豐味窯雞

營業中

休息中

原來除咗窯雞，豐味窯雞仲會炮製蔥香雞飯餐，同川式口水雞飯餐😙兩個飯餐 都有雞➕白飯➕湯➕前菜🌿蔥香雞飯蔥香雞飯嘅雞肉同雞皮幼滑，而且完美吸收蔥香豉油汁🌶️川式口水雞飯口水雞非常香辣同惹味，辣得勁過癮，鍾意食辣嘅人，千其唔可以錯過而且白飯份量好多🍚；海帶蛋花湯嘅海帶爽滑，湯水帶有淡淡鹽味🍃；辣菜脯作為前菜，辣到好開胃🤤另外，Zaza都想讚賞外賣嘅包裝📦 事關Order咗咁多次外賣，好少見到包裝得咁好嘅餐廳👍🏻 將膠袋放入密實嘅外賣保溫袋🛍️ 所以返到屋企品嚐嘅時候，食物仍然熱辣辣♨️

之前北上食過窯雞好味到念念不忘，原來香港都有得食㗎😋今日喺屋企開party，除咗叫基本嘅Pizza壽司之外，有朋友推介呢間位於觀塘的豐味窯雞外賣店，有窯雞、口水雞和蔥香雞選擇，自取就去官塘工業中心攞好方便！一隻豐味窯雞$168，好大隻，一大班人share好開心！包裝用錫紙和保温袋，一打開就聞到香噴噴，肉質非常嫩滑！店家仲附送布手套和膠手套，好貼心！雞肉好入味，juicy好好食，下次外賣有多個好選擇啦！

大熱窯雞 皮滑多汁肉嫩近期興食一隻雞，原隻外賣拎走返屋企加餸一流！地點仲要好方便，上到去即刻有得拎～外賣保溫袋加埋錫紙包住隻雞，拎到返屋企仲係好熱！未打開已經聞到好香雞味，流曬口水呀！一打開，雞皮烤到金黃色，仲有超多雞汁，但係意外地好容易就可以撕開食！原隻雞真係好大隻，雞頭雞腳都有，原隻足料！用手撕雞肉同骨係可以完全分離，證明真係窯得好夠！配料有好多洋蔥，一啖雞一啖汁咁食好滋味～鍾意食雞嘅真係唔可以錯過～

我係網上見到觀塘工廈有一間窯雞店我一早打電話預訂一隻窯雞 上到去店員會焗好嘅窯雞用錫紙包住，儲存保溫而且仲有外賣保溫袋，真係好貼心店員在室溫用保溫袋裏保存8個鐘，仲有隔熱手套🧤同埋即棄手套，方便我哋唔需要用到都可以撕開☺️返到屋企就窯雞仲有位餘溫，我就用咗焗焗烤10分鐘😗打開錫紙包雞肉醃好醬汁慢慢流出香氣逼人😍，原來裏面仲洋蔥同醬料，肉質非常之嫩滑唔過火，而且好Juicy味道啱啱好😍又唔會令到食雞好鹹，屋企人話都好好食，下次再encore🤩

近排開始常常煮飯，因為小朋友都忙着開學，而我就要跟進通告跟進功課，所以都冇得出街食飯。好彩好多媽媽都係經歷緊呢啲事情。咁有一日傾開偈，佢哋就介紹我唔使煮得咁辛苦，不如買隻燒雞返去簡單食就得啦！咁都幾好喎，佢哋食過話好食一定可以試吓啦。我見買外賣地址同屋企好近所以一於去試吓。事先預訂咗去到呢，就講返電話號碼就攞得啦。真係好方便。之後搭車返屋企，放工時間喺巴士上邊一直都好多人之後竟然有人問我點解外賣包裝咁香嘅我就介紹佢去買豐味窯雞啦原來係啲香氣透露晒出嚟，肚餓嘅香港人聞到都忍唔住八卦問我係邊度買隻咁香既雞。啱啱出爐嘅燒雞好熱，店家已經安排咗勞工手套和膠手套首先戴上勞工手套防止熱力之後戴上膠手套，防止啲油滲入。打開隻雞都唔細隻個喎，原隻嘅燒雞之後用手套原隻撕開啲汁一直滴出嚟，我自己用個碗留起啲雞油之後食雞嘅時候點返增添香味。燒雞普通大細，但雞胸雞髀位置啖啖肉，係好滑嘅。而且用錫紙保留溫度，就算返到屋企都係熱辣辣㗎。一晚落嚟淨係食一隻雞都夠三四個人飽。加碟菜就無敵啦。價錢唔貴而且落單算方便，所以諗唔到煮乜呢？就去買外賣啦。

