貢茶 (葵涌廣場) (已結業)

不知道是商場的冷氣不夠勁，還是真的人流太多的關係，竟然覺得逛商埸比逛街還要熱 …… 不得不買一杯凍茶降降溫也過一下口癮~桂圓紅棗奶茶 (少冰) $18新奇而又勇敢的配合！呷一口，的確有桂圓和紅棗之味，也有紅棗的蓉，但桂圓味仍是覺得不夠！茶味還算是OK~本篇完~

D 店員又Hea 態度衰買4杯外賣 連袋都冇 so cheap !!!!問佢竟然話:我地冇膠袋喎 ! 買咗2杯左兩杯奶蓋烏龍茶走冰,2杯百香果個奶蓋烏龍茶完全冇茶味 個奶蓋就少到爆!!以後唔會再幫襯

臨近暑假, 貢茶門前特別人山人海奶蓋黑森林$16...首先是啜啖貢茶招牌厚忌廉, 濃郁又綿, 甜中帶鹹鹹地的味道, 正點 忌廉之下是煙韌蜜味的珍珠、還有涼爽爽的仙草, 走了冰都會很涼快烏龍奶茶$13... 茶夠味奶夠滑,兩者調得恰到好處, 誰都不讓誰獨美 去冰少糖都不會滅去好味的威力

大熱天時, 就去左貢茶買杯飲品涼快下~~但由於很多款都試過了..考慮了一會後就選了「金桔檸檬」微甜~微甜的金桔檸檬, 感覺很清新和解渴呢~酸酸咪咪的很對胃口!!

呢個食評本來幾個月前以非會員身份寄出，卻遲遲沒有刊登，今次要再試一次！１１月底一晚約９點幾，買一杯走冰的烏龍茶，到counter，無人理，大聲講"唔該"，先有人理落左單，企係一邊等果陣，發覺入面D店員好似唔想做咁樣，重掛著傾計。等左好耐先完成，杯野整好就放底左，之後佢地又繼續傾計，又唔比我傾完先施施然咁比杯野我，我伸手想索取飲筒果陣，佢一野"劈"左響枱面，我的手僵在半空，好不尷尬！再講番杯野，明明已經係走冰，卻仍然淡到無朋友！只係一杯有色既水我飲過咁多間貢茶，呢間最差！無下次呀！

由於我十分鍾意梅子,所以第一次係貢茶飲,都係叫番我至愛的梅子...我見佢地門面光線充足,係出面好清楚望到入面係冇機器係幫你自動搖架!!好奇怪點解全用人手自己係咁搖@@??咁如果佢地一日買去廿杯,佢地咪要搖廿幾下....手都痠啦~直到而家我都好好奇,可能貢茶想保留品茶的茶香味啩~講番叫左個杯野,梅子綠茶太普通啦,所以我額外+了椰果...你睇!!!!!!我的吮吮技巧幾勁!真係一條都未食到!~最後我飲晒d茶...只係食到一兩條椰果咋~(可悲),有咁多...可見貢茶都+唔少比我!!!!!撕開後,你睇幾多椰果..好煙忍tim~總括:1) 梅子味道有d怪,不過細細品嚐...又唔差得去邊!2) 綠茶好香好醇,唔係道地綠茶沖製!!!!3) 椰果條好似成坐山咁多,正!!!4) 價錢方面唔係幾抵,應該再平d仲好!!

今日行行下葵涌廣場，突然間想飲返杯野，於是就去左貢茶巧克力奶茶加布甸飲落覺得味道好夾，不太甜，朱古力同茶味比大約係8比2，比朱古力奶好飲，唔會漏。加上布甸，令得成杯野口感大增，值得一試！

成日聽同學話貢茶奶蓋好飲我唔信~~我要試下buy左奶蓋紅茶開頭飲都覺得好普通姐飲到一半開始飲到d奶蓋喇就覺得好特別~ 哈哈~~~so 我日日就同我d好同學日日飲奶蓋喇

