豐碩 (已結業)

🔎 大角咀埃華街8號奥朗御峰1樓101舖*「老友聚腳好去好處」豐碩海鮮酒家攀完石成班友餓到爆，想食任食又唔想出返旺角，所以去行個圈就搵到呢間任食， HKD198有龍躉食，二話不說就上左去。.麻辣龍躉鍋($198) 免茶芥其實我想食酸菜既，唔緊要，下次再食，因為實在太好食！龍躉佢龍躉好食，有魚鮮，唔係出面任食揸流攤個款。魚皮另外我地叫左呢D人食邊邊必叫食物(如圖)，不得不讚個魚皮，又大塊又卜卜脆。醬料醬料選擇唔多，但係因為湯底夠味，所以無必要點醬料。鴻福堂菊花蜜飲品方面最正係有鴻福堂菊花蜜，成件事high class晒。既清潤又解辣。淮山麵有個朋友話唔知淮山麵係咩，呢個係貼心既選擇，因為去濕架！安格斯肥牛($168)成班牛魔王見到隔離碟牛咁靚，又叫左碟。真心正囉~ 198咁大碟，抵晒啦。親切服務態度(免費)有個朋友係孕婦，服務員主動比支室溫既菊花蜜，仲跟埋杯熱水比佢。親切得黎唔會R水吹，阻住晒傾計。🍽9/10

大角咀是近年覓食熱點之一，尤其中餐火鍋更是成行成市，較早前筆者就來到奥朗御峰附近的一間樓上中菜，入口雖有點隱蔽，地方亦不算太大，但店内裝修光鮮整潔，坐得舒適，一排排的大魚缸放滿了生猛海鮮，就連大大隻的長腳蟹都有供應，還有優惠推廣，令人滿有期待。餐牌内菜式選擇很多，令人花多眼亂，其中都有頗多特式小菜，就好像鹹蛋黃炸魚皮、鮑魚撈飯和粥水菜芯等，都是一般粤菜較少見的，而且價錢大眾化頗貼地，筆者立即左右開弓點來了一枱食物。先來一蛊位上的瑤柱北菇雞腳燉湯，湯頭清澈不油膩，用料十足，份量剛好，味道清甜帶膠質，滋補養生，$48一盅性價比夠高。鹹蛋黃炸魚皮，魚皮炸得香脆，每塊都充份裹上溶化了的鹹蛋黃漿，甘香鬆脆，邪惡至極，讓人欲罷不能，吃完一件接一件。酥炸魷魚鬚，彈牙的魷魚鬚拍上薄薄的脆漿炸脆，灑上椒鹽香口惹味。大澳蝦味骨，以蝦醬醃過的半肥瘦肉排炸得外脆内嫩，伴上薄饅頭吸去油膩頗具心思；一端上來已飄來陣陣蝦醬獨有的鹹香，肉排鬆軟帶著相間脂肪，讓注重健康的人士有點退縮，但其實入口全不覺油膩，酥脆脂香兼備，佐酒送飯一流。蒜蓉粉絲蒸大蟶子，蟶子大大隻份量十足，洗得乾淨完全冇沙，放上最佳拍檔蒜蓉粉絲同蒸，理應

成班女仔friends約定去唔同地邊試新野，叫左個麻辣龍躉鍋。我就為左就朋友叫左中辣，鍋野一上枱就超香，啲口水分泌爆晒出黎。個龍躉勁好食，龍𧄌大大嚿啖啖肉超正！之後叫左安格斯牛，加上鍋底既湯汁，正到爆。午餐肉炸完先上枱，點一點湯底就食得，夠脆。其他野同普通任食差不多，但係因為個湯底，所以立刻加分。地方唔多人，以後會多多黎呢到聚聚，又有電視睇、又靜又舒服。而且大食而又唔想浪費quota食唔好食野既人黎講，呢到一流！

今日去朋友屋企，佢帶左我來試新野 宜間酒樓本身打邊爐已經好抵食，宜家出左龍躉酸菜魚，就陪朋友來試試 平時都會返大陸食酸菜魚，龍躉酸菜魚就未試過龍躉魚皮好厚實，魚肉鮮嫩！好食$168價錢全包價，有埋其他火鍋配料同飲品，選擇都幾多 如果食龍躉唔夠喉，依度都有脆鯇可以任食任食牛肉既質素唔錯，值得推介單點食物嘅價錢合理，我哋隨便叫左一碟椒鹽魷魚鬚，價錢$36，依碟魷魚鬚非常出色，炸皮鬆脆，魷魚唔韌，好好食，我同朋友食唔定口

