豪記

營業中

休息中

朋友早一晚先話要帶我黎呢間試下，諗住都冇希望訂到枱，居然比我打到電話，仲要訂到枱，但可能因為係星期五晚關係，得返6:30嘅枱，要8:30 交枱，因為我聽朋友都讚過幾次呢間d 嘢食好得，所以限時都要食。朋友一坐低，就即叫咗黃酒雞煲先，因為制作需時，咁我地就順便叫埋其他要時間整嘅嘢食啦，朋友想食蟹，點知冇預訂，所以冇得食，咁我地就唯有order螄蚶＆扇貝＆蟶子＆蚌啦。黃酒雞煲真係好正，好重糯米酒味，d 雞又冇雪味，d 材料好足，搞到我係咁飲d 湯。而d 海鮮又好新鮮，食落去係好鮮甜。根住我又叫咗椒鹽粟米，味道係唔錯，但就略嫌少咗d，應該係用咗一條粟米，可能我係粟米怪啦，唔係好夠食。好彩都趕得切8:30交枱，因為呢間係家庭式小店，眼見d 食客應該都係街坊／熟客，個個都好自律咁8:30左右就埋單交枱，唔會難為佢地。

今日諗唔到食咩，係公司附近兜吓，睇吓有咩食，行到一間店前，聞到好香的一陣黃酒雞味，停左落嚟，周圍望，邊到咁香，望真啲，原來有間食店係到，佢同間麻雀館黐埋一齊，門口好窄，好唔起眼，我係呢頭返左兩年工都唔覺有呢間野。講返食物，好好好好好味！好足料的黃酒雞，蒸發完啲黃酒之後個湯超級甜！好少地方有獅蚶食，仲要係好食嘅，原來我公司附近已經有！正！仲有個辣子田雞，送酒無敵，炸得夠透夠脆，仲要好入味！溫馨提示：記得book位，同埋製作需時，唔係快食地方，真係要有咁嘅時間邊等邊食，因為上菜真係好慢。不過三五知己飲下啤酒，咁就唔會覺。

一間絕不起眼👁鋪面細細。。招牌求其的食店。。一試之下絕對叫讚👍👍3個人約食飯。。其中一個極力推介呢間黃酒雞煲🐔。。幸好預早book定位否則一定掃興。。店子細細。。大約8:00入到去座無虛席。。幸好朋友醒目。。第一個去到立即order個黃酒雞煲先。。。因為聞說起碼等半粒鐘以上才有個煲上枱。。。我同另外的朋友8:30到達還未見到個雞煲。。即是在order多款小菜。。因為小店應該係家爺仔乸一家人做。。。所以真係慢工出細貨。。不過絕對值得等😬。。。最適合一班朋友慢慢吃慢慢吹水。。最後我們三個女人利害啊。。叫了六個菜式🤪🤪🤪。。所以女人真係可以好大食😂😂幾個小菜之中我比較喜歡墨魚滑浸勝瓜。。墨魚滑彈牙有口感😋。。香煎藕餅非常香口美味。。黃酒雞煲。。越滾越有味😋😋。。雞味很鮮。。而且雞酒越滾越好味。。洛神花茶非常足料。。我們最後叫了兩瓶。。

我在七月中去只三人，落單後等了1小時15分鐘才上第一個餸，之後每個餸都再花時間等又等及追上菜．隔鄰抬叫了雞煲等了1.5 小時才上，實在離普！老闆你們是一家人做，明白！但切雞洗菜這些工作一定要在6:00前做定！客人等太久才有得吃，你一個晚上可以做多少枱客，如何可以賺到錢！

20190613⛈️Thursday 🍄生日飯🎂 源源不絕🍚有朋友提意大排檔🥢我簡直舉腳讚賞👏選擇了佐敦「豪記」，「豪記」主打正宗潮州打冷及特色火鍋雞煲，家庭式經營👨‍👩‍👧‍👦餐枱唔多🤗大約6張，一定要Book檯☎️平民價錢💰侍應只有一位，所以要有耐性，廚師好怕醜，唔願意拍照📸廚師是一位女仕👩‍🍳今晚餸菜好新鮮，（1） 百寶花雕醉雞🐔使用本地走地雞，用料十足，大粒南棗（2）黃骨魚豉汁欖角蒸🐟有D 軟骨，非常滑（3）豉椒炒花甲🐚大大隻，好肥美😋😋😋下次一定再嚟🙏🙏

