赤葉日本料理 (已結業)

屋企人帶路黎食，被牆上餐牌吸引，叫左啲刺身試試。直送鮪魚四點盛，分別有大拖羅，中拖羅，赤身同葱呑拿魚腩，色澤好靚，入口出乎預料嘅好味，一啲都唔腥，證明好新鮮！時令刺身拼盤，入面有池魚王，大拖羅，赤身同油甘魚腩各兩片，除新鮮外亦好肥美，好滿足！蒜香牛柳粒，無諗過咁大碟，食第一啖亦無諗過咁林咁好食！唔硬同埋好香牛肉味！網燒雞泡魚乾，好香脆！芒果蟹籽沙律好滿意呢個，芒果同個沙律好夾，整得好好味！和風柚子大蝦沙律呢個又係整得好好食，個柚子汁同菜一齊食好開胃！另外再叫多每人一個午餐set，抵到爆！

見呢間新開又咁平就入去試下。午市黎好抵食，因為啲set lunch又平又大份！前菜有雞蛋沙律，帶胡椒味好特別。餐湯都好特別，入面有三文魚，南瓜等材料，好過平時嘅麵豉湯。蒲燒鰻魚飯定食個飯盒好深，飯量十足之餘，條鰻魚燒得好好味！無草青味，非常新鮮！鹽燒鯖魚定食魚燒得恰到好處，好惹味，愛魚之人必食！壽司套餐定食壽司有4款，分別係鰻魚，蝦，玉子同蟹柳，小食有炸餃子，配熱湯烏冬，唔錯嘅配搭。炙燒左口魚丼定食呢個係四個餐入面最大份嘅，超多飯，面頭都有好多舊薄薄左口魚，好新鮮，入口即溶！除左午餐外仲叫左啲刺身同小食，全部都整得好好味，無諗過咁平可以食到咁好味嘅野！

港島南區人，對元朗就覺得非常遠， 因為有朋友小朋友剛出世，所以更遠都要去。小朋友就睇完，之後就去食飯，一行三人，原本朋友推薦去食元朗出名大大舊飯嘅日本料理店，可惜星期六，人太多，果斷放棄。最後行多幾步，搵間冇咁多人嘅。麵豉湯內含大量三文魚，豆腐及南瓜。用料十足。直送鮪魚四點盛，四食的內容。直送大拖羅，直送中拖羅，直送赤身，蔥吞拿魚腩。 其實每樣得一件，覺得性價比唔夠高。火灸壽司盛合，一共八件。內容包括鹽燒左口魚，醬燒赤身，焦糖鵝肝，火之戀，鹽燒厚切三文魚腩，鹽燒北海道生帶子。港式加日式既融合，有驚喜。地獄龍之卷， 店員報稱期間限定， 份量十足，性價比高，抵食之選。Suntory，啤酒。無他與日本一樣。結帳三百幾蚊都冇話唔抵，至少唔使同人逼同排隊，已經贏咗。

去元朗探朋友， 傾到唔知時候 ，於是喺佢屋企附近食埋飯先走啦～佢諗都吾使諗就話帶我去赤葉，因為佢食過，話好食又抵食👍嚟日本料理，就梗係要食刺身啦😬呢度嘅大拖羅68蚊有兩件，新鮮味美， 咬落口。。。啲魚油沁入口腔，齒頰留香😍中拖羅$48兩件，油脂當然吾及大拖羅，但魚香一點都吾輸蝕，件件厚切，口感一流👍油甘魚， 雖然吾似拖羅嘅豐富魚油 ，但油甘魚爽口味美，口感截然不同😋珍寶帶子，顧名思義 ，既大且厚 ，鮮甜味美👍原隻赤貝都係$26，爽口鮮甜!黃金蟹膏軍艦$20，蟹膏香滑，蟹膏下是絲絲蟹肉，和味😋😋😋燒三文魚頭鮫，鹽香，味美，大大碟👍炸榴槤，必食$16，榴槤香氣撲鼻，外脆內軟，滋味無窮😋😋😋嘆留樽桃味梳打，一樂也😍座位也十分寬敞👍難怪老友一食再食啦😅

