赤山風味料理 (已結業)

好少行開呢頭,見肚仔餓所以盲舂舂咁係附近商場行下順便搵下野食,搵到呢間同商場格格不入既餐廳,決定入去填飽個肚！入到去店只同我地講,海膽做緊優惠,半價就食到一板,咁我地就緊係即刻叫反板黎食啦！粒粒分明既海膽清幽鮮甜,大啖大啖咁食,正啊！仲有最近好hit既蒲燒鰻魚飯,條鰻魚表面燒到有少少脆,但係魚肉仲係好嫩滑,鰻魚既香味同鰻魚汁好夾,份量仲大得驚人！好味又抵食,下次再經過呢頭一定再食一次！不過刺身就冇咁好,吞拿魚赤身肉嚡左少少,同埋有少少乾,不過三文魚籽都幾好食,薄薄既外膜入而流住勁香濃魚油,而且價錢黎講都幾抵,CP 值好高

食完2人餐後,當晚近凌晨我同女友都肚疴...食物質素其實ok,刺身幾好, 2人餐埋單$40x算合理.但女友話隻蠔某部分苦, 可能係隻蠔出事...味道,環境,服務,抵食本來都算好但食物衛生做唔好就只好評一星了blacklist呢間餐廳!

同朋友去開新蒲崗想食日本野，行經過依間見到門口既餐牌望落好似幾抵食所以就入去試下😊唔好睇佢門口細細，入面其實都坐得幾舒服，又有電視睇，唔怪得全場滿座啦😂講翻食物先，令我好surprise既係依度既生蠔同刺身👍🏻三文魚件件都厚切，仲要好新鮮。生蠔夠晒creamy，點埋佢特製既甜酸辣醬，令生蠔既口感更豐富❤️鐘意生蠔既朋友一定要試下😋$42就有兩隻，的確抵食👍🏻依個牛油果軟殻蟹卷都係我既favourite❤️❤️❤️分量黎講非常足料👍🏻無論係牛油果、蟹子定軟殻蟹都有好多！一啖咬落去，首先嚐到既係牛油果既香味同蟹子既鮮味，隨之而來就係香脆既炸軟殻蟹👍🏻我個人覺得個口感好有層次，加上分量充足，值得推介！清酒煮蜆都係有心之作👍🏻淡淡既酒味配上日式清湯。難得既係我地所食既每一隻蜆都帶有酒香😋由於酒味唔算太濃，令唔太好酒既朋友都食到，仲要大讚佢真材實料，講緊既係真係隻隻蜆都開哂，隻隻都有肉食😊我覺得論味道，依味菜就好岩大眾口味☺️黎到我最愛既天婦羅😝依間既天婦羅有別於一般出面既日式餐廳，佢地既炸粉落得恰到好處，夠哂薄之餘仲要非常香脆，重點係唔油膩👍🏻食多幾件都唔會滯！天婦羅蝦選材新鮮，炸完都仲係好彈牙架！最後

朋友係新蒲崗返工，好耐無見一於約佢係附近食下飯! 佢話平時都係mikiki附近食(講完我都唔知咩黎😂)，食厭了，就黎左新蒲崗廣場搵野食!一入廣場已經見到呢間日本料理做緊海膽特價，同朋友諗都唔諗就上左黎赤山風味料理，門口貼滿食物既相，好易搵餐廳地方中規中矩，都容納到20人左右。牆身都有唔同既食物，睇黎餐廳既食物種類都好多!menu簡直令人驚嘆，十足十食緊放題咁，太多了吧!?先點左少少刺身試下，帶子好甜!三文魚好香又無渣，好香油脂既味道用日式麻醬既凍豆腐比較少見，好多地方都用日式醬汁加木魚碎。我鍾意麻醬既多啲!一齊食同豆腐既香滑更配合，透心涼海膽雙色卷，卷中間係青瓜，上邊係三文魚吞拿魚加海膽!可能因為青瓜太淡了，食落魚既鮮味淡左，海膽味亦唔係太出，仲仲食到三文魚既油脂香味原條蒲燒鰻魚飯，一上個陣已經十分驚訝，十分大條!!!!鰻魚燒得好香，油脂足但又唔膩，食落口香腍，加上燒汁好開胃!送飯一流，一碗飯真係唔夠食😂😂48一板海膽真係抵食! 香滑甜美既海膽，creamy得黎一啲都唔腥，加紫菜食更鮮味2個人食每人200左右，唔太貴，好野不防一食再食!👍

