貳號冰室 (已結業)

下午茶時段有啲肚餓又唔想食咁飽，呢度嘅Tea set幾啱胃口。叫咗個奶油豬餐同埋夠吋雞蛋三文治餐，奶油豬出色👍好食過翠華，夠脆夠鬆軟，咬落口脆卜卜，多奶多牛油，下次要再去食👍夠吋三文治係仔仔最愛，厚身方包夾住分量十分嘅炒蛋，每啖都好滿足。下午茶餐包埋飲品，價錢合理，服務亦不錯。

大年初五，和太太落樓下食頹飯。見到有卡位，叫了兩個午餐。日式照燒汁鴛鴦扒飯：有一塊豬扒和雞扒，主要靠日式醬汁帶出味道。照燒汁偏甜，豬扒偏乾，雞扒好少少。不過快餐都冇要求。😂雪菜三寶酸湯米線🍜：酸酸味味幾開胃。杯啡幾好飲

早晨 食個靚早先！侍應態度好好 仲講早晨！叫左個 沙嗲牛肉麵餐 炒蛋 多士 凍檸茶好好食 全部嘢都好熱 擺得靚靚沙嗲牛肉麵 牛肉入味好淋 麵好彈牙收銀呀姐 喺唔忙嘅情況下態度都可以西西里島講嘢冇尾音嘅 西口西面🙄

見到餐牌有蟲草蒸雞飯，即叫😉不過今次不似預期，只是將所有材料蒸一蒸，原本以為可以用汁撈飯，但汁似水淡，連雞味都冇😅反而，個中湯足料，為唯一亮點👌不嬲侍應態度普通，冇乜期望🙃

返了柴灣公司一個月，見間餐廳日日都咁多人，想試下買個外賣。今日午餐有個叉燒炒蛋飯，標價$67已經覺得偏貴，但諗住係特嘅鬥好食或大份就買來試吓。一打開個外賣，真係呆咗，只見一嚿叉燒，搵嚟搵去都搵唔到第二嚿叉燒。而且份量係食7-8啖就食完。我諗呢間啲叉燒價錢應該拍得住高級餐廳。可能我見識少，從來未食過咁貴既叉燒炒蛋飯。因為太肚餓，再落去又熱，只能食左佢，但食完只有4成飽。諗住收工拎張相落去問吓佢哋既叉燒炒蛋係咪真係特色係一嚿叉燒？係咪怕打工仔食完會肥，所以特登比少啲。真係用心良苦🥹

今日因為人在柴灣工作，對附近食店冇乜頭粹，加上天氣熱行到個人炆炆地，唯有靠直覺，見到工廠區內「貳號冰室 」決定再比機會佢。時間只是12 點多已經全院滿座，茶餐廳優點就係客人食完就撇，吾使唸咁多，所以都好快入座。餐廳內衞生真麻麻，成地垃圾，枱面痴痴立立，見到都令胃口大減。冇乜胃口，唯有求其小小嘢頂下肚。難得有麵包櫃，就吃個包，飲杯嘢算數。菠蘿叉燒包依段時間嘅包當然非新鮮出爐，但拎上手仍然有溫度，包頂層菠蘿皮較為簿身，大力小小拎住巳經碎咗，一啖咬落去巳經吃到餡料，叉燒並非一粒粒，睇落冇中式叉燒包餡料咁靚仔，顏色偏灰灰的，但味道比賣相好，叉燒餡不少，差不多食到尾仲有餡，比坊間的空氣包做得更好吃。熱央溫度足，茶和咖啡比例差小小，味道較苦，花奶不夠，口感也較鞋口，但可以接受。

