豐森水產 (已結業)

一間環境非常之好嘅日本居酒屋🍻餐牌有超多選擇：燒肉/刺身/小食/爐燒/天婦羅/炸物/壽司/甜品。好似你講得出嘅日本野都有🤭👭🏻二人行，諗唔到食咩，所以我order左二人餐，588蚊，包左頭盤，壽司，刺身，供燒烤嘅海鮮/肉類，炒菜，炒飯估唔到每樣食物份量都好多。🥙頭盤✔️蟹子沙律好大碗呀! 佢有超多青瓜絲，好清新。加埋蟹柳/蟹子/沙律醬，係一個好開胃嘅前菜。✔️紫菜炸雲吞即叫即整嘅菜式。天婦羅嘅整法， 入邊係紫菜同埋蝦仁。 紫菜keep到好脆，面頭炸粉好薄，入面蝦仁新鮮彈牙。呢個組合冇得輸。🍣壽司刺身✔️刺身整體新鮮厚身溶雪溶得好✔️油甘魚壽司好好味，魚油香味突出，魚好新鮮，一啲都唔腥，好少食魚生嘅我都好鍾意呢個壽司。🍽️主菜（有三款燒肉加活大蜆）✔️燒肉🥩：印象最深刻嘅係美國安格斯牛小排。油香同肉味都足夠， 加埋餐廳提供嘅蒜香海鹽一齊食，好正✔️活大蜆🦪：超級大隻，有好多隻，新鮮鮮甜，冇沙✔️炒椰菜🥦： 好大碟嘅菜，炒得好惹味，送飯一流✔️ 櫻花蝦黑松露炒飯🍚： 櫻花蝦加黑松露都係好惹味嘅配料。炒飯炒得乾身，呢個飯非常之出色。

餐廳佈置漂亮優雅， 環境舒適寬敞，柔和的燈光， 入口配上精緻日本紙燈籠， 及七彩繽紛的壁畫， 每個角落洋溢著日本居酒風情。鵝肝壽司兩件$68 三文魚壽司兩件$32肥美的三文魚刺身， 柔光亮麗 ，漂亮的紋理， 魚肉潤滑、油腴， 咀嚼時， 慢慢沁出滋味的魚油， 每次我必點 壽司。 鵝肝壽司， 表面微微焦脆 ， 散發著陣陣焦香， 鮮香滑溜， 甘香的鵝肝油滲在壽司飯表面，令壽司飯增添一份鵝肝的油香， 滋味迷人。大蝦天婦羅$88即叫即製大蝦天婦羅，十分豐富有 :▪大蝦▪蕃薯▪秋葵▪南瓜▪新鮮冬菇▪ 金菇每件新鮮炸起，及炸到金黃香脆， 熱燙燙，香噴噴，炸蝦天婦羅香口酥脆， 蝦肉鮮味爽彈。 秋葵、 金菇和新鮮冬菇天婦羅， 新鮮爽甜，秋葵營養豐富， 健康有益。 特別喜歡蕃薯及南瓜婦羅， 口感綿密， 每口都是純天然的甜香， 津津回味。日式餃子$48 脹卜卜日式餃子 ， 入口香脆 可口， 大口咬下， 餃子的肉汁在口中爆出， 十分 回味。日式鰻魚飯$128厚切肥美的鰻魚躺在白飯上， 並且鋪滿甜甜的鰻魚醬汁， 相當吸引， 咀嚼時， 軟嫩的鰻魚肉， 慢慢沁出鰻魚的油香，鮮味在口中綻放， 令到每一口米飯滋味無窮

放低工作，搵朋友去嗰好地方食晚餐，遠一啲都無妨。一入餐廳，好吸睛，店內掛滿日式紙燈籠，四周掛有唔少日式掛布，裝潢簡約，令人尤如置身日本。我同好友獲安排就坐大廳嘅寬敞卡位，枱上放有燒烤爐，坐得舒服。打開各類餐牌，種類唔少，除咗多款海產畀客人即點即燒外，仲有供應刺身、壽司、燒物、串燒、天婦羅及甜品等等。花多眼亂，實在有太多嘢想試，不如直接嗌個豐森晚餐，呢款二人晚餐，只限星期一至星期四供應。餐單包括頭盤、壽司、刺身、燒肉、燒大蜆、炒野菜、主食同甜品。 頭盤日本胡麻凍豆腐沙律豆腐搭配新鮮沙律菜及車厘茄，加入日本胡麻醬，味道唔錯，好開胃。紫菜炸雲吞幾特別，紫菜化作雲吞皮，包住蝦仁嚟炸，蝦肉夠爽口彈牙。壽司 / 刺身壽司用上赤醋飯，比米醋飯香醇、濃厚。壽司上嘅魚生及北寄貝都鮮味十足，非常新鮮。刺身厚切，肉質鮮甜，質感細膩豐盈，魚味濃郁。主菜有三款燒肉包括澳洲和牛肉眼、美國安格斯牛小排同西班牙豚肉條，另外仲有一盤鮮活大蜆。澳洲和牛肉眼雪花分佈均勻，入口即化；美國安格斯牛小排，肉味濃、肉質柔滑細緻；西班牙豚肉條，脂肪比例恰到好處，燒時肉汁仲在沸騰，香氣樸鼻，叫人流晒口水。新鮮嘅大蜆在燒時，隨著熱力爆開

