財記美食

營業中

休息中

上次行咗成個新蒲崗都唔知食咩啊？喺Mikiki嗰度好多地方要等。不如試吓行遠啲去呢間試吓。叫咗個蒜蓉蒸蝦同埋鵝腸。蒜蓉蒸蝦，好好味呀，不過我食唔晒。鵝腸就更加食唔到啦，因為佢實在太長啦一條一條都好長我要慢慢食。同埋叫咗鵝腸之後我又驚有啲肥，所以最後都係要打包。因為忽然間諗起可以俾Daddy試吓呢間好唔好食，佢都好鍾意食鵝腸。叫咗個白飯同埋啤酒。地方好熱鬧，坐喺街度食，平時比較少食呢一種風味嘅餐廳。服務態度都幾好，侍應都好有禮貌。走嘅時候仲同我傾咗幾句，不過嗰度真係好多人同埋好熱鬧，都做得幾旺場。

7月25日天氣持續酷熱，出街食晏都唔願行咁多路，所以揾食肥華和靚媽，今日就選擇咗呢間食店，食中午飯，貪此店就近車站，搭小巴唻落車後，唔使行10秒鍾就到舖前，不過有利亦有弊，因此食店室内舖面極其狹窄，供食客使用座位極少，引致不少光顧此店食客，都要坐在室外堂食，但室外堂食區不是非吸煙區，沒有禁煙限制，食客可以一面吞雲吐霧唻享受，佢嘅午餐，卻苦了靚媽及肥華，呢兩位非煙民，雖然此店所供應的食物，可說抵食夾大碟，味道亦唔差，不過要被逼食埋二手煙，就真係一件苦事，若肥華下次再到此店食飯，若坐唔到，室内坐位就寧願，轉場‼️

路過入去財記食晚飯，一般大排檔菜式，但沒有做晚市小菜套餐，除炒粉麵飯有跟湯或加錢有飲品外全部小菜單點。最令人不滿就是晚上全部凍飲係當特飲收費！而餐牌是沒有註明的！我點了一份羅漢齋炒麵加杯凍奶茶，餐牌上明明寫凍飲加2元，特飲加6元！問阿姐佢居然話晚飯時間是凍飲全部計特飲價錢！如果是想收服務費其實可以收加一，在這些小事上強收費實在可惡！不會再幫襯！還有清水都無比客，大排檔茶餐廳都不會那麼小家！

環境和衛生都很一般，整體較差，食物甚至可稱之為難食，食物沒有什麼味道，鍋氣也很不足，我點的是肉絲炒麵，但是炒得真的很差，如果喜歡這種清淡的味道，吃粥更好，很不推薦

朋友話去1齊去食飯，我話好呀，咁去邊？朋友話成日同波友去叫餸食飯同炒粉麵都好好食，我話好啦，就黎左呢到喇🤣1. 西炒飯2. 鹹魚雞粒炒飯3. 福建炒麵4. 鼓汁蒸鱔5. 黃金四季豆6. 椒鹽鮮魷7. 鼓油皇鵝腸其實食物1到時，我地未食得住，我地都等左1陣，但都好好食😋鼓汁蒸鱔🐟勁滑，完全可以成舊吞落肚（如果冇骨既話☺️），就算凍左少少，都重係好好食，好多豆鼓但都唔鹹😆好好食👍要推介👍黃金四季豆，顧名思義有鹹蛋啦🥰超高膽固醇，不過唔理，照食😋個四季豆撈得勁脆，冇諗過凍左少少，都重脆緊，見到條條四季豆都有「黃金」架🤣，送白飯1流，但我拎左黎送西沙飯😋椒鹽鮮魷🦑就唔多講，炸得薄都多椒鹽係面，開心😋鼓油皇鵝腸都唔特別講，因為我地叫黎送酒，1條條長長的，俾人秒先左😎其實想超級推介我地炒麵精選 - 福建炒麵，福建炒飯就食得多，感覺都係好多汁包住d飯，唔鍾意咁多汁既會唔鍾意食☹️但我地今次係炒麵底，同埋冇咁多汁，第1次食完全新體驗🤪炸麵底同個汁出奇地夾，會偏鹹少少，但你地覺得肉絲炒麵係淡味既，呢個汁就岩岩好喇👍👍👍總結：我地本來黎食炒粉麵，變左食小炒🤣但真心鑊氣重，重要我地坐門口，隊大啤，完全係大排檔既

