豪華咖啡茶廳

營業中

休息中

星期日同U同學上完堂後,一同5人去飲下午茶,本來想去下果間豪華隔離街既新開,係OPEN食評砰一聲TOP ONE 果間餐廳食,不過幾個同學仔都未試過豪華D野,其中一位同學又唔係純正香港人,一位又係加國長大既,於是想帶佢地食下香港味好重既冰室野,土生土長既我,一向都係港式FANS,自問係百分百港女,睇完套 "X月神偷" 後更加想回味一下港式既野,負起擔當香港大使及港女代表既我,一定要帶D朋友去下.一陣超級港式冰室既氣味; 咖啡,檸茶, 漢麵包渾集既氣味, 一行入去就聞到. 即時細個時既回憶咩都返晒黎.我地叫左紅豆冰奶茶同多士S, 奶茶茶味好香好滑, 多士漢得個脆度岩岩好, 一咬入口, 好正既感覺, 叫左JAM醬多同奶油多, 醬料岩岩好, 唔太溜.唔太滿意就係, D伙記 ..... 冇咩禮貌但係又唔係超衰, 寫錯野又唔會衰到鬧返你既,不過唔會講聲唔好意思,仲會有DD面色咁.

今天放工無意中去了灣仔,下午時間肚子餓,要餵餵個肚！突然想起剛join了上網plan,不如試下上網用openrice找找有咩食！本來想結果有2間心水餐廳在附件,一間是再興,一間是呢間"豪華"由於想食下午茶關係,而再興出名的是叉燒,所以唔洗諗,就去"豪華"啦終於用我的高科技電話"不是iphone,本人是忠實不用iphone fans"找到啦啦隊竟然側邊就是久仰大名的"十三座牛雜",好,決定食小小野,飲杯最出名的奶茶,就去十三座牛雜食啦！一入到"豪華"突然記得原來2年前,仲未認識openrice時,曾到訪此地,我仲記得"點解冇餐叫架,野食又不是好特別"咁當然,一場黎到點都幫襯的,既然是openrice入圍店,就比多次機會您啦！我先點了一杯熱奶茶,跟住叫個加央多先品嘗一下奶茶先，一飲，係滑.但講到香味，我就覺得中環有間茶餐廳好飲d啦 (唔開名,唔想好似賣廣告咁!)Anyway, 食下個加央多又看看如何?一食,感覺唔係唔好食,but都係冇咩特別,如果我之前未食過加央多,maybe會覺得好食,可能食過別的出品,有比較下！覺得真係冇咩特別!唯一覺得good的是員工都算有禮貌好,埋單走人!結論:一試

奶茶($10): 香港島嚟講叫數一數二!有奶味有茶味, 最低限度比華星好!麥多($4): 甜多士, 厚身, 鬆軟, 不大烘,正好! 因近排熱氣.

上星期寒流襲港，在街上走，食了不少風，頭開始有點痛，立即找個「避風塘」，入豪華咖啡茶廳飲杯熱奶茶。甫進店內，阿叔表示七點就會收鋪，離關門大約有二十分鐘，我只係想飲杯熱奶茶，時間夠晒有突。這一杯熱奶茶 ($10)，聞落幾有茶香，茶屬厚身，看似對辦，下了一匙糖試試，可惜竟盡是失望，奶味不重，有點嚡口，更帶股奇怪的澀味，老茶廳奶茶失準，莫非因為趕收工？十分鐘後，放低十蚊走人，飲完奶茶成身暖番晒，是唯一的收穫。

豪華是我在灣仔其中一個想吃的地方之一 (主要是為了看旁邊的綠屋), 所以晨早流流過來上堂之前, 特地來了吃早餐。7 時半的灣仔人還不少, 店內也有半滿了。(但我走的時候已有人坐行人路上的枱! 真誇張!)見在座不少人都點了多士, 我也要了算是店自慢的奶醬麥多($6), 還有每早必備的咖啡 ($10), 少奶。原來麥多是有提子的甜多士, 厚身, 不很鬆軟, 不過邊位夠脆; 加了香滑的花生醬和煉奶, 是香甜美味的早餐。咖啡超級熱辣辣 (那玻璃杯還真燙手), 是茶記熟悉的少少帶酸的口味。放低 $16, 抵吃。

