豚豚食堂

營業中

休息中

另一半的親友在這區生活，早前已路過這日式食店多次，今晚終有機會試試了。室內光線充足，裝修簡約，侍應們的禮貌服務，未食已感覺安心。選擇困難，有挺多菜式，選來選去，算來算去，還是二人餐最抵吃。散點兩個主吃+兩款小吃便相等如二人餐的價錢，套餐現有三款小吃，賺了。我兩不約而同點了豬扒，因中午吃過牛，晚上又不想吃雞。雖同樣是豬，但各有特色。（吉列豬扒奄列咖喱飯）+$5豬扒腍軟，雞蛋奄列濕潤嫩滑，白飯撈些咖哩汁和雞蛋，口感豐富滋味，而且咖哩汁內還有蔬菜粒與牛肉粒，帶出更香濃的味道，美味。（滑蛋豬扒丼）八成熟的嫩蛋加上洋蔥伴飯吃，查實很快可以吃完，但現在不是吃午飯需趕上班，當然要慢慢品嚐！這件豬扒有兩個口感，一邊腍軟，另一邊煙韌，有趣！配上三款自選小食，（燒雞翼燒雞軟骨）燒得乾身，雞軟骨香脆中有饞勁，雞翼又開雙飛，正。（炒魷魚鬚）正常的魷魚鬚，連洋蔥絲一起吃，味道ok。（北海道南瓜炸薯餅）南瓜餅軟綿香甜，面炸得夠趣，暖時吃仍有脆口感。好味 。補充：沙律醬問侍應取，本身沒跟的。後話：套餐雖然沒飲品，但免費的熱茶也相當好茶味。

Lunch時間，見唔多人排隊，就叫左個二人餐，有6個選擇，人均印象中係$60左右，等等下發現都有幾隊人係用App外賣自取，所以要先耐啲等左20分鐘左右，職員話炸雞未得，但到手果時炸雞都唔係熱既，就有少少失望，不過食左之後味道幾好咖哩幾香，牛肉又幾好味喎炸雞係估唔到份量咁多，雖然唔熱但都仲好香口好脆，味道有少少偏咸，另外加左錢有碗湯同沙律，沙律就一個有隻蛋，一個無，成餐都幾飽肚，整體黎講，都會有下次

有日要去新蒲崗做啲嘢 急急腳想係附近搵嘢醫肚😲就揀中咗Mikiki商場裡面嘅呢間豚豚食堂(個名有疊字係幾kawaii嘅😗)。見個餐廳環境都闊落光猛 有啲人流，就諗都唔諗走入去啦🤪自選二人套餐$228 (2款拉麵或飯+3款小食)🌟 親子丼味道正常唔伏 滑蛋係滑嘅(講緊廢話😂)，可惜係碗嘢望落好足料 但其實食落蛋同雞肉嘅比例唔算多，不過不失啦。🌟 白豚拉麵 拉麵唔錯嘅🍜但個湯底同平時食嘅白豚拉麵唔太一樣，豚骨味道無咩存在感，味精頗重🤔叉燒偏瘦 如果多番啲油脂會更好。🌟 自家製餃子餃子普普通通🥟上枱果陣都夠熱♨️唔伏但係無話好特別，如果再脆啲會更理想。🌟 炸雞肉原本諗住會係南蠻炸雞或者唐揚炸雞果類🍗點知知一上枱個樣勁似KFC個香辣脆雞🤣而且份量比想像中多，個人覺得係最抵食嘅小食。裡面肉質係ok嘅 嫩得黎仲鎖到汁，但係外層炸皮略嫌過硬會界口。🌟 吉列流心蛋豬肉餅一個幾特別嘅炸物 食落幾香口👍🏻裡面係漢堡扒同流心蛋。雖然裡面嘅餡炸得有少少乾 但有半熟蛋嘅搭救🍳算係成餐嘅驚喜之作。🌟 吉列蝦炸粉唔算厚🍤但都有同炸雞同一個問題就係炸得比較硬。比較之下，個人覺得炸雞性價比高啲。整體質素可以接受 但可以更

今日係 Mikiki 搵食🤤，見到呢間開咗幾個月嘅日本餐廳就入去😋試吓。我揀咗呢個親子丼，🐓雞肉蛋飯🍚，份量都幾大，有埋麵豉湯🥣，質素就一般般，冇乜特別驚喜，係經濟實惠嘅一餐。

外賣自取 咖喱炸雞蛋包飯 下午茶:炸雞超咸得陣蒜頭味，一啲日式炸雞嘅味道感覺都無，好難食 🤢沒有最差只有更差，個飯超硬好似放咗三日嘅隔夜飯，仲難食 🤮片蛋皮正常但超薄 😵跟餐話送沙律，原來係幾粒粟米同一粒車厘茄....餐牌寫可揀湯或熱飲，我問店員有咩熱飲，店員話無熱飲得汽水，咁我就揀汽水啦，到收錢我見貴咗，佢就回覆我話 “汽水加5蚊外賣加3蚊呀嘛”但佢從來無提過汽水要加錢 🤷🏻‍♀️ 原來係無得揀因為佢哋無外賣杯喎！所以外賣只能迫住揀個麵豉湯或者加$5要汽水 😳 我話咁你哋起碼通知聲先吖，佢就一句話 “咁你可以唔要的唔洗幫襯”。成件事講到係我錯咁，間餐廳無餐具提供仲怪個客，真係好特別！成盒嘢我食咗一啖飯一啖雞同個蛋皮就掉咗，真係好浪費但真係太太太太難食了 💩唔好幫襯！真係勁不知所謂 ☠️完全唔係 ”日式”餐廳！🤢