下午茶時間在老遠的柴灣舊式工廠大廈地下發現這家茶餐廳，二人行內進，一個選了巨型炸雞髀配薯角與及蛋治一份，味道不錯。巨型炸雞髀固然巨大，應該是生炸，雞髀肉質不錯，似乎並不是千年雪藏凍肉。薯角的份量則比較少，如果多一點會更理想。蛋治真的好味道，炒蛋很厚身亦夠滑，而且有少少蛋漿滲出來，蛋味香濃，無論造型與味道都是舊式茶餐廳的感覺。飲品點了凍奶茶和凍鴛鴦，兩杯的味道都是上盛的茶餐廳味道，感覺很好。

因為要去柴灣掃墓，所以喺網上睇吓有邊度可以食早餐，響OpenRice見到呢一間茶餐廳只需要喺地鐵B 出口行1分鐘好方便，所以就揀咗呢一間。呢一間餐廳門口就有好多麵包可以揀，一入門口就同我講早晨！亦即該問我要唔要口罩袋服務態度幾好！另外佢啲早餐都有好多款有A 至H 餐不等，我就揀咗仿鮑魚火腿通粉，我老公就叫咗沙嗲牛肉公仔麵，佢可以揀了餐包或者多士，另外配煎雙蛋或者炒蛋，如果需要凍飲就要另外加$3，食物好快到味度都ok!佢呢度近地鐵站，巴士及小巴站非常方便，佔盡地理優勢。

去完學童保健後，同公主經過柴灣工廠邨，打算食過下午茶。柴灣工廠邨大廈建於戰後，是全港碩果僅存的H型工廠大廈，並且更被評為二級歷史建築。柴灣工廠邨大廈見證了當年香港工業蓬勃的發展，以及百業興旺的景況。現在雖然改建成出租公屋，但有展覽區供遊客認識舊工業。唔知道有沒有室內展覽區呢？希望讓小朋友有機會認識以前的香港及生活，知道幸福不是必然的。柴灣工廠邨地下有間【貳號冰室】門口鐵閘都是傳統的鐵閘而且刻有柴灣工廠邨，不知道是新造還是遺留下來的產物呢。現在的茶餐廳已經好少有新鮮出爐麵包蛋撻，【貳號冰室】正正有供應真難得！ 甫入茶餐廳，沒有把柴灣工廠邨的歷史及特色融入裝潢中，只是一般新式茶餐廳格局。下午茶餐有七款，常餐有二款。原來工廠邨內的茶餐廳的下午茶餐都要四、五十餐……物價原來已經加價不少，只是小編人工追不上。小朋友至愛【炸雞脾薯條 $44】，雞皮炸到卜卜脆但少許過火太過乾身。雞腿肉沒有什麼調味味道單調。原本小編只打算叫杯凍奶茶，但是1杯凍奶茶要$23，叫份最平的下午茶餐奶油脆豬才是$29……最後叫份【奶油脆豬茶餐 $29】。烘過的麵包上塗滿甜甜的奶油，一定好味！勝在牛油及煉奶的比例平衡，麵包鬆軟

野食其實唔差，但佢早餐set 左A餐係火腿通就一定要通粉，B餐係牛肉面就一定要面冇得轉，但煎蛋炒蛋就比你轉。老實講有啲失望，因為基本上去過甘多餐廳都未試過話冇得轉。

早上經過見人唔多唔使排隊入內打算開餐，一個蓄短髮戴眼鏡既姐姐就用好不悅的眼神望人，想開心食過早餐啫，返工唔使咁對住未需要serve既客人嘅！唔高興咪唔好做囉！！我轉買外賣，呢個姐姐既說話能力或態度真係一絕，當我選擇完我需要既食物準備比錢之時，因為佢哋個scanner唔靈敏，引致我未能以九秒九時速完成付款，佢急不及待以及極不禮貌地向我表示：要就要，唔要就罷！好大牌的一間茶餐廳員工哦！雖然我唔係高消費的一個小客人，但從今以後我不會再去光顧，亦極不會推薦其他街坊，朋友和同事去消費，無謂貼錢買難受😣

