豐碩 (已結業)

Traditional Chinese cuisine restaurant @Tai Kok TsuiMy families and I went to a Chinese restaurant called"Harvest" (豐碩) located in Shop 101, 1/F., Park Ivy, 8 Ivy Street, Tai Kok Tsui大角咀埃華街8號奥朗御峰1樓101號舖.The chef here works over 30 years in various hotels and rewarded numerous medals in culinary competitions.Thus restaurant rewarded a silver medal from HK tourism broad."Stir fried scallops and prawn with veggies"碧綠帶子炒蝦仁HKD$138The prawns are jumbo in size and incredibly sweet, bouncy and springy..

今晚大姨媽話要請食飯，揀左佢反工附近既酒樓，佢話之前同同事打邊爐覺得唔錯，今次帶我地黎食佢既小菜~呢個花生幾好食，侍應見食哂會主動refill，送啤酒真係一流~上湯波士頓龍蝦烏冬 $238用上原隻波士頓龍蝦，啖啖肉，鮮甜彈牙，平時色數係伊麵，呢個用日本烏冬，較健康而且口感更滑~薑蔥焗桶蠔 $168炸得金黃既桶蠔，外層酥脆，蠔肉肥美，用熱辣辣石鍋盛載，熱力令薑蔥同蠔一直加熱煎香，更香更惹味~話梅豬手 $88上面是骨膠原豐富既豬手，而下面是蕃薯，用上蕃薯比較少見，估唔到都幾好食，酸酸甜甜~大海沙巴龍等 $428我地一行四人，無一不愛魚，所以呢條龍等就算好大條，我地都輕易食完~師傅蒸到佢剛剛熟，火喉很準確，肉質又嫩又彈，魚腩位就最美味啦，油脂豐富，非常甘香~蜜燒香芋 $28必點！必點！必點！性價比超高既平靚正甜品~炸過既芋頭外脆內綿，又香又粉，再以蜜糖兜炒，最後灑上芝麻~非常好食，必食啊~

同屋企人黎食晚飯，朋友介紹話哩度既中菜小炒正，叫我去試下。上到黎甚是熱鬧，好多枱打緊邊爐，原來晚飯除左食小菜，仲有得打邊爐，下次黎試下先。翻閱餐牌見到好多款精選小菜，價錢仲好實惠，仲有不少晚市優惠小菜，正！白灼海生蝦 半斤$68最中意食白灼蝦，咁先食到最鮮既味道，新鮮與否一食就食。半斤都幾多蝦，同喺屋企食既價錢差唔多，蝦都好新鮮。話梅豬手 $88係我既推介，好食到停唔到。好多豬手唔好睇佢例牌，加左甜醋同話梅酸酸甜甜好開胃、豬手炆得入味又林，底下仲有蕃薯好甜。原盅燉花膠湯 $168非常意外係咁大盅！好抵，花膠係超多，啖湯好鮮甜，好足料，哩盅湯夠5-6人飲。清蒸沙巴龍躉仔 $88係晚市優惠先可以唔洗$100就食到龍躉，好抵！龍躉細細條d肉仲滑，蒸既時間較得剛好，條魚眼仔突突就睇到佢新鮮。薑蒽焗桶蠔 $168超大隻的蠔，一食落口好juicy 好好味，入面係好鮮嫩，而且用石鍋整非常夠熱同夠鑊熱，亦係我認為必食菜式！今晚哩餐樣樣菜都好出色，食得好開心。

上個禮拜天氣開始轉涼, 收工又想食啲熱辣辣嘅嘢, 於是同朋友相約走咗去大角咀嘅酒樓打返個令到我溫在心嘅邊爐！朋友之前試過兩個人每人唔使200蚊就已經有好好味同大大隻嘅花膠""花膠濃湯雞煲""仲有我至愛最鍾意食嘅""安格斯肥牛半磅""d安格斯肥牛好肥美又新鮮, 仲有唔係間間火鍋店都有嘅炸響鈴。仲有其他好多好多嘅選擇... 如果唔想咁單調可以叫下啲龍蝦同海上鮮食下, 飲品方面有可樂, 雪碧同幾款啤酒以供選擇, 環境清幽三五知己聚腳點係必到嘅地方。