放工約左朋友食飯，佢話就下佢去新蒲崗食咁冇所謂喇，去左一間商場人流唔算多，唔太顯眼既日本料理餐廳，但食完質素又有返咁上去，又okay wo!佢位於商場2樓，裏面齊齊整整，企企理理，我地早食飯唔算多人，唔洗等位😄咁佢餐牌選擇多，種類都好多款，對有選擇困難症既我，揀左好耐先揀到😂叫左既野食都幾多芝士焗蠔、生蠔，兩樣都新鮮，而且都勁大隻，唔腥仲有活赤貝、雞腎同雞皮串，質素都係okay而我最想分享係海膽同原條蒲燒鰻魚飯，呢兩個係值得叫！首先海膽食落都新鮮，甜甜的，最梗要冇d怪味冇好臭咁，出邊太多都係咁😵而且份量都好足，仲有紫菜可以比你包住黎食，而最最最重要係，我地咁岩撞正佢Promotion, 只係$48 一版！好鬼抵食！要試就快而鰻魚飯最深刻係條鰻魚，真係好大條~~~~~而且個燒汁同鰻魚處理得唔錯，係值得一試總括黎講，埋單1人200左右，食物質素又唔錯，想係個頭搵野食既，呢間係唔錯選擇👍🏼值得一提係，佢地待應既服務唔錯，個個都好好笑容，又會好主動黎添水咁，所以都幾like

朋友生完小朋友第一次去探距。朋友帶左我去附近平民日式小店。位置不近地鐵站，要行15分鐘左右，係一個小店商場入面，真係冇地膽都要搵一陣先搵都位置。因為我同朋友都吾食生野，所以就冇選擇二人套餐。牛油果軟殻蟹卷，非常足料一大舊殼蟹，外面一層牛油果和蟹籽三文魚骨，塊塊煎香，脆口又離骨，正棒棒雞肉串，面搽上燒汁，野味。雞翼煎到金黃色。雞枊炒烏冬俾小朋友食，好似好普通食物，但炒到不太乾，又不太濕。大人梗係食原條蒲燒鰻魚飯。成條上有多過一隻手長度，好平。雞肉枊川鍋，用甜醬酒湯底，有滑既雞肉上有一層滑蛋.好適合拌飯。

這天吃的晚餐是來到新蒲崗廣場的餐廳，雖然位置有點偏，但是味道真不錯，在這邊的話不妨來吃喔。看這和風氣息重的佈景可以知道，這回咱吃的是日本料理喇～落座後，面前是漆黑的和式餐具，店員很快為客人送上綠茶，而且喝完後不久，店員便主動前來倒水，是真時刻留意客人需要呢。由於目前時間還不是晚餐高峰期，因此客人未是很多，到得我們吃飽時，倒是滿座了喔。可以看到這裡的空間不算大，位置整潔且乾淨。這裡的晚餐有個二人餐，似乎挺抵食的。而我們是喜歡在餐紙上剔選心頭好。首先來的是蟹籽沙律 ($32)，我還挺愛吃的。青瓜爽口，沙律醬平均，不會太少，而邊上的蟹籽也是挺多的，和著一起很好吃，在夏天吃尤其合適。再來是赤山風味沙律 ($38)，這是友人點的，就是想試試吃個新鮮呀。然後發現，不錯吃耶。它周邊的生菜同樣爽口，有些小蕃茄，混著胡麻醬，讓人胃口大增。在正中間的是一個大薯蓉球，上方還放了幾片薯片。薯蓉球內混著蟹柳、粟米、青瓜絲，挺好吃喔，很滑，而且味道濃郁。我也點了美國生蠔 ($42/2隻)，可以看到頗大隻的，沾上檸檬汁去一去腥。生蠔的海水味挺重的，很軟嫩而且滑溜，過後更有種甘甜浮上口腔。這是七味軟殼蟹 ($56) 

向來很少在新蒲崗一帶出沒，對這邊沒有很熟悉。打開openrice覓食，發現赤山風味料理是新蒲崗排最高的數間餐廳，於是我們便前來一試。赤山位於新蒲崗廣場的2樓，這個廣場很小，所以我們好快便找到了。餐牌上的選擇還是蠻多的，有刺身、壽司、手卷、燒物和鍋物等等，應有盡有。貼在牆上的海報寫著「原板馬糞海膽大割引$48」，真係好便宜呢我們立即點了一板。不消5分鐘，店員已經送上一板海膽雖然海膽不算很出色，以$48超平價格而言，絕對好抵食火焰三文魚腩壽司一客兩件，三文魚腩非常厚切，表示面微微燒融，肉質柔軟而有彈性，非常肥美，入口即融，很好吃呢！巨鰻壽司果然名符其實，比起火焰三文魚壽司大一倍，鰻魚很有份量。軟殼蟹手卷軟殼蟹外表炸得夠脆身，除了舖滿蟹籽和青瓜，手卷的尾部不是只有白飯，還有大量青瓜，認真足料雞肉柳川鍋包括了蛋、雞肉、菇類、栗米等等，送白飯一流。鐵板一口牛粒的牛味頗濃，肉質較為緊實，味道不錯呢！雞軟骨串一份有三串，即叫即燒，外皮燒得乾而脆，好惹味。