天氣乍暖還寒，緊係趁呢個機會去食番個黃酒雞煲暖暖身😋呢間黃酒雞煲Encore左無數次，一定要食晒啲雞同埋盡情咁飲晒啲湯，原汁原味咁飲啖湯先至係最正嘅地方，之後再慢慢咁食下其他配料，飲下啤酒食下小炒。配料方面其實都做得唔錯，好似韭菜餃同啲蝦滑墨魚滑都係自家製， 小菜都試過幾款，款款都係有鑊氣味道亦都好對板，正嘅。呢間雞煲客席唔多，成日都爆場，最好book位先。仲有因為係自家人生意，鋪面成日都得個女一腳踢，所以叫完餸菜之後真係要耐心等待先有得食㗎。

今日生日被邀請到來度食雞煲打邊爐，因為我揸車來這裏泊車都比較麻煩，行好遠先有停車場，附近係有滿曬但係一定係滿晒，同埋比代客泊車霸晒，所以呢度最好都係搭車方便好多入到去都坐門晒人，地方細細首先就叫咗一碟潮式”c堪”, 這個是完全生的，所以好難開，味道都普通，泰式好食啲黃酒雞煲，用了藥材十足，黃酒味香飲咗啖湯都好夠味，當然啲雞都好有酒香味珊瑚蚌，散秀秀，一絲絲, 唔可以話唔新鮮不過唔好食新鮮雞子：夠新鮮好正新鮮我腸：我就最鍾意打邊爐叫，這個不新鮮不食，這碟腸非常好肥牛同埋豬膶正正常常牛有牛味，豬膶有豬膶味整體來說其實所有配料都新鮮，我略嫌細訓了少少，價錢公道

今日約咗成班姊妹邊邊佢，因為姊妹住附近介紹我哋呢間打邊爐食雞煲！入到去地方細細，擺放左六七張枱，個個都坐得好密，其實都好迫.當人走晒我就影咗張相一嚟到我哋就叫咗一碟小炒食先辣椒炒雞雜，好辣好野味！不過真係等左差唔多半個鐘先上呢碟餸，可能真係人太多師傅可能得一個，實在等得太耐了我哋都叫咗自家製無花果茶，清涼解渴，睇落到此真係自己做的，一渣都係＄20其實我哋來這間食嘅主要原因就係想食佢嘅雞煲，佢有好多款雞煲可以選擇今次我哋就叫咗黃酒煮雞煲一隻，$228雞煲來說價錢算OK！個湯仲飲得，當然同媽咪煮嘅黃酒雞係差少少冇咁香，可能因為打邊爐加左水用了冇咁足，但當然都仲係食到飲到黃酒雞的香味配料藥材都十足食完成隻雞之後我哋就梗係加水打邊爐啦，應該係加湯才對肥牛＄198細碟，牛味重，份量同價錢我覺得略貴左少少少了少少新鮮豬潤，真係新鮮，打邊爐一流豚肉，味道都可以整體來說如果打邊爐來講就普普通通，係雞煲湯底選擇比較多有一點特色，不過味道就不是10分出色但係可以一讚就係他們的小菜，真係炒得幾好！下次可以過來食小菜，不過希望唔好等咁耐

昨晚在佐敦同朋友行街，少不免一定去廟街逛逛，差不多吃飯時間，見天氣涼涼地，諗住吃過火鍋，當想下邊度時，經過一間不起眼嘅店舖，望入去又多人，立即想試下什麼料子，入去後全店只有7張枱，剛剛又人埋單，所以我們4人好快有位，之後看看菜牌，價錢合理，有火鍋，小菜，我們見有一道叫黃酒雞煲，幾新穎，於是嘗試一下，品嘗後黃酒比較特別，店主用杞子配料，而雞亦夠滑，之後點選一些火鍋食材，鵝腸，雞子新鮮，不是雪藏，令人有驚喜，之後再叫了一個辣子雞，不是太辣，令人吃不下嗰種，出色的小吃螄蚶 ，味夠濃，但冇辣，店主稱生醃，所以不辣，不過不是人人吃得到生嘢，是晚亦人多，但出菜比較慢，總括這店值得再去。