近日，朋友推薦我去試元朗呢間平靚正嘅日式料理餐廳～所以上個星期日就去試左啦一入去，餐廳比我感覺乾淨、企理，感覺有少少似日本居酒屋咁～未點野食之前，我地三個就一人叫左支野飲～有白桃梳打、綠茶可樂同白提子梳打～ 我飲嘅係白桃梳打～ 桃味幾香，而且唔太甜，幾岩我之後就叫左壽司～ 有中拖羅、三文魚腩、花之戀、蟹籽同鹽燒左口魚壽司～中拖羅厚肉鮮甜，入口即溶～ 左口魚經過炙燒之後好香好滑~ 三文魚腩肥美，花之戀都好好食～除左以上壽司，我地仲有嗌原條鰻魚壽司，都只係48蚊咋！！！仲要真心大條，又好食，其他舖頭一定食唔到～除左壽司，我地仲有叫炸軟殼蟹～軟殼蟹炸得好香好脆，而且唔會好油～必試之選！最後我地仲有叫和牛粒～肉質嫩滑美味不在話下，仲要陣牛香味隔好遠都聞到，仲要食落口即刻溶化，超級好味！！

元朗真係好多好野食，今日行過永年見到好多人，隔黎有間日本野好似幾抵食就入左黎。.🔺蒲燒鰻魚飯 $58諗住呢個價都係交hea貨，都係想食鰻魚所以嗌左個。痴線！好耐無見過咁抵deal既鰻魚飯！（午市$48）。仲要係成條上，老闆你咁貼地既嗚嗚😿。鰻魚好厚身，燒得好入味，淋上鰻魚汁同芝麻，鰻魚汁配飯，好好味，完全係水準之上！另我有番轉頭食多個既衝動！真正推！.🔺雞軟骨 $22其實咁大碟真係好有良心(師奶仔)😿，會食唔曬但都只係$22，仲有邊度搵到？同樣都係水準唔差，炸完唔會太油，亦無鹹到傻左，跟蛋黃醬同檸檬🍋，過口癮最開心。.唔知點解埋單會有9折，反正就係抵食。.

呢到呢到 見到價錢低 環境睇落唔似日本野 不過勝在坐得舒服 地方又大 唔逼 佢好多選擇 睇到花多眼亂 望住好似食放題咁 好多野簡 佢不論係刺身 壽司 壽司飯 小食 串燒 仲之諗到既佢都好似有咁黎到緊係試下個蟹子沙律先啦 嘩 好高 好大碟 超多蟹子 又夠晒沙律醬 好鬼正 大件夾低食呢個炸野都係我最鐘意既芝士年糕 佢既芝士熱辣辣咁流出黎 個年糕又夠晒煙un 好好味哦到到主角壽司啦 我覺得軍艦真係要叫 又平 又好食 佢又足料 超級低 另外海膽又係勁好味 超香海水味 又大大舊 蝦方面我叫左兩款 雖然我唔識分邊隻打邊隻 但食落口一隻就鮮味重 一隻就夠晒爽口 各有唔同 都值得一試 同埋佢既蛋蛋壽司新鮮整 仲係熱家 又厚身 鐘意食蛋或者小朋友一定愛不釋手

今天，朋友介紹到元朗食日式料理，我見星期日又有時間，所以就到元朗走一趟。我們約好七時半會合，誰不知她搞個電髮，搞了數小時，結果遲到了。她連忙賠罪兼請食飯呢⋯⋯當我們到達赤葉日本料理巳經是八時半了，一進店舖，感覺非常舒適，簡潔乾淨，好有日本小店的氣息。我們首先點了中拖羅壽司，入口即溶、三文魚籽花之戀，就非常肥美新鮮、還有厚切三文魚腩，大家一定要試，三文魚腩非常肥美，魚油香不停在口腔內滾動，真的好好味、而劍魚腩就較遜色，可能之前食咗厚切三文魚腩先，所以之前既魚油香蓋過劍魚腩既味、而醬燒左口魚火炙及鹽燒左口魚火炙，我就較愛上醬燒多一點點。要在這裡提一提就是這𥚃的壽司🍣飯好好味，壽司飯內相信已加上醬油及醋，味道一流。我真心覺得感動，這店舖對食物的尊重尤如日本文化，盡心盡力做到一絲不苟，不浪費食物。還有這𥚃的Wasabi是新鮮即做的。我們還點了原條鰻魚，只需48元，講真話，這個價錢連買返嚟自己翻熱都無可能啦！因為我平時有在日式超市買嘛！所以在這裡不得不叫，真的好好味及好抵食。至於炸物我們就點了軟殻蟹及紫芋栗子薯餅，炸物做到不油不膩，非常脆口，非常有水準。最後我們還點了醬汁叉燒地獄拉麵🍜及炭燒豬軟

