豚道樂 (大河道) (已結業)

呢間拉麵店主打豚骨拉麵！佢有兩款拉麵係只限平日- 魚介豚骨拉麵及星期五、六、日- 海老湯拉麵🦐一直只愛曲粗麵，鐘意佢彈牙掛湯力勁。碗麵一上枱已聞到濃濃蝦味，飲啖湯好似有100隻蝦喺口入面跳舞咁，加埋櫻花蝦嘅鹹香，完全感受到蝦頭蝦膏嘅鮮味！最緊要係飲完湯都唔會口渴，係可能會有少少膩！不過呢個湯嘅缺點係～唔夠熱！只見到微煙，但入口感受唔到燙咀嘅溫度係有啲可惜！. 最誇張係兩塊大過你塊面嘅叉燒，厚厚嘅豬肩肉味香濃，不過我就食唔哂喇！如果佢比少塊叉燒，溏心蛋唔使另加錢會仲開心！個人認為紅磡店味道更出色👍🏻.海老湯拉麵 $85溏心蛋1隻 $14怒食推薦：🔥🔥🔥🔥/ 5

今日去咗依間拉麵店食。裝修都幾懷舊日本風。叫咗個五六日限定海老湯拉麵。即係有啲櫻花蝦仔咁囉。湯頭都很濃郁稠杰。加咗錢多咗紫菜蛋叉燒。蛋係糖心半熟。叉燒有燒邊好大塊有肥有瘦。不錯。成碗嘢嘅份量夠飽。有正常水準的。加咗天婦羅。正常炸蝦咁。粉比肉多。這個抹茶可樂。感覺新鮮。沒什麼茶味。但同可樂又有少少分別。好似無咁甜。鐘意朋友還食緊一半。侍應就話留意返用餐時間淨返十分鐘。睇返溫馨提示原來用餐時間入座起45分鐘。又一次擴闊三張幾嘢Mingorr眼界。比多少少時間等大家安樂食埋個麵得唔得呀！？最後大家就光速chur晒未食完嗰半碗拉麵黯然離開。

話就荃灣有間日日都排勁長龍嘅拉麵店🍜小編有日終於有幸試到喇～即刻同大家SHARE先「豚道樂豚骨湯底每日經長時間慢火熬製，並保存了日本傳統九州系白湯風味，再融入日本創新烹調技術，製作出各種不同種類創新拉麵風味」🔖 特上魚介豚骨拉麵難得排到入座 所以食豪啲 加咗錢轉特上版拉麵配料有豬肩肉、豬腩肉、紫菜2塊、溏心蛋半隻湯底平普通豚骨湯多咗種鰹魚鮮甜味😚 正!可惜係平日限定 要食嘅可能要夾下時間喇炙燒豬肩肉同豬腩肉簡直雙重享受 好味到暈😭麵底好特別! 可以揀較硬身嘅直麵/較彈牙嘅曲麵!🔖 特上辛辣味噌拉麵本身係非常有料到嘅辛辣味噌拉麵再加埋秘製辣醬 更加係辣上一層樓 好刺激🔥

本身對拉麵有點卻步😅怕會太肥膩湯底味道太濃 見到呢間拉麵感覺CP值幾高💰 試一試 原來比市區某D拉麵店更加高質😚服務亦都幾Friendly🥰⭐️特上原味豚骨拉麵 🍖先嚐試一口佢既湯🍲 味道頗濃厚豚骨味 但係唔會太味精 👍🏻 食完唔會好口渴 特上包括了不同配料😛 豬肩肉比較有口感 爽口一點🥓 而腩肉因為炙燒過🔥肥瘦比例啱啱好 充滿油脂既甘香😋 十分滿足😍 加上充滿醬油香既糖心蛋🍳同芽菜等配菜 都十分豐富

呢間拉麵店平時要等好耐，咁岩星期一晚去開荃灣，又有晚市堂食，所以就試下啦！位置係大河道，exactly係m記附近果個位，行地面容易d到。鋪內細細間，約坐到20人左右，竟然有個大紅色貨櫃裝飾🤔坐低睇完menu就叫左個魚介豚肉拉麵💛好似係平日限定... Weekend會係週末限定！Menu前面係ramen，後邊係小食同飲料～如果係lunch time黎，仲可以免費加1次麵底添啊！👍個拉麵好惹味，有大大塊紫菜同2塊大豚肉😛 湯底濃郁... 飲一啖之後會停唔到🙈🙈麵有分直同曲2款，直就硬身d （下圖），曲就軟身同彈牙d，任君選擇xd 試咗直款，好爽口🤤🤤拉麵平均價大約70-85蚊一碗，仲有d特別款，如芥末/鬼滅等，聽講風評都唔錯🤓地理位置方便，價錢公道，10分滿分比8.5分