豐森水產整體用餐體驗，連朋友都讚好👍🏼因為朋友生日，佢又鐘意食日本野😋大家又住新界西，咁就搵下附近有咩日本餐廳岩啦睇下Openrice，見到呢間豐森水產裝修得好靚，好日本feel又有個唔算貴既二人餐，決定黎呢度一試餐廳裝修得真係好日本😍真係可以媲美日本既居酒屋🏮一早決定係食二人餐😂平平地又多元化，有刺身、壽司食之餘仲可以燒下肉紫菜炸雲吞，呢個好特別，鹹鹹地嘅紫菜天婦羅包住隻蝦，🦐蝦又爽口刺身同壽司質素好好，好新鮮，無雪味不得不提下壽司飯本身已加左豉油，醋盤燒肉同峴黎啦😍幾靚靚 又岩曬影相打卡睇住d峴熟，脹卜卜 幾得意🤣食落好鮮甜，正呢個蟹甲羅焗飯真係不得了，超好味蟹膏多到呢😍食落好似忌廉撈飯咁，好有蟹鮮味甜品盒既蛋糕味道就較為遜色左，普普通通好左我有生日蛋糕搭夠🤞🏻點解我話呢度用餐體驗好，因為呢度店員係好細心觀察我地食到咩位就準備起下一道菜，每食一兩道菜又換碟✨完全係唔會打搞到我地用餐，服務大好🤩

頭盤～蟹子沙律、紫菜炸雲吞炸物即叫即做新鮮熱辣，紫菜沾上簿簿嘅炸漿夾著D蝦膠來炸彈牙香口吾油乾身好食，清甜爽口新鮮嘅青瓜蓋滿上大量蟹子加沙律剛好中和了炸物油脷。壽司、魚生拼盤壽司材料新鮮北寄貝、油甘魚鮮甜配上醬油一口飯啱啱好👍🏻四式魚生拼盤很新鮮，厚切三文魚、吞拿魚肥美甘口吾腥，章紅魚口感比較有頭帆立貝鮮甜好美😋燒肉拼盤 燒肉拼盤都幾精緻，個人覺得西班牙豚肉條最好食，豚肉好彈牙冇豬蘇味。大蜆有8隻甘多，隻隻都有手掌心甘大，都要燒幾耐下，但每隻都好新鮮吐沙乾淨。最后澳洲和牛肉眼薄燒＆安格斯牛小排，雖然係薄燒但牛味都好濃，食落冇筋油脂好重。蟹甲羅焗飯、清炒野菜焗飯我覺得最抵食，性價出最高。每人可以食到2碗，蟹高多到爆出黎，舖滿晒成個飯，調味適中仲落左芝士，食落咸香十足！日式清炒椰菜清甜香口特色甜品盒日式格子盒盛着4件小蛋糕，2件士多啤梨1件朱古力1件咖啡，味道不過不失，係一個完美嘅ending 👍

已經準備要食第二次嘅日本餐廳！食物質素好，環境舒適，侍應服務非常周到嘅日本餐廳 - 豐森水產(⁎⁍̴̛ᴗ⁍̴̛⁎)門口有一種神秘嘅感覺，入到去就好似去咗高級日本餐廳咁！星期一至四獨有二人套餐，兩位都只不過係HKD$588，由頭盤到主菜都甜品一應俱全，可能喺元朗來講有啲貴，但食物質素對得住價錢，物超所值。頭盤有豆腐麻醬沙律同埋紫菜雲吞，看似簡單但份量驚人，沙律菜新鮮，麻醬好大碗，紫菜包住蝦肉，外脆內彈牙，口感特別之後係劍魚壽司同北奇貝壽司，壽司飯本身已經有豉油，襯托出刺身嘅鮮味！除咗壽司，仲有刺身碗，刺身非常鮮味，可以媲美喺日本食嘅刺身，好高質素跟住就係燒肉，有三款每款各兩塊，過下燒肉口癮就啱晒！除咗肉仲有大蜆，比肉更出色，燒完仲好juicy同鮮味！而且仲有非常大份嘅蟹甲羅焗飯，即叫即做即起，蟹味非常香濃！隨餐有炒野菜及甜品盒，頂級豐富！另外加點了牛油果忌廉蟹肉，同樣非常出色，牛油果控一定要叫*^O^*

