豐味蒸食

營業中

休息中

餐廳：豐味蒸食地區：旺角地址：旺角廣東道1016號地舖日期：18/7/2022時間：2:20人數：2人 等位： 5mins 價錢： ＄44一路都尋找緊好食嘅石磨腸粉，見有人話呢一間石磨腸粉有大陸風味咁一定要試下🙊一去到已經有人等位睇嚟都幾受歡迎🤔我哋嗌左雞蛋瘦肉腸粉（$24）同韭菜蒸餃（$20），總共44。⭐️雞蛋瘦肉腸粉⭐️腸粉滑，口感算幼細。可惜對於我黎講腸粉皮唔夠薄唔夠皺皮，蘸汁力不強，而豉油有調配過，加了花生油，香口。醬汁唔夠可以再問店員要👍⭐️韭菜蒸餃⭐️韭菜唔夠多反而豬肉嘅比例比較多，令到蒸餃唔夠香，所以唔太推薦🙊店內用石磨磨米漿感覺都正宗，不過唔係我哋中意嘅果款皺皮腸粉🙊

一枝公想搵D小食晾下肚先去上堂,但係旺角, 又唔想企係到食小食, 想坐得低抖下,搵搵搵~~終於俾我搵到間, 睇相個賣相好岩我口味既腸粉晶瑩剔透~~鮮蝦雞蛋腸粉好鍾意佢個質感另外仲叫左杯豆漿同鮮蝦豬肉蒸餃聽說佢地既蒸餃係手工自己包,所以好想試下佢!睇個外表就唔係好靚, 但係食落有驚喜呢!!有肉汁!同埋呢個價錢竟然有成隻蝦係入面, 雖然唔係大隻既蝦,但都好滿足!!20幾蚊貨仔, 絕對收貨!呢間鋪係街市入面, 我覺得都幾隱閉要俾D心機搵先搵到佢但估唔到既係, 人流好多, 大家食完起身又有下一枱, 但因為即叫即蒸, 所以都可以KEEP到熱辣辣同新鮮,但變相落單後要等相對耐既時間呢~

唔知係咪因為外賣佢整定擺得太耐一打開個盒就有浸屎未湧出嚟🤢臭到成個Office都聞到🤮一啲都唔想🤮撇開陣味睇幅圖都見到啲腸粉厚薄不一有啲好薄 有啲厚度成層豬皮咁完全冇食評嗰種咁晶瑩剔透而且好少餸 難食到我一日都想嘔🤮而家諗起都想嘔對腸粉產生陰影原本仲想試吓佢個小米🙊都係不了

見到有YouTuber 推介街市呢間腸粉，我同朋友係旺角睇完戲，都順便去試下，當係一個下午茶。環境比較細少少，不過係街市，都正常嘅。叫左海豐小米同芫茜牛肉腸粉。我覺得海豐小米類似魚皮餃，不過比魚皮餃諗，入面係豬肉餡，睇落似粉粿皮。味道都唔錯嘅。芫茜牛肉腸粉睇得出幾足料，一半都係芫茜，鍾意食芫茜一定要試下。腸粉皮薄，都滑。覺得唔錯😌

哩間食咗好多次，但唔知點解最近食腸粉既時候 啲味道好似啲生鏽既味道咁，令腸粉質素下降。變得唔好食，希望改進下，但系小米啲味道一流。之後光襯都以食小米為主㗎啦，希望唔好多人光襯就降低食物質素。

本人鄉下都係汕尾，好鐘意食你地啲腸粉，亦都經常來幫襯，以往係啲姨姨幫我落單，佢哋都好nice，一直以來都冇什麼問題。但係今次令我好失望，亦感覺俾冒犯，事因當我需要加單時，一位年輕的女生侍應皺晒眉頭很不耐煩的樣子，隨後該侍應向另一位男生侍應用汕尾話講‘入面果條女要加xxx’。咁大個人第一次外出用餐俾餐廳的員工大大聲稱呼為‘果條女’，感覺非常差。自問係落單時都有唔該前唔該後，但係得到的服務態度卻是如此惡劣。（第一，本人完全無為難侍應，好正常咁要求加單；第二，當時店鋪並不忙碌；第三，顧客聽唔聽得明家鄉話都好，我認為都唔應該用‘果條女’黎稱呼顧客）雖然好鐘意家鄉的食物，但經過呢次經歷，我以後都不會再來幫襯。

琴日咁岩係網上睇人推介呢間潮汕小店，成日聽人講起，因為我地平時好鍾意食潮汕腸粉，今日就決定去試下！大概2倒去到，唔洗等位可以直接入～叫左3樣嘢～❀ 雞蛋瘦肉腸粉加香菇（+$3）$27 呢間腸粉係純手工製作，即叫即蒸，食落皮夠薄，香滑，加上佢哋獨家嘅辣椒醬，非常香口好食！❀ 招牌豬髀蒸飯 $43 招牌豬髀飯係佢地舖頭推介必食，份量都多，仲送左碗紫菜湯👍豬髀燜得好淋，連埋皮食，每一啖都好肥美，好入味～好抵食❀淨潮州牛肉丸湯 $33 牛丸湯送上黎嚇到我，好大碗，有8粒同埋生菜，平時出面食嘅最多4/5粒，呢到好抵食！牛丸食落真係有牛味，爽口彈牙，有汁

呢間店係無意喺小紅書見人介紹，懷住試伏心情去食，點知食完encore咗幾次，值得推薦。鋪頭雖然環境一般，d位都窄，而且位於街市，小小蚊蟲在所難免。首推腸粉，皮又薄又滑，而且唔會有米up味，落料都唔孤寒，鋪得好均勻，啖啖都有肉食。🥰另外蒸粉都好食，23蚊好大碟，辣菜脯辣得嚟又唔會太鹹，每次都會加3蚊加菜脯。仲有小米幾特別可以一試，蒸餃就普通。佢個菜單寫住招牌係豬手，但我就覺得味道一般。因為價錢合理又幾好食同埋鋪頭細，所以就算唔係食飯時間都可能要排隊。

旺角街市側發現這家新開業的蒸食有蒸石磨腸粉、實在太適合廣東人的胃了，香港真的很少有這種正宗的石磨腸粉。還記得以前在內地早上腸粉加燉盅的日子簡直太美好了，旺角這家豐味蒸食真的可以媲美家鄉美食了。這家腸粉純手工製作，晶瑩剔透，現點現蒸，加上獨家靈魂的辣椒醬，吃著更滋味，包你流連忘返。我點的兩份，一份是雞蛋腸（18hkd），一份是牛肉腸（22hkd），個人覺得雞蛋腸超級好吃，因為手工石磨的腸粉本身就特別鮮滑，配上同樣香滑的雞蛋，蘸點醬油，真的口感太棒了。但是同樣也要誇誇牛肉腸粉，牛肉真的特別新鮮，配上獨家的辣椒醬🌶，太好吃了。唯一，美中不足的是，沒有熱豆漿只有凍豆漿，大冬天里配上熱豆漿會更加完美。☑️店名：豐味蒸食地址：旺角廣東道1016號地舖 （旺角站c3出口步行3 分鐘）🈺營業時間：早上7點到晚上7點

平時好中意食小店，呢間係食潮汕野，店面比較細，可能要等一陣先食到🔸招牌豬髀蒸飯豬髀夠肥美彈牙，滷得入味軟腍，豬皮好有膠質滿滿既骨膠原，唔會有油膩感，份量十足，仲會附送一碗紫菜蛋花湯🔸鮮蝦腸粉/雞蛋瘦肉腸粉腸粉即叫即煎，透薄滑嘟嘟，鮮蝦腸粉裏面加左生菜，口感更加豐富，蝦彈牙但略嫌份量少左d，雞蛋瘦肉腸粉呢款加雞蛋，質地唔係滑蛋個種感覺，係比較實個種，食落好飽肚，瘦肉唔會柴，大大碟好抵食，加少少豉油調味簡簡單單已經好食🔸凍豆漿個陣店舖淨係提供凍豆漿，但之前見可以揀熱，豆味都算濃，冇加糖，岩晒唔好甜健康既人

心血來潮，想食腸粉，openrice搵到旺角街市有蒸腸粉，即時外賣買番屋企。瘦肉蛋腸粉 好滑好薄 料好多辣椒醬 好食 香得黎又夠辣蒸米粉食落似撈米粉好夠味，又多配菜總括黎講 40幾蚊左近 一個腸粉一個蒸米粉抵食，最緊要既係，仲要係好味

朋友介紹，今日有空便過去食少少野，個牛丸好香，充滿牛肉味😍👍小米好有內涵，入面滿滿蝦米香，即拉牛肉腸都好新鮮，還有一個蒸面，全部都好有潮汕風味，店員應該都是潮汕人，聽到他們都說潮州話。價錢平，味道唔錯，下次都會介紹朋友去。

看到有人說這家好吃，又在家裡附近，就去試試，選了一個芋頭炒飯和一個豬手飯，芋頭炒飯還算ok，不過上面的花生好似沒炸過，豬手飯份量十足，但是我總覺得吃得到住腥味，不知道是不是心理作用

近排星期六日朝早去油麻地上堂, 落堂啱啱好係食晏時間大食妹當然要把握機會, 喺附近發掘嗰頭嘅美食推介俾大家啦大食妹今次就行遠少少, 去咗位於旺角街市嘅豐味蒸食外賣石磨腸粉同蒸餃返屋企慢慢嘆<招牌豬髀腸粉>每間餐廳仲有一樣半樣特別有自信嘅嘢食, 今次大食妹就揀咗豐味蒸食嘅招牌豬髀腸粉腸粉外皮好薄好滑, 略嫌有少少難夾裏面加入左生菜同彈牙嘅豬髀, 配搭甜豉油, 健康又好食<雙拼蒸餃>另外因為怕唔夠飽, 大食妹再嗌左份雙拼蒸餃雙拼分別係鮮蝦豬肉蒸餃同韭菜豬肉蒸餃, 水餃皮比起一般嘅水餃更加煙韌鮮蝦豬肉蒸餃裏面有原隻鮮蝦同豬肉碎, 大食妹略嫌有啲乾而韭菜豬肉蒸餃就比較好食, 韭菜豬肉比例一比一, 又香又好味

雞蛋瘦肉腸➕鮮蝦腸粉，加上秘制辣椒醬，正！！！！！！！！！！！！！！！！！！！！！！！！！！！！！！