呢個場凈食過定食8，一泊好車一上嚟就見到佢地。見到有拉麵小朋友既至愛，點知邊個職員仲好好話有下午茶添（假期至4:30pm）,剛剛好4:15pm, 真係好平，四十蚊一碗麵。多春魚同雞軟骨都係脆卜卜，嘢飲兩款都唔合格。拉麵叫完先知有兩款麵底。店內有櫻花裝飾，好靚。

呢間開業己有幾個月，第一次食呢間，入到去人流稀少，已有中伏感覺!！所以決定食佢的招牌推介，希望減少中伏指數，所以先了豬軟骨拉麵，拉麵來到賣相一般，湯唔夠熱，味有點怪怪，唔係平時食開豚骨拉麵，湯入口味道非常淡而無味，感覺溝到好多水，超稀，蛋無味，豬軟骨煮過火，粟米返而正常，實在是一碗港式拉麵，但日式拉麵收費，自己覺得可一不可再，無下次’但見到又好多好評，真係晤明白

新蒲崗MiKiki真係多咗好多嘢食，而呢一間豚豚食堂係平日嘅夜晚都好多人幫襯，咁應該都有返咁上下水準呀，所以我哋一家人就入咗去食啦叫咗佢個自選二人套餐，首先揀咗個豚軟骨拉麵，湯底味道非常濃郁，煮到變咗做白色，食完唔會覺得太鹹太頸渴，而拉麵嘅口感亦都非常彈牙，最後豚軟骨煮到非常林，非常容易入口。第二個主食揀咗滑蛋豬扒丼，一打開個蓋嘅時候啲熱氣冒出嚟，真係熱辣辣啱啱炸起塊豬扒就放上去再搬出嚟俾我哋，豬扒非常香脆，香味誘人，非常大塊，食完成碗飯都仲有淨，而個滑蛋令到入口個感覺冇咁乾。小食嗰度揀咗燒雞翼同燒雞軟骨，兩樣都係燒到個外邊好香，燒雞皮有少少脆口，加少少鹽帶出個味道，簡單嘅調味已經非常好食另外仲有自家製餃子，餃子皮又係煎到有少少香脆嘅口感，入面嘅餡料足夠，而且仲有六隻咁多完全冇諗過作為小食嘅炸雞份量竟然係有咁多㗎，真係超級抵食，最優秀嘅係佢外面揸到卜卜脆，但入面嘅雞肉仲係保持到肉質嫩滑有肉汁，而且食完仲一啲都唔覺得油膩，加少少檸檬汁仲更加好味壽喜燒牛肉鍋睇住佢送上嚟嘅時候個煲剩係得啲材料，然後睇住佢慢慢滾到個湯出咗嚟，個湯完全吸收晒牛肉嘅味道，特別鮮甜，而且裏面又有蔬菜、菇、豆腐同肥牛

是日上午出job，差不多3點才返到公司，餓到暈暈地，途經豚豚食堂，於是打算快快手 買個外賣返上公司食，再處理埋d手尾；落單本身打算食個豬肉丼，貪佢夠簡單、應該可以好快手，點知都差不多要等15分鐘；返到公司打開飯盒的一刻，真的有點意外洋蔥是粗條，還要是未煮熟，入口辛辣味太重，沒有一絲熟洋葱的清甜豬肉入口太靭，整體 只可說係分別 食緊兩樣食物，豬肉還豬肉，洋葱還洋葱唸住豚豚食堂食豬應該穩陣d，點知.....沒有期望沒有失望

新蒲崗最近開咗間日式拉麵丼飯專門店，今日見經過就入咗嚟食。$228二人套餐，感覺幾抵食，包左兩款主食同埋三款小食。滑蛋豬扒丼，豬扒即炸，夠香口，但豬扒有少少乾，丼飯份量大。白豚拉麵，湯底尚算濃郁，鍾意濃味嘅可以另外加七味粉，叉燒都有兩大塊！自家製餃子，一份有六件，不過煎得唔夠香脆。炸豆腐，呢款比較有驚喜同有新意！豆腐沾上薄薄嘅炸漿，炸完之後仍然做到外脆內軟嘅效果！而且加埋醬汁都幾好食。燒雞翼燒雞軟骨各2串，簡單灑上少少鹽調味已經覺得好好食！煎得香脆又惹味！

最近難得去了一轉mikki ，見到一間比較新嘅日本餐廳就入去試吓.餐廳環境好舒服設計得好靚，我尤其是最鍾意餐廳入邊嘅一棵粉紅色櫻花樹，打卡一流呀餐廳主要食日本定食、煲類等等「雪花網燒牛扒定食」簡易的日式定食，但擺盤上也是相當精緻， 也有白飯、味噌湯、椰菜絲整體肉的份量也相當適中，配米飯吃剛剛好香嫩入味，有牛肉香氣，搭配一旁配菜點綴，充滿層次風味旁邊配菜主要有椰菜、醃製小番茄.....等「豬肉井定食」份量也相當適中，米飯還有結合入味醬料整體醬料、配料口味都偏甜.定食中附上的味噌湯，配料也十分豐富無論主餐、湯品、菜色都相當令人滿意「明太子雞翼」雞翼入邊有滿滿的明太子鹹鹹的味道超好推薦必點!吃完餐點後真的相當有飽足感

今晚約咗舊同事去Mikiki行街食飯，因朋友想食拉麵，見「豚豚食堂」門面好乾淨企理，所以決定揀這餐廳 呢度有和食、西式選擇，和食有定食、丼、日式拉麵，西式有扒類、意粉等 我哋選咗二人套餐，包2款飯／拉麵、3款小食 豚軟骨拉麵豬骨湯味濃，豬軟骨炆得軟腍入味，軟骨部分脆口，配有脆口的黑木耳絲、半隻流心蛋、拉麵，味道唔錯 赤豚拉麵湯面唔會有好多紅辣油，入口香辣味濃，但又唔會嗆喉，配有兩片軟腍豚肉，脆口黑木耳絲，拉麵配搭簡單，但又非常惹味 北海道南瓜炸薯餅薄薄粉漿，包裹香滑南瓜蓉，外層炸至金黃，入口外脆內軟，香口美味，呢個真是非常美味 燒魚餅、牛油炒草菇菇味香濃， 既簡單又健康的配搭

今日收工收晏左,所以渣車去左新蒲崗食飯,mikiki又方便泊位又冇乜人,求其就係個food directory揀左間日本嘢間嘢裝修都幾日式,其實我見過北角都有,一直冇機會,因為次次都好多人排隊,今次平日終於有機會入去😆𥚃面都幾闊落,坐得幾舒服😌有一人set,二人set揀,我同男朋友揀左二人set,實在太抵食!!可以揀兩個主食再加三個小食,都只係228,超抵食!!仲要我地係單點菜牌睇完想食嗰d,個set都基本有😋😋單點嘢食都好多,其實種類嘅感覺都幾似日本嘅家庭餐館,日式同洋食都有,shabu shabu又得😍我嗌嘅滑蛋雞肉飯好正,蛋半生熟,剪得好靚仔,雞肉份量又多,基本上每一啖都有雞肉👍🏻👍🏻我男朋友就嗌雜錦拉麵,又豬軟骨,又叉燒,又蟹柳,都幾多種類,湯底又幾好雞軟骨同雞翼係當一個小食,每樣有兩串,又燒得好食,外面幾脆😋剪餃子🥟估唔到個皮幾薄,又係煎得幾好炒魷魚🦑鬚d魷魚幾易入口,完全唔硬👍🏻總括嚟講,lee間嘢性價比高,嘢食有大份,價錢又抵,冇得輸👍🏻👍🏻

經過發現....新蒲崗開咗間新既日式餐廳呀🥰 鍾意食拉麵嘅我，要去幫襯一下先😍餐廳環境寬闊舒適，食物款式多選擇，價錢合宜👍 點咗一個二人套餐🍴兩款拉麵或飯，跟配三款小食😉選擇都幾豐富架！小食都好吸引好多樣㗎😉！點左白豚拉麵同豚軟骨拉麵🍜小食揀咗炸雞肉，吉列蝦同自家製餃子🥟炸蝦香脆夠熱辣☺️餃子好抵食，有肉汁又足料✨ 炸雞簡直好驚喜，份量超多，雞肉夠滑，超抵食😍（必叫）拉麵湯底濃郁，麵質幼身😉 豚肉靚，肥瘦均勻，性價比高👍 豬軟骨都幾多舊☺️ 整體滿意👍 值得一試😉

上次經開呢邊見到呢間開左無耐嘅豚豚食堂已經好想試！今次見唔洗等位就入左去～餐廳主打平價日式洋食，有定食、拉麵、鍋物、串燒等等等。還有自選一人及二人套餐可供選擇、價錢都算合理。凍凍地都係想叫鍋物，所以都係單點。兩人總共叫了一飯、鍋物、串燒、餃子。豚肉壽喜燒定食$73+$5 轉讚岐烏冬總共有4大塊豚肉，食落爽口彈牙。烏冬夠彈牙，份量都算多。壽喜燒湯底亦都幾濃味。漢堡奄列咖哩飯 $75漢堡扒有兩塊，偏迷你。 但整碟飯量真係多到吃不下，日式咖喱偏甜，小朋友都岩食。自家製餃子 4隻 $32皮薄有少少韌度，餡都算多。燒雞翼2串及燒雞軟骨 2串$45雞軟骨燒得唔乾柴亦夠惹味。