呢間真係食過返尋味🤤！今次經過觀塘, 提早訂咗全隻窯雞拎返屋企俾屋企人試吓！佢哋只做外賣, 窯雞係每日新鮮製作, 限量供應, 記住要提早預訂啊～窯雞用兩層錫紙包住, 再放入保溫袋, 拎到返屋企(約半小時)仲係熱辣辣, 保溫做得非常好👍🏻！袋內更附有勞工手套🧤、膠手套、辣椒粉🌶️, 好方便！🍗豐味窯雞 打開錫紙就見到香噴噴嘅窯雞！選用三黃雞, 以3種蔥同秘製醬汁醃製, 用錫紙包好雞隻後再以高溫烤焗, 用心製作！窯雞色澤金黃, 用手輕輕一撕就拆到啲肉出嚟, 雞肉肉質嫩滑多汁, 連雞胸肉都好滑, 一啲都唔乾柴！醃得非常入味, 啖啖都充滿着肉汁同雞油, 又唔會太鹹, 真係非常推介👍🏻

平日比較少外出食飯，呢排大熱食窯雞，朋友推介落單預訂咗豐味窯雞 ，位於觀塘工業中心一期7樓G室 B室，聽講唔少人都幫襯呢間工廠大廈嘅外賣店，但一定要預訂，否則就要花時間等～用上保溫袋包裝，好有有心思，返到屋企仲係熱辣辣～一開即刻食得，唔使再翻熱窯雞都好大隻，切開時仲有好多肉汁，夠晒juicy。外皮香脆，內𥚃肉質嫩滑，無乜肥膏，獨家炮製，每啖都夠晒滋味。隨餐仲配送香辣味粉和食用工具（服手套、勞工手套），認真方便。

近排成日都聽到窯雞 依加觀塘都有啦🥳位於觀塘工業中心一期 觀塘地鐵站D出口行3分鐘就到提早打電話留定隻雞⏰ 上到去敲門轉個頭即刻攞得走接埋小朋友放學再返屋K大概45分鐘 返到屋企隻雞仲熱嘅打開睇睇 裡面有一包工具 包括布手套 一次性手套同一包辣粉窯雞包得好好 雙層錫紙避免漏曬D雞汁精華 之後再放落膠袋D汁無穿透個膠袋 再加埋仲有個保溫袋 攞出嚟嘅成個過程都唔會搞到周圍油淋淋👍🏻打開隻雞 香味撲鼻 仲有好多雞汁精華可以好似我哋咁煎開嚟食 或者手撕雞咁食又得豐味窯雞 $168/隻

上次公司開Party 同事買咗呢隻窯雞返嚟食第一啖已經覺得超正．念念不忘所以問佢拎咗地址今日買一隻同屋企人開心Share鄰近港鐵站．地點方便易搵唔需要華麗裝潢單單一個廚房 + 專業製法就製造出與別不同．非一般的味道✨豐味窯雞🐓由內至外就好入味．而且唔會太鹹拎到返屋企依然熱辣辣雞肉非常嫩滑．撕開就湧出豐富肉汁錫紙底層滿載著雞汁精華係我近年食過最好味嘅窯雞下次再買一隻．可以手撕雞肉當小食都係唔錯嘅選擇😋

原本好肚餓嘅今晚仲諗住試下「好出名」嘅窯雞…點知等下等下送到黎發覺凍冰冰不特止，仲要啲肉扯都扯唔開🙂‍↕️🙂‍↕️望真啲先見到成隻雞一忽熟嘅地方都無！未煮熟嘅野可以就咁俾個外賣員攞走？😞低級錯誤到仲要望都無望就包好俾外賣員…餓上加餓，但諗起咬咗啖生雞就無哂胃口….食物安全質素可以差到咁🥺

