豚丼のぶたはげ (康怡廣場北座)

營業中

休息中

位於康怡廣場嘅「豚丼のぶたはげ BUTAHAGE 」，係一間源自日本北海道十勝帶廣嘅人氣豚丼專門店牛油粟米稀有豚肉丼 定食最近新推出咗期間限定嘅北海道十勝豚餐目：「牛油粟米北海道十勝豚丼」定食及單點，由即日起至5月30號於全線BUTAHAGE供應選用經日本專家嚴格評級為最優質珍稀嘅十勝豚「かみこみ豚」（KAMIKOMI豚） 切片🐷脂肪分布均勻嘅豚肉片燒至微微焦香，肉味濃郁，入口軟嫩，充滿肉汁；配以傳統方法烹調、有超過80年歷史嘅秘製祖傳醬汁，風味獨特，佐飯一流！表面仲有新鮮烤蘆筍條及香甜日本粟米🌽與牛油巧妙融合～百分百還原北海道滋味附加優惠定食選擇，定食包括前菜、茶碗蒸、味噌湯及甜品，好豐富呢✨味噌湯裏面有蘿蔔、薯仔、紅蘿蔔、蒟蒻、油揚豆腐等等，好足料呀！茶碗蒸蛋勁嫩滑，內裏有元貝粒及冬菇玉子鰻魚丼厚燒鰻魚相當肥美，鮮嫩多汁，塗滿日式燒汁一齊燒，更添滋味！配上日本玉子燒，嫩滑可口，充滿蛋香🥚另加$33可配豚肉味噌湯定食天婦羅紫菜多款天婦羅可以單點，紫菜天婦羅炸得金黃香脆

💭呢間餐廳既lunch 真係幾抵食😝😝最平55 蚊就可以食到個主食，+ 18 蚊就會有冰茶、茶碗蒸同埋個小甜品🥰熱辣辣既茶碗蒸食完真係好滿足😜🌸什錦海鮮天婦羅烏冬 🌟🌟🌟🌟天婦羅上到檯都仲係熱辣辣，脆卜卜😝😝😝炸物有👉🏻海老 🍤🦐/珍寶皇帝蟹柳 🦀/沙錐魚 🐟/山芋 🫘/南瓜🎃🌸和牛烏冬配溫泉玉子🌟🌟🌟牛肉烏冬+ 溫泉玉子呢個係經典既配搭😉一定會好食😜

香港日本餐廳深受歡迎，當中有不少來自日本的過江龍，源自於北海道十勝帶廣的人氣豚丼專門店「豚丼のぶたはげ BUTAHAGE」就是其一，在香港都可以品嚐到最正宗的日式丼飯。最新推出期間限定北海道十勝豚餐目:「牛油粟米北海道十勝豚丼」定食及單點，由即日起至 5 月 30日於全線「豚丼のぶたはげ BUTAHAGE」供應，令人恍如去了日本旅行，品嚐北海道美食。牛油粟米北海道十勝豚丼採用由日本專家嚴格評級為最優質珍稀的十勝豚「かみこみ豚 (KAMIKOMI 豚)」切片，軟稔美味。豚肉片燒至微微焦香後仍保留豐富肉汁，混合融化的金黃牛油及香甜的日本粟米，增添馥郁香氣，加上宮城縣產特 A 級「一見鍾情」米，令人回味無窮。附加優惠定食選擇，包括前菜、日式湯、甜品及果茶，豐富的定食組合物超所值。「豚丼のぶたはげ BUTAHAGE」店舖主要鄰近車站或位處購物集中地，如太古和九龍灣德福廣場，十分方便。

和朋友星期日打算食個簡單嘅晚餐未試過呢間，咦？唔洗排隊wor，就佢啦！貪心如我，叫咗個特上天婦羅御膳 （蝦味增湯，普通茶碗蒸）有刺身，雜錦天婦羅（海鮮）+天婦羅汁，涼菜，茶碗蒸，蝦味增湯 同埋甜品（應該係類似涼粉類嘅嘢+黑糖汁）刺身：非常薄，可以expect 元氣嘅quality (afterall, 都係under 美心）雜錦天婦羅：唔熱，有d油膩，基本上海鮮無乜味，如果想食到海鮮鮮味嘅食客會失望蝦味增湯：好鹹，如果唔送飯的話 我唔知可以點飲 （不過好足料，有櫻花蝦， 蘿蔔、一塊豬肉）茶碗蒸：唔熱, room temperature 飯同涼菜就不過不失啦個甜品就。。。可以唔洗試了 （無乜味道）朋友叫咗日本產稀有豚肉天丼如果話我唔叫佢間嘢出名嘅招牌菜所以失望的話 呢個選擇應該無錯稀有豚肉天婦羅+半熟蛋飯：果然豬肉比我個天婦羅海鮮好，但朋友就覺得有d overcooked, 不過有半熟蛋送飯，點都好d嘅茶碗蒸：係熱嘅，有蝦有冬菇有粉絲，仲好滑添豚肉味噌湯：比蝦味好太多了，起碼入口唔鹹再叫咗個清酒：可以一杯杯叫，呢吓幾好，個清酒成為咗全餐飯最值得讚嘅item講完食物，講用餐經驗1. 據我觀