冇留意Menu上邊係寫住壕仔煲飯定係湯飯我以為我嗌錯添我諗同隔離合利餐廳有揮 實在係不得了👍🏼👍🏼👍🏼衛生同環境就預左啦大排檔期待會出一個壕仔堡飯 到時一定幫趁

呢間財記，以前係觀塘有分店，當時啲食評有讚佢嘅常餐茶餐味道唔錯又抵食，一直想試但到佢執左都未試。見佢新蒲崗有間，終於搵到機會去。佢價錢係好相宜，叫左雞脾薯條茶餐凍檸茶都係$34。份量係多嘅，先講薯條，直薯條，有落椒鹽，但好快就淋，一般。隻雞脾就好差，反轉好油，個面又見到有啲好淺色嘅血水，心知不妙⋯⋯食落就知係啲變壞左嘅肉，有少少酸粟味，唉，嘥左我個quota，食左幾啖我就真係無再食，我真係怕肚痛⋯⋯調味亦都唔好味，偏咸。其實我去食野都唔係太介意地方差啲嘅人，講真，如果我係好介意嘅，見佢門面就唔會行入去。但一路食都有幾隻烏蠅飛來發去，又有小蚊滋停係我身，再加上肉唔新鮮，幾樣野加埋一齊，真係感覺好差。參考其他食評，或者小炒先係佢強項。

平，靚，正😍2個人行行行見到有小菜就沖入去食個dinner la 叫左西檸雞，豉椒炒蜆，豆豉鯪魚油麥菜，八珍豆腐煲😍😍老闆仲送咗兩個飯，話唔夠食可以添飯😱湯就俾咗一大碗😅兩個人根本飲唔晒🫣嘢食碟碟都好大碟👍🏻足料㗎每次出街食豉椒炒蜆，好多時都有10幾隻空殼🫣一路食一路食，好似得兩三隻係空殼👍🏻完全冇偷工減料👍🏻八珍豆腐煲，豆腐唔酸，仲好滑添👍🏻埋單二百幾蚊，食到我哋捧住個肚走

快靚正 但帶點可惜響OpenRice 叫外賣自取咕嚕雞 同 黃金鮮魷 一落單 唔洗十五分鐘就有得拎用左半個鐘時間返到屋企 點知一拎 但發保膠盒穿左窿原來係盒鮮魷熱得淨 整穿左個盒 嚇死我 一拎起個盒有一大個窿！ 等於無左個底甘淨但證明師傅真係即叫即整 熱辣辣所以甘嘅情況就轉家用碟食但味道真係一流嘅！ 凍奶茶咖啡都好飲 係甜左啲希望下次用嘅器皿可以耐熱啲👍🏻雖然發生以上嘅驚嚇事情，但真係會繼續支持支持希望財記睇到而又作出改善

4月24日因局部取消咗晚飯堂食限聚令措施，故和靚媽到此店食番個六點後嘅堂食晚飯，因現在揾食肥華在晚飯時段，食量巳大減又得我同靚媽兩人關係，是晚在此店衹柯打了三款食品，分別係菠蘿炒咕嚕肉，鼓汁炆涼瓜倉魚，及一碗肉碎仔湯泡飯，先講過咕嚕肉如果用兩三餸飯店嘅咕嚕肉同此店相比，此店係優勝一筹，因夠熱和有鑊氣，但若和其他堂食飯店比較，此碟肉咕嚕衹是一碟僅僅合格平平無奇嘅出品，至於個涼瓜炆倉魚，個份量真係夠，主角倉魚好大條，涼瓜片又多可惜炆得唔入味扣晒分，至於全晚最正嘅就係個蚝仔肉碎泡飯，蚝夠鮮夠大隻，泡飯湯底材料又足係一碗有高水準嘅泡飯，值得推薦，結論如果行過路過想食過有排檔風味嘅晚餐，可以考慮此店，但提醒各位此店室内坐位非常逼挾，係食完餐飯就要埋單個隻，唔好諗住可以係度可以同朋友杯洒言歡

街坊茶餐廳，夜晚有小炒食，但so far呢兩日我都係食lunch, 第一日就食咗麵醬蒸倉魚同鹹魚煎肉餅，條魚係即蒸，要耐心等，不過拎到返公司食，都一樣滑溜溜～ 尋日太餓，所以完全唔記得影相，啊！想提一提，佢哋個白飯都幾好食，唔知係我太耐冇食泰國米定係太肚餓，我覺得好正🍚 好啦～尋日食完嗰兩個餸，念念不忘，今日就再返去，但因為已經過咗lunch, 咁就可以以tea time價錢叫「生炒牛肉飯」，嘩～飯粒分明，牛肉唔靭，椰菜粒好爽，成件事好正！同埋份量冇少咗，我覺得應該同正價一樣，因為都係大盒！今日係有影相嘅 嚟緊我都想試埋佢啲小菜，睇落去好似好正咁！

