貓山皇 (已結業)

第三次來到貓山皇。同一間餐廳去3次，在我們的覓食之旅應該是第一次。相隔差不多一年，人流明顯減少，少了記憶中的熱鬧。夢幻榴槤雪糕雖有新款的甜品，但男友為了榴槤雪糕而來，還是點個招牌的夢幻榴槤雪糕。把盛著雪糕的容器放在盛著紫色液體的高杯中，放出白煙，做出夢幻的感覺。相機吃得太久，雪糕開始融了。味濃而清新的雪糕，加上杏仁片，芒果爆珠和拿破崙條，多重口感。價錢便宜一半的榴槤雪糕較抵吃，始終雪糕才是主角。榴槤雞蛋布丁布丁帶清甜的榴槤香，也幾軟滑，但不及The Market榴槤下午茶的雞蛋布丁，更幼滑，而且帶榴槤蓉，令人更驚喜。

必食:榴槤雪糕: 榴槤味十分濃郁 好似啖啖都放舊榴槤入口咁 其實 榴槤雪糕 同 夢幻榴槤雪糕 既分別就係:- 榴槤雪糕($32): 外賣食- 夢幻榴槤雪糕($60): 堂食 有爆珠 脆脆同杏仁片做配料 有噴煙效果(岩晒要影相既你)不過 以抵食黎計 個人認為就咁榴槤雪糕抵好多 就算外賣一路散下步一路食都好 仲唔洗排隊添!榴槤心太軟($58): 朱古力味同榴槤味都好重 但兩種味都好搶 對 黎講有少少too much 𣎴過 對於重口味既你地黎講 可能係個唔錯既選擇其他:輪候: 星期日 夜晚7點幾8點黎到貓山王 雖然無人龍 但都要等左15分鐘左右先有位坐

復活節假期的最後一天，應該有個完美的句號。 與兩位友人一起到以榴槤為主題的這家甜品店，一嚐至愛的榴槤。見到餐牌上有榴槤心太軟，立馬柯打了一份，想也不想。朱古力＋榴槤，兩大高熱量食物，簡直罪惡至極。 不過兩樣都是自己喜歡的食物，吃了開心便滿足！甜品來了！賣相精緻，例行的以雪糕及水果伴碟，不過心太軟的蛋糕未上桌就介開了，朱古力漿湧了出來 心想奇怪，不過吃著才知道有驚喜，因為滿滿的榴槤餡料充斥在心太軟內 原以為是普通的朱古力漿心太軟+榴槤雪糕，錯了！這樣完全帶了驚喜給我！ 不過朱古力漿的味道好濃郁且甜，蓋過了榴槤的味道。榴槤變得只有淡淡的果肉香，相比起只吃榴槤肉時有點遜色。 雪糕是呍呢拿味的，有點失望，如果配合榴槤雪糕，味覺層次應該更豐富！不過不失的榴槤甜品，驚喜在於心太軟內是榴槤餡料，其他都沒有太大驚喜。想吃好味的榴槤，個人覺得還是要到馬來西亞去吃正宗的貓山王  回味無窮如果難忍榴槤癮，值得到此品嚐。

與朋友吃晚餐後想再吃個甜品聊聊天, 走到附近的{貓山皇}, 立刻燃起對榴槤的慾望, 恰好幾個朋友都愛吃榴槤, 決定在這裡吃榴槤甜品! 以乾冰混藍色液體盛載的「夢幻榴槤雪糕」($60)一出場已經很令人注目, 噴著煙霧的它視覺效果很不錯。 吃一口榴槤雪糕, 覺得很好吃! 朋友們都讚不絕口。 雪糕不但夠冰凍口感幼滑, 而且榴槤味濃郁香甜, 感覺沒有多餘水份, 真材實料, 配上糖霜杏仁脆條和杏仁碎增加咬口和香味。另外有一顆顆芒果爆珠, 混著雪糕吃酸酸甜甜刺激味蕾。 「榴槤泡芙」($72)的糖霜外層口感較軟稔, 個人還是比較喜歡脆硬香甜一點的。 榴槤雪糕球很冰凍, 除非放入口中, 否則短時間內不太容易溶化, 所以吃這個泡芙, 最直接的食法是用叉子一整個叉著咬, 凍冰冰又較不易入口,也許將雪糕球改成雪糕, 榴槤香味和味道都能更易突顯, 也較方便入口。 {貓山皇}的甜品雖然比較貴, 不過榴槤質素是不錯的,喜歡榴槤的朋友不妨一試。

