豚道樂 (大河道) (已結業)

地理位置方便：地鐵搭到荃灣站行5分鐘就到；巴士搭73X,278X,290,290A,290X一下車對面就是豚道樂。店內環境整理清潔。免費提供紙圍裙、髮圈、充電線、紙巾及冰的檸檬水。可以使用支付寶付款及使用支付寶優惠卷。員工服務態度非常好，有次員工見我挑了芽菜不食，主動走過來跟我說：「下次你可以叫走芽菜的」。我下次叫走芽菜，雖然店員忘記了，但我跟店員說後他給我一碗走芽菜的。店鋪有集印花活動，每次光顧一碗拉麵，可以得一個印花，集齊12個印花，可免費換一碗普通拉麵。拉麵好食，我個人比較喜歡魚介豬骨湯拉麵和海老湯拉麵。可以選直或曲拉麵、拉麵硬度、要否葱，要否辣。小食燒豬腩肉和燒豬肩肉都好好食。我本身不喜歡太油膩的肉，但豚道樂的燒豬腩肉我可以接受，食時還可以食到燒的香味。但今我到現在還記得的便是豚道樂的季節限定拉麵（2019/6/23）之蜆殼拉麵，當中有蟶子、鮑魚、蜆、帶子。

有朋友之前食過呢間拉麵店覺得好味，所以推薦我去食，今晚7點幾去食都要排左陣，但都好快入得去食， 店內裝修好靚😍（吾記得影相tim🤣）最初擇食邊款拉麵時，又好想擇”芥末拉麵” ,但見到芥末呢個字又怕會好攻鼻，係度諗緊擇吾擇個時，職員主動上前好細心禁解釋👍🏻態度又好，值得一讚👍🏻最後都係擇左"😋🍜芥末拉麵"😍， 始終係其他拉麵店我係未見過有呢款拉麵食🤣拉麵一到，即刻試下個湯先😋味道幾特別👍🏻芥末又吾會好攻鼻😋值得再試😍

平時經過餐廳門口在午餐/晚餐時候都會排隊人潮等候，但無特別的感覺是否真的好食🤔？最近聽見我朋友講話這餐廳味道不錯所以推介我試一試⋯我朋友也喜歡食日式料理，於是我們就大概在差不多7點～見無人排隊等候就大膽嘗試吧⋯當一入餐廳時覺得面積不算好大、環境氣氛好像去左日本🇯🇵既感覺，相當不錯👍值得一讚！我們就點了特上辛辣味噌拉麵🍜/季節限定既特上海鮮番茄湯拉麵🍜⋯可能時間尚早人不多所以等候時間都好快，食物買相不錯👌有水準～味道方面覺得辛辣味噌拉麵🍜都幾野味、麵的質感都很好、但如果食得辣既可以再辣d比較好⋯季節限定既海鮮湯拉麵🍜湯較重番茄🍅甜味而帶濃濃既海鮮味、有點似龍蝦湯的感覺、相當足料！下次會再度光顧本餐廳，值得去試試！

當日中午時間去食 見到有個期間限定既新拉麵就試一試 雖然中午食$98一個拉麵好似有d貴 但睇返佢個碗上面既料會覺得好抵有數隻細蜆再有兩隻大蜆 一隻蟶子一隻大鮑魚 同時間再有兩款唔同既叉燒 真係抵到不得了 海鮮唔腥 不過上枱既時候有少少凍