當你吃過財記美食的炸子雞，你便會愛上他的成衣製作。老闆是一個很開心的人每次聽到他的聲音都會令到你很想叫多幾款菜式，最近吃了他們的滷水鵝腸也是一絕，如果能夠的話在現場食炸子雞是非常非常性價比高的，尤其在大排檔的風味是絕無僅有，大家一定一定要是他的當紅炸子雞。

財記美食係晚飯小炒格局，我見枱枱都係一邊食嘢一邊隊啤酒，好熱鬧，我一支公，唯有叫個乾炒牛河就算。呢度嘅飯麵全日劃一價錢，包埋飲品，幾抵食。牛河上枱，非常大碟，河粉滿佈油光，醬油顏色均勻，肉眼所見炒得唔錯，試一口，果然幾夠鑊氣，好食👍。牛肉有落鬆肉粉係意料中事，但係唔算重手，依然有牛味，唔錯。其他配料都唔馬虎，有洋蔥，韭菜，韭黃同芽菜，味道口感同樣豐富。

其實我本來是想直接在位於「新蒲崗」「洐慶街」旁邊，頗為擁有港式大排檔小菜香味的食店「財記美食」裡面，一次過食完由「牛腩」跟「雞肉」作為材料製作而成小菜菜式，再點兩碗白飯就大功告成。可惜我看完「財記美食」餐牌裡面的所有碟頭粉麵飯食品餐牌，又或者是晚餐小菜食品餐牌之後，發現「財記美食」所有餐牌，始終欠缺一款跟「牛腩」有關的小菜菜式，令我有點失望。結果我臨時改變計劃，選擇在「財記美食」餐牌裡面繼續搜索，找出一款可以讓我享用，跟「雞肉」有關的小菜菜式，再配一碗「白飯」就夠了。至於光顧「財記美食」之後，我在「新蒲崗」尋找和光顧其他食店，然後在晚餐裡面需要享用跟「牛腩」有關的菜式食品，就需要趁早光顧完「財記美食」之後儘快搜索了。雖然「財記美食」室外樓面裡面有電視機，而且電視機正在播放新聞臺新聞報導，但是幸好「財記美食」貫徹了大排檔食店的風格，設有不少戶外檯櫈座位，讓我不看電視也能夠享用晚餐。既然「財記美食」設有不需要看電視新聞報導的檯櫈座位，於是我立刻在「財記美食」戶外用餐區域裡面，找一張沒有其他食客的餐檯之後，立刻研究餐牌，看看有什麼雞肉小菜可以一試。「財記美食」「雞肉」類小菜菜式裡面，有很多款

年～又過年～今年就食左財記嘅年糕同盤菜，價錢唔貴好足料㗎，自己上佢fb睇幾錢啦。糕點有六款，分紅白紙盒裝。個盒有啲和風，盒底有寫係邊款糕。先講下唯一嘅鹹糕蘿蔔糕，臘味幾多，入面有一絲絲蘿蔔絲，調味唔錯，煎起上黎無散，好味呀，一煎出黎就食晒。跟住呢款係黑糖花旗參年糕，個人覺得太甜，黑糖味係香嘅，煎起上黎個廚房充斥住一陣黑糖味。呢盒係馬碲糕，雖然唔係好睇得出，煎出黎就會變透明好靚仔，馬碲多糕身滑，但激甜，要配杯濃茶先掂。鮮花桂花糕好靚，打開就食得唔使煎。手殘，大力得濟鍊爆咗個盒，搞到倒出嚟散曬，可以見到係一層鮮花，一層椰汁糕，最下一層就係桂花糕，同樣偏甜。最後係紅豆麻薯抹茶年糕，上面仲有啲金萡，望落即刻高級左。抹茶部份幾濃綠茶味喎，煙煙韌韌幾得意，最重要係呢款微甜咋，食左幾件都唔覺膩。另外嘅主角就梗係盤菜啦，呢個細盤黎，細盤都好大盤㗎。細盤好正，再追加左個大盤，勁足料！花膠、鮑魚、冬菇、髮菜、瑤柱、蠔豉呢啲賀年野全部都有，仲有貴妃雞，燒鴨，豬脷，豬手，大蝦等，其中豬手炆得又淋又入味超受歡迎，個個爭食㗎。個盤調味認真唔錯，難得一個唔會越食越鹹，同埋個底無爛patpat，食到尾先有少量蘿蔔墊底