次次經過都大排長龍，今日都唔例外。如果想唔洗排咁耐就食得，3點ge 話應該係最好ge timing!原味豬骨拉麵 $72原味係我ge all time Favourite. 佢係用咗好濃郁嘅豬骨濃湯，拉麵入面嘅叉燒係肥瘦均勻，好有咬口特製黑松露貝湯拉面 ＄98呢個第一次食，係seasonal favour~ 第一口飲個湯覺得非常清新，真係好好飲。入面有海鮮，硯ge 份量岩岩好，而且仲有叉燒同肉，成件事唔會覺得唔夾，好好食～雖然要等好耐，但覺得係完全值得！：D

經過左好多次次次都排長龍今次終於決定排一排隊🤣等左大概半個鐘就可以入座係門口會比你揀左食咩先揀左魚介湯拉麵加配叉燒同溏心蛋另外叫左個有蠔既限定呢個好驚喜湯底清甜 唔會太濃😋好食😋下次要再試其他口味

荃灣唔係我好熟悉嘅搵食地方，行經大河道時剛剛係晚飯嘅時間，見到有一間拉麵店唔使排隊於是就入咗去。拉麵來講我自己好着重湯底，而且我特別喜歡豬骨湯底，雖然我對黑蒜湯底都好有興趣，但第一次就試咗原味先，所以我就揀咗佢哋嘅豚骨拉麵。$72嘅拉麵加$13就可以有多一塊豬肩肉、一塊豬腩肉、兩塊紫菜同半隻糖心蛋，仲可以選擇要唔要蔥、辣醬，要直麵定要攣麵等等... 豬肉燒得夠香，豚骨湯亦夠濃郁，但建議湯底嘅厚薄濃淡都可以選擇就會更好。白桃梳打$26都好好味。而且佢嘅衛生監控都做得好好。

🥢收工突然想食拉麵，又想試下新鮮野，行去小店個時已經見到人排緊隊😂入座個時，店員叮囑野食嚟到先可以除口罩，睇到點單上可以自由選擇直或曲麵，麵硬度或追加其他配料。不過留意返，轉特上要加$13，但只係多塊紫菜同糖心蛋半隻😂1)辛辣味噌拉麵 $80今次試嘅呢款拉麵，感覺唔錯，尤其係赤紅嘅拉面湯底，將本身個湯底入面濃郁嘅辣味帶出嚟。每碗都有大概2-3大塊叉燒(豬腩肉同豬肩肉)，食落又唔會「諧」，而且最鍾意嘅係佢嘅份量一個成年人來講剛剛好，鍾意食辣嘅朋友，喺味道上會帶比到你好大嘅衝擊感。2)原味豬骨拉麵 $72至於原味方面，都係用咗好濃郁嘅豬骨濃湯，而原味嘅湯底都會帶俾到我好充實嘅感覺，而拉麵入面嘅叉燒我覺得肥瘦均勻，好有咬口，為整碗拉麵增添唔少色彩。值得一提嘅就係疫情嘅原因，店入面嘅防疫措施亦都做得非常之好，枱與枱之間都放置隔板，而且喺門口都有員工安排度體溫同即時提供磋手液嘅服務，整個感覺令我覺得非常衛生同埋食得都好放心。

平日大約6點半去到唔洗等位 不過多一陣已經爆晒 門口仲有人等位 呢間係坐底自己寫紙仔落單既 諗住未食過呢間 就諗住特別啲 揀個魚介豚骨拉麵 估計個湯係魚味 應該唔錯 一黎到有好大塊紫菜 有堆芽菜 有葱 仲有兩塊好大塊既豚肉 不過個人就唔太中意魚味 感覺陣味怪怪地 啲湯係好結身 下次塊係叫返原味穩陣啲 麵係幼身既 好中意嘅種麵 好好食 麵既份量唔會話好多 一個人食岩岩好 豚肉都好淋身朋友叫左個淡麗貝湯拉麵 佢中意食蜆 所以揀左呢個 不過呢個係set死左麵同湯底 所以係冇得揀 朋友就話食到湯底有蜆既味 佢幾中意 麵係比較粗身 仲叫左兩枝飲品 一枝白提子梳打 一枝白桃梳打 兩枝都好好味整體黎講都不錯 價錢合理 員工服務都好好 值得一試

