貳號冰室 (已結業)

好少去柴灣，今日假期早上有事去柴灣附近，一出地鐵就隨便入咗呢間餐廳嗌個早餐。揀咗沙嘜牛麵，多士炒蛋。意想不到個沙嘜牛非常出色！原本無咩期待，但估唔倒係我近排食過最香濃的沙嘜牛。沙嘜汁勁濃夠厚沙嘜味重，而且竟然幾辣！可能我自己鍾意食辣所以好喜歡。唔食得辣的你就記得唔好揀沙嘜牛。多士都幾好，夠厚，ok鬆軟。炒蛋幾滑，整體早餐豐富性價比高。而且上餐效率快，餐廳坐位正常。第二次再嚟試左個午餐酸辣肥牛米粉，還可以，湯底幾開胃夠酸但有點普通，但肥牛太肥，還是覺得早餐沙嘜牛比較好食。

飲完咖啡食埋飯回家，來到柴灣的貳號冰室食個咖喱雜菜煎蛋飯＄58，另外加杯熱飲熱檸水＄6，咖喱飯味道不錯，濃郁帶適中的辣香，咖喱味濃郁，雜菜有白菌、椰菜、西蘭花、車厘茄及薯仔等，蔬菜都好爽甜，薯仔都夠腍，美中不足是杯熱檸水，隻杯有漂白水味，飲了兩啖都晤敢再飲服務都不錯有效率，地方夠光猛及都整潔，每張枱都有隔板，又有自助斟水區，都感舒適，美中不中是熱飲杯有漂水味，餐廳方面真是多番留意下，整體都不錯，都可以俾個笑笑啦

Standard tea time meals in the cafes in Hong Kong 🇭🇰🍵 The egg pudding in the middle of the egg tart was v milky & smooth 🍮🥧 while the pineapple bun (FYI without any pineapples 🍍😂) was okay coz they didn’t reheated it & the skin of the bun was not v crispy 🙃 The iced red bean with milk is a real classic 🤤 They put soooo much red beans in it & the beans were cooked perfectly to being soft but not completely mashed 😋 The stir fried beef ho fan was a surprise 😛 The noodles were not starchy & sticky

今日番工去柴灣 依頭都唔知有咩好野食 求其入左間餐廳就算😂午餐都係大約50蚊 好似1130就開始本身鐘意食茄子就叫左個黎食味道份量都普通 算係偏油個中湯就更加油.. 無飲晒就走左

這間冰室食物就一般，但價錢就唔算平，還要自己招呼自己，攞水，汁醬自己行出去櫃檯自取，此店還有一招你点餐時候，個待應係唔會問你揀湯還是揀餐飲，只會問你飲中湯還是西湯，跟著就直接問你餐飲，咁個餐就會貴咗，有些人唔知就中伏，一個人食個餐要60幾就唔平，仲要咁質素

打氣早餐💪🏻💪🏻🪑🪑坐底，店員即刻俾膠袋我地放口罩😷（👾因為怕細菌傳播）👍🏻👍🏻估唔到茶餐廳都咁注重衛生👍🏻早餐B（沙嗲牛肉麵🐮🍜+轉太陽蛋🍳）…牛肉口感十足（一D都唔淋）😋…太陽蛋（好有💛有少少燶邊）😋

連鎖麵包店周圍都係， 但係質素每況愈下， 想食熱辣辣 用料充足嘅麵包🥐🍞🥖， 都要畀心機周圍搵下， 今日咁啱經過柴灣， 見到間冰室門口有即製即焗麵包， 大部分麵包都係新鮮出爐 熱辣辣🔥🔥🔥。呢度嘅麵包，大致上分咗兩種價錢， 一種係冇餡包， 即係咸豬仔、 提子麥包🍇、菠蘿包🍍， 呢啲包就每個七蚊。另外一類就係有餡包， 菠蘿紅豆包🍍、 腸仔包🌭、 午餐肉包🥓、 菠蘿叉燒包、 奶黃包🍳， 呢啲就每個九蚊。我簡簡單單揀咗個腸仔包試， 食落都唔錯熱辣辣又軟熟， 麵包質地 唔會好多空氣， 算係有啲質感。 九蚊一個真係已經交咗功課。