賣相同天丼好似，不過味道真係美心快餐黎午餐加錢可以轉做set前菜：無賣相可言，味道就正常，食完唔太知係食緊既係肉醬定蔬菜類主菜：賣相幾好既，不過飯太濕、又冇汁、蝦無蝦味、魷魚明顯係急凍無味貨、南瓜就正常，似同元氣一樣貨源（因為大家都係美心出品）凍茶：荔枝凍茶，味道過甜茶碗蒸：份量少，味道一般甜品：黑糖Jelly，Jelly本身味淡，靠黑糖水既味總結：不可一不可再，天丼價錢，差過快餐寧願等附近壽乜朗開張排隊食算

呢間嘢睇人地話味道唔錯，叫咗外賣。準時有得攞，因為太肚餓唔記得影相😆啲豚肉好有豬肉味，肥瘦均勻，不得了👏🏻👏🏻飯係用日本米，粒粒乾身又香，唯獨是飯嘅份量比較少⋯⋯另外叫咗個天婦羅飯，天婦羅比較油膩，相比起豚肉飯冇咁吸引。不過而家做緊OpenRice 優惠，真心覺得豚肉飯好食😋

有時一人或者兩人都較難叫嘢食。此餐廳一人前都幾吸引，晚飯時間人不算多，空間感十足。清酒可以小杯，無需半瓶起，合理。天婦羅單點都幾多花款，可惜是日在下一人，食唔落太多。御膳和牛似乎是全餐，即刻於手機下訂單。刺身有蝦，帶子和三文魚。和牛大概四片，蛋黃和豆腐鋪在醬汁上。青菜似乎不多，跟圖片有少少差距。擺盤精緻，日本米充滿飯香，大碗醬湯中滿多肉片，配上火鍋的甜汁一鹹一甜。甜品是黑糖啫喱，清甜透亮，炎炎夏日消暑解渴。一人食便飯的好地方。

💖豚丼のぶたはげ (康怡廣場北座)（太古）✨太古康山道1號康怡廣場北座地下G3號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️ 過開嚟太古，必定要做嘅一件事就係去行AEON🥳行到攰就可以附近嘅呢一間餐廳食午餐😏由於屯門冇分店所以每次嚟到都必定會食呢一間餐廳😆-「什錦海鮮天丼配溫泉玉子」定食🍱 ＄152(配刺身、副菜、茶碗蒸、味噌湯及甜品）推廣期由即日起去到9月27號🥳呢個係佢哋嘅新Menu💁🏻‍♀️專for 天婦羅＋貝類海產迷，因為入邊有大量嘅帆立貝、小貝柱😍仲有好多唔同嘅材料製成嘅天婦羅🍤 有甜蝦、露筍、南瓜、本菇及茄子。全部切成顆粒狀再炸，皮薄而旦香酥脆炸又不膩😘鋪滿丼飯上面，再配埋佢哋獨創嘅秘製天婦羅醬汁同埋溫泉玉子蛋拌勻一齊食🫶🏻啖啖滿足😋旁邊仲有三色刺身，包括赤海蝦、三文魚、三文魚籽，同埋茶碗蒸、前菜、甜品同味噌湯，成個餐咁大份都只係150幾蚊💁🏻‍♀️抵呀！- 稀有豚腩丼 (並盛) 🐖＄88每次嚟呢度都一定要叫嘅豚腩丼，以前我成日都會問到底佢係有幾稀有😂而家我可以話俾大家知佢稀有到其他地方食唔到😋佢哋燒得勁好味，有少少炭香😆雖然話係豚腩，但係食落一啲都唔肥膩🤫想要繼續睇我分享唔同嘅