葵涌廣場2樓既貢茶可算係我既一大消費地方~每次行過貢茶門口都有一大堆人企定定系度等緊杯"茶"向大家推介最簡單而大部分台式飲品店都一定有得賣既飲品 - 珍珠奶茶!!!本人飲過n多間既貢茶,例如:葵芳,荃灣,小西灣既貢茶~就以上3間去比較一下"珍珠奶茶"依種飲品,本人覺得整得最好飲既非葵芳分店莫屬!!本人去親買珍珠奶茶都係要少甜同少冰因為我覺得咁樣係最飲到茶既味道~但又唔會失去左奶香味~鋪面略為細小,所以工作人員最多都得3~4個但尚算乾淨衛生~略嫌店員工作速度偏慢~P.S:本人覺得貢茶好飲過歇X亭....如果要我俾分...貢茶係100既話,歇X亭只得20~30分台灣既歇X亭同香港既歇X亭我都飲過,冇乜分別,都係味道較差,冇茶味,冇奶味,唯一好過貢茶少少既得d珍珠好食d少少。☆以上均只是本人親身感受，如有冒犯，請各位多多包容★

今日同朋友經過，諗住飲杯野。一直都有去開貢茶買野飲，質素都OK，D人做野又小心，於是就係呢間分店，買左一杯檸檬綠茶加珍珠同埋寒天愛玉。去到分店門口就已經好多人，落左單，企係一邊等果陣，發覺入面D店員好似唔想做咁樣，慢條斯理。 諗住都算，反正人多，累都好正常。等到我地既時候，先發現願來落單搞錯左，落左檸檬愛玉。於是我地叫佢換番，之後攞埋寒天愛玉，就拎走飲。一飲之下，原來果杯所謂既檸檬綠茶加珍珠依然係檸檬愛玉加珍珠，另外果杯寒天愛玉只係得愛玉同柚子蜜。其實呢間分店已經唔係第一次買，不過係第一次係下午買，所以奉勸大家，如果想飲，一係就一開店就去買，唔係就夜晚先去，因為夜晚果更佢地做得蠻好，起碼唔會落錯單，換番就係比番之前果杯比個客！真係飲都飲得唔開心！！！！

今天如常行經過葵涌廣場.. *- 朝早天氣熱到爆.. 貢茶開左'' 睇到有新野推介.. 就買黎試下.. (水果小紫蘇) 又名 羅勒籽 ?? 唔多明點解 .. 味道 : 好似雜果賓治.. 冇氣' 唔係氣水..好健康.. 哈 賣相 : 7彩繽紛.*- 橙橙地'' 好吸引 ''.. 配科 : 彩色苟弱, 小紫蘇(芝麻珠), 同埋有d果肉.. 口感 : 果肉好爽口, 好特別感覺 , 彩色苟弱好咬口 價錢 : 推廣價 : 14蚊.. 好抵飲 *- ^^ 由於早上去買既關係/- * 人唔太多..好快有得解渴 ^^ 仲影左幾張相分享俾大家睇..

葵涌廣場真係真係超多間台式飲品店，真係難揀到爆!! 今次飲貢茶，好好飲*- 貢茶好多類飲品揀.. 最後揀左百香果綠茶同埋檸檬愛玉!! 愛玉好大舊.*- 唔似一般飲品店碎哂，又少到爆'' 不過就耐左少少，因為太多人排隊喇! 本身人流又多'''

以前去開旺角弼街店, 人流多過葵芳好多, order 完再取飲品都唔需要 5 分鐘已經可以離開, 但今日去葵芳店 order 完足足等左 15 分鐘先有飲品取, 員工傾計過多做, 最快係整珍珠奶茶, 其他人遲我十幾個 number 都可以取先過我

冰凍珍珠奶茶:又係一個非常天氣炎熱的下午, 行吓行吓, 行咗去葵涌廣場2樓, 最近唔知點解, 這裡開了不少呢一類台灣式的珍珠奶茶鋪, 反正天氣熱,又見到擠滿許多人買, 於是0查 0查淋走上去買一杯珍珠奶茶試下飲!奶: 香濃適中 茶: 唔夠茶味珍珠: 都好多, 幾彈牙冰: 太少

珍珠奶茶價錢$12, 大杯裝, 十分大杯.少冰, 但仍然有冰粒可見.奶茶味夠濃，不是淡淡的.少甜, 甜度剛好.珍珠粒是中粒size，"un" "un" 地幾好"趙".店舖人氣十足, 次次經過都有十多人排隊, 貢茶真是夏天受歡迎消暑飲品店.