　　睇完戲兩口子由中環閒逛到灣仔，在灣仔英皇對面剛巧有間大眾化的茶餐廳，正是小休時候，便進店內。　　這店沒有常餐、下午茶餐的套餐選擇，凍飲（$11）、熱飲（$10）、包類（$6）、三文治雙拚（$11）烘底轉麥包一律不另收費，價錢十分公道。　　今天柯打了兩杯凍奶茶、占央包、蛋牛治，作為下午茶。　　麵包軟綿綿非常新鮮，配以久違了的咖央和梅子果醬，立刻回到以前茶檔的感覺；蛋牛治做得不錯，雞蛋不會煎得過火，咸牛與蛋的份量也相當恰當，這頓下午茶既美味又能尋回昔日茶檔的風味，價錢合理，顧客大眾化，很有正宗港式風味，一絕。

言猶在耳，說要吃得健康點，所以去了吃素，怎知話口未完，過了只是大概三小時的時間，就到了豪華吃一個下午茶。此處不像新式茶記般供應下午茶餐，只有散叫，我們最後也真的非常大吃，單點了奶油多、蛋牛治烘底及午餐肉五香肉丁出前一丁，另外喝的點了紅豆冰及熱奶茶，其實本來也想試試滾水蛋的，可是見食評中對紅豆冰的評價挺高，而熱奶茶也是每到茶記也必飲的，所以最後也放棄了。先來的是午餐肉五香肉丁出前一丁，丁麵其實是要加三元的，但丁麵又確實是比大光麵好吃得多，所以也點了，湯是味精湯是正常不過的了，帶了點五香肉丁的辣油喝起來也很惹味，但當然不能喝多，只是伴着麵條喝了兩口罷了，麵條煮得彈身不太腍，不錯，午餐肉是煎過才放湯的，吃起來有午餐肉的肉香，而外層脆內層腍，五香肉丁也是靚貨，全都只帶有丁點脂肪，瘦肉佔了大部分，可知道不是每個廠來的肉丁也是這樣的，有些廠來的肉丁，全都是脂膏來的，真可怕。店員端蛋牛治過來之前，還幻想其蛋牛奄列是有新香園的那麼厚，怎知一來的時候是普通版，薄薄的多士，薄薄的蛋牛奄列，咬下一口，多士也真的是烘得非常香脆，在內有點牛油香，而在內的蛋牛奄列用上了罐頭鹹牛肉與蛋同煎，又是跟新香園的一大分別，

因為在附近工作，所以經常去食。貪佢平得來又食得飽我。好多人都會點反個多士，但我冇咁大胃口冇緣試沙爹牛肉的每一塊牛肉都是肉！好多茶餐廳的沙爹牛肉都是肥膏或筋沙爹也好有味！通粉煮得夠稔~凍檸茶和凍奶茶都試過幾次(當然唔係一齊試啦)兩種都甜左點~

很久前已經覬覦這家舊式茶記，但在較雜的環境下為食如我也不敢獨個兒幫襯，還好隔壁一間13座牛雜每每把龍引了來，我可以順便拉他陪我試食! 　首訪約是2個月前，輕輕試了凍奶茶($11)及奶央多($6)，感覺無花無假是驚為天人：香甜幼滑的凍奶茶宛如加了魔法，奶味茶味俱濃但又出奇地和諧柔順，把味蕾哄得貼貼服服的同時，也將二人的心輕輕偷去，事後令人想念不已!微烘後的奶央多外圍香脆，中心部份則軟棉富彈性；特別而芳香的咖央滋味是一般奶油或奶醬多不能比擬的，又是件一吃傾心之作!　昨天再做婚檢前，縱然又遠又熱我也建議重來，並得到龍的大力支持。於炎夏再一次重溫極端美味冰爽的凍奶茶，感覺真是無比美妙，這一程走得值啊!又試了獲食家高度讚賞的蛋牛治烘底($10)，蛋嫩牛肉香也是不錯，但如餡料豐富點會更吸引，這個我認為深水埗的新香園更為出色。今趟還試了餐蛋麵($14)，頗鮮香的餐肉足有兩大件，蛋也是剛煎好仍然嫩口，配上美味的福麵，也很滿意。最可惜是炎夏胃口不佳，無力再重溫奶央多了。　沒關係，這間美味又經濟的小店已成為二人灣仔朝聖站，將來肯定還會再三，再四，甚至五六七次的重溫又重溫，回味又回味!　

香港地茶餐廳真係好多, 但要找有大排檔風味嘅就越嚟越少了! 灣仔雖還有舊區, 但要找知名嘅茶檔真不多, 除咗金鳳, 豪華亦係唔錯嘅一間! 今日就帶咗大小公子嚟食早餐. 先嚟一杯凍奶茶, 杯底的茶一看就知夠濃, 花奶倒在上面, 漫漫像雲層咁一一落下, 喝一口, 人也精神起來! 大小公子就分享杯凍華田及蛋牛出前一丁 , 蛋煎到金黃色, 碎咸牛肉混在其中, 出前一了也煮得時問剛好! 我亦唔執輸, 叫咗蛋牛治烘底, 多士烘得有咬口, 蛋牛夠味唔老!最終亦達到我來這裏早餐的原因: 平, 靚, 正, 快!

