豚豚食堂

營業中

休息中

去開新浦崗貪Mikiki 有得泊車就係入面搵野食 見呢間豚豚食堂 坐得幾舒服環境都舒服又見唔少人係入面食緊野就試試佢啦89蚊 有麵or 飯 再加一類小食好似幾抵wo上面既定食都係82蚊所以我地揀左咖哩雞定食同埋黎到梗係要試下佢既豚肉啦所以嗌左燒豚肉丼 應該無死啦再嗌左3個小食一個燒牛舌串不過個牛串有d乾 同埋個牛味唔夠香個燒豚肉 如果個飯有d汁會再好食d仲有蟹柳沙律 係唔錯既仲有呢個流心豬肉餅原來個流心應該係蛋漿🤔仲有呢個雞排咖哩蛋包飯個雞都係偏乾總括黎講呢間既肉類係偏乾 定係我甘岩黎果日大廚放左假呢???不過價錢同環境係唔錯既 想同朋友食飯傾2句坐得舒服d 都唔錯架同埋同場我見都多人食鍋物 可能鍋物先係主打我揀錯野食掛🤷🏽‍♀️

成家喺新蒲崗行完一田之後順便食飯，去咗一間閒日都幾多人等嘅日式餐廳。自選二人套餐$238滑蛋豬扒丼個滑蛋真係整得好滑，而且份量好多，足夠冚晒成個塊面，上面嘅豬扒因為比較後先放上去嘅關係，所以個外皮無俾啲蛋搞到好林，豬扒揸得非常香脆，而且無炸得好老，裏面仲有肉汁。豬軟骨拉麵估唔到呢度嘅拉麵用咗比較貴價嘅幼麵，豬軟骨湯底好濃郁好白，但係唔會過喊，個蛋略嫌熟咗少少，豬軟骨炆得好林，裏面啲軟骨好似啫喱狀好好食。燒雞翼雞翼炸得啱啱好，裏面仲好Juice，果皮唔會炸到老柴咁。燒雞軟骨同雞翼一樣，冇炸到老晒，加少少鹽，鹹鹹地好好食。自家製餃子作為一個二人餐裏面嘅小菜，有成六隻餃子份量真係好多，好抵食。炸雞呢個炸雞真係比想像中份量多好多，佢只係一個套餐裏面可以選擇嘅小食，我認為每一次叫二人套餐都一定要叫佢，佢個份量好似單叫一個咁多，真係好抵，而且炸雞個皮一啲都唔厚，裏面嘅肉質柔嫩，一碟有成五六大嚿真係好抵食。牛肉壽喜燒定食$79好似一人小火鍋咁樣送到上嚟先至開火煮，而且個用法真係好傳統嘅嗰種壽喜燒，一開始一啲湯都冇淨係靠蔬菜煮啲水出嚟，真係跟足傳統咁樣做，而且裏面有菇，豆腐，唔同嘅蔬菜，而且肥牛嘅份量

今晚來到MIKIKI 買野, 然後去食DINNER~~見到新開左間豚豚食堂, 2人套餐都係$200鬆D, 一於食下~~我同朋友點左個2人套餐, 可以揀2個麵/飯, 然則再加3款小食~~~好抵!!我叫左個白豚拉麵, D拉麵幼滑, 軟硬適中,  叉燒入味夠腍, 湯底都好飲~朋友點左個燒汁豚肉飯, 勁多豚肉, 份量多而好食, 燒汁撈飯都好好食!!小食叫左炸豆腐, 自家製餃子, 串燒-雞軟骨,雞翼~餃子外皮煎得香脆,  餡料十足; 炸豆腐外脆內軟, 入口件豆腐仲好熱~串燒-雞軟骨,雞翼就係我最愛, 燒得岩岩好, 唔會過咸!OVERALL 都幾抵食,而且真係飽到呢,,,下次可以帶屋企人黎食 !

看到門口裝潢光亮整潔，menu像很豐富似的，又是新開張，便一試。入到去，明明很多空位置，職員偏想你跟別人搭台。坐到入去，裝潢就像跟亞視佈景一樣，有一種說不出的虛假，在扮日本餐廳。感覺就是去了譚仔。 點了一份燒牛扒定食，還有炸豬扒饅魚定食。看到牛扒那一刻，我知我又被伏了，輸了，牛扒又瘦又細小，他對不起128元這個價錢，高檔一點的日本餐廳都是大概這價位，但這裡只是一間比不上譚仔的餐廳，味道是在超市賣幾十元牛扒的味道，他還是用煎的，而不是燒的。至於飯更是失敗中的失敗，最近經過還看到他門口掛著選用日本米，但我吃過，只不過是叮叮飯盒的飯的味道，又濕又有股膠味，差勁👎🏻 至於炸豬扒跟鰻魚，沒什麼可說，普通，但那個飯真是可一不可再。