之前來過赤山之後真是愛上了，價錢唔貴，想要豪食還是輕食都同樣適合，店內職員都好有禮貌，叫多叫少都一樣的招呼~抵讚今次無叫套餐，想試下散叫，試多一點不同的食物~不過先再點一次上次食過的味附螺肉~這個我好喜歡~味道不錯鰻魚飯的鰻魚好大條呀!!!!長過對筷子!!!這個真是抵食夾大件!!!!鰻魚味道好香好好味，入口就化的感覺太好!另外三文魚茶漬飯好好味，煮得好好，沒油膩感，好爽口，好清新的感覺~"蝦兵蟹蓋"個名好有趣~原來是釀蟹蓋，味道不錯，不過個蟹蓋唔硬唔軟咁...唔知是否連殼食，我咬了兩口就放棄食殼了XD點了幾款居酒屋必食XD燒雞軟骨~味道剛好，乾度適中~配啤酒一流呀~另外，燒茄子大大條~好甜好好味~這個味淋魚乾好正!!!!我要推推推介呀!!!!!真是好好味!!!以前試過別家的魚乾太乾，咬起來很累!!!這個卻軟度適中!!!真的是非常好味，勁吸引我食食食~!!再來一個蒜片炒雞腎~正!!!蒜片好香，食蒜會有口臭都忍不了多吃幾口~還有一個清酒煮蜆，其實我去好多日本食店都會叫這個XD因為真的好喜歡食蜆。這個的蜆肉有點細，不過口感不錯，都新鮮這間近我住的地方，一定會再來~~~

有事要到新蒲崗，便順道約在附近工作的2位朋友吃飯，在Openrice 看到這間赤山風味料理，2位朋友都說吃過覺得不錯，便不再作他選。餐牌上的選擇不少呢。原板馬糞海膽 （原價$108，特價$48）雖然邊緣位有點乾身，但海膽算是片片分明，味道不腥帶點鮮甜，$48我覺得絕對是抵食。火焰三文魚腩壽司 $32 （左上）三文魚燒至7-8成熟，味香的同時保留點點肥美，配上蛋黃醬味道更不錯。赤龍壽司 （1件）$32 （右上）大大隻赤海蝦上鋪上海膽和飛魚籽，赤海蝦肉質紮實，口感不會太黏，味道鮮甜，加上creamy 的海膽和卜卜的飛魚籽，口感更豐富。黃金蝦卷 $48（左下）卷物大件夠飽肚，而且捲得夠實不易散開，蝦外層的粉漿微脆，蝦肉紮實有彈性。火焰帶子壽司 $38大大隻帶子，燒到帶子肉的面微焦更香口，帶子爽甜不腥。巨鰻壽司 （1件）$32真的很巨，鰻魚肉厚又肥美，調味剛好不會太甜或太鹹。汁燒牛舌 $38牛舌是厚燒的，肉質很軟稔濕潤，入口牛味也重。燒鯖魚 $38燒得夠香，沒有腥味，不會過鹹，肉質不至太乾太粗糙。鐵板豆腐 $38上桌時鐵板還在喳喳作響，每件豆腐也很大件，醬汁雖多但味道不會過於濃味，豆腐亦很滑。

寧靜的晚上，踏入新蒲崗廣場，商場店鋪幾乎關門了，就只有赤山仍業中，一點也不像一般香港商場那麼熱鬧。商場人流稀少 ，但赤山店內卻坐滿客人，我想必有原因。鰻魚飯真係唔係浪得虛名，份量十足原條上，好肥美，啖啖魚的感覺不是經常有，必試。🖒羊架賣相不差，沒有羊騷味，ok既，口感可以更好的，有進步空間。清酒煮蜆，好抵食，蜆好新鮮。😋肥金菇無得輸，加了少少黑椒，少少辣，幾欣賞，上菜時先知朋友唔食牛，結果成碟俾我食哂😂😂大大大大件牛油果軟殼蟹卷，都係68蚊，都幾抵食，凍飯底合格，我唔係低要求呀，因為出名既壽司店都有熱飯做底既壽司😧麵豉湯味道適中，除左有豆腐，仲有蟹柳😍