有時晚飯想斬料加餸，除咗白切雞、豉油雞外，依家我有多個新選擇，就係大熱嘅窯燒雞，真係皮滑肉嫩特別好味，依家觀塘就有外賣店。每隻窯燒雞大約兩斤重，每日新鮮醃製再高溫烤一小時。拎外賣時有錫紙封得密實，再有外賣袋裝住，確保安全。返屋企拆開仲有煙，聞到香噴噴，見到雞皮烤得金黃色，真係好吸引！如果太熱去用手拆嘅話，都有厚手套墊住。我同屋企人最鍾意食雞，見到整隻窯燒雞就話要親自撕。雞肉真係多汁又超級嫩滑，雞肉同雞骨一撕就拆到。

今天晚餐後，我和太太到觀塘工業中心一期7樓G室B室，光顧一間名叫豐味窯雞的店鋪。聽朋友們說這裡的窯雞非常受歡迎，網上評價也很好，讓我們倍感期待。我們點了一隻大大隻的豐味窯雞。這隻雞用錫紙包裹著，保持熱度的效果非常好，讓我們在回家的路上就能感受到陣陣的香氣。當我們回到家，慢慢打開錫紙時，濃郁的雞香立刻撲鼻而來，讓人垂涎欲滴。這隻窯雞的外皮金黃酥脆，肉質則鮮嫩多汁，口感豐富。每一口都能品嚐到香料的獨特風味，簡直讓人忍不住想再來一口。搭配著自製的醬料，味道更是絕妙，讓這頓晚餐變得更加完美。用餐的過程中，我和太太不時互相分享對這道美食的感受，歡笑聲此起彼落。豐味窯雞不僅滿足了我們的味蕾，也讓我們的晚餐變得更加溫馨和愉快。總之，這次的用餐經歷讓我們十分滿意，未來一定會再回來光顧，繼續探索更多美味的菜式！

呢隻雞🐓最近好鬼出名，唔知大家食過未呢？就係位於觀塘工厦入面嘅《豐味窯雞》早2日係網上訂咗一隻返屋企嘆，到店取既時候，已經隱隱約約聞到啲雞肉嘅香味，雖然佢哋包到冚一冚。隻雞雞拎到返屋企都仲係熱辣辣，店家勁細心，提供埋勞工手套俾你用。隻雞用好多層錫紙包住，所以煮完之後啲汁都會keep返晒係隻雞入面，佢哋既雞，超級肥美厚肉，加上以古法炮製，全隻雞既肉質都好嫩滑，口感超超超超正🤤鍾意食雞🐓🐓🐓🐓🐓嘅朋友，快啲去試吓啦。只有外賣，不設堂食

💥熱爆觀塘工業嘅窯燒雞🐔，聽聞即叫即製，專注於窯雞，✨用獨特嘅醃製方法及烹調。懶得煮飯嘅我，呢隻雞真心夠方便🙌🏻，先用錫級包著再用保溫袋保存食物品質，返到屋企🏠一拆即食，仲熱辣辣♨️。而且雞肉吸收了豐富嘅香料味😌，又唔會過咸，同時能夠鎖住水份，食落都好Juicy🤤，今晚食燒雞配啤酒，夠晒chill，仲好飽飽同蛋白質滿滿👅

今日陳皮契媽嚟咗我哋屋企食飯指定🅞🅡🅓🅔🅡要食我哋早幾日食 @chickendinn_er 熏雞🐔🐔🐔一樣都係咁好食保持水準😋😋一打開契媽已經話好香雞皮好薄身 一啲都唔厚 唔會覺得油膩切開同上次一樣有肉汁 雞身入面有洋蔥🧅好香好香 睇片都睇到好嫩滑😍今次搣成手撕雞咁俾陳皮食👄淨番雞架同肉汁溝啲水煮烏冬 食到皮皮舔舔脷😁一雞兩食💯‼️豐味窯雞 (觀塘)觀塘觀塘道472-484號官塘工業中心第一期7樓G室B訂購電話:54908131