放工約左同事食飯，佢帶左我去新蒲崗食日本野，第一次幫襯原來最近新開店，店內裝修幾靚又舒服，去到等一陣就有位，安排四人枱兩個人坐夠寬闊，Menu送上估唔到咁多算選擇，兩個人心大心細，最係選擇二人套餐 Share, 唔使選擇困難。二人套餐 $228 兩款主菜 + 三個小食，啱晒我地，可以試多幾樣食物。吉列豬扒奄列咖哩飯賣相靚，咖哩味偏甜一般日式咖哩嘅特式，滑蛋包飯配咖哩絕配，吉列豬排香脆，肉質較瘦食左唔會咁肥膩，味道也不錯，整體達80分豚軟骨拉麵豬軟骨夠入味，整件豬軟骨炆煮夠火喉，軟骨呈透明狀，膠質重好滿意，糖心蛋配埋木耳絲同荀片夠爽口，口湯清新麵條吸收好味道從多款小食內，自選三款小食燒雞亦同雞軟骨，我們最愛，熱辣辣非常香口，鹽燒雞軟骨帶鹹香兼有咬口，雞肉亦惹味。燒魚餅整體偏薄，厚少少應該更佳，配薑蓉同食吊都魚餅嘅鮮，食落煙韌不錯。最後被我地選上係炒尤魚鬚個汁甜甜地鹹鹹地彈牙又有嚼頭，大家真係要試下，份量也可以接受。埋單人均$130 食到好飽滿足。唯一係個二人套餐無包飲品，要飲野就要單點囉！

有新野梗係試吓啦！lunch吾叫排好耐位～點知啲嘢食完全唔得～唔值呢個價錢😤辛辣豚肉拉麵個賣相已經唔掂😩食落勁多味精😳湯底冇層次😟另一個黑油豚肉拉麵賣相又係唔掂😖味道除咗多咗啲黑麻油味之外，同上面嗰碗冇乜分別🙄午餐係會跟個小食，我揀咗餃子同南瓜餅唯一可以讚嘅就係個南瓜餅好夠熱同香口，脆身，味道亦吾錯🤪不過服務態度係幾好嘅👍🏻但我唔會再去囉😟本身仲諗住搵日試埋晚餐～而家唔使諗lu😅😅😅😅

睇個menu似乎幾多選擇，有咖哩/丼/拉麵/鍋/小食，就決定試下啦。 入到去其實唔多人，坐左一半都冇，大部份都係2個人，但d阿姐好奇怪，好多入黎既都係2個人，佢就hold住晒d大枱唔俾人坐，要人地坐d 4人枱用塊膠板間開2邊既位，好多人都反映話太逼唔想坐，佢都係照要人地咁坐，其實又冇大枱既客，呢d咁既時勢又要留意社交距離，咪俾人坐住大枱先lor, 都唔知點解要咁固執。叫左個2人餐，有2個麵同3個小食。 豬骨湯同味噌湯底個麵係唔同既，感覺好似好講究咁，但個味道真係唔得，湯底冇味噌/豬骨味，得個咸字，粟米唔甜，糖心蛋冇味，叉燒得一塊，冇咩特別，豬軟骨正常。小食都食得出係d現成野整熱，不過都叫夠熱，雞翼正常，夠脆。 魷魚鬚冇咩味。 餃子個餡好怪味，啱啱拎出黎個底仲脆，放多一陣個底淋左，變得好難食。除左座位安排唔好之外，d野仲唔好食，唔會再去。

唔知食咩好嘅時候 通常都會諗起拉麵下午茶嘅時候試咗依間新開嘅豚豚食堂✨札幌牛油拉麵 hk$65價錢平 份量ok 味道唔算太咸 拉麵嘅麵正常 雖然話係粗麵但係平時食嘅幼麵粗度連鎖式麵店 一定唔係好好好食 但屋企企附近近近地係好ok✨炸豆腐另外加咗小食 炸豆腐依個推介！啱啱炸起 豆腐外脆內嫩👍🏻

星期日工人放假，午餐叫外賣。平時見到這間餐廳好多人排隊，而且在app 內order 有折扣，於是order左豬骨拉麵、鰻魚飯、滑蛋豬扒飯。豬骨拉麵，湯底OK，豬骨都好淋，份量足夠。鰻魚飯份量好足，前菜有粟米同半隻雞蛋，粟米有啲硬，同埋冇味道。鰻魚質地正常，但係個飯嘅汁沒有味道。鰻魚汁只有色，沒有味道。滑蛋豬扒飯，豬扒炸漿較為厚，份量都好多，但同一個問題，個飯嘅汁係無味道。唔知係咪個廚師味覺較清淡，我本身係一個食嘢好清淡嘅人，我都覺得這些味道淡到不能接受。最後我同小朋友只係食咗啲餸，自己再煮公仔麵食。因為個飯實在太難食啦。試過一次之後，以後都唔會再幫襯。