星期日去咗荃灣行南豐紗廠，完咗出返地鐵站附近搵食。上網揀咗呢間拉麵小店，我一入門口，見到裝修非常有趣同別致，好有玩味。海老拉麵（$85）最近拉麵食得比較多，好想食啲特別啲嘅款，就揀咗海老拉麵，我仲特別叫咗多葱。我將啲櫻花蝦同埋操完全同麵混合，加埋少少湯一齊食，口感好豐富。湯好濃，我自己覺得隱約有少少蝦醬嘅味道，當然係好輕微嘅，我諗因為咁所以我覺得幾惹味。至於至於豚肉，厚薄同肥瘦都適中。呢個面我覺得幾特別，同幾好味嘅。濃厚原味拉麵（$72）（+13升級特上）呢個就唔係我點嘅，佢加$13升級左，好似係多咗兩塊肉，同埋糖心蛋。我試咗啖湯，係香濃嘅豬骨味濃湯，佢覺得都可以嘅，我就覺得自己點嘅海老拉麵好味啲。🤣炸物盛合（$68）有兩隻炸蠔、兩隻天婦羅蝦、三粒炸芝士我覺得都算抵食嘅，當中天婦羅蝦比較好，芝士愛好者都會好鍾意炸芝士，我就覺得少少漏，因為真係整粒芝士來🤣山梨桃梳打（$25）整體來講，價錢中等，食物質素唔錯，裝修係有俾心機好有朝氣，而店員亦都好有朝氣，都係愉快嘅用餐體驗。

下午2點嘅假日，吾駛排隊，座位只係8成滿。店舖好細位好迫，天花牆壁滿滿日本嘅裝飾。叫左2碗吾同嘅拉麵，一碗原味，因為第一次光顧一間拉麵，最穩陣一定係第一頁第一款呢原味另一碗黑蒜油味，要等成20分鐘先有得食，如果坐滿人或同一時間好多人一齊入座，相信可能再要等耐點時間。原味嘅湯係好味，但感覺油膩左少少，麵條有直同曲之分，但食味吾太大分別，麵質味道都吾錯，叉燒吾肥吾瘦但味道一般。黑蒜湯底係超重超濃，但帶苦味，我個人估計係似煮燶左😰😰😰。

最近愛上食拉麵，放假攤係屋企無事做的時候，突然諗起附近呢間間間都排隊的拉面店。拉埋家姐陪我一齊去食拉麵，去到門口依然排哂隊，不過好彩都好快，唔洗等好耐！因為肚餓嘅關係，同家姐一早係openrice 睇定食咩，所以一坐低就即刻落單！😊我叫左：特上原味豬骨拉麵豬骨湯底好濃郁，拉麵彈牙叉燒都整得好好味，不過略嫌肥左少少！家姐就叫左個：特上辛辣味噌拉麵家姐叫左小辣，雖然都係辣左少少，但辣得黎好香。鐘意食辣嘅好值得一試另外值得一提嘅係吧位有埋電話叉電

好少有咁約埋啲中學同學一齊出嚟嚟個下午茶聚，傾下偈聚吓，行行吓見到呢間竟然唔係好多人排隊，前面得四個人咋！即刻撲埋去排啦！想試好耐啦，但次次都好多人放棄咗！咁啱又會比我見到無咩人，真係好啦！排咗差不多三十分鐘，但其實傾傾吓，根本都唔覺啲時間過，到我哋啦，都算快嘅！咁難得機會又見到有特別嘢，就識個特別少少㗎啦，叫咗個日本芥末拉麵，成個麵都係綠色嘅，一嚟到就緊係飲啖湯先啦！味道都算濃，但佢又唔會有真係食wasabi嗰種咁攻鼻嘅感覺，都可以接受嘅，份量都唔細，仲有我鍾意食嘅塘心蛋，但你問我係咪真係好值得去排呢？我又唔係咁覺，試吓無妨嘅，真係再要排隊就唔好啦，哈哈！

呢到都唔使點等位, 今日一個人去食, 咁就very good la , 叫左個原味豚骨拉麵, 試下先, 我就要一般硬度既麵, 平時食開. 個湯底都幾好飲, 拉麵都正正常常, 同埋坐位係L型圍著廚房坐, 但都唔算好大油煙. 都OK既