現在整個市場廚師腸也缺貨，但我在大角咀發現了一間火鍋店可以吃無限量的廚師腸！而且價錢十分便宜，只是每位118$。裡面有不同的湯底，可以自行選擇。我哋揀咗特辣酸菜窩，其實佢仲有花膠濃湯雞窩，我都想揀！但係呢度嘅店員建議我哋只係用一個湯底，因為個湯因為滾嘅時候，會淺過對面，所以為咗唔好浪費佢哋嘅心血，只用一個湯底。呢度有多達30幾款嘢食可以揀，魚皮勁香勁脆！唔會一pipi意外驚喜係午餐肉竟然有煎過，而且又熱辣辣，好開心！我比較有興趣嘅係鵪鶉蛋、淮山麵、象拔蚌同埋當然唔少得嘅廚師腸！仲有西洋菜都比較少見。另外我哋加錢要咗極品安格斯肥牛粒，同埋泡椒豬手同極品肥牛粒，大小相同而且色澤均勻，脂肪分布適中，咬口好有肉味而且紋理鮮明。泡椒豬手有三件，有好多條泡椒，食落去好酸、好辣，眼水都標埋！順便將啲泡椒掉落去酸菜鍋到一起烹調，酸菜鍋味道好搶喉，辣味十足，可以當湯飲好暖身，加埋佢哋有免費任飲嘅罐裝汽水同啤酒，冷熱交融十分刺激。淮山麵亦都係比較少見嘅食材，食落去咬口彈牙，一條條好分明，但係食到有少少濟，最後追加左個花膠，好大塊而且晶凝通透，咬落去頓時覺得自己充滿骨膠原啊，下次經過大角咀，一定要再嚟食廚師

行過大角咀見到一間有麻薯嘅珍珠奶茶🥰麻糬控表示好興奮，不過遲下再講，今次就講下依間任食火鍋先😁揀左花膠濃湯雞鍋+$40，一飲湯底都幾湯，少許黏口感😊花膠都幾腍軟！而且湯底比較濃郁所以岩哂重口味嘅我必食就有安格斯肥牛+$88🤤紋路清晰且牛味夠!長腳蟹柳真心抵食🥰好大條！仲發現廚師腸仲有得供應添呀😆魚雲都系必叫❤️比較少見仲有鵝腸，鵪春蛋，象扙蚌等💓又一間值得bookmark嘅火鍋店👐

今日下午放左半日假幫堂哥搬屋, 雖然佢只係大角咀一房單位搬去另一間一房單位, 不過佢嘅雜物真係非常多, 我地由1點開始分幾轉搬到6點先搬完。由於我地LUNCH都冇食, 超級肚餓, 所以堂哥提議去佢樓下間豐碩海鮮酒家食任食火鍋。豐碩海鮮酒家正舉行4週年優惠, 任飲任食火鍋只係$118起, 最貴時段都只係$168。我地7點未夠已經到, 當時仲未多人, 酒家裝修平實, 座位寬闊, 感覺幾舒服。任食嘅火鍋配料選擇都唔少, 象拔蚌, 黑豬腩, 雪花肥牛等等都係任點任食。任飲的飲品除左汽水之外仲有啤酒。堂哥為左慰勞外, 除左另外點左半磅安格斯肥牛外, 仲加左我愛食嘅金沙炸魚皮。😍花膠濃湯雞窩 $40任食火鍋本身已包括6款免費湯底, 我地加左$40升級花膠濃湯雞窩。花膠份量多, 而且大件又彈牙, 吸滿香濃鮮雞湯, 非常惹味。雞肉鮮嫩, 尤其係雞腿肉, 特別嫩滑, 花膠雞湯底好濃郁, 我地火鍋時每人都先飲左兩大碗。😊安格斯肥牛(半磅) $88半磅安格斯肥牛估唔到有咁大碟, 牛肉油脂分佈均勻, 肉質軟腍, 以花膠濃湯涮非常夠味, 唔需要再沾上醬油都好美味。😋金沙炸魚皮 $58$58嘅金沙炸魚皮份量多到兩