呢間冰室就係柴灣地鐵站附近，見二人餐HK$132，價位算合理就入咗去。睇一睇餐牌，選擇都算多，不過奇怪蒸魚即使同其他餸同價，也要加HK$20。先來兩碗青紅蘿蔔粟米煲豬肉湯，齋睇已經知道超級足料!! 連果皮都有，無味精又清甜。水晶海南雞皮係好滑，唔知係咪我好彩，剛好全都是脾或者翼，啖啖肉。不過食落似燒臘店的白切雞，無去骨之餘，雞骨亦仍然偏紅。西蘭花炒斑片也是一般般，斑片明顯先樸了少少粉輕煎過，不知為何有點甜味，少少怪，不過還可以。西蘭花就淡咗少少，跟斑片好像不是同一碟餸咁。。。另外我地叫咗兩杯特飲，每杯加$13。涼粉冰同菠蘿冰都唔會好甜，正是我們所喜歡的。涼粉同菠蘿都切得細細粒，可以直接用飲管吸到入口，又唔會塞死飲管，不錯。

今天中午時間在柴灣地鐵站附近吃午餐。其實唔多在這處吃，又不想周圍找便入了這間貣號餐廳。叫了一個咸蛋蒸肉餅飯和凍㗎啡。其實當個飯到的時候第一個感覺是個肉餅细，仲怕唔夠餸飯。但可讚的是加了一些椰菜，感覺健康，不全是肉。肉餅唔算好滑，但夠實，一小份已好餸飯，所以原來是份量夠的。凍㗎啡夠澴味。不錯。雜菜湯味道可以。

柴灣出名劣食天堂，一直都無邊幾間餐廳係非常出色，而呢間冰室都不例外，又貴又一般呢個牛扒餐賣到成$50，但算佢份量都對得住個價錢，牛扒還好，可惜煎蛋完全無味，要靠鹽和胡椒粉才有丁點鹹味

一出柴灣地鐵站3分鐘內就到，十分方便去搵。佢嘅常餐最特別係炒蛋加秋葵，炒蛋唔會太熟或者太生，加入脆口嘅秋葵，一軟一脆幾配搭幾好。可能喺平時茶餐廳都少見秋葵炒蛋，所以一上枱就即係食完唔記得影低。同時亦配有多士，暖暖地，但都算外脆內軟，加d牛油，口感更好。本身常餐有兩款，有肉燥面同豬排面揀，但見隔離枱塊豬排幾大所以試下豬排。嚟到嘅時候，塊豬排差唔多四分三隻碗咁大，仲要係岩岩煎好，食落去仲好辣口，至於同枱早少少嚟嘅朋友塊豬排就無咁香口，可能係一早煎定，咁真係睇彩數。雖然香口，但塊豬排唔算太厚，肉質普通，食落去唔太juicy，不過40幾嘅茶餐算係咁，不過不失。

本身好中意食海南雞飯，去邊間餐廳見到有得叫，都是我的首選。呢間新開的冰室，在家附近，所以就黎試下。海南雞多骨少肉，肉質唔夠滑，食完唔係好夠飽，仲要夾朋友碟肉餅食。總括而言，cp 值好低。

老實說， 以呢度既價錢，除非揀無可揀，又好肚餓要食野，先會來呢度，無論早、午、晚餐都係咁貴，咖哩系列稍為好少少，只係少少，食個炒牛河要60蚊.....行多幾步平十蚊，不如當做運動，連下午茶都要48蚊，常餐都要48蚊.....貴在秋葵？就算真係好食.....個環境都唔值呢個價個人唯獨覺稍為可取就係面包呢方面，確實係附近100米係無傳統港式包，周圍既都係日式勁貴包，加上呢度既包有暖爐暖住，係幾好今次買個菠蘿油，12蚊，個包夠大，面層菠蘿皮都夠脆，如果可以薄少少更好，所以唯獨可取就係面包了🥯⋯⋯但都唔平

話說我前日朝去買外賣早餐，成班企堂阿姐圍圈吹水，我話外賣，佢地話要搵收銀先落到單，幫我叫左個收銀，我見個收銀係度執緊野，我咪等下囉，點知一等就5分鐘，於是我再問佢可唔可以幫我落單，佢啤下我然後擰轉面走左，我真係火都滾埋唯有問候佢。然後過對面美心買返個一樣既早餐都唔洗5分鐘，仲平十幾蚊。

好食！欣賞餐廳的收據非常環保♻️！不過等候的時間有點久。它的服務態度也挺不錯的，只是服務人員説話的聲音有點大。它的食物很受歡迎👏👏👏，很多都賣完了。下次再試試其他菜式吧！