朋友話我知元朗有一間好高質嘅日式餐廳平時都冇乜機會過元朗難得今日去到元朗梗係要試吓-一入到餐廳空間好闊環境都好有氣氛餐廳職員都好有禮貌兩個人一定要試豐森精選兩人餐 （$588）抵食份量多又好好味-首先頭盤有蟹籽沙律 份量多 唔錯另外有紫菜炸雲吞呢個比較特別 平時喺出面冇食過類似嘅用紫菜包住雲吞餡 好香口又脆 正-再去到壽司刺身刺身食得出係新鮮 唔會有腥或雪藏味仲要係厚切！一啲都唔輕手 好正而壽司有北寄貝同油甘魚都一樣好好食 介要擺盤好靚-主菜有燒肉同活大蜆大蜆新鮮夠甜而燒肉分別有牛肉同豬肉份量唔多但都好好食食完肉仲有蟹甲羅焗飯淡淡的蟹香味 不過感覺上就偏甜咗少少可能因為落咗沙律醬以為已經食完？ 仲有少雜菜呀食完咁多唔同嘅嘢食返啲蔬菜夠晒健康-最後仲要有埋甜品味道不過不失 但為今餐帶嚟一個圓滿嘅結束-又真係冇諗過喺元朗會有一間咁高質嘅餐廳性價比極高 加埋一都係六百幾蚊食到咁多嘢絕對推介俾大家嚟試一試

近排成日激嬲女朋友無辦法之下唯有搵下有無啲高質野食氹返佢啦最後都係朋友介紹我黎呢間豐森水產，聽個名已經覺得好似日本地道餐廳咁，估唔到入面都真係好靚好有日本feel中間仲有個大水缸裝住啲海鮮，好正呀！地方雖然好高級咁，但價錢絕對貼地，同一般日本餐廳消息差唔多。前菜先食個凍豆腐沙律，一定唔會錯，個個都岩食又好食吞拿魚、三文魚、鯛魚、油甘魚壽司，全部都勁新鮮，而且呢到亦都似足日本咁壽司均面放左wasabi、蒜或者蔥花做點啜，真係好似去左旅行咁好開心雜錦天婦羅，炸粉唔會好厚，炸蝦大大條，食落啖啖肉，好滿足呢個係女朋友最中意既蟹甲羅焗飯，平時食甲羅燒都係配餅乾或者多士，總覺得唔夠喉。而家比個焗飯撈，食到雜雜聲無停口！而家個飯完全、一啲啲都唔腥，超•級•高•質！！鹿兒島黑豚腩，要自己燒，燒完好香豬肉味，相信大家食過黑豚肉都知幾正脂肪唔會好多，唔會有一兩舊成塊都係肥豬肉，片片都咁好食，正呀

因為有朋友住附近，而行過見到呢間豐森水產，見入面裝修得好有日本Feel，所以就約埋我黎食，順便懷念一下去日本旅行既日子🥲一入到黎就見到一排既日本燈籠，好適合黎打卡📸今次叫左豐森晚餐（二人前）$588蟹籽沙律🥗青瓜清甜爽口，好開胃，蟹籽好卜卜脆紫菜炸雲吞🥟用紫菜當作雲吞皮，再包住原隻蝦黎炸，食落唔油膩，蝦肉好彈牙吞拿魚壽司、北寄貝壽司🍣壽司飯唔係平時食開白色既醋飯，而係用左赤醋飯，味道更加濃厚☺️四款刺身，分別係三文魚、伊佐目（本身個餐係鱆紅魚，不過當日更改左）、吞拿魚、帆立貝四款刺身都好新鮮，同埋都切得比較厚身👍🏻好味澳洲和牛肉眼🐮、美國安格斯牛小排🐮、西班牙豬肋條🐷、活大蜆🐚兩款牛都好多汁，夠牛味，豬肋條唔韌，燒耐啲脆身啲更好味，活大蜆鮮甜多汁炒野菜🥬用左蒜蓉黎炒椰菜同胡蘿蔔絲，好惹味櫻花蝦黑松露炒飯🍚櫻花蝦好多，啖啖都食到蝦米味再帶有少少黑松露味特色甜品盒🧁每日供應都唔同，今次係四款既蛋糕，全部都唔會過份甜，分別係芒果味、咖啡味、同埋兩款雲石面既芝士蛋糕🔸食物款式視乎當日供應而有機會更改

