赤葉日本料理 (已結業)

已經係第n次嚟食啦，實在太好味，終於忍唔住要為佢寫篇食評！哩度嘅刺身新鮮，壽司同燒物製作認真，一啲都唔馬虎，性價比非常高！聽講佢地壽司師傅係喺日本學師返嚟，喺食物嘅細節餅都充份感受到壽司師傅對食物嘅執著❤️👍🏻首先，依度嘅壽司飯採用咗赤醋飯，飯嘅濕度適中，唔會太散易夾，甜酸度都適中，可以提高壽司上嘅刺身嘅鮮味，非常開胃！我最鍾意嘅就係佢地嘅汁漬壽司，特別鍾情佢地嘅日本紋甲魷魚壽司，因為我係非常鍾意食魷魚嘅😋佢地嘅汁漬有非常開胃嘅柚子味，令壽司食落倍感清新！我一向偏愛食火灸壽司嘅！佢地嘅火灸都做得恰到好處，唔會有燶味，火喉同火灸時間拿練得好好！我好鍾意食佢地嘅灸燒日本左口魚邊壽司，左口魚邊入口即溶！今次仲試咗灸燒焦糖鵝肝壽司，一直想試但怕腥，但係有驚喜喎！好甜，幾特別，雖然食到最後都會食到少少腥，但都推介👍🏻小食方面，大愛佢地嘅芝麻雞翼，好香口，即叫即整，次次送到嚟都真係熱到辣嘴。今次去食仲試埋佢地時令嘅北海道珍寶帶子，美味しい。帶子除咗好鮮甜，仲有淡淡嘅海水味，咩sauce都唔洗加呀；而解凍嘅時間同溫度都拿練得好好，入口唔會勁凍亦無殘餘嘅薄冰，直頭幻想到自己食緊啱啱喺海邊執起嘅帶子咁呀，

芒果海龍卷🥭🦐清新嘅炸蝦卷〰️令人一舊接一舊咁好快食晒〰️珍寶帶子，油甘魚腩，池魚王🍣呢三個都係必嗌之選〰️尤其係珍寶帶子〰️好厚肉〰️炙燒左口魚，海膽，紋甲魷魚🍣炙燒左口魚又係必嗌〰️鍾意左口魚嘅一定一定要叫👌🏻入口好香〰️香葱拖羅蓉手卷🍣其實我係鍾意食小卷〰️但係冇咗小卷🥲然後呢個手卷係我睇錯咗以為係小卷之後嗌咗🤣不過都好食的👌🏻牛舌心串，味增燒豚腩串好食香口〰️不過又唔係好似真係串燒舖嘅質素〰️唐揚炸雞🍗普普通通👌🏻

今日嘢食唔錯 散叫咗啲壽司 仲有個炸雞軟骨 少少串燒 全部都唔錯幾好食熱辣辣 個茶壺好得意 放落去影得幾靚 不過間舖頭啲細 人多嘅話都等幾耐 好彩嗰時七點幾去 唔使等位 如果路過都可以一試嘅

第2次回頭光顧，餐廳環境舒適 座位唔逼佈置有日式居酒屋既感覺 播既日本音樂亦非常欣賞食物有誠意 食左大約十樣食物 每樣既味道都好有水準 而且價錢非常合理店員服務好好亦有禮貌總括來講，係非常有誠意既高質小店👍🏻食物，環境，服務都好好! 下次再來元朗一定會再光顧

本來想開開心心食餐好西， 一入餐廳， 環境唔掂， 好似茶餐廳咁， 跟住有個黑口黑面四眼佬帶入座， 之前見到Openrice食評， 有個梯級擺設嘅壽司set， 原來已經冇做好耐， 真係好失望， 最後叫咗個普通嘅壽司set連冷麵， 其實真係冇乜選擇， 另外加咗兩串串燒， 豬腩同雞皮， 本來都好期待， 點知， 兩串串燒激咸， 好似食鹽咁， 而盤壽司嘅質素真係極普通， 衰過好多壽司連鎖店， 一個lunch咁就食咗$200幾， 但真心覺得超唔值咁嘅價錢。 我好少上嚟打食評， 但真係唔想有人再中伏， 所以一定要寫呢一篇！！！

今次訂咗一條鯖魚&花咲蟹試吓廚師好有耐心咁介紹蟹嘅烹調方法，等我哋可以揀啱自己口味嘅like 佢嘅煮食態度我哋由得廚師發板烹調刺身&蟹佢用唔同嘅配料配搭主菜，味淡至味濃咁出菜，同一樣嘢每一次入口都有唔同層次、質感，不論魚刺身定蟹都非常鮮甜蟹宴以廚師即場燒紫菜包手卷收尾，正！我哋另外叫咗磯燒鮑魚，配佢哋嘅肝醬味道真係一流呢餐係值嘅，食過番尋味除咗呢三款特色菜，我哋仲叫咗其他食開嘅恆常菜式，水準穩定！4人食咗總共$2300

想食日本野，又唔想去連鎖壽司店，朋友推介呢間元朗小店，晚市最繁忙既時候，都唔算等好耐出餐時間都算快，每碟賣相都好吸引壽司每碟刺身都很新鮮，其中帶子刺身都算厚切，唔錯唔錯；軍艦的紫菜都好脆口；其餘炸物和熟食味道都唔錯，燒得剛好，整體上我比中上分數，會再有下次