暑假到啦！😁😁😁約上三兩知己好友來輕鬆一下喇！要做好自己的本份，也就感到學業是多麼地艰難而又是要去攀登那高峰的啊！👍👍👍大道理总是全曉的，趁暑假期間，當晚，就到此赤山曰本料理來好共享樂美食渡過那快活時光啦！👍😘✌️此餐館不算有很大的空間，座位也不怎麼有空間感，可是，己坐滿了客人的呀！店員們忙中帶禮地招待著客人們！👍😁😁美國生蠔美國生蠔 108圓有6只，也可以點42圓For2只的！生蠔，如此的肥美滑嫩嫩的，很是有Juicy感的啊！又是冰凉極了，加上几滴檸檬汁及茄醬的，也不感到會膩的呵！在這炎炎的夏曰里，嚐進口里，那感覺更為爽爽的啊！👍😁😁三文魚刺身及韓國馬糞海三文魚刺身，夠份量，厚，嫩，滑，香甜美味的。那韓國馬糞海膽，極為鮮美清甜甜的不得了呀！👍😁😁😁要是那紫菜，能再爽脆脆的，那更為妙啊！😜清酒煮蜆有香葱等菇菌及巨濃郁的清酒的拌隨著，好香鮮甜肥美的煮蜆！👍汁燒牛舌熱呼呼的汁燒牛舌，香甜可口兼極有口感烟銀，也很有汁感的！不錯呀！👏海鮮炒烏冬海鮮豐富的，有青椒，洋葱，椰菜，紅蘿蔔等混淆一起炒的烏冬，烟銀的同時也滑滑香香的！金菇肥牛卷金菇極之爽脆口的，鮮甜滋味的同時卷在此肥牛內，甜美又汁多，香口

位於新蒲崗廣場的赤山風味料理，主打抵食日本菜，餐廳位於廣場二樓的角位，地方尚算易搵。點了一客二人套餐，首先來到的是蟹籽沙津，沙津很夠凍，清新開胃，刺身拼盤的生蝦刺身味道十分不錯，頗夠新鮮，如果蝦腸能清理得更乾淨便好了，十分欣賞當中的厚切三文魚刺身十分足料，咬落啖啖肉，很有滿足感。接著來到的是鰻蒲燒和鐵板帶子，鰻魚淋上香濃的醬汁煮過，十分美味，而帶子來到時鐵板滋滋作響，熱辣辣正在冒煙，入口充滿蒜香和洋蔥香。二人套餐前菜美國生蠔刺身拼盤鰻蒲燒鐵板帶子七味軟殻蟹日式鍋燒烏冬甜品

今天經過鑽石山荷里活廣場，晚飯時間很多食肆都大排長龍。 心思思不如又去新蒲崗的赤山。時間尚早仍然有位， 我們三人被安排在另一邊的地方(冇窗)，冷氣很凍且直吹。和店員反映了仍然都是很凍( 態度有點不耐煩而且立刻說已經調教过)。 弊在等了超過半小時也沒有食物來，越等越凍。。眼見其它枱的食物也陸續到齊。 點解時間咁早個廚房都應付不了呢? 還是漏了我們這單呢?說時遲那時快"牛肉村柳鍋"來了， 那個味淋調教的汁底不錯。 牛肉也很滑。 "鰻魚手捲"來的時候紫菜已經被那些鰻魚汁浸淋了， 因為是放在玻璃杯中 而不是捲成雪糕筒狀 所以底部的汁漏出嚟就把紫菜浸淋了。另外三文魚壽司好像沒有以往那麼大塊。 叫了"芝士焗蠔"和"蒜蓉焗蠔"。 基本上那些汁醬都是過鹹，完全吃不到蠔的味道， 蒜蓉更是過分的多而且非常鹹。最後是"海鮮拉麵"， 湯底還可以但真的不夠熱，配料不過不失。一心再來因為念念不忘那些美味的食物 (已經有好幾個月沒有光顧)，食物似乎有點退步。。。

好耐無約打鼓同學，今日約返去學鼓附近地方食。同學做好功課，上網睇左見到啲食評依間又平又正。 去到先記得以前食過，嗰時係放題店，依家係單點的。 我地被佢既$48一板既海膽吸引住，問左，叫2板每板都係$48，唔會話第2板會正價。亦都以為$48一板會係低級啲，又唔會喎！雖然係細粒啲，但都極鮮甜，包紫菜食定唔包紫菜食都唔咁甜。 赤蝦($58)已去殼，方便客人進食 之前響别處食過係有草味，依間完全無，食落creamy,而且肥美。 油甘魚($55)第一二啖咬落爽口，魚質有彈性，越咬個魚香味越出。 燒雞軟骨 ($28) 有成三串，一人一串唔洗爭。 外層夠矖脆，裏面係有咬口。 赤龍卷 ($78) 前後有蝦頭，卷仔細細, 内裹有青瓜,牛油果, 上面有赤蝦肉, 蟹籽, 海膽, 配料十分豐富, 口味復雜. 海鮮烏冬 ($58) 海鮮同其他配料夠矖多，湯底温和唔鹹，上桌時熱辣辣，食得刺身多想食啲熱野，不妨食依個。今次食得很滿足, 凍及熱既食物都很好, 坐得又ok, 下次再嚟食過先.