 加左$12飲杯鮮榨果汁，有渣的，新鮮榨足料，一定要加👍🏻

日本築地市場這個概念在香港現在非常普遍，魚市場形式的日本料理店開完一間又一間，刺身是我們一眾女生最喜愛的，要食好嘢一定要來這種形式的料理店。在灣仔近天橋底有一間，開了一段日子，我早早已經想試，同事發局，我奉陪到底。豊州水產海鮮丼專門店，價錢合理，豐富的海鮮丼要賣二三百，熟食百幾就有。我今日不想食生魚，點了薄切和牛丼 $178，和牛這麼珍貴，原本以為只會俾我少少牛肉片，喜出望外，雖然只得三片，但是很大片，入口香嫩，外表見唔到脂肪，但咀嚼時感到肥美，味道豐富，這個飯超正。套餐跟海帶豆腐麵鼓海鮮湯，並非一般的餐湯，湯裏邊面食到魚肉蟹肉，足料老火湯來的。大家開心分享一款以醬油泡製過的吞拿魚片，很有特色，味道都好好。

見到此店網上咁多評價，即管慕名一試。結果: 中伏了!入到店內，叫咗個飛天黑鮪丼，個餐跟一碗海鮮湯(所謂)。湯來了，店員溫馨提示要趁熱飲，否則會腥。呷了一口，唉，湯的溫度比起暖高d，稱上熱。味道只有鹹，完全無海鮮味。雖然有魚肉，應該都係後加。再試吓個黑鮪丼，d黑鮪肉完全無魚味(準確嚟講係無味)，個飯底用嘅應該唔係全部日本米，可能溝咗其他米。埋單盛為$17 4。呢個價錢咁嘅質素，無心製作。P.S.: 因為伏味太濃，所以無影相？

好多選擇，又可以自己配鍾意食咩就要咩材料我要左個海膽魚子吞拿魚份量十足，又有湯配埋食完凍野，再飲啖熱湯，感覺超正刺身都好新鮮依個係三文魚蟹肉牡丹蝦吞拿魚蓉真係好好味份量十足，其實一人食一碗已經滿足到不得了

I had a massive stomach ache and diarrhea after having dinner here.  Would not recommend if you have to fly the next day, lol  

大熱天時懶得出街，但又好想食魚生飯，見到外賣app有得叫呢間就試下... $228 叫左一個皇牌飛天黑鮪丼，名符其實，啲拖羅飛晒上天... 不過，叫得外賣都預左會走位... 但令人失望既係外賣竟然無麵豉湯，而且飯既份量好細，兩啖就食晒，好似食空氣咁... 上網睇下食評，原來呢個丼堂食只係$158.... 貴左幾十蚊，份量少左咁多，又無左個湯... 雖然外賣有心思用保溫袋+保冷包，啲魚生都新鮮，但唔會再有下次了！

東京、築地一直都是港人熱愛的名詞，連帶魚生丼都令大家齋聽已經流口水。之前築地魚巿場要搬遷，不少人都為之扼腕，想立刻搭飛機送別。然後魚巿場延期搬，漁販繼續招牌切鮪魚Show，旅客也繼續覓食。 未有時間去旅行，香港都有築地直送，在鵝頸橋附近一間和風味濃的餐廳，是當地「豐洲水產」批發的海外專門店，來貨當然新鮮，加上場內佈置，彷彿自己也去了築地食豐富生日魚生丼。 之前大排長龍，現在新分店已開至油麻地。門口是仿日式老店設計，瓦片上掛招牌，不是很有技安 (胖虎?!) 媽媽雜貨店的感覺？趟門前懸掛自家的「字號簾」，不用擋風遮太陽，一樣能顯示店家的獨特。大門口的「字號簾」和丼飯照，搶眼： 版畫風的寶船繪畫得盤滿砵滿，左鮪魚右鯛魚，好意頭。 「築地直送海膽三文魚籽丼飯」$268，我點的丼飯，海膽及三魚文籽都是我的治療系 comfort food，每次見到都會好開心！一大片金黃海膽。。。 送個小弟食法的習慣，吃海膽及魚籽可以先完全不加豉油和 wasabi，因為魚籽已經用豉油漬過，混和大啖大啖食，已能好好享受海膽的鮮味，在口中融化，以及魚籽的清脆。 每個丼飯 set 都附上大碗麵豉湯， 有