唔係第一次黎呢度食雞煲，喜歡佢係小店形式經營，唔會太多人好嘈，可以保持到食物既質素.由於有老人家同行，所以今次由平時食開既辣雞煲轉成食招牌雞煲招牌雞煲十分濃味，會比較適合一向喜愛食重味啲既人，啲雞好入味好香.唯一可以挑剔既係啲肉可以再滑啲等候時間唔算太耐，合理時間加湯打邊爐，佢雞煲既濃味加左湯之後味道顯然更適中，唔會變得太淡味叫左啲蔬菜呢度既花甲係時日最愛，每隻都好肥好甜！加上炒得好香口.只不過價錢真係貴左啲，一碟一斤 $160

放假同屋企人系旺角行完街，就去左朋友介紹既雞煲私房菜晚餐。地方唔大，得6張枱，坐滿晒！好彩book左位！我地叫左兩個煲：八寶花雕雞同埋川芎白芷魚頭煲，佢地既藥材落足材，好香！不過魚頭煲唔係好抵，得好少魚！花雕雞會雞另上，食落好正，有黃油香雞味、嫩滑早知叫一隻!!!!!!!! 桂花丰好爽口、新鮮！ 茄子煲味道野味，茄子都夠淋！但係無魚香 疆蔥田雞煲好好味，田雞腿肥美，連疆都好嫩！ 因為湯底較清，所以要求要辣椒豉油，佢地豉油夠晒辣！ 飲品叫左羅漢果水，好甘甜！

上次食完覺得唔錯，今日放假約左5個中學好友黎呢度聚一聚！都係事先book位既～ 今次就叫左一隻招牌雞煲，但覺得唔係多半隻好多！好快就清晒！味道都仲係好味既，雞肉嫩滑，個汁野味而濃，連青椒都好有味！ 叫左個啫啫通菜，覺得好平淡，無話特別好食！ 炒田雞 肉質鮮嫩，好有鑊氣！但係就少左dd田雞 呢個上次食過既桂花膀，依然咁新鮮爽口！ 今次訂左斤半花甲，但好似有dd泥味...不過好肥美、鮮甜！ 其他火鍋配料..... 薯粉食完好似無食過咁，不過好滑、好入味！

呢間主要以食雞煲或者小炒既半私房菜形式經營,老闆一家大細一齊做，好warm建議去食之前訂左位先，因為位置唔多，一眼睇晒。 呢個係招牌雞煲，同一般食開既雞煲咁上下味，但係佢地唔會偏咸，味道唔錯叫任何一款雞煲都會送菜籃！呢個係豉椒炒花甲！花甲好大粒肉！ 再叫左一份金菇打邊爐！二人晚餐就係咁簡單！

呢間係因為近我朋友工地點而黎 佢既價錢好低 我地三個人食先三百蚊賣單 佢既雞係冰鮮雞 不過味道好濃 我地簡左唔辣 不過都好夠味 佢既麻味唔會太強 好岩唔食咁咸同埋唔鍾意咁麻既感覺既人食 佢既配料都好新鮮 份量都夠兩至三個人食

人手唔夠，樓面的一個 ， 八點鐘柯達雞煲左吹右吹8:40先到， 叫碟炒菜仲誇張，要一個鐘頭先抄好， 個招牌雞煲唔辣既， 豬皮一定唔好叫泥食，佢炸過嘅，要好耐好耐先林， 個老友鬼鬼都係炸好既，人地出面食係有蟹子嘅，生的要六架， 辣椒豉油又唔辣， 韮菜餃即場包但係味道偏鹹， 成晚淨係得過c蛤值得一讚， 整體來講60分不過下次唔會再來^^: