豐味車仔麵

營業中

休息中

港式車仔麵 1餸1麵 $29估唔到廿幾蚊就可以品嚐到大碗又好食碗嘅車仔麵，而且加餸每款都係$8。既然咁啱嚟到，當然要試多幾款餸啦，我就叫咗牛筋、牛腩、貢丸同墨丸，配河粉，湯底就有豬骨清湯加腩汁，仲有秘製辣醬可以自行選擇。上枱嗰陣見到已經覺得非常吸引，啲餸鋪滿整個表面，用料十足，加上湯底夠曬濃郁，食落相當滿足，尤其牛筋同牛腩都炆得夠腍夠入味，絕對係必食之選。👍正宗重慶酸辣粉 1餸1麵 $34朋友就叫咗個重慶酸辣粉，同樣加餸每款都係$8，佢都係叫咗4樣餸，有豬大腸、魚肉春卷、雞中翼同魚皮餃。豬大腸口感爽脆不膩，值得一試，魚皮餃魚味香濃，厚身爽滑，亦都唔錯。麵底唔一定要薯粉，最後改咗做米線。當然辣度亦可以自己揀，如果食得辣，更可挑戰佢哋宇宙辣嘅辣度。🌶️凍檸茶 跟餐加$8王老吉 跟餐加$9

呢間位於旺角女人街的嘅車仔麵店, 已經經營咗七年, 上網見到有慶祝周年活動, 佢地每日都會隨機送出十碗粉麵, 碗內有免費嘅字樣就可以免費食個碗麵啦！ 我今日就去睇下我有冇咁好幸運先! 餐廳主打車仔麵, 但亦有重慶酸辣粉, 麻辣燙等, 好多元化, 下午茶時間有熱飲送。店舖裝修風格充滿懷舊港式味道, 旁邊bar枱仲有位; 車仔麵有多達42款不同配料選擇, 麵底同湯底可以自由配搭, 份量都多, 價錢又抵食。四餸車仔麵 – $53 (1餸1 麵$29, 另加餸每款$8)雞翼尖, 牛柏葉, 魚蛋, 酸齋四餸車仔麵一大碗好足料翼尖, 湯底可以要豬骨清湯加腩汁 / 滷水汁/ 冬菇汁, 再揀辣度; 我要咗豬骨清湯加腩汁, 小辣, 味道濃郁略帶甜味, 小辣唔算好辣; 麵底要米粉, 都幾爽口; 牛柏葉新鮮爽口, 魚蛋有口感, 夠彈, 雞翼尖入味, 滷得夠火侯, 一食就骨肉輕易分開, 係店舖必揀嘅食品之一呀! 酸齋分開上, 值得一讚, 酸酸甜甜好開胃。四餸重慶酸辣粉 - $58 (1餸1 麵$34, 另加餸每款$8)牛腩, 牛筋, 魚肉春卷, 蘿蔔重慶酸辣粉辣度都可以自己揀, 老公要咗小辣, 大碗好足料,

四餸車仔麵(53hkd) 蘿蔔、雞翼、豬大腸、豬皮，選了小辣，油麵，幾惹味，豬骨湯加腩汁，後勁帶少少甜味，蘿蔔清甜無渣，豬腸必點，保留有少少脂肪，煙韌有咬口，清潔得好乾淨，豬皮吸汁，雞翼入味～重慶酸辣粉(58hkd) 牛腩、魚腐、貢丸、牛柏葉，選了BB辣，湯底夠酸夠辣，薯粉是一咬就斷嗰種，魚腐吸滿汁，貢丸大大粒，牛柏葉爽脆，牛腩肥瘦相間，軟腍入味👍🏻～餐廳依家做緊7周年活動，每日會隨機送出十碗粉麵😍快啲叫埋朋友嚟碰吓運氣！#foodiblum港式

最近朋友介紹了一家位於旺角女人街的車仔麵店「豐味車仔麵」。這家餐廳已經經營了七年，正好在慶祝周年活動！每天他們會隨機送出十碗粉麵，碗內有免費可以免費品嚐啦！🎉🎉 好幸運！！ 餐廳主打車仔麵，但亦有重慶酸辣粉，麻辣燙等提供，非常多元化。下午茶時間有熱飲送。✪ 4餸腩汁米粉選擇了雞中翼、魚皮餃、紫菜和牛腩四款。其中雞中翼和牛腩都是餐廳的招牌推介。雞中翼肉質鮮嫩多汁，滷汁入味。牛腩經過熬煮後口感軟腍。湯底腩汁偏濃味。飲返杯凍飲就好清新。✪ 4餸酸辣米線湯底包含了榨菜，爽脆可口，而芫荽的香味也增添了整體的風味。配料方面，我選了豬大腸、魷魚、墨丸和生菜四種。酸辣的味道讓這碗米線更加開胃，而豬大腸、魷魚和墨丸的口感也相當不錯。.【 豐味車仔麵 】📌旺角通菜街2A-2P號鴻光商場地下2J號舖