一到冬天就想食火鍋，而任食係我一向嘅選擇，因為唔駛煩，而且價錢仲可能平過係屋企食。豐碩火鍋一入到去就見到好多活生生嘅海鮮，對於鍾意食海鮮嘅人黎講非常吸引。火鍋其中一個最重要嘅元素當然係湯底，今次簡個雙拼，而我哋火鍋料嘅選擇都係針對肉類出擊。肥牛當然唔少得，肉質其實唔錯，對於呢個價錢任食黎講都幾抵，而且雪火分佈得幾靚，而河粉驚喜地滑，而飲品亦都係任飲，鍾意飲酒嘅 人可以無限任食燕京。總括黎講，呢間算係非常抵食嘅任食火鍋，上菜好快，質素都對得住個價錢，如果唔想煩又想打邊爐，呢個係唔錯嘅抵食之選。

飲品：罐裝任飲（可樂 芬達 蘆薈綠茶 忌廉 雪花啤）；支裝大啤另外收費。食物：加錢花枝滑，食到有花枝粒，非常彈牙；牛肉豬肉新鮮😍，但要略等解凍，雞件油脂豐厚，象拔蚌爽口沒腥味👍，魷魚鬚是灼過的；菜的份量好充足，南瓜冬瓜切的大小剛好。Menu食物選擇應有盡有，值得一提有鵪鶉蛋提供，還可以加錢order其他食物。服務：店員主動有禮貌；美中不足芝心丸被當成蟹籽丸上錯兩次，店員嘗試拎另一份，可惜依然係芝心丸😂😂結論：平民火鍋美食，價錢合理，適合日常聚腳。

任食打邊爐（尾輪） $118/位 加一O.T. 到八點先 收工好肚餓，見到Openrice有間酒家價錢好平嘅任食打邊爐, 因為佢八點半入座只係 $118， 見到人哋食評都唔差，就決定去試下。 去到都係一般酒樓格局冇乜特別， 去到嘅時候檯面已經買咗張湯底連埋配料 嘅手剔menu。一般啤酒汽水任飲自取，揀咗皮蛋 芫茜湯拼沙嗲湯，跟手剔埋紙上既各種配菜， 全部都好大路選擇易都亦都唔少。 另外加錢叫咗半磅安格斯牛及金沙魚皮。湯底到咗， 沙嗲湯夠濃夠沙嗲味， 芫茜皮蛋都好足料皮蛋份量都好多。 食物方面都係全部都好正常冇伏， 整體性價比非常高。食物方面漏單唔算嚴重， 畀嘅份量亦都算準確。唔會比多或比少。安格斯肥牛半磅 $88 一定足秤夠半磅😃牛肉脂肪分佈都算好，食落肉味都夠。金沙炸魚皮 $58最先來到，湯未滾已經食左一半， 鹹蛋香味，同埋 啱啱炸起，鹹香鹹香餸啤酒一流。🍽6/10🔎 豐碩 (大角咀)大角咀埃華街8號奥朗御峰1樓101號舖

呢間中菜開咗好一段日子，作為大角咀人嘅我咁耐都冇去試過。最有印象就係向山竹十號風球嗰陣大角咀未試過咁大風但呢間酒樓仲開。其時屋企冇買儲糧，肚仔餓嗰刻真係想冒着危險落去飲餐茶🤣終於有次屋企人唔想煮晚飯就諗起佢，試一試呢間中菜究竟係咩水準酒樓門口有d難揾，上到發覺酒樓比我想像中細，但選擇都勁多，咁岩做緊龍躉套餐推廣，叫個來試試一種龍躉兩種食法，都係2百幾蚊，價錢十分相宜。魚腩位用咗嚟炒西蘭花，稍嫌肉質煮得老左少少，但勝在魚肉都夠滑嫩。魚頭連骨位多數較腥，所以酒樓另一個食法就將佢炸香，用薑蔥煮法去腥，用石頭窩承載保温，非常聰明既煮法。作為中菜點可以冇湯水温胃？一家人食就叫咗個花膠魚骨雞腳湯，百幾蚊一盅，原本仲驚3個人夠唔夠分，點知真心足料同大兜😳店主非常貼心將湯渣分開，可見有幾足料雖然啲花膠唔係啲好靚嘅乾貨，食得出係雪藏花膠但係非常厚身，火喉亦夠食落漿口，分開每人都飲到2，3碗大滿足😋稍稍唔夠喉最尾叫多份大聖子，真心靘料隻隻新鮮厚肉睇下一隻有我手把咁大，廿零三十蚊一隻冇理由唔食，係我要求高覺得煮得老身咗少少唔夠鮮嫩埋單連加百零二百蚊一位，下次唔煮飯再去encore🤣