網上勁多好評，期待已久終於有得食。貓山皇拿破崙餅，一半榴槤糖咁味嘅醬，一半榴槤肉醬，但一啲都唔香。拿破崙餅烤得有點over咗，有燶味。仲聽到隔籬枱話招牌榴槤雪糕一啲味都冇。。超失望！我寧願俾90蚊買新鮮榴槤食算

聽朋友講，貓山皇的榴槤甜品好好食，一於帶朋友嚟一試。先點了夢幻榴槤雪糕($60)，送嚟嘅時候，大家都「嘩！」咗一聲，因為杯低用乾冰凍住雪糕煙霧迷漫，食落亦好有榴槤味，正。另外點了一個榴槤焗脆皮卷(($50)，呢個需要等15分鐘，送嚟嘅時候賣相好靚，但係食落熱榴槤無榴槤味，而且脆皮有啲苦味，下次都係食返啲凍榴槤。

其實已經食過好幾次😂但次次都無寫食評，直至上次有隔離枱問我地點叫個果係咩😂令我寫返今次既食評😅黎到貓山皇，當然唔少得叫個榴槤心太軟👍😍鍾意食榴槤、朱古力既我，呢個甜品簡直滿足晒我貪心既願望😘每次嚟都一定叫🎉跟住就係！！「榴槤燉蛋白配杏仁」就係呢個甜品，隔離枱問我地係咩黎😂自己其實鍾意食熱食甜品，所以呢個真係好正👍榴槤味極重！又滑！真係好鍾意食呀！👍😍

為一口榴櫣飄香而黎，時間比較早，唔駛等位。叫左個夢幻貓山皇榴櫣雪糕，一大杯既榴櫣雪糕，黎既時候仲出梗煙，真係好好夢幻雪糕好滑，仲有香濃既榴蓮味，配上芒果珠，杏仁片等，好豐富，好想食多杯

之前見到家姐同一班同事去食貓山皇個"夢幻榴槤雪糕"見到個個都拎住個仙境咁嘅新地影相,搞到我都好想去試!當然,影相係最大的吸引之處吧!平時返屋企其實唔經貓山皇個邊嘅,咁為左仙境般的雪糕,兜一兜過去又有咩所謂!點知原來佢地收12點..我地去到話過左Last Order時間.. 元朗好多甜品店都收遲D ga嘛!咁無辦法啦..下次早D囉!過左幾日,同男友專登早D返元朗,就係為左食佢!係門口等左都有10分鐘左右,終於入得去地方唔算大,坐得都幾迫,不過裝修都算光猛又幾乾淨嘅諗好食咩就叫個侍應,之後佢叫我地係門口出左錢先個下個心係嚇左一嚇..我有冇聽錯?如果係老麥咁,要自己搵位嘅,咁比錢先都仲可以理解但你要我比錢先,仲要我自己行出去俾,係員工唔夠嗎?個下個心已經有點不爽..個甜品黎到,我直頭覺得比人呃,有D嬲到想喊的感覺!夢幻榴槤雪糕講真堂食點得"夢幻榴槤雪糕",都係貪佢雪糕下D煙幾特別要影下相姐但佢一黎到就已經無乜,直頭幾乎係無煙㗎連隔離枱嘅客人都偷偷討論點解我個杯咁少煙 其實杯底有D藍色液體,相信就係這液體影響出煙程度吧,因為我個杯的藍色液體,係少到見唔到-_-有一秒鐘想過叫佢地換過俾我,但這樣

每次與朋友相聚都是這樣，飯後雖已KO掉兩大盒Haagen Dazs雪糕，之後還是要去甜品，很瘋狂！這間位於仁樂坊的甜品店，門外站滿了人，不過其實很多都是在等旁邊安娜餐廳的，早到多數都有位。榴槤迷來這裡一定要吃夢幻榴槤雪糕，自家製的榴槤味軟雪糕味道香濃霸道、質感又滑溜，果迷一定愛煞；同時加上熱情果味的爆爆珠，更添口味及口感變化。成品以乾冰底呈上，一上檯有著煙霧效果，視覺味覺都得到大滿足。從來都是心太軟粉絲，當晚也點了榴槤心太軟，成品看來與一般朱古力的心太軟沒兩樣，但一切開除了朱古力的流漿，中間還有榴槤蓉在內呢！而旁邊的雪糕則是菠蘿味的，為這個又濃又甜的心太軟，添上一絲清新感。榴槤焗脆皮卷就麻麻了，主要是脆皮卷太熱，令到榴槤餡都變味了...最後，雖然店內也有非榴槤甜品如芒果糯米糍，不過非榴槤迷實在不太建議前來，因為整間店都充滿榴槤飄香的味道！我其實不算榴槤粉絲，但也喜歡吃榴槤味甜品；間中還會再來幫襯外賣榴槤雪糕的~