完全唔好食！無一樣係好食淨係得甜到嘔嘅燒汁味🤷🏻‍♀️完美浪費食材🙄唔明點解啲人會話好食銀鱈魚本質好好食但經佢烹調之後 個價值就貶低咗😌燒物係凍嘅😉再次對openrice評價失望

同朋友打完波就諗住去食日本料理啦⋯⋯係元朗區日本料理店都唔小，但真心好食又有幾多間呢🤔有朋友介紹元朗赤葉日本料理都唔錯，於是同朋友膽粗粗去試吓啦⋯⋯店舖坐位有限，最多都係6人枱（得兩張）其餘的是4人枱（就算2位都會比4人枱你，所以坐得非常舒服）食物價錢中上，但質素好👍🏻刺身新鮮壽司好味又晤會大大件，食多件都唔會漏，燒物和煱物都好好味😋有下次幫襯👏🏻

元朗真係周圍都有好嘢食 今次呢間小店真的有驚喜 無論係壽司 串燒 定係下酒菜 每樣都好好味 尤其係燒鵝肝壽司 大大舊鵝肝上面有少少甜甜地嘅焦糖味 燒得剛剛好 齒頰留香 係必食推介😋可惜嘅係店內位置較少 為咗俾更多客人享用食完就要盡快走 否則會係一個同朋友吹水聚舊的好地方🤔 整體而言都係很值得推介的一間日式餐廳(o’∀’o)

這家餐廳的位置相對比較偏僻，只是有一次從教育路走去元朗廣場的途中見到，上openrice搜索了一下，看見評價還不錯，就想著改天來試一下。來的時候將近9點，人不多，無需等位，點了一個刺身丼，泡菜鍋和牛肉卷溏心蛋，鵝肝醬手卷，尤其是後面兩個和菜單上的其他一些菜式從來沒在其他日料店見過，感覺很新鮮，都有躍躍欲試之感。總體味道都很不錯，刺身好新鮮，價錢也不算貴，算是性價比較高的一個日式餐廳了，值得下次再來。

幾新鮮、唔錯既日本鋪☺️元朗一向多日本野就係人都知架啦，今次食呢間小店性價比都算高！-圖一：旨。握壽司盛合 $118全部都係炙燒壽司～有左口魚、三文魚、鯖魚、劍魚腩同鵝肝 質素都唔錯🤤🤤 係個軟殻蟹同啲紫菜唔知點解又淋又un🤨圖二： 我最鐘意海膽花之戀😍😍食得出海膽係新鮮既 鰻魚同池魚王都唔錯☺️但左邊果兩舊厚切三文魚腩同三文魚真係食唔出有咩分別😂圖三：牛肉溏心蛋串 $18 好食😋隻蛋真係仲流流地既雪花牛舌心串 $22 就一般😂

第一次試，估唔到感覺比預期差。 叫左牛肉壽喜燒，點知等左半個鐘都未黎，最後黎到嘅時候，發現佢竟然冇平時嘅薯粉，淨係得啲配料... 每樣配料得兩件，雖然牛肉味道不錯，但整鍋就略嫌偏咸，食多兩啖就係咁飲茶解渴。壽司份量好細件，第一round 食完完全唔夠要再叫🙈 灸燒左口魚同埋蟹膏係好味嘅！ 但焦糖鵝肝就冇其他人講得咁好味.. 鵝肝唔夠多油同埋唔夠厚,食落口感爭啲。 直送池魚都有啲失望。 整體黎講都唔會再短時間內encore。

要兩個鐘先踏足到元朗...所以我好珍惜每次喺度搵食嘅機會🤪仲要減肥期間更加要揀啱啲食完唔會後悔嘅嘢食😌<<芒果雙龍卷>>($98)就冇令我失望👍🏻佢唔止賣相吸引好有霸氣😏佢仲好好食!!吉列蝦係新鮮炸嘅~聽講啲醬油飯係用秋田小町米嘅! 唔怪得咁軟熟啦😀唔點豉油同wasabi都好夠味!芒果好甜，蟹籽又脆口~咁多樣食材...師傅切到咁細嚿都冇散開晒! 勁💪🏻佢細細嚿~女仔都可以一啖放入口!好有層次感! encore之選!

今次終於嚟到呢間大家都話CP價高既👉🏻赤葉日本料理👈🏻 試下有幾正先👅.點左個”產地直送拼盤” (HK$188) 有最愛既拖羅、深池魚、油甘魚...味道超鮮甜❗️果然係產地直送好新鮮👍🏻 特別係拖羅，質感鬆軟，入口即化，而且魚油味濃。又點左個”磯煮鮑魚”(HK$48) 食落肉質爽口彈牙，係好食既😌..另外，要左個”墨西哥海膽軍艦”(大概HK$28@1) 日本海膽就食得多喇，墨西哥既都係第一次👀 一上台見到海膽既份量都唔小，味道唔會有苦澀味，仲好甘甜🗣係正呀➰”灸燒左口魚”(HK$12) 左口魚油脂豐富，在魚上加微微炙燒再配上赤醋飯，係無得輸💯.“燒雪花牛舌心串”(HK$22) 燒得岩岩好🔥 肉質好juicy ✨ “燒油甘魚鮫”(HK$88) 食落好嫩滑，而且無咩腥味🙆🏻‍♀️ 我就好鐘意喇😆.