是晚約左個舊同事出黎傾下偈，來到旺角搵食，成條街都好旺，好多食店都排長龍😂最後我地揀左食豐味車仔麵，雖然佢都好爆，但至少旁邊bar枱仲有位。坐低後不久連bar枱都滿坐啦，仲不少人叫外賣添，睇下食咩餸好先，好似好多都好正咁，叫多幾款啦🤤⭐牛腩+牛筋+魚肉春卷+蘿蔔+酸辣紅薯粉諗緊要酸辣定麻辣好，最後決定要酸辣小辣😋餸要左四樣，加埋都係五十幾，抵食啦。牛腩牛筋炆得軟腍入味，蘿蔔清甜，魚肉春卷彈牙香口，賣相雖然唔吸引，但味道一流喎，唔好以貌取人🤣湯底要小辣都幾辣下，酸酸地好開胃，仲有滑溜溜的紅薯粉，好食👍⭐墨丸+魚腐+魚皮餃+炸魚皮+豬骨清湯+滷水汁粗麵同事要清湯車仔麵，佢一向唔食牛又唔食辣，黎食車仔麵有得自由揀餸就啱晒啦🤭佢叫左全部係魚類嘅餸，呵呵。墨丸彈牙，魚腐吸飽湯汁好正，魚皮餃香口，加上湯底鮮味濃郁，都好正喎。炸魚皮係分開上，唔使怕係湯到浸太淋，一餸有咁大碟嘅😆正。⭐凍咖啡 & 椰青水飲品跟餐有優惠，叫左凍啡同椰青水，啡都幾香唔過甜，椰青水唔係度度有得飲，叫一罐試下佢🤭食左幾啖見個碗印住免費，問下店員點解，佢話而加係七周年活動，會隨機送出十碗麵，每日都有㗎😍兩個人食飽飽都係百四蚊，b

行完街陪爸爸食至愛嘅車仔麵餐廳裝修配合港式風味仲貼滿懷舊嘅相片～4餸都只係$40 真係好抵食✨車仔麵（魷魚、豬皮、魚肉春卷、豬大腸）爸爸揀左車仔麵必食嘅餸牛腩汁湯底濃郁 魷魚十分爽口魚肉春卷都好推介唔使十分鐘食晒😳勁呀 仲可以額外加蔥 ～成個麵好香✨重慶酸辣粉 （蘿蔔、牛腩、魚片頭、魚腐）每一樣都好推介😍蘿蔔非常清甜牛腩啖啖肉又無筋 魚腐滑溜好味揀左bb辣食得好過癮 薯粉煙煙韌韌～ 吸晒啲湯底成碗勁多芫荽 非常啱我口味😍

小妹雖然成日行旺角，但完全唔知道附近有呢間車仔麵檔😮呢間麵檔以懷舊風格為主，古老式味道，配合舊香港街景相片，真係好有Feel😙而麵檔環境寬敞，算幾乾淨，不錯👍🏻 仲有電視比顧客睇😋呢間麵檔有下午茶優惠，就係惠顧一客麵都有免費餐飲1杯😚擇咩都得，真心抵😎四餸車仔麵🍜［冬菇、菜心、魚肉春卷、酸齋］店員將配麵一上枱，就見到大大碗，超足料😙賣相相當不錯～而湯底就擇咗豬骨清湯加腩汁，底湯味道濃郁，配合有彈性既油麵底絕對一流🍜😆 冬菇+菜生吸收哂底湯既精華，每嚿都好軟熟～魚肉春卷有兩條，味道不錯🌝 酸齋以分開上既形式，唔會擔心唔汁，破壞酸齋不有味道，酸酸甜甜開胃🤤正宗重慶酸辣粉🍜［牛腩、雞翼、墨魚丸、魚皮餃］豬揀左bb 辣酸辣粉，雖然成碗都紅卜卜，但湯底精華沉哂落油麵底，酸酸辣辣幾開胃🤘🏻 亦配上芫荽🌿花生🥜配料不錯，每嚿牛腩都肥瘦均勻，好淋身又夠入味，而雞翼同樣吸收湯底精華，相當不錯🤗墨魚丸好有咬口，非常有口感🥳魚皮餃咬落去好似有一層油出咗嚟🧐但味道都不錯👍🏻飲品🥤小妹叫咗凍檸茶+美果100%純椰青水🤭凍檸茶同出面茶記相同，正常發揮😎而美果100%純椰青水係罐裝飲品🥤呢款飲品係出面餐廳真係好少見