因為之前家中的舊式電視機壞了..今日二家姐和姐夫陪我去灣仔格價睇吓有咩型號LCD TV適合,睇電視途中已經知道天文台轉了３號強風訊號...當我們睇完轉去銅鑼灣方向途經豪華便入內食番個下午茶...我地３人叫左沙嗲牛肉麵、油占多、蛋牛治和凍奶茶。沙嗲牛肉麵 - 先講麵..麵用福麵,姐夫不是太喜歡。而牛肉方面食落太淋,相信用了太多鬆肉粉的原故..另外,見周圍有３..４個人都是食豬扒麵,應該較沙嗲牛麵好食吧..油占多 - 家姐覺得包質鬆軟,而且還暖暖的..至於果沾味道冇咩特別,整體味道ok....蛋牛治 - 用免治牛肉加蛋製成既蛋牛洽,牛肉份量唔多..所以帶唔出什麼牛肉味,而蛋味亦唔太濃,一般...聽家姐講叫剩蛋治相信會好d...凍奶茶 - 飲落ok..我們３人都覺得調製得唔錯...最後,我們３人結完帳,冒著大雨..繼續我地既格價之旅...

即將離開灣仔區，話過要在走人前把想吃的幾間餐廳吃完，呢站就輪到舊式的咖啡茶室豪華。先來個奶油多，並不是厚多，但仍做到香脆效果，同時吃得出麵包是很鬆軟的。脆卜卜的多士，配合甜甜的煉奶吃，簡單亦美味。吃一件油多似乎不夠喉，再叫阿哥整多碗餐蛋麵，丁麵要加$3。不加錢了，福麵就算。麵淥得爽口，兩片餐肉鬆軟好味，蛋邊煎得香脆，蛋白滑溜，篤穿蛋黃撈麵更是十分滋味。熱奶茶是用玻璃杯上，也不管了。先喝一口，茶味不太重，但仍然幼滑，飲落順喉，是不錯的。大致滿意的一餐，將繼續向自己的目標進發！

去完中環,我和老公再轉去灣仔shopping...最後行到咁上下逛完商店,有點累,我和老公便在附近找間食店抖一抖,醫吓肚.最終,我們選了豪華咖啡餐廳做落腳站。 　　 這間食店,我們曾經幫襯過好多次.記憶中熱奶茶唔係咁夠奶,茶帶苦澀.因此,我們叫了蛋治,奶油多,紅豆冰及凍檸茶... 先遘蛋治,蛋半生熟,而麵包又夠軟身,故老公很喜歡食...奶油多,味道ok,沒多大驚喜...而紅豆冰呢,則老公也最為喜歡.因為,紅豆夠淋夠甜,奶味濃郁,十分之好味...至於我的凍檸茶,也十分之好..因為有茶味,兼且夠甜..,比起記憶中的熱奶茶好.我想下一次,我也會再試一試其奶茶,睇吓是否有所改進....

又再重臨豪華, 依舊紅豆冰+多士, 大少要奶茶+回鍋肉豬扒麵如有參閱豪華在openrice的朋友, 也可能看見我在此留言2次了~第一次貪新鮮, 第二次是紅豆冰驅使的再次去尋找她的可惜今回的紅豆冰遜色了一點, 不夠凍, 不夠甜, 紅豆不夠香了~ 唔? 立時想起百利的陳皮紅豆冰了~ 回鍋肉豬扒麵ok, 麵不是馬虎的出品大少的熱奶茶依舊保持水準 - 香‧滑‧濃 ! 無得彈!無可否認, 當天所看老顧客多, 但似我們年少一輩也不乏. 的確是躲懶的好地方.

雖然在附近的灣仔188商場流連多年,竟然從未來過在茂羅街的"豪華".晚飯之前與兩位朋友來坐一坐,這一類舊式冰室,不再只是那些亞叔才會去,外面摺檯的顧客,很多也是年輕人.說起上來,我已歸在uncle級別了.小弟去這類地方,很多時也要試一試奶茶.豪華的熱奶茶,是用玻璃杯上.之前也說過,用玻璃杯的風味,不及用咖啡杯.在舊式地方喝奶茶,始終偏好"手執杯耳".厚多士要油多,簡簡單單,多士香脆,油就不夠油,味道不香.同吃白麵包的感覺分別不大.看見鄰檯的女生,拿著手上的滾水蛋,篤穿之後搞勻便喝,想起也很久未嘗過此一味.下次去冰室索性避戰奶茶,拿著蛋搞下,不知幾過癮.