元朗既日本野我都試得7788，今晚沿路覓食經過呢一間赤葉日本料理，俾佢門口個“每日限定優惠”吸引左入去。門面不過不失，仲有d位俾人等候既時間坐。就係呢個牌令我食指大動。入到去仲有另一d優惠一坐低就叫左個赤刺身拼盤，盛惠$118，我會用抵到爛黎形容！百零蚊可以食到5款刺身，而且一d都唔hea！由其喜歡個北寄貝，好鮮甜雖然串燒冇特價，但係向來喜歡牛舌！燒得唔會過熟手，好煙韌京蔥雞都唔錯牛油果芝士軟殼蟹卷，每人一舊唔會漏炸雞軟骨，配d沙律醬好好味，炸得又脆唔會過晒火位蒲燒鰻魚飯，條魚中間勁juicy，咬落去見到魚油流緊出黎，呢個飯真係無敵，價錢只係$58燒汁牛柳飯，一樣只賣$58，d牛柳超多，汁又好食，成碗食晒一粒飯都冇剩呢間日本野最令人驚喜係價錢非常平民，可以成為日後飯堂

兩個月前已經來過嘗試過這間餐廳，覺得價錢非常合理，性價比高👍🏻今日我再次來到這間日式小店嘗試不同的食物😬什錦天婦羅烏冬定食$45，烏冬可以選擇凍食或者熱食👍🏻今次我選擇了熱食，湯底是選用了面豉湯，入邊有少許芝麻和蔥花☺️清淡的味道，而天婦羅炸出來是金黃色的明顯餐廳所選用的炸油是非常新鮮，沒有隔夜👍🏻3隻天婦羅蝦+3片天婦羅番薯，全部也是剛剛乍起，卜卜脆，熱辣辣👍🏻午餐天婦羅烏冬只配有三隻蝦， 太好味了完全不夠喉，所以另外散叫了天婦羅蝦，有六隻$42滑蛋吉列豬扒定食$48，吉列豬扒旁邊用了洋蔥和彈伴碟，豬扒非常厚身，口感一流，完全沒有炸完乾的感覺👍🏻而且份量相當足夠，食到飽飽炸雞軟骨$36 ，食完午餐後，坐低傾吓計談天雞軟骨就是最好不過了😋好好味❤️炸粉又不多，又配有沙律醬😍浦燒鰻魚飯定食$48， 一望就知鰻魚嘅份量非常充足，鰻魚夠厚身，上面配一些芝麻，令到更加有香味，但是鰻魚汁多了一點，所以有一點鹹，鰻魚汁本身帶有甜甜味道👍🏻一口芝士$28 （6 粒）加芝士年糕$22 （ 2 件）如果喜歡食芝士的朋友是必叫的👍🏻一咬落超級多芝士流出， 而且芝士味又很重❤️正到爆

元朗一天遊 ，現在嘅元朗跟以前大大不同 ，仲有好多好嘢食。今日又畀我撞到一間超抵食嘅日本料理✌應該新開張唔係太耐時間，因為裝修都好新淨。門口有餐牌，望落已經知道抵食，不過唔知啲料靚唔靚 😏既然未來過就試下啦😅牆上介紹各款嘅壽司盛盒火炙壽司盛合: 鹽燒左口魚，三文魚腩，火之戀，焦糖鵝肝 ，醬燒赤身北海道帶子。我特別喜歡嘅就係焦糖鵝肝，鵝肝上面嘅焦糖脆卜卜 ，鵝肝size好大，一啖咬落去。。。鵝肝嘅油沁入口裏面，滋味無窮😋😋😋炙燒北海道帶子， 厚切，鮮甜👍火之戀係花之戀嘅變身，不過外面包住嘅係炙燒三文魚，味覺夠特別原條蒲燒鰻魚，居然賣48蚊 🤩簡直令人難以置信😂我去超級市場買 都要$98啦🤣 多口問下老細 ，佢話做宣傳益街坊👍串燒牛舌都係十八蚊 👍真係可以益街坊去形容🤩 串燒一口和牛都係22蚊 ，真係抵過去街邊檔呀😅 而且燒得外香內軟，牛味濃，和味😋食串燒，飲杯梅，一個字'正'自選刺身丼都好抵食，不過已經好飽，唯有下次先再嚟試😬

本身門面睇覺得間野普普通通 佢唔係話整到好靚好特出個種 但係一叫完野食 就明白佢地係張價錢回饋比食客 食材新鮮 價錢又平 佢地都好多選擇 簡簡下 叫到成台野 哈哈 我都好多食佢既丼飯 不過太貪心既我 叫壽司先食得多呢個沙律好新鮮 佢個汁超開胃 好鐘意食枝豆既我 佢既枝豆大大粒 好好食 又唔係凍冰冰放左好耐個種 非常好呢個牛肉串真係必食 佢既牛好靚 好林 入口即溶 又燒到勁香 好鬼正佢既飯好好食 帶子勁大隻勁爽口 蝦 佢既蝦真係大大隻。好鮮甜 好好味 個蝦頭仲有膏 呢個我都食完再叫 同埋佢個赤貝都好好食 佢仲要勁抵 一個價錢 有3件 食晒成隻活赤貝 我個日去都係得返最後一份 証明多人食同佢貨源日日新鮮

近排上網多人介紹呢間日本料理，個friend又鍾意食刺身， 就試下呢間啦~紅色字底夠醒神👍一坐低哥哥仔就好醒目拎咗瓶玄米茶過嚟👍必食推介~我都揀左個芒果海龍卷牛油果🥑好味😋真係推介👍芒果好食👍佢入面個蝦炸得好脆😏成個味道好夾一樣都係個炸蝦做得好好味~嗰醬就係酸酸甜甜~食得出新鮮~ 依家有時喺出面食唔到隻三文魚味嘅香，呢度可以食到👍 個芥辣都係新鮮，唔同出面嘅一pat pat~冇騷味只係28蚊抵食👍價錢合理😎會再黎~

每次嚟到元朗都一定以食為先，今天也不例外，我要食盡元朗美食，正所謂民以食為先😁大約一個月前我也來過這間赤葉日本料理，覺得非常抵食，性價比非常高，今天我和朋友到來嘗試午餐鰻魚飯定食，鰻魚很厚身，一口咬落去，燒汁很香鰻魚肉有彈性，皮糯脆而肉之間有層薄薄嘅油脂，細細品嚐滿口甘香，飯底粒粒分明這個滑蛋吉列豬扒飯，皮脆肉嫩而滑蛋加了洋蔥食落帶一點清甜味，非常好食雜錦天婦羅烏冬，剛剛炸起的大蝦和茄子，大蝦皮脆肉爽口，而茄子也炸得啱啱好，師傅值得一讚蛋沙律食落有很香嘅蛋味，蛋白嘅表面滿佈蛋漿食不停口炸年糕芝士食落口表面脆裏面軟林，有很香嘅芝士味，而且芝士滿滿的口感非常好炸雞軟骨一口一粒，放入口很脆非常有口感，再加上一支日本富士山可樂，終極嘅享受超值而且有性價比嘅一間餐廳，值得再試

秋風起，食壽司和串燒系最好選擇，去到元朗最愛的食街，見到一間地道的日本料理，最緊要價錢真係好實惠.仲有好多系列~好似放題一樣好多選擇 刺身拼盤系另我驚喜之一，因為價錢好實惠，食材卻很新鮮，三文魚好厚肉，無雪味，北海道帶子都好清甜，甜蝦系我最愛的，一點雪味都無，就系慢慢的甜味，彈牙！北極貝好爽，好脆，清甜。油甘魚比較肥美~ 馬糞海膽一板都係$88咋，點都要食，好甜美，好濃滑，加埋脆脆嘅紫菜一次食，好正 我超愛火炙系列的壽司。最特別系焦糖鵝肝火炙，浄鵝肝就食過，甘特別的焦糖火炙真係要食，因為2個極端相反的味道相碰，出黎的味道反差好大，鵝肝好濃好滑，加上焦糖的脆，必須細細品味，怕一口食曬😝醬燒左口魚火炙，左口鱼，是比目鱼科的鱼，人称「比目鱼」，又叫「左蝶鱼」。魚質好嫩滑，再加獨特醬汁一齊食，既鮮甜又好食。松葉蟹棒火炙，松葉蟹棒，味道鮮甜，口感爽脆，經過火炙比較熱，加上沙拉醬，配合特製的飯糰，一齊食，超級好味~鰻魚火炙，長長的鰻魚，加上鰻魚汁，好嫩滑多汁~😍花之戀系超級正，一定要點，1件有2個。三文魚好新鮮，魚籽好脆，沙拉醬好多，一齊一口食，超級好味