豐碩正正位於大角咀地標759阿信屋樓上，位置已找因為招牌耀目。餐廳環境新淨，座位寬闊，入門後有個魚虹，雖然不帶霸氣，但新鮮龍蝦，鮑魚，蟹，龍蠆樣樣不缺，都算唔錯。今晚簡單點左幾味常叫菜色，試試師傅功力上湯波士頓龍蝦手打烏冬，龍蝦新鮮，而且size比想象中大，都多肉食，烏冬就未知係咪師傅親手打，但食落軟滑配上上湯的確掋讚原盅豐料燉湯，有幾豐料，侍應盛起後滿嘅瘦肉，雞腳，花膠....湯味清甜，沾口感重，花膠膠質感重，果然豐料。脆皮吊燒雞，感覺較普通，因為個人認為略有過咸，勝在雞皮亦能做到薄脆如紙。清蒸沙巴龍蠆，斤兩十足，魚身大令咬感豐富，魚味也較重，而且火喉控制得好，否則大魚過老就變得浪費。姜葱焗桶蠔--蠔隻肥美，只是外層沾粉過重，做成糊口。話梅豬手---不可不提本意為只是平凡嘅梅醬炆豬手，點知除左豬手炆得夠林，仲帶有華梅嘅香，去除多餘嘅肥膩感覺，真係唔錯。最後蜜燒香芋係為喜愛芋頭嘅女皇而叫，果然無失望，炸香芋頭後，再以蜜汁炒勺，蜜汁薄薄掛住芋條，好好食，女皇第二個胃搞掂左成碟

朋友由澳門遠道而來到香港玩，我就邀請他們一起晚飯！來了大角咀這間食晚餐！價錢都幾大眾化~我地選了個精選孖寶！薑葱焗羔蟹，真係無花無假！d蟹羔多到不得了！橙橙的蟹羔超香濃蟹味，回甘味十足！薑葱炒得好香好有獲氣！芡汁剛剛包住蟹~唔會過多！蟹肉細緻鮮甜！蟹size真係幾大隻。另一款的是蒜茸粉絲蒸聖子，蒜香味好惹味~粉絲入哂味！聖子大大隻夠足料，蒸既時間剛剛好，唔會過老，所以肉質都幾嫩的。紅燒蟹肉翅大大煲~花膠非常綿密！口感一流~濃郁入味秋冬進補養顏好選擇。整體我地都覺得幾抵食~風味十足！還見大部份都是老顧客。很多回頭客呢！而且這裡還有火鍋可作選擇！！

朋友婚後搬去奧運住，早早下班去找朋友吃飯，吃完去他家參觀一下！朋友介紹了一家中餐，說什麼西餐吃膩了，這家是他和家人經常吃飯的‘飯堂’，我很好奇怎麼可能吃不膩呢？或許如他所言，真的很好吃吧！上一樓，裝修沒有什麼驚喜的地方，一家看上去非常普通的酒樓，普通的裝修，普通的餐具。可是來吃的人很多，而且大部分是附近的街坊一家人來吃！豐碩一品鍋在我的理解中，用自己的招牌來為一道菜命名，必然是這家店的品牌菜，既然是品牌菜，品質有一定保證。這一鍋的材料有，冬菇，鮮蝦，鮮魷魚，鮑魚，鵝掌，唐生菜。冬菇和鮑魚既香又淋且入味，鮮蝦和魷魚就很爽口，鵝掌當然也很淋，唐生菜放鍋底，吸收了所有食材的醬汁，好味而不油膩！這難道不是一鍋地地道道的新年廣東菜嗎？酸菜龍躉魚我吃不了那麼辣的，店員建議微辣。龍躉肉很嫩滑，加上又酸又辣的湯底，刺激胃酸分泌，酸菜也特別好吃，很好下飯的一道菜喔！芝士焗龍蝦手打烏冬這個配搭很有趣，廣東菜與日本菜的結合，有驚喜哦！新鮮龍蝦肉質很鮮美，焗得剛剛好，濃郁的芝士味包溶著龍蝦肉，回味無窮呢！意外的還是那個手打烏冬，爽口有咬勁，配合得很不錯！合時老火湯簡單的食材，就是雞腳加瑤柱粒，湯已經很甜很好喝

