貳號冰室 (已結業)

咁啱柴灣做野，唔知有咩好食，中年食神既雷達又著左了，見到地鐵站附近呢個以前係工廠而家保育左既地下，有間冰室，似新裝修，幾吸睛，腳就自動行左入去😆環境都好舒服，位置都好闊落好坐我咁啱未到飯市，仲有早餐，就食左早餐先~講真唔差，肉c米餸多肉大條，炒旦大碟，係餐包唔係方包，仲係熱，呢啲細眉細眼野好緊要，已經收買到我心，最重要杯奶茶，幾滑，幾香，一定反覆冲幾次先有呢個效果，地方仲乾淨，姐姐都好禮貌，有時食餐飯，就係想咁咋嘛。。。。。

今日，17/3/2019， 同家人提前早d 去拜山，所以要到柴灣，其後全部人到柴灣MTR 附近食下午茶，見到有間新開左半年嘅冰室，所以選左呢間試食一下水準如何。我睇完餐牌,就決試下常餐 : 豬扒公仔麵，配山葵炒滑蛋跟餐飽，熱飲一杯 $48 因為似乎好多人食，介錢可以接受，唔算太貴豬扒好好食，夠入味，食落軟熟，麵都彈牙，不會over cooked秋葵炒滑蛋，蛋唔算太滑，因為始終無用牛油炒，所以無咁香滑。但用秋葵炒，我都係第一次試，都好食。試左酥皮蛋撻 $8, 暖暖地，酥皮正，蛋醬軟滑但唔多有蛋香，無嘜蛋味，還可以。肉絲炒麵配熱飲，$48 下午茶餐麵脆味濃好味度，料都好多。豬軟骨米線配熱飲 $48 下午茶餐家人話都好食豬扒包，好香脆，見到麵包有d焗過龍，焦焦地，家人話好正。** 總括食物有水準，唔錯，大家可以試下。家人話奶茶唔得，另外有款蛋撻，撻面上有一層墨西哥包嘅皮，無特別，可以不試。

等左十五分鐘，終於上枱，雞肉顏色有少少粉紅，D雞左拼右砌，完全唔完整，仲有D蔥係雞上面，我以為佢落錯蔥油雞比我。不得了，雞底下全是水和油，雞又有血，油雞是印尼的椰漿飯的味道，和海南雞油飯完全扯不上關係。$65當睇清楚尼間貴貴劣質冰室？做返火腿通粉啦

搭開地鐵，都會見到呢一間2號cafe。原址係舊式工業大廈，依家就翻新咗變左公屋，再加左幾間新餐廳。2號cafe就係其中一間。喺吉勝街2號華欣樓地下2號舖，然後又屬於二級歷史遺物。所以我諗就喺咁叫做2號cafe ，成件事超押韻。睇下早餐有咩食先， 餐廳主力推介ceo早餐同波士早餐。價錢稍為貴少少45蚊至48蚊， 睇落都好豐富。但係今日有啲飽飽哋，都係食番啲簡單嘅早餐。揀咗一個沙嗲公仔麵，連湯種麵包，炒蛋 加埋杯嘢飲，都係35蚊，好抵食。炒蛋改咗做煎蛋，阿姐有問我要唔要轉多士 ，我話唔使啦，試下個湯種麵包。原來湯種包就係我哋食開嘅餐包，冇乜太大特別。不過煎蛋就煎得 幾好 兩邊都脆 蛋黃係留心 唔錯。 沙嗲公仔麵就普普通通喇。沙嗲味唔算好濃 冇咩甜味 不過都係好食嘅。今朝 十一點先嚟到，成間餐廳都坐滿人。

今日 2:00pm 去柴灣開會，好快開完，無食午餐，有D 肚餓，search open rice, 搵下邊度有下午茶，搵到有間係附近，貳號冰室，見到食評都唔錯，一於試下啦！呢度係柴灣工廠邨改建既華廈邨，有好多間新開既食肆 ！呢間裝修都好新，典型茶餐廳格局，無咩特別。見食評話炒牛河好食，就試下啦，午市 $60, 下午茶就 $48 連飲品。我問侍應可唔可以少河粉 ？阿姐姐話都係咁多錢哦，要問下可唔可以少河粉哦！我話唔緊要，怕食唔嗮，唔想浪費食物！阿姐姐話：食唔嗮米算囉！語氣都算係友善既，嘻！炒河粉來到，先知道原來係迷你版！我無叫辣椒醬，但隨河粉附送，哈！味道唔錯既，無加辣椒醬都幾好食！但下午茶餐迷你河粉連熱飲，以一般茶餐廳來講，$48 都唔算平 ！整體 OK 啦！