因為係內街，都搵左一陣先搵到，加上果晚無人等位。我地係第二枱客，d staff 當你透明咁，唔緊要，自己坐低囉。見到d甜品都好貴，四五十蚊一個，唔緊要，坐得低我就豪食。諗住叫野，個staff先開口話要自己出去cashier叫同俾錢（嘩，快餐呀而家?!但你收酒店價喎....）好，咁出去叫啦，一個夢幻，一個napoleon, 一個綠豆沙（因為家父唔食榴槤的），個唔知收銀定老闆娘搵左好耐都搵唔到綠豆沙點入，無唔好意思，無多謝。嘩，lee刻懷疑我真係客？！咁野食到啦:夢幻雪糕，會出白煙，拿，除非你溝緊女或者幾個女仔要kawaii selfie 一下，唔係，叫個普通版得啦，因為夢幻都幾貴。雪糕味道，唔算好濃，但係幾滑，有d芒果味珠珠幾好食既, 塊杏仁條可以唔食。但我唔知點解佢值咁貴。榴槤Napoleon：lee個榴槤味好濃，個皮都脆脆地。lee個係好味既。但問佢要刀，無刀，你lee度有pancake食，但成間鋪都無餐刀，勁囉。（最後都搵到支膠刀俾我，哈)綠豆沙，一黎到，咦，蛇羹黎既... 個樣真係好似蛇羹.... 個味道, 我老豆話正常, 咁lee 間野食榴槤既, 你唔會expect 個綠豆沙好

朋友生了BB都已經有一段日子，終於可以相聚，她專登放下BB先與我們在元朗巿中心逛一陣，還帶我們去「貓山王」食榴槤甜品。她的裝修格局幾有趣，四周有貨櫃的樣子配用烏絲燈，帶點勞工風味。食物我們試了榴槤焗脆反卷，香脆鬆化，暖暖的，熱食榴槤令有一番風味；榴槤班戟：皮薄，有足夠的榴槤香，CREAM與榴槤的比例尚算合當；榴槤牛奶布甸，這個只屬一般，由於它的份量都較少，而那榴槤又不是像屬於那價錢的質素，所以大家都對此有保留，希望下次可以再試下她們的其他出品。

一間不得不讚的甜品店, 青蛙跟豬大人於剛過去的星期六試過後,著實回味無窮呢!!即使青蛙手頭上有很多的食評未寫,但青蛙都想先寫''貓山皇''這一篇 ^^其實青蛙早在報刊、雜誌的訪問上知道這所榴槤甜品專門店~但基於我倆好日都不會入元朗,於是乎擱置了好一段時間。幸好碰上十。一長假期,終於有時間入元朗覓食喇!!下午四時許到達''貓山皇''的門外, 可以避開人潮, 不用等位 ^^店內的佈置與門面一致,用上貨櫃作為牆身, 感覺摩登特別!! ^^可惜店舖的空間始終有限, 椅與椅之間的相距太貼,相信高朋滿座時定必要背貼背而坐呢~至於種類方面, 款式比一般的甜品店少,不過大部分以榴槤甜品為主打~這裡採取先購票形式, 之後店員會按牌子的號碼送上甜品。夢幻榴槤雪糕 (只限堂食 $55)未見其真面目, 青蛙都在想何解會稱之為夢幻~後來青蛙看見店員把藍色液體加水後, 便會散出很多的煙, 看似夢幻....不過夢幻與否不是重點, 反而榴槤雪糕好吃才是皇道!!當然, 它絕對沒有令青蛙失望啦 ^^雪糕的Size比青蛙想像中要多,而且榴槤味非常突出﹑濃香;雪糕順滑而札實,正正是只溶在口, 不易溶在杯子中, 讚讚讚呀!!配

咁岩係附近收工就去試下，人都幾多，地方比較細，但排左20分鐘都入到，咁就點左幾款店舖推薦既甜品，感覺不過不失，冇想像中咁好，但都唔錯，服務態度都ok,為一唔夠好就係地方細，坐得唔舒服，整體黎講，喜歡榴槤既朋友都值得一試

買了團購卷, 25蚊當50蚊, 所以原價17x的外賣變成70幾蚊0既交易,好抵。言歸正傳, 試了$58蚊的榴槤拿破崙。 好正, 兩層榴槤蓉, 十分香滑! 以咁0既價錢, 食普通拿破崙都要。另外, 又試左榴槤pancake 同酥條。 pancake 一份2條,裏面榴槤蓉不及拿破崙多, 但份量比a 仔多好多,作新選擇唔錯。酥條就比較一般, 榴槤蓉唔夠!總括而言, 拿破崙, 值得一試再試😃😃😃