哩兩個月食過好幾間拉麵店 哩間算係數一數二！ 佢地既服務態度好好🙇🏻‍♀️ 哩間好多朋友食完都讚好食 最好嘅係飯鐘都吾洗等好耐🥰魚介豚骨拉麵 💰85（特上+$13）拉麵有得揀曲/直麵 軟硬程度 有冇蔥 加吾加辣醬 係一碗好貼心既面 普通魚介拉麵就有兩塊豚肉叉燒 加$13就有埋味玉 紫菜同多兩塊叉燒😆 出得黎食就食豐富啲啦🙃🙂 魚介湯底好香濃 最正係細(直)面 (我最中最既細面😋) 好掛湯 軟硬程度適中 吾錯 海潮牡蠣拉麵 💰90 哩碗面就係我所講既有驚喜🥰佢係期間限定師傅特制既拉麵 師傅好有要求架 為左食客可以試到設定既味道 所有野都係指定既 冇得轉 細面既愛好者一開始表示好失望 不過食完之後一啲都冇後悔 佢嘅麵係其他店食吾到既 麵身有啲蝦籽 麵質煙韌 有少少似曲麵 又比曲麵更香更有咬口 而湯底同樣特別 好鮮 海鮮味濃 係走清甜路線 入口順滑吾油膩 配埋拉麵淡淡嘅蝦籽味好夾🥰 令人想一食再食！ 想試吓就快啲去喇 我覺得佢吾會令你失望既😆CP: 🍜🍜🍜🍜😋:🍜🍜🍜🍜🍜回購:🍜🍜🍜(🍜)

放工逛荃灣，次次門口都排唔少人。難得疫情下周圍都少人，終於有機會試吓。其實日本的拉麵舖係唔會有收銀，而是設立一部自動販賣機。但觀乎全香港，都好少跟足。區間自閉位，有拉麵專用的胡椒粉季節限定日式炸雞串，其貌不揚，但咬落表面香脆，內裏juicy，再加上熱辣辣炸起，簡直無得輸特上的意思就是+$13 有2塊紫菜及半隻蛋。落左黑蒜油，成碗麵立時變得濃味好多。叫原味就係想試真湯底，ok啦。但麵的份量，感覺真係幾少。豚肉炙過

日本芥末拉麵 $80想食黃店拉麵但唔知有咩選擇？荃灣既豚道樂絕對可以滿足到你。五大訴求，缺一不可！麵種我簡左曲麵，同平時食既拉麵麵質分別唔大，但係小編朋友就嗌左直麵話有少少似雲吞麵，大家去到記住嗌曲麵喇！至於硬度小編今次就嗌左硬，覺得都唔錯。湯底應該呢間係最特別既，難得黎到點可以唔試芥末湯呢？本身以為係淡淡地，點知都幾攻鼻，係一個幾好既體驗。肉就有兩大塊，味道普通唔夠肉汁，同埋其中一邊好碎好易散。但論份量都幾飽既，同埋有得試曬豬肩肉同豬腩肉，真心滿足！

黑蒜油拉麵（$80）個拉麵湯底唔係好夠熱🤦🏻‍♀️同有d油🙁食落去好漏🤨但係黑蒜油味都幾香🤭feel 到幾足料😍d麵質冇咩特別🤔加$13有雞蛋，叉燒同紫菜🙆🏻‍♀️個雞蛋幾入味👍🏻半生熟🙈D叉燒燒得幾想🤪但係好薄身😫唔係好出色😖—魚介豚骨拉麵 （$85）個魚介湯比起個黑蒜油湯好少少🙆🏻‍♀️但係都係唔係好夠熱😳個魚介湯幾清甜🤭飲落去唔會好跩🤫如果食會推薦呢個多啲👍🏻—餃子（$30）個餃子煎得唔錯👍🏻但係啲餡就唔係好夠味🙁可以做得更好🤪但係唔expect咁多都OK🤫加上黃店support 下🙆🏻‍♀️但係荃灣拉麵黃店來講有更好嘅選擇🥰—價錢： 💋💋💋💋味道：💋💋💋抵食：💋💋💋環境：💋💋💋💋. ——地點：豚道樂 (荃灣)地址：荃灣大河道63號卓明大廈地舖營業時間：12:00-22:00—

今日去咗一間我好鐘意嘅拉麵舖頭，假日lunch 黎都要排隊啊，座位不算多，所以等候時間都會耐少少。呢度嘅menu (poster)好細心，會註明拉麵入面有咩食材，個人黎講幾欣賞😝吧枱位置有4個插頭嘅差電線比你用，等你食飯期間都可以差住電丫。點餐方面自己畫紙，麵的軟硬度，蔥量，辣醬都有得揀。我哋叫左期間限定的海潮牡蠣拉麵🦪同埋日本芥末拉麵，再追加男爵牛肉薯餅同喵喵波子汽水☺️ 首先，碗拉麵係同menu 圖片係一樣嘅!!! 絕對冇”圖片只供參考”嘅情況，食材都鋪到滿滿der～海潮牡蠣拉麵入面有2隻蠔，size唔細仲脹卜卜，睇到表面仲有燒過添。另外仲有豬肩肉同豬腩肉各一片，點少溏心蛋😌好夠餸丫。湯底比較清，吃落不油膩，而個蠔真係好好吃，味濃而唔腥。日本芥末拉麵就是wasabi湯底啊，湯底帶微微的淺綠色，湯質帶點杰身有少許掛湯。仲可以加配芝士粉一起吃。呢個食落好過癮，如果係鐘意wasabi 嘅就絕對要試下，每啖都會帶比你刺激感丫～