前排，同朋友去左大角咀拎衫。之後住大角咀既朋友帶左我去豐碩打邊度，任飲任食！湯底都有多款選擇，我比較喜歡傳統的皮蛋拼沙爹鍋，皮蛋鍋有很多芫茜，夠清香。沙爹鍋濃郁惹味。小食：選了椒鹽魷魚，魷魚沾了脆漿炸到外層金黃酥脆，魷魚有口感，灑上椒鹽好惹味！安格斯肥牛 (半磅)：肥牛色澤鮮紅好新鮮，雪花油脂均勻，口感鮮嫩。焯後，肉質滲出少許肉汁，味道不錯！雪花肥牛肉：依度仲有另類牛肉可以以任食，質量也不錯，牛肉不擦身。任食火鍋配料都有好多款，材料新鮮，鵝腸、脆鯇魚片腩、牛柏葉、廚師腸、芝士腸、包心蟹粉丸、鵪𪂹蛋、粟米，味道鮮美好吃，食物質素不錯啊！炸魚皮：薄身香脆，浸落湯，吸收左湯底的精華又是另一種口感和味道。鵝腸、牛柏葉爽口，流心芝士腸好味，鵪𪂹蛋夠香，還有市面買不到的廚師腸供應，當然要叫多d啦！出前一丁配沙爹湯底食，又是另一番風味！

同事搬去大角咀奧朗御峰新居，其他同事都來幫手，晚上同事請我們到樓下豐碩食火鍋放題，多謝大家幫忙，真客氣啊！酒樓地方整潔，招呼週到。一個價錢全包，包湯底、醬料、加一服務費，多款火鍋任食。罐裝啤酒和汽水任飲。小食椒鹽豆腐，外層酥脆，豆腐嫩滑，灑上椒鹽好惹味！湯底我們加40元要了花膠濃湯雞窩，湯底鮮甜，雞肉鮮嫩，花膠有口感，黑豬腩肉：薄切的腩肉好嫩口。午餐肉煎得好香脆。高麗菜餃雖然是急凍，但味道都不錯。任食有廚師腸，當然不錯過啦！出面好少有了。還有其他火鍋配料都好新鮮，有魚蛋、鵪鶉蛋、鮮甜粟米、豆卜、鮮枝竹、象拔蚌、脆鲩魚片腩、魚雲、魷魚須。長腳蟹柳、豬皮、粟米、魚雲、廚師腸、魚蛋、脆鲩魚片、鮮枝竹、鵪鶉蛋。

呢排天氣變到咁凍，最岩就係打邊爐架啦。同朋友係豪華戲院睇完戲，係附近行到肚餓見到呢間豐碩有仼食邊爐就上去試下。佢8點半就已經有宵夜優惠$128一位，8點半去食真係非常抵，不過可惜我地8點就到已經好肚餓無等到8點半就食了。我地叫左沙嗲湯底，幾香幾濃，係一個唔錯既選擇。呢度一般打邊爐既配料都有。特別要提呢度啲象拔蚌好大塊又新鮮，比起市面仼食個啲高質素，食落都幾爽口。之後不得不提既係升級優惠入面既安格斯肥牛，有少少入口即溶既感覺，滾到五成熟係最正，唔會鞋颯颯，好滑嫩，值得嗌黎食。呢度既午餐肉好特別，係煎過黎，淥一淥就食得。另外仲叫左芝士腸、廚師腸、豬皮、長腳蟹柳(長條形)、炸魚皮、魷魚鬚等等，全部都正正常常，幾好食。仲叫左個小食椒鹽魷魚鬚試下，個人覺得好似炸得over左少少，如果可以脆d就更好。順帶一提個度飲品任飲，主要有啤酒汽水檸檬茶，免費任飲既好似係得罐裝既飲品。

之前住大角咀,都會經常去豐碩飲個茶。而家夜晚都有埋打邊爐,仲有任食任飲都只係$168一位😳😳仲要免茶介~醬汁可以自己調配多款野飲選擇~打邊爐前,柯打個最hit 金沙炸魚皮,好勁嘅份量,每塊都沾滿鹹蛋黃,送啤酒一流啊!湯底方面,選左花膠雞,濃濃雞味,骨膠原岩哂女士😎😎安格斯肥牛係好新鮮紅卜卜,切得好靚,另外推介蟹棒,好長身又好食!旺角區黎緊,任食任飲,呢真心抵,野食唔會好濃味,我覺得帶屋企人黎火鍋都係唔錯嘅選擇!