普普通通，之前見好多哈哈笑話好食，但食完就無乜特别。而且少料，要加十幾蚊做特上，加下餸，多隻蛋。唔加食唔飽自己tick内部裝修，有日本feel 跟其它日式拉麵比，算大間。

估唔到會再返嚟食第二次原本諗住去荃新天地一期金田家試下新拉麵店晚上八點半鐘 侍應安排唔到位置祇有卡位要排隊等咗十分鐘就不如返嚟再食多一次啦特上黑蒜油魚介湯拉麵 98蚊原本個面70幾蚊要加叉燒同糖心蛋要再加13蚊因為海老只限五六日冇得揀之下就食咗呢個味 ,食咗曲面整體味道唔錯,但加咗特上筍都冇一條好可惜..辛辣味噌拉麵 好似78蚊 忘記相機先食呢個湯底都幾好食辣辣地好開胃 配直面幾好食另加小食左手邊 吉列南瓜薯餅@18另加叉燒20餃子 唔記得咗總結湯底味道不錯麵分量就比較少,食量大的朋友就要加底一試無妨嘅選擇

今日（三）1930前去到，唔使等位。店舖唔係一般拉麵鋪L型咁客人圍著廚房坐既擺位，似日式料理店咁廚房喺好入，客人離遠見到廚房但又唔使食油煙。-我叫左最普通既特上原味豚骨拉麵，揀左硬 直麵。落單前睇到order紙最頂可以揀「特上」+$13，細字寫住會多加D配料，以為會點樣upgrade法，原來係要「特上」先有正常配料如紫菜味蛋等，否則就淨麵咁濟。同行人叫左特上魚介豚骨拉麵，要一般硬度既曲麵。原味豚骨拉麵既湯十分「原味」，食落無乜味，豚味又無，好淡。配料中，味蛋偏甜，木耳得幾條，而店鋪既主角豚肉（叉燒）意想不到地好好味，明顯係醃料好味，又醃得夠入味，味道似炭燒燒肉汁，相比碗清水般既湯底好100倍。麵底方面，我叫既硬直麵仲以為係一般拉麵店既麵，但食落超似出前一丁棒丁麵，而且麵身好幼，可能因為咁而覺得唔夠硬。同行人既曲麵粗度正常，似直少少既即食麵。-有一樣好特別嘅自助配料，就係生蒜。枱邊放左一甖剝咗皮嘅蒜頭粒，仲有一個壓蒜蓉器，因為我好鍾意食蒜，加上湯底好淡，所以落左生蒜，立即好味左好多。-總括來講一般，唔係好食，但係我接受，因為有好特別嘅生蒜。不過，原本$70-$8x 一碗就正正常常，但要加

叫左最普通最原始嘅原味豚肉拉麵個湯幾好飲整體都唔錯嘅朋友就叫左個激辛味噌拉麵辛辣味已經叫左普通但係試過一啖都已經好夠辣對我黎講最後想提嘅係環境方面要改善對住啲塵/小昆蟲食野認真好冇胃口🙌🏼

荃灣的豚道樂開業應該有三年有多，不時經過荃灣的我竟然未曾試過。今天決定跟朋友試試這店的拉麵質素！我們在星期四晚上前往位於大河道的豚道樂，大約6:30到達，可是已經門庭若市！前面有接近10人正在排隊……芥末拉麵很特別，吃之前要先攪拌一下才令芥末味更均勻！味道相對清新，不會太嗆，但吃到較後則會有一點。如果不太能接受的就不要點啊！溏心蛋帶點甜甜的味道，也是超開胃的，而且豚肉的量絕對比其他店舖為多！真的是值得再食的拉麵店！

朋友推介這間拉麵店的拉麵好食，於是與朋友趁假期來試一試。我們在大約七點鐘到達，剛好不用排隊可以直接進去。點了日本芥末拉麵及海老湯拉麵，日本芥末拉麵既湯底有濃烈既芥末味，美味；而海老湯拉麵既湯底就比較普通。