約咗朋友行山,出發前食返個豐富早餐,補充能量先！可能假期關係,都要等差吾多十分鐘先有位。呢度嘅經典•早餐都有七、八種款式,我單點咗腿蛋治加熱可力。腿蛋分開上,蛋炒得幾滑,若果要雞蛋裡挑骨頭,可以再濕少少就更滑啦😂！腿治同可力都正常。比起d經典早餐,因為食唔晒散叫,份量就無咁多但又多幾蚊,我就覺得略為貴咗d,若果係咁,客人寧願揀俾少幾蚊而浪費食物。希望老闆……啦

之前食過上環分店既下午茶同午餐都覺得唔錯，而且啲員工有禮貌，所以對呢間餐廳既感覺都唔錯。今日係附近做野，見到咪入黎試吓呢間分店既水準。首先入到去，可能啲員工太忙啦，我揮左幾次手先有人理我，都唔緊要，lunch time 明既。我見到枱上面佢餐牌係冇包括午餐，咁咪問對員工有冇午餐餐牌，點知佢一句撻埋黎：自己睇電視啦電視都有牌，而我坐係餐廳最後個排，我一定睇到係餐廳最頭個部電視啦，呢個設計好有問題。當啲客個個對眼都冇近視或遠視？埋單既時候，拎張單去收銀台，咁收銀姐姐正常都會講幾錢，雖然張單有寫，佢入完個銀碼 野都唔講句 咁我咪望下係幾錢囉，個餐$50，俾$60佢，佢找$10俾我 又野都唔講句，咁樣做收銀真係第一次見。

遇到假日，瞓晏咗出門去到柴灣食早餐，今日揀左位於地鐵站對面嘅 ”貳號冰室”可能假日的關係，都要在門外等左10分鐘先可入坐。店外亦有出爐麵包售賣。餐廳內的環境早晨供應時間去到上午11:30，我哋剛好11:30入坐，職員都可以比埋我哋叫早餐先值得一讚。一個鮮茄香草腸通粉常餐要$50，而差唔多款式的早餐就只需$38，抵好多。1. 沙嗲牛肉麵，炒滑蛋配牛油多士($38)，湯底偏淡，將沙嗲汁加到湯內都唔太夠味。沙嗲牛份量同味道正常。炒滑蛋夠滑，而多士亦唔夠脆。2. 仿鮑片火腿通粉，煎雙蛋配牛油多士($37)通粉屬正常水準，如煎蛋煎耐少少有脆邊會更加好味。3. 鮮茄雞丁通粉，炒蛋配牛油多士($38)，鮮茄湯底唔太濃郁，雞丁肉好少。至於炒蛋同牛油多士上面已介紹左。跟餐奶茶，茶味唔太濃，茶底尚算滑。整體來講，員工態度好好，而3款經典早餐尚算正路，下次路過都可以再試下。

成日都覺得柴灣係一個美食荒島特別係早餐平時都係食開民華，因為覺得價錢合理但因為有少少悶嘅關係所以就試咗呢間2號冰室平時喺出邊都見到佢出爐包非常之新鮮熱辣辣脹卜卜都好想試今次就試咗佢個早餐沙嗲牛肉麵，可以配煎蛋或者炒蛋再加一塊牛油多士都唔使$40價錢算係差唔多沙嗲牛麵比我想像之中好食佢嘅花生味算好濃，但係又有沙嗲嘅香味但係牛肉非常之新鮮不過個面稍為生咗少少建議如果麵嚟到各位記住要反轉個麵，浸大約5分鐘先好食煎太陽蛋就不過不失啦原本係牛油多士不過我自己唔鍾意食牛油，所以走牛油麵包來講其實佢唔算厚亦都唔係烘得好趣你杯咖啡一飲入口其實真係令我覺得好驚喜，因為好好飲佢咖啡因唔會好勁，但係好香我自己就冇落糖不過凍左之後就好難飲完全係唔知咩事