影片
港鐵油麻地站 A2 出口, 步行約2分鐘
繼續閱讀
營業時間
星期一至日
13:00 - 23:00
以上資料只供參考, 請與餐廳確認詳情
相關文章
已經係第二次黎呢到，一入門口多左部自動笠腳套機🤣踩隻腳落去佢就自動笠左腳套上你對腳到，好方便佛誕放假，下午茶時份都已經全場滿座雖然黎呢到係為左玩貓，但人均消費$80，所以都叫左小小野食啲野食不過不失，無乜特別，雖然都冇乜期望，但係印象唔係咁好，本身想食西多士，但佢哋冇多士，本身想飲咖啡，但係佢哋咖啡機壞咗🤷🏻♀️要咩無咩仲要特登揀啲野食黎湊夠數🤦🏻♀️最後一樣就係唔知點解今次貓臭味比上次更加重🤔
繼續閱讀
有人同女朋友拍拖唔知去邊度食飯好，利過旺角搵下OPENRICE 發現原來有間貓貓Cafe, 之後二話不說就上左去，衛生十分注重，入埸要戴鞋套同酒精洗手，一入到埸，周圍都係貓貓，因為女友係貓奴 勁開心，之後坐低左已經有貓咪跳上黎。叫左個卡邦尼意粉，香辣海鮮意大利飯同埋小食拼盤。野食加30蚊就有黑貓咪(朱古力+雪糕)，之後都叫左杯抹荼鮮奶。整體食物都幾好，都係傳統食物味道，出菜快，又夠熱。因為太focus 玩貓，所以野食就唔多講喇。
繼續閱讀
看過幾間貓cafe,最多貓的應該就是這（記得先訂位）最低消費每人八十大元,懂走路的寶寶也計算在內雖說是非常的多貓,不愁沒貓玩但建議下午去比較好,晚上,比較多貓咪都躲起來睡了玩貓咪的滿足感爆燈但有一樣非常差的是,餐牌有的食物長期都沒有貨有些更是存貨少而不給別人點來吃,既然沒有就不要印到餐牌上吧!另外,有一次點了茄底的意粉（很多款也是茄底的）,吃一口已經覺得很不好吃我以為是個人口咪不同吧,但,就在今天聽到旁邊的兩枱食客在討論那意粉的味道也是差勁沒得點加上不好吃的,可以點的食物是少之有少點飲料比較正常一點吧。下午有蛋糕點,可能不是自製的,味道上是可以的,但不知道其實放了多少天,很明顯乾得有裂紋下午還有甜品杯可以選,個人認為是所有最好的選擇環境方面,枱與枱都比較擠。侍應們不要期待服務，去玩貓吧總括而言,愛貓或想親近貓咪的來這沒錯,但不要對這的食物抱有任可期待比較好些
繼續閱讀
貓咪唉⋯⋯屋企養唔到貓，唯有去啲貓餐廳滿足下，做下貓奴，一入去就見到好多主人，超開心⋯⋯四人套餐，$498。餐湯，似羅宋湯，湯清淡，不濃，蔬菜少。沙律，尺寸細，蔬菜新鮮，多沙律醬。小食，得4款，二人餐份量，鮮炸，好味。挪威三文魚卡邦尼意大利粉，尺寸細到離曬譜，一人份量，卡邦尼汁幾好味，三文魚厚身，幾好味。燒豬脾骨扁意粉，豬脾骨兩支，蕃茄汁味，肉質帶實，扁意粉軟硬適中，中規中矩。夏威夷風情薄餅，呢個係驚喜，冇諗過咁好味，皮脆味香，加上帶有鮮菠籮，有水準之作。4杯飲品，普普通通，冇乜特別。眼見杯熱鮮奶係水吧被貓主子偷飲，希望餐廳有整過杯出來比我地啦。其實呢個餐，唔係太多嘢食，碟意大利粉同扁意粉份量太少，一個人食都覺得唔夠，不過嚟呢度都係希望同貓主子玩，算唔錯㗎啦⋯⋯不過，玩還玩，要記住經常洗手，我兩位女性朋友可能冇洗得咁密，佢哋回家後又屙又嘔⋯⋯慘慘豬。推介指數：7/10
繼續閱讀
今次算係第二次嚟，完全失望！1）服務態度完全差到一個極點! 因坐正風口位，想換枱，就話開左枱，五可以轉，又冇得較低一點冷氣，最後勁不情願的換枱。2）食物未熟就奉上給客人！放食物時粗魯！打著貓貓主題旗號又如何？
繼續閱讀