今日番工好攰好攰，所以搵左間日式餐廳想坐得舒服啲。一入黎就見到一幅日式燈籠牆🏮勁吸睛🤩。唔想諗所以揀左個二人晚餐🤗～～～～～～～～～～～～～～～～豐森晚餐（二人前）🎎 $588🎏蟹籽沙律🥗沙律可以揀胡麻凍豆腐沙律或者蟹籽沙律，我就揀左蟹籽沙律。青瓜絲刨得好幼細，食落口感爽脆清甜。蟹籽同蟹柳都幾多，撈勻勁好味😋🎏紫菜炸雲吞🥟紫菜沾粉包住蝦仁黎炸，幾特別，有啲似天婦羅🍤脆卜卜唔油膩🎏北寄貝壽司、油甘魚壽司🍣兩樣都好新鮮，兩款壽司都落左啲心思，食落有一陣清香桂花味🎏三文魚刺身、鱆紅魚刺身、帆立貝刺身、吞拿魚🐟刺身每樣有兩件，作為前菜黎講已經夠晒。比較少食鱆紅魚，個樣同油甘魚有少少似，肉質鮮甜，爽口🎏澳洲和牛肉眼🥩、美國安格斯牛小排🐮、西班牙豬肋條🐷、活大蜆🐚上到黎個擺盤一流，原先以為佢會燒好先上，原來係即場自己燒😯，食完刺身就可以叫佢上主菜。和牛肉紋好靚，入口即溶。豬肋條燒到金黃先食，皮脆肉嫩😋蜆肉睇住佢燒到打開好興奮🥰店員仲拎左玫瑰岩鹽、檸檬岩鹽同埋黑胡椒黎，自己鍾意點調味都得🎏炒野菜🥬呢個都係正正常常嘅蒜茸炒椰菜，好大碟🎏櫻花蝦黑松露炒飯🍚飯可以揀蟹甲羅焗飯或者呢個。我呢個黑松露迷就緊係

今日和老婆行街，原先這個舖位是韓燒的現在改咗做日本居酒屋，新開張當然要試吓啦餐廳地方寬廣，空間感十足，新裝修舒適乾淨，而且裝修到日本風格今晚我們選了一個二人餐，有刺身，壽司，牛肉，海鮮種類很多這個日本胡麻凍豆腐沙律，豆腐係日本直送的一食落口，淡淡的豆香味加上豆腐本身的嫩滑，而且沙律菜10分新鮮，食落口卜卜脆三文魚、章紅魚、吞拿魚、帆立貝刺身厚切嘅魚生我最喜歡，鮮嫩嘅口感，咀嚼下帶有魚油的香味，在口腔中久久不散，而且帆立貝食落口鮮甜，食材10分新鮮油甘魚壽司，不期貝壽司，一食落口就證明他的食材很新鮮，加上芥末一齊食非常嘢味這個紫菜炸雲吞，紫菜炸到卜卜脆裏面包的是鮮蝦肉食落口真不錯澳洲和牛肉眼和美國頂級牛小排，西班牙豬肋條，燒烤來食牛肉味濃，肉質甘香，豬肋條肥美爽口這個炒雜菜味道也不錯這個王牌蟹用羅焗飯，焗飯面層是厚厚的蟹膏，食一口焗飯蟹膏的甘香在口腔內散發，非常之多蟹膏，越食越好味食到冇停，看一看，這些白飯表面被厚厚的蟹膏覆蓋，食落非常之好味而且重點推介，值得一試再試

上星期帶完小朋友去元朗泳池游水行返出嚟等的士嘅時候見到有一間日本料理新開門口已經非常吸引見到入邊地方仲非常大所以今日就黎試吓揀咗個精選晚餐二人前$588只係限一至四供應，入面已經有好多款嘅食物，有燒肉，大蜆，炒菜，壽司，刺身，頭盤，主食，甜品，分量相當充足，足夠兩個人食今日就係揀咗呢個抵食二人餐，加埋一，$647，兩個人飽住個肚離開6:30pm見到入再已經差唔多坐滿人，所以要食嘅話一定要book枱或者預早啲入嚟頭盤首先係烏麻凍豆腐沙律🥗沙律菜非常新鮮，日本胡麻汁係分開上嘅，鍾意濃味可以落多啲，味道清新車厘茄又夠爽口鮮甜非常新鮮有四件嘅壽司兩件係北寄貝壽司+ 油甘魚，用咗赤醋飯，比米醋飯更加濃厚，同香醇味道更加出眾好味，刺身有新鮮，凍冰冰又夠鮮甜，肉質細嫩紫菜炸雲吞我都係第一次見用咗紫菜作為雲吞皮紫菜炸魚脆卜卜，入面蝦又夠爽口，又大隻，作為小食完全攞滿分💯係一款好特別嘅小食燒肉拼盤加活大蜆有三款肉類包括澳洲和牛肉眼美國安格斯牛小排同西班牙豬肋條仲有大約10隻活大蜆，非常新鮮爽甜大蜆在燒時，隨著熱力爆開，原汁原味嘅海鮮味牛肉分布均勻入口即溶肉味夠濃郁細緻而西班牙嘅豬肉條望落好似好肥但食落脂

元朗水產居酒居【#豐森水產 】豐森晚餐 二人前 $588🥗日本胡麻凍豆腐沙律麻醬配上豆腐蕃茄仔都絕對係口胃首選🥟紫菜炸雲吞入面重包住左蝦🦐口感勁上一層樓🍣北寄貝 油甘魚壽司🐠三文魚 鱆紅魚 帆立貝 吞拿魚 刺身壽司刺身都好新鮮 三文魚切得好厚😍鱆紅魚入口即溶好鮮甜 係北寄貝偏硬左小小🤏🥩燒肉 有澳洲和牛肉眼 美國安格斯牛小排 西班牙豬肋條牛小排最好味😋🦪活大峴海水味十足鮮甜中帶點咸腥味 無沙👍🏻🥬炒野菜配料份量都好足！炒得幾有獲氣添入面有菜有菇🍚蟹甲羅焗飯幾大兜！撈飯一流呀入面重有啲蟹柳添🍱特色甜品盒4格擺得好靚好打卡able📸⚠️加一服務費📍豐森水產 (元朗)元朗馬田路80號御庭居地下6-7號舖

慶祝朋友生日，朋友揀咗間幾好坐，又唔趕住交枱嘅餐廳食飯～依度又有得自己燒吓嘢食，又有刺身，又有煮好送上嘅嘢食～通常依種包羅萬有嘅setting我都好驚中伏。就好似食自助餐，我都會驚肚痾(太小心😅)但驚喜嘅係佢食物質素都唔錯，夏日感謝祭(遲咗出post🤪）四人堂食惠顧超過HK$500仲可以加HK$1換一隻象拔蚌刺身🤤質素仲要唔差！本身無為意做緊依個優惠，餐廳職員好好自動幫我地加咗☺️無蝕🤟🏻好嘢👏🏻飲食記錄：象拔蚌刺身象拔蚌薄切，食落爽滑，亦無腥味👍🏻1蚊嚟講，真係性價比好高！美國頂級牛小排& 西班牙黑豚腩牛：唔食牛，供圖作參考豬：質素比我預期中好。溫度嚟講唔會太凍好似好唔新鮮咁，肉質唔韌～魷魚筒活鮑魚刺身上盛有立魚、池魚、帆立貝、甜蝦同三文魚刺身。刺身質素比我預期中好。溫度嚟講唔會太凍好似好唔新鮮咁，肉質唔膠～蟹甲羅焗飯其實好味嘅，但係係飯素嘅味😅無咩蟹味西京銀雪魚好油，肉質唔嫩

今日約咗朋友食午餐，行到附近見到一間好有日本feel的餐廳，立刻走入去試吓。入到去，因為午市時間所以只有午餐供應，本來想試吓天婦羅，但佢要晚市先有提供，但師傅都幫我哋整咗軟殼蟹沙律，跟住我同朋友試咗三色刺身飯，起身飯係午餐跟兩隻餃子同麵豉湯，魚生好新鮮。軟殼蟹沙律啲沙律菜好新鮮，軟殼蟹炸得好脆，加埋個醬好好味餐廳嘅座位好闊落，加埋啲日本嘅裝飾同埋裝修，好似去咗日本食嘢咁。下次要試下晚市過嚟食埋天婦羅同串燒。