▫️標榜北海道豚丼老店，用80年秘方醬汁，仲寫住金賞受賞🏅 ( 其實點解日本咁多金賞👀 ) 形容得咁吸引，就一於試下啦🕵🏻🐖 帶廣名物稀有豚肉丼 (並盛) $92▫️有2個飯size，分別係並盛regular同特盛large，睇menu相見到有6塊豚肉，但並盛黎到只有4塊🫣 所以好似唔係好夠配飯食🫠▫️豚肉焦香，但略嫌偏薄及乾身，覺得無金賞咁誇🫣 但醬汁甜甜地都幾送飯🍚🍤 特上天丼 $138▫️有7款天婦羅，蠔、帆立貝、蝦、山芋、野菜、紫菜，最新穎係三文魚天婦羅🍣 第一次食，又幾特別😬 脆粉夠薄，但送飯黎講就乾左啲喇🍤🍜 湯烏冬 $35▫️普通日本湯烏冬，口感彈牙煙靭，清清地唔錯👍🏻🍲 豚肉味噌湯定食 +$33▫️每一款食物都可以加配定食，普通定食+$28，有味噌湯、前菜、茶碗蒸同甜品，咁抵梗係加啦😆▫️見餐廳主打豚肉，就+$5轉左豚肉味噌湯，好大碗同好多蘿蔔，但比較下都係鐘意普通味噌多啲🥣▫️茶碗蒸幾滑，甜品係黑糖寒天，唔會太甜，食埋甜品真係好滿足😋🥐 帶廣豚角包 $38▫️試埋個小食，以為係牛角包d fd，點知個樣似刈包🧐 配埋沙律醬同生菜🥬 又幾夾🐷💡餐廳只接受電子支付，唔收現金架🙅🏻‍♀️

有新店開，我多數都有試。見到豚肉丼有受賞，就叫諗住就食呢個啦。佢話係自己用QR code下單。我睇左一陣餐牌，見到最平既豚肉丼係92蚊。一心而為呢個價錢應該係定食，見到小子寫配茶碗蒸同甜品。然後又見到加廿幾蚊一個麵豉湯，茶都要加錢，好似汽水都要12蚊，但眾多加錢項目係冇茶碗蒸同甜品既。所以我仍然以為係會有茶碗蒸同甜品。然後來左個飯，有6塊豬肉，同一個小小既前菜。味道ok啦，唔值92蚊。埋單仲要加一。。。我心諗我係自己落單，埋單又行去出口埋，連杯茶水都冇。。。收加一？我不如去另外其他幾間，有湯有茶，可能仲有野飲。。。

是日同老公落街遊遊下，見呢間日式店新開既幫襯下，叫左鮑魚四色貝類丼，稀有豚肉丼，帶廣豚角包…價錢…略貴，味道係有水準既，上菜時間算快，整體唔錯，不過好似唔收現金

之前經過一家新開沒多久的日式餐廳，一看就覺得跟灣仔利東街的“炙宴”很像，現在疫情已經過千了，就決定買個外賣試試看~現在外賣自取有8折 午時定食帶廣名物炙燒芝士稀有豚肉丼 HK$97.6 (原價：HK$122)豚肉：有6大塊，肉片瘦而不粗糙，非常嫩口，表面微焦的芝士帶來了炙燒的香味🤤，加上甜甜的照燒汁，吃起來甜甜鹹鹹，很好吃飯：軟硬度適中 副菜：一口菜😂，味道可以，但還滿甜的 豚肉味噌湯 +HK$24就是麵豉湯的味道，鹹度恰到好處，配料有不少：豬肉塊、薯仔、蒟蒻、豆腐卜、紅蘿蔔。豬肉塊有肉香味，薯仔也煮得熟透 甜品讓我想起信玄餅，但它這沒有黃豆粉，而且質感也沒信玄餅的那麼軟滑，不過在沒包餐飲喝之下吃，還滿解渴的~總括食物賣相和味道不錯外賣效率好 (等了10分鐘)服務態度好

見到新開又想去試吓😍，一人揾食嘅好處就係大多唔洗等好耐，指定動作入店量體溫加安心，入坐後見隔板貼咗指示QR Code點餐，店員隨即遞上，嘩！真係十五十六唔知食邊個好😂😂😂決定貪心啲，北海道帆立貝大赤蝦丼定食環境幾舒服，好和風我嘅餐嚟啦！店員告知左邊碟係壽司豉油，右邊係點天婦羅嘅，嘩食茶碗蒸先，蛋嫩蝦爽，前菜（普通），味噌湯好多料喎（蘿蔔、甘筍、薯仔、蒟蒻同炸豆皮），天婦羅（🍤、南瓜🎃同冬菇），丼飯（帆立貝有三件、赤蝦兩隻新鮮同三文魚籽唔腥）、甜品黑糖配好似水玄玉咁嘅好飽足呀！

呢間新嘢，淨食豚肉，只收電子支付，不收cash , 坐位不多，非常迫，坐得唔舒服，價錢亦唔平。很少款式選擇，但目測分不開各款分別，侍應未run in 又送錯單，遅些去試較好啦

呢間新開嘅專供豚肉嘅店鋪，真係要run 順啲先可以再試，出餐混亂一片，每一款餐外貌連侍應都分唔開，客人要食落先知係錯，換餐之聲此起彼落，再加上坐位好窄，不宜疫情下去食