豪華咖啡茶廳

營業中

休息中

我行開188搵小玩具D野既...都有收穫KA..就係個盒仔野啦...HEEHEE! 搵完野就要醫下個肚啦...行行下..比我搵到LE 間餐廳...都可以叫大排檔都得...佢門口都有擺幾張台KA...LE 間野好舊式KA...類似冰室個D..無廚房野食既...我就叫左個茄旦治 & 檸6 ... 因為見佢係支裝所以點都叫杯黎飲呀! LE 到轉麥包同烘底都唔加錢KA! D 旦又炒到係滑旦黎既...所以都好好食!而且自己好鍾意一D舊式既食店既...所以LE 餐都好飽足架!

附近係英皇集團中心~見到明星都唔出奇~今日見到"Dp. Ng"自己一個食~~唔知幾時見到"早兒"呢~?呢間餐廳~日日都經過~都無留意到~~今次我都係門口望諗左一陣先入去~~因為佢好似冇lunch 食~~~不過最後都豁出去~講返餐廳~都幾懷舊feel!!!冇空調~有幾把風扇~好彩唔係太熱~食物方面~原來都唔算冇野食~佢係冇set lunch 姐~有麵有三文治有飲品~都幾平的~~我食左個五香肉丁麵~~佢地用福麵~~麵身比較幼~~本來食完就算~~點知我又見到我未食過既野~~又去八卦下~~~油占多，奶醬多就食得多~~~咁咩叫做占央多~咩叫做鮮央多~~~~??我就試左鮮央多~~!鮮~原來就係鮮牛油~~央~~架央~~第一次食~~呢間既架央佢自稱係來自馬來西亞~~質感同果醬差唔多~~顏色係蔩色~~聽講整架央好多功夫架~!配合鮮牛油~~幾新鮮既口感~~~個人覺得甜了少少~~麵包~我冇烘底~~烘底唔洗加$$~~只售6元!!冇飲野~~~食左18蚊~俾附近既茶餐廳平左一平~~仲有可能明星在你左近~~得閒又食過先~~

2008-8-2 下午一時, 人不算多試左凍奶茶($9)平平無奇, 甜左少少, 貴左少少五香肉丁餐肉麵($14)味道不錯, 好抵食!煎蛋腸仔米粉($14)腸仔有2條, 但都好似冇咁抵食一試冇妨既!野食抵但野飲就貴左少少

叫左凍奶茶同蛋牛治(一白包一麥包)原來麥包 = 提子甜包 @@唔記得叫佢烘底lor @@蛋同牛肉炒得好好味~ ok大件, $10, 抵食啦~奶茶依舊滑~

香滑奶茶 $9真係好香好滑 奶央多 $6口感鬆軟, 下次要油央多好啲, 因為煉奶關係另致過甜, 食唔出"央"係乜野, 不過味道不錯~

見到豪華d食評...碗五香肉丁好似好吸引! 於是上個星期就來拜訪一下啦...來到叫左丁腸麵 ($14) + 凍奶茶 ($10)!五香肉丁好林...不過味道冇特別腸煎都冇煎過的...麵也是普通茶餐廳公仔麵就連奶茶也普通過普通就是一間普通茶餐廳不是難食也稱不上好食...環境比一般的還差一點吧

一間心儀已久但又遲遲未去嘅食店, 點解? 全因為師傅覺得呢間食店嘅食物同份量未必能夠頂肚, 所以次次都打消呢個念頭; 遇啱今日冇咁肚餓, 喺需求冇咁大嘅情況下, 終於黎左呢間食店!一如所料係典型舊式茶餐廳格局, 就連卡位都冇張, 以圓枱為主; 入到去求其搵個位坐底, 坦白講招呼欠奉, 不過呢樣野都係舊式茶餐廳嘅特色之一, 既然黎得就預左係咁; 睇下個餐牌有咩好野食先, 呢間食店主打係三文治, 多士為主; 正當師傅以為要以三文治為午餐時, 見到餐牌有公仔麵, 米粉等, 咁師傅最後要左碗五香肉丁餐肉麵同一杯熱奶茶!轉眼間, 碗五香肉丁餐肉麵同熱奶茶已經擺左喺師傅面前! 坦香講賣相幾靚, 比師傅想像中好, 先講下碗五香肉丁餐肉麵, 湯底清清地, 冇味精幾好味, 而五香肉丁就唔知點解好靚, 又腍又入味, 一d都唔硬, 好明顯唔係就咁開個罐頭倒落去, 好正呀; 餐肉有兩片, 不厚不薄, 一咬入口鬆軟無比, 真係唔知點解咁好味, 而公仔麵少少煙韌, 但又唔會更, 又唔會煮到腍晒, 睇得出個廚好比心機煮, 正呀; 而熱奶茶好香茶味, 加上好滑身, 幾好味呀!總括黎講食物質素令人滿意, 環境都叫清潔乾