今晚同親戚食晚飯, 佢帶左我地黎呢間附近酒樓食飯侍應帶位時, 我地經過見到個魚虹有好多生猛海鮮我地幾個都異口同聲話想食海鮮呢呢到係我第一次黎, 感覺都幾乾淨, 隔離好多都係一家大細食飯餐牌都幾多野食叫完order後, D 餸菜都好快上先黎個燉湯, 唔算好大碗, 但幾充足料係瑤柱燉北菇雞湯, 雞湯味清甜濃郁, 湯頭清澈無雞油鋪面豉椒炒花甲嘩~上菜後, 原來咁大碟既, 好抵食呀豉椒類係我最鍾意最常叫既小菜, 醬汁惹味, 加上花甲鮮甜無沙椒鹽豆腐係其實小食黎, 但份量唔似小食, 好似例牌咁啱啱炸起, 外皮香脆, 豆腐滑嫩軟心, 無論送酒或配飯都可以蒜蓉粉絲蒸大蟶子蟶子肉嫩而肥, 色白味鮮唔過老, 最緊要係無沙, 洗得好乾淨粉絲都唔會蒸到乾哂, 再淋上豉油, 粉絲吸收汁料後, 食落陣陣蒜香, 好好味醬皇爆炒象拔蚌醬汁惹味, 帶少少香辣,  似XO 醬炒而象拔蚌, 烹調時間掌握得好, 煙韌爽口, 配搭脆肉瓜, 幾健康金銀蛋豆苗終於等到冬天有豆苗了我地又估唔到係咁大碟菜, 應該有成斤汁濃味鮮, 皮蛋咸蛋充滿咸香, 豆苗又幼嫩大部份小菜海鮮都唔過$100, 而且份量超多, 好抵食呢~

晚上既酒樓同日頭好唔同相比起來我更喜歡晚上自己人一枱食飯個種快樂一班人食到正宗四川麻辣龍躉呢道應該係新菜式，時下最多年輕人食既酸菜魚既食法！超大的一碗，滿滿的龍躉，下面係薯粉同其他配料！辣味我選左小，都幾開胃不蓋為龍躉，嫩滑得黎又幾有口感，不錯紅燒bb乳鴿炸乳鴿！脆卜卜無得頂，原來都幾大隻下，一開二每人半隻都足以嘗鮮炸到岩岩好, 入面既肉仲係好嫩滑合時湯好足料！入面滿滿的材料，而湯都幾鮮甜！好鮮甜又多材料!! 飲得過!!

香港出名既中菜廳都不少但高手在民間要食到有鑊氣，功架十足的中式菜平有平吃，貴有貴吃呢間大角咀既都唔差我住附近通常都係黎呢間性價比都幾高下餐牌上有d孖寶套餐，食落都唔貴上湯焗波龍蝦烏冬我就比較鐘意食伊麵多d既，多問左可唔可以轉伊麵，部長馬上就說ok！超大隻龍蝦，店員仲細心的比埋工具品嚐濃濃的波士頓龍蝦汁加上伊麵真是最佳配搭！半隻脆皮吊燒雞超脆皮，吊燒雞既口感最一流，脆皮既香味亦令道菜加分金銀蛋浸莧菜 一個字！份量大！幾清淡入味

去大角咀去探朋友，我們一起去豐碩酒樓食晚飯，是她平日的飯堂。菜式選擇非常多，而且價錢優惠。炸乳鴿 $42確實是妙齡乳鴿，外皮脆卜卜，而肉質好嫩滑。還點了孖寶A $328有蒜蓉粉絲蒸大蟶子，蟶子還算彈牙，不過蒸的時間可以再縮短點，粉絲吸收海鮮鮮味，還有惹味蒜蓉，不錯。是日燉湯 $48湯味濃郁清甜，而且不覺得油，如果有4個人或以上有更多燉湯款式選擇。上湯浸豆苗 $108冬天時令菜，好嫩口脆甜。話梅豬手 $88有石鍋即使放了半小時，仍然保溫，好勁！醬汁甜甜酸酸，有薑醋的微酸，豬手相當入味，而且好多件，底下還有蕃薯，超滿足。孖寶A另一款，薑蔥焗羔蟹 一隻羔蟹都幾大隻，蟹肉幾甜，薑蔥夠惹味，是晚食飽飽好滿足。

和朋友聚舊，結伴到這中餐廳吃晚飯。上湯焗波龍蝦烏冬龍蝦大大隻，肉質鮮甜味美，烏冬是稻庭烏冬，煙韌得來又滑口，每一啖都有上湯龍蝦的味道。豉椒炒花甲花甲炒得香口，豉椒味濃郁，而且乾淨無沙，值得推介。黑松露帶子炒蛋蛋香味濃，黑松露很入味，口感嫩滑，送飯一流。醬皇碧綠爆花膠花膠彈牙鬆軟，一點也不韌，翠肉瓜色澤鮮艷，口感清新。碧綠炒帶子蝦仁蝦仁超大隻，蝦味突出，非常爽口。帶子炒得香口，西蘭花很入味。整體來講好味又抵食，下次必定再來光顧。