好多時唔知食乜嘢最好就係食車仔麵，因為夠多餸選擇🤪入到去梗有啱心水， 見佢呢間懷舊港式風格啱feel就入去試下目測餐牌超過40款餸😂即刻好滿意，最驚喜嘅除咗有正常嘅港式車仔麵配不同湯底之外，仲要有重慶酸辣粉，辣嘅選擇都有🤩辣到由bb辣至宇宙辣都有叫咗兩個四餸麵加兩個飲品🍜正宗重慶酸辣粉 （一餸一麵$34另加送每款$8）配榨菜芫茜花生 bb辣 四餸～豬大腸，魷魚，鹵水蛋，木耳絲 配薯粉湯底酸酸辣辣好醒胃，豬腸爽口夠入味夠乾淨，鹵水蛋勁入味外皮煙煙靭靭，爽口彈牙魷魚配酸辣薯粉滑嘟嘟又有口感，索埋啲辣汁好嘢味， 如果唔係喉嚨痛😝我一定食中辣🍜港式車仔麵（一餸一麵$29另加送每款$8）湯底配腩汁bb辣四餸～豬紅，牛筋，蘿蔔，蠔油冬菇 配米線湯底濃而不鹹，蘿蔔夠入味冇渣，豬紅新鮮口感爽口，冬菇夠滑夠入味，牛筋夠曬淋配埋腩汁湯底十分之正勁補骨膠原，最鍾意多蔥花，米線夠滑口兩杯熱檸茶跟餐$7茶底夠濃有三片檸檬

已經幫襯左4、5次，嗰陣時嘅紅薯粉真係好好味，已經有好耐都冇幫襯過呢間車仔麵，唯獨得呢間車車仔麵有紅薯粉，其他大部分車仔麵都冇，好特別，俾個好評，紅薯粉很有勁道，爽滑，好好味，配埋南汁湯底吸汁好汁，今日呢食河粉，所以冇食到紅薯粉，河粉都好吸汁，今日係我好開心時間，今日感覺好味好歡樂，好有滿足感🥰🥰價錢好平，我估旺角又平又好食係呢間車仔麵今日入黎，見到好多學生坐滿座位，基本上都冇座位可以坐，等咗幾分鐘到有位，即刻快速為我鍾意食嘅嘢，豬大腸煙韌，牛腩好食過好多大部份嘅餐廳，但係味道仲爭啲，冬菇煙韌，好有冬菇味

位於旺角女人街有間食傳統車仔麵的店舖🥢裝修風格充滿懷舊港式味道 車仔麵有多達42款不同配料選擇 連重慶酸辣粉同麻辣燙都有🌶️麵底同湯底可以自由配搭彈性高 份量大價錢又相宜✨四餸車仔麵牛筋｜牛柏葉｜墨丸｜魚片頭四餸車仔麵一大碗好足料😍湯底要了豬骨清湯加腩汁 味道濃郁略帶甜味🍜麵底要了油麵 順滑有彈性🐮牛筋晶瑩剔透夠腍滑 牛柏葉新鮮爽口🦑墨魚丸咬到墨魚粒好有口感🐟魚片頭魚味鮮甜爽彈 配料都同湯底好夾非常不錯👍🏻✨四餸重慶酸辣粉牛腩｜魚肉春卷｜炸魚皮｜酸齋🌶️辣度都可以自己選擇要了BB辣 配料有榨菜🌱芫荽及花生🥜味道鮮香麻辣帶微酸好惹味 面底要了粗麵 有韌度有口感🍜牛腩瘦肉比較多 口感偏硬一點 魚肉春卷有兩大條 吸滿湯汁好食 連酸齋都分開上值得一讚 酸酸甜甜好開胃🐟炸魚皮夠酥脆沒有魚的腥味 浸湯好好食🤤✨飲品跟餐以優惠價配飲品 罐裝飲品🥤汽水☕️咖啡或茶都有 選擇都幾多🍋凍檸茶夠冰凍好解渴📍豐味車仔麵 (旺角)旺角通菜街2A-2P號鴻光商場地下2J號舖

有時諗唔到食咩就會想食車仔麵，自己揀餸同麵，食完特別滿足❤️‍🔥食唔到辣嘅我就食咗碗經典車仔麵，揀咗紫菜、墨魚丸、牛腩、牛筋！配出邊比較少有得揀嘅薯粉🤤豬骨湯底加腩汁好味！紫菜索湯👍🏻墨丸都好彈牙😆牛筋軟糯唔硬，牛腩都好入味～酸辣粉👦🏻揀咗BB辣，有少少麻，但好食嘅😆配埋雞翼、魚皮餃、魚肉春卷、芝士腸好豐富喔！雞翼、魚肉春卷我食咗都幾好食😋跟餐一人加咗一罐無添加椰子水🥥食完飲番啖超舒服✨

諗住求奇食完野就返屋企，點知呢間車仔麵個湯底好有驚喜，好食到叔叔連湯底飲哂😆叔叔叫左4餸車仔麵，油麵配豬大腸+魚腐+雞翼+牛腩，湯底要腩汁+大辣。湯底好濃，撈埋個辣醬好夾好好味，雖然對我地黎講可以再辣啲😏豬大腸好爽口，雞翼炆正好淋好入味，牛腩都好淋好易咬我就叫左個酸辣粉大辣～配墨丸+芋絲+豬血+魚肉春卷酸酸辣辣就好惹味好開胃，我覺得下次可以食宇宙辣😆薯粉彈牙得黎唔會斷開哂，春卷炸過黎外層都脆，芋絲吸哂啲湯汁好惹味，豬血都好濃味好彈

之前疫情嗰陣旺角女人街非常之冷清，夜繽紛之後終於都變返熱鬧啲難得去到女人街，晚飯唔想食得咁飽，留返個肚掃吓街，就揀咗車仔麵啦四餸車仔麵$53車仔麵個湯底不嬲都係靈魂之在，大食妹揀咗清雞湯再加冬菇汁，夠晒特別冬菇汁真係有淡淡嘅冬菇香味，車仔餸就揀咗雞翼、芝士腸、魷魚同酸齋酸齋另外用咗隻細碗上，應該係為咗避免同埋湯底浸味溝亂，幾細心滷水雞翼又淋又入味，好推介四餸酸辣粉$58酸辣粉可以自己揀辣度，BB辣其實已經幾辣個湯底酸酸哋，上面鋪滿花生同埋芫荽朋友揀咗牛腩、豬大腸、墨丸同蘿蔔豬大腸洗得乾淨，滷得入味，一啲腥味都冇因為個酸辣湯底好正，蘿蔔朔晒啲湯汁好正

我對於車仔麵有一份執著，就係一定要食豬紅同油麵🤣如果豬紅唔入味，果間車仔麵就係唔合格，而呢間有驚喜喎🇭🇰港式車仔麵 $29起包左1餸1麵，之後每個餸加$8，要左雞中翼🐥、豬紅🐷、魷魚🐙、牛筋🐮，湯底腩汁小辣，油麵，基本上每款餸都唔錯👍🏻雞翼滷得入味輕輕一咬就離骨，水魷超大條兼彈牙、牛筋夠腍，最最最重要係❗️豬紅多嚿得嚟，勁入味💯❤️愛好者必叫呀‼️每樣餸都好唔錯🤘🏻🌶️正宗重慶酸辣粉 $34起除左港式車仔麵仲有酸辣粉食😙要左中辣，餸叫左牛柏葉、魚肉春卷、豬大腸、午餐肉，酸辣粉必叫薯粉❤️湯底夠惹味酸辣，中辣唔會話超級辣，大既譚仔3小辣咁，同樣地每樣餸份量質素都幾好，牛柏葉、大腸吸味之選推介一戰🤤好辣人士，可以一試啊😎🥥椰青水$11/凍檸茶$8overall:初時以為只係一般車仔麵，點知咁有驚喜❣️兩碗麵都有質素、份量足，喺旺角想搵車仔麵食，呢間真心可以一戰

尋晚同朋友係旺角諗住買背心準備去泰國潑水節著，買野前就梗係要醫肚先啦，呢間係女人街既車仔麵，好似幾抵食咁，就試下啦我揀左 #正宗重慶酸辣粉 ，餸就有#牛腩、#雞中翼、#貢丸 同 #韮菜，麵底就#公仔麵，先講湯，我叫左BB辣，初初食其實唔覺得辣，反而係酸味麻味比較強，但食到後面就越食越辣，酸酸辣辣咁都幾過癮，同埋酸辣粉湯底會有花生同大量芫茜，岩晒我呢d#芫茜控牛腩係一口牛size，少肥膏，索晒湯過癮，雞翼煮得岩岩好，唔會爛晒，貢丸就正正常常既磨菇貢丸，加酸辣湯食少正，韮菜份量算多，當蔬菜食另外朋友叫左#港仔車仔麵，加腩汁清清地既甜味，餸就有#魚肉春卷、#魚皮餃、#蠔油冬菇 同#娃娃菜魚肉春卷先炸後落湯，外脆內軟，魚皮餃、娃娃菜同蠔油冬落都係正常發揮，要黎送車仔麵好岩味