今日簡咗食日本野，餐牌覺得好多野食，但又好多重復，叫咗二人餐，上餐速度正常，二十分鍾左右，但味道未有想像中佄好味，拉麵偏小小鹹，餃子又一般般，真的無下次，如果想食拉麵，可以留返時間去排一排九龍塘（金色不如歸）目前買一送一，價錢質素一定好過呢個

譽港灣終於有新餐廳開張 而且仲要開正係譽港灣個入口 今日終於有機會試下餐廳用㩒飛拎飛 時間大約下午一點 等左大約十五分鐘就可以入座炸雞扒奄列咖喱飯 $62我地叫左午餐 有前菜、麵豉湯 仲要包一杯飲品 其實都抵食炸雞扒好脆囗 再配以日式咖喱 唔駛五分鐘已經食哂 照燒雞扒丼 $58雞扒份量好多 味道不錯 不過略嫌醬汁味道唔夠濃 份量足夠👍🏻依家仲有草印仔優惠 有5個印仔仲可以減$20 外賣自取又有九折 以後又多一個選擇了😊特別一提：餐廳外面寫上食日本米 🤩

之前經過已見到新開餐廳，今日真得收早就過黎試下，散叫有唔少選擇，咖哩飯，拉麵，鍋物，小食等等最後叫左個自選二人餐可揀二個咖哩飯/拉麵，小食3款最後叫左炸雞塊奄列咖哩飯有三大塊雞塊，肉質嫩滑，咖哩奄列飯不覺不知，正常日式咖哩味道朋友叫左吉列豬扒奄列咖哩飯份量都唔少，望落都唔錯燒雞翼2串及燒雞軟骨2串燒得幾香，略唔太夠味自家製餃子足料餃子 一份更有6隻 好抵食炒魷魚鬚好彈牙，不錯套餐沒有餐飲/甜品，餐廳有熱茶提供

呢間日式餐廳開張無耐...外賣有9折堂食嘅話又可以儲印花換現金卷，幾抵食呀！🍛吉列豬扒奄列咖喱飯（$70）包有前菜同麵豉湯，而且豬扒厚身大塊CP值幾高，推介必點呀！咬落吉列豬扒香脆可口炸粉唔算好厚，但再薄啲就完美喇！蛋皮煎得金黃嫩身完好無缺咁包住啲飯，賣相幾吸引呀！🥢牛肉壽喜燒鍋定食（$79）有牛肉、豆腐、雜菜、雞蛋、金菇...份量唔算好多所以都追加咗一份豚肉（$18）、一份牛肉、雞蛋&金菇牛肉薄身大條，入口牛味香濃食到最後落埋個烏冬（+5讚岐烏冬）索盡湯底精華，夠晒滋味！烏冬口感煙韌有咬口，好中意喔！另外，跟餐追加凍飲都只係$10仲有柚子蜜可以揀喔！

學校測驗早放接外甥們放學，因為要補習既關係所以唔去得嘆，俾佢地揀⋯⋯小朋友除左食日本野就係日本野🤦🏼‍♀️十一點剛開門無乜人，入到去仲有濃濃既漂白水味🤣野食既選擇唔多價錢正常，雖然叫豚豚似豬肉做招牌菜但多見咖哩既食品多。正值午市有套餐，凍飲另加8蚊咖哩肉餅蛋飯～賣相麻麻地，日式咖哩正常味咖哩牛肉烏冬，咖哩味差唔多但無咁杰，size正常，烏冬有啲彈性尚可吉列豬舊豬個吉列好脆，但肉唔夠軟無肉汁親子丼，好似好大個但其實好淺，味道反而最穩陣價錢唔貴味道正常不過無動機再回頭

某天晚上見到新開既餐廳叫豚豚食堂，門面係幾靚，疫情期間叫左個二人餐外賣試下，買左咖哩炸雞蛋包飯，但我想問...炸雞點解可以甘油同埋炸粉多又厚..一pat野甘..最有趣既係...從未見過外賣盒會有一格係吉左既，其實放d沙律同菜落去都好過吉左...咖哩醬亦偏甜，炸雞唔好食，個蛋包飯只係將一片蛋煎完就甘放面，好求其，另一款鰻魚飯要加多10蚊其實都幾唔抵，味道正常，小食選左三款，炸豆腐係熱辣辣既，吉烈蝦ok既，餃子都係偏油，加多左個炸雞翼超咸同埋勁細隻，另外，二人餐竟然無飲品跟餐如果要加飲品仲要俾半價呢個真係唔太合理(只係menu睇到職員無提及)，起碼跟個餐湯餐茶免費都好呀～點解仲要人地額外俾半價去加錢飲飲品？而且職員人係多但職員都無講有飲品可以加錢換，所以無飲品既二人餐真係好奇怪，希望餐廳會改善下。屬偏貴既餐廳。應該唔會再去。