咁凍梗係要打邊爐啦！比起嗰啲台式火鍋店，我更鍾意係呢啲酒樓打邊爐～因為以前最鍾意同屋企人嚟酒樓食飯㗎啦😆我地點左花膠濃湯雞窩，湯底真係幾重雞味㗎，而且裏面煲緊嘅雞一啲都唔鞋，食唔停口🐔材料佢哋都洗得幾乾淨，牛柏葉好爽口，雞件同湯底煲緊嘅一樣，非常嫩滑！不過要注意嘅係，佢哋每份嘅份量都比較少，可能怕客人食唔哂食嘥，所以大家都唔好貪心一次過嗌好多啊。帶子（8粒）— 唔係雪藏貨，而且粒粒都好大！我哋淥耐左，唔記得撈翻上嚟，不過依然無影響佢嘅口感🤩好淋身，食完都幾飽添架。安格斯肥牛（半磅）— 半磅都已經好多，仲鋪到靚一靚上枱。雪花分佈得好靚，無咩肥肉，仲好有牛味！愛吃牛嘅朋友一定要點啊～食左咁多肉，一定要嗌返啲菜嘅～呢到有我好鐘意食嘅西洋菜，浸埋雞湯食係超吸味～～～～呢度除咗有普通嘅打邊爐食材，仲有海鮮可以即撈即煮，不過今次得我同朋友兩個，淨係食嗌左嘅野都好飽喇，下次帶埋屋企人嚟食下先！

任食火鍋 $168一位，茶芥全免😻真係好吸引，我地又黎食任食喇，🙊系奧運站或者旺角站行過去10分鐘左右。我地走個陣系搭巴士，超近超方便。系正奧柏御峰住宅🏠下面。任食火鍋有6款免費湯底，我地叫左皮蛋拼沙嗲鍋。睇落平平無奇，但聞落去系唔差架，仲好香，仲好入味，完全系濃濃既沙嗲湯底。安格斯肥牛（半磅）$88肉質細嫩，牛味濃，仲好新鮮，碌耐左都唔軔。😋😋😋午餐肉系煎過架，上台個陣仲系熱辣辣，好有心思!仲有個長腳蟹柳，真系超級長，系平時既蟹柳2倍長。味道唔錯，無雪味! 栗米系超級甜。我地另外仲叫左椒鹽豆腐，外脆內嫩，但系味道就比較淡，如果可多加椒鹽，味道會更出色。 D侍應好好服務,見到隔離台無理取鬧，都可以保持甘好既態度，真系值得一讚!仲有佢個醬油系好出色，至少有味道，之前去過其他餐廳打邊爐，d醬油系無味。雖然飲品種類唔多，但好抵食。

今日朋友帶我去大角咀埃華街8號奥朗御峰1樓「豐碩海鮮酒家」打邊爐 ，天氣凍打邊爐就最好不過。呢間酒家剛好在759樓上，搵地點都方便，而且等位或等朋友都可以係度行一行。今次嚟食168任食火鍋,我哋叫了鴛鴦湯底，一邊是皮蛋芫茜湯底，清清地仲剛好有整整一隻皮蛋及馬蹄，而另一邊湯底是沙爹湯，味香濃。火鍋配料都好多選擇，我哋就叫了生根、鮮枝竹、炸枝竹、 炸響鈴、鮮冬菇、象拔蚌、蟹柳、 蓮藕片及午餐肉。 2人份量剛好，食材也算ok，上菜時間都快。另叫了安格斯肥牛半磅$88及椒鹽魷魚頸$36。先講安格斯肥牛，份量都算大碟，而且喺湯底灼一灼，2分鐘內就可進食，肉質也可以。另外椒鹽魷魚頸都算脆口，彈牙夠熱，同埋不太油膩，算合格。整體上酒家環境舒適，地方闊落，沒有擡貼擡情況，而且我見到好多客人都叫小菜，下次應該再來時要試一下叫小菜先得。