近年好興香港情懷，冰室，其實就是茶餐廳啦。我們三人本來打算點三個小菜套餐，再share 食，就等如「叫餸食飯」有三道小菜。價錢由$58起。但細閱餐牌才發現，原來那只是小菜價錢，加白飯和例湯要加$12，如要飲品則要再加錢：熱飲加$6，凍飲加$9！感覺偏貴，因此我們決定變陣。點了咖喱豬扒飯。白飯大碟，正好用來share食。咖喱汁多，佐飯一流，豬扒大大件，是先炸過了的豬扒再加汁，有兩件，還有大量薯仔，水準中上。另點了海南雞飯一客，中湯已售罄，改為羅宋湯。油飯，不太正宗，雞的味道ok，但不似傳統的海南雞，就當是一個味道好的港式雞飯。之所以說變陣，就是我們把碟頭飯的飯share 食，再加一個單點小菜，表面上就慳了$12!鮮鳳梨咕嚕肉，肉，還是微脆，用了新鮮菠蘿很好味，美中不足的是本應是酸甜的汁勁酸，太酸，希望廚房只是一時失手!總括而言，服務好，環境屬於好坐，價錢不算便宜，但晚飯時段都有八成滿，是一個有誠意的茶餐廳。

新開餐廳，放假時間，就去了食下午茶。服務很好，侍應們都好有禮貌及幫手，坐得幾舒服。要了一個常餐一試。餐包熱熱的，外脆內軟，而炒蛋好特別，是跟秋葵一起炒的，蛋炒得好滑，而且襯托了秋葵的味道，個人喜歡食秋葵的，所以喜歡。這個配搭應該唔接受秋葵的潺潺口感的人都可以接受，因與滑蛋的質感混合了。見到枱面有辣菜圃，就加了一些在豬排通上。個菜圃麻辣香味，令個通粉馬上轉左格調，好味道喎。而且豬排都好大塊、厚及嫩滑，整體不錯。要讚員工的主動，上餐後，我正想要餐紙巾，手正想了解枱是否有暗格可自取時，發現無玄機，但有位女員工馬上發現了我的舉動，並馬上問我要什麼，她亦馬上為我送上，這些舉動，正是小區所需要的人情味

試新店，一睇餐牌上面嘅價錢，嘩⋯⋯ 拍得住上市餐廳嗰d價喎，咁就要試吓佢哋d食物質素同水準如何啦！今晚晚餐係“雞扒拼炸帶子配紅酒汁”，套餐包埋餐湯同飲品，忌廉粟米湯無特別屬一般茶餐廳質素，炸帶子雖然炸得酥脆，但屬急凍種類而帶子肉質有點兒韌，雞扒醃得好入味，而且煎得焦香惹味👍🏼👍🏼，紅酒汁味帶著酸酸的，再配埋粒粒分明嘅白米飯，好好味呀⋯⋯乾炒牛河都唔錯👍🏼，上枱時連一小碟辣椒醬，超細心喔！

懷舊裝潢是現在茶餐廳的潮流，這間冰室舖面充滿六，七十年代的感覺，好奇試一下佢地嘅食物水準，兩個人叫了三個小菜，小菜上枱有驚喜😀，夠精緻，賣相唔錯，味道也好，椒鹽豆腐夠香口👍，枱頭的麻辣菜保很有特色👍，喜歡吃辣的一定喜歡這款小食😋

老實講，以冰室做賣點嘅舖都唔少伏。而呢間貮號冰室嘅價錢都偏貴。 一般食得飽嘅飯或者麵都成50-60蚊。而且有啲配答都幾創新下，唔係果啲賣傳統情懷嘅食物menu. 本身都諗住係咪老闆太有信心，太大想頭，諗住裝修得有啲懷舊就學人收咁貴。點知原來重點係食物質素上面。我叫左個午餐B 咖哩雞球飯。首先就咁睇啲咖哩汁都唔係茶記果隻加水過度果種。食落幾有驚喜，個汁真係濃味好多，而且食得出個汁有幾種層次。食落幾香口，本人就好欣賞。而雞球就無咩太特別，因為咖喱味基本上都蓋過哂啲味。不足係咖哩汁真係比較少，咖哩汁只係啱啱好夠撈哂個飯，相信唔係個個都足夠。而雞件嘅份量都唔係多，有少少對唔住呢個價。而同枱嘅其他人食嘅野都無咩問題，都話幾好食。相信之後都會再黎食。

柴灣的舊工廠大廈經過了翻新後，成為了地鐵站附近的新蒲點，多了不少餐廳的選擇，最新的餐廳就是這間貳號冰室。第一次來，先試試早餐。點了沙嗲牛肉麵早餐($35)及炸吉列魚柳早餐($45)。沙嗲牛肉麵的牛肉算滑，但沒有咬起來可更腍。麵條則比較軟腍，不是我杯茶。炒蛋有蛋香，配合湯種麵包，有咬口，煙韌，不錯。炸魚則粉比肉厚，煎蛋亦感覺有得馬虎。奶茶算滑，但茶香較弱。不過這裡的冷氣有點猛，一來怕吹得會病，二來食物凍得很快。離開時看到原來自切新鮮出爐麵包，難怪麵包質素不錯。不過菠蘿包要$7.5，有點貴。