行行0下口渴, 0黎飲杯凍奶茶 ($10), 加個油多 ($6).凍奶茶稀稀的, 飲落除0左「少甜」仲係少奶, 但茶味又好淡喎, 好削. 唔知熱的會唔會好 d?油多比想像中厚, 仲留了邊, 賣相幾靚, 但原來得個殼的 -- 面烘得唔脆, 但中間又唔軟, 牛油落得太少, 完全係「乾哽」, 成個食0既 process 用「捱」字0黎形容最貼切.招呼帶「街坊」feel, ok 的; 環境幾舊, 但又舊唔晒, 我都係鍾意更舊式的「冰室」多 d.今日經歷非常麻麻, 唔通我叫錯0野? 隔0黎檯碟蛋牛治烘底明明好靚, 碗炒蛋麵又好香0架喎!

工作到四時多，午飯也未吃，行行就到了灣仔，與妹妹一同來嚐，叫了蛋牛治，還要烘底，多士好味再加上蛋牛，牛肉又不太咸，而且也有夠料，真是不錯．來了一杯我的喜好茶酒，滑就滑了，但茶味有點澀，不太是我喜愛的味兒，不過也不是差．妹妹點了谷咕，不是太多地方有的，色澤不錯，也是可取之選．而且價錢又公道啊！老色茶記，簡單椅桌及裝修，來一點懷舊，也是樂也．

2008年5月12日(一) 3:00PM由於很久已無試過去大排檔進食，又因為今日對我黎講是一個很特別日子，所以搜集了資料後，發覺這裡口碑不差，故前來一試。今次叫了油央多、雞翼丁、凍及熱 檸檬茶，油央多味道不差，而且又無飛邊，香港地實在已很少見了。凍檸檬茶比熱檸檬茶只是相差一元，抵飲好多。雞翼丁我無份試，所以不知道味道如何，或者有機會的話，下次會再黎一試。

落堂, 準備逛逛188, 找到心頭好, 口仔又唔聽話, 路過茂羅街, 在幾棟舊式唐樓前面, 排排坐, 食公仔麵, 飲奶茶咖啡. 又幾得意.戰前樓門口的檯, 來探路時, 有一張檯, 從188走出來後, 已經坐滿. 幸好店前仲有一張檯, 可以感受一下踎街邊食公仔麵.叫了一個腸蛋麵, 麵湯又唔錯噃, 奶茶又夠滑. 咁樣坐係街食麵, 的確幾得意.

呢度食評唔錯wor, 星期日同mummy o黎個tea啦~熱奶茶($9):幾滑而又唔太濃, 幾好~ mummy都係為o左佢先o黎沙dai牛治($12): 烘底係唔駛加錢既, $12都幾底!不過牛肉有d咸呀!味道不過不失啦~吞拿魚治($唔記得): 普通, 不過mummy 覺得塊麵包太簿...d價錢又真係幾平既...不過quality一般, 再o黎都係因為杯奶茶

記得第一次幫襯豪華，係經同事既推薦，令一向很少喝奶茶既我，忽然愛上了喝奶茶。現在因為怕肥，所以己經甚少喝奶茶了，但偶然想起豪華，又令我心郁郁想ORDER外賣。尋晚ORDER咗蛋牛治及熱奶茶，蛋牛治既炒蛋有蛋香且滑，配上免治碎牛，又幾夾，白方飽軟軟熟熟，唔似隔夜貨色；熱奶茶茶味香濃，沖得頗滑。最好就係上到嚟公司都仲係非常熱辣辣，啱晒咁鬼凍既天氣食。如果同一般茶餐廳比，本人認為呢度既奶茶係好飲一啲既。

食完臭豆腐及咖喱魷魚，再行過一條街，就嚟到歷史古跡綠屋底下...响城市重建之下，呢亭古跡真係有得睇幾耐就得幾耐。同樣道理，呢間開响綠屋下面地舖嘅茶記，有得幫襯也得盡早...之前已經有嘢塾底，再加上要去潮州邨，唔好咁過份，於是只叫占央麥多，再加杯奶茶...麥多烘得鬆化，中間軟綿綿，仲有提子乾粒响上面，甜甜哋，基本上搽乜上去都好味道。如果果占及咖央醬多D就完美嘞...呢排飲奶茶真係飲到有D麻木。呢度嘅都沖得頗滑口...真係有六七成飽la...

女友領來喝奶茶吃多士。連皮的油多，火喉剛好，只是牛油的份量略嫌多了少許。蛋牛治烘底，吃到了令人感動的碎咸牛炒蛋。奶茶，茶味夠濃，不像一般土炮茶記沖得奶味過重。不俗，但，還是不夠滑。紅豆冰，算是中規中矩，沒驚喜，但喝得安心。偶爾懷舊一下也不錯啊。