走肉蔬食研究所 (已結業)

✨近幾年多咗好多素食餐廳,呢間係荔枝角既［走肉蔬菜研究所］,佢地鋪頭裝修走校園風格,地方算幾闊落,而且素食唔係走傳統素菜賣相,仲要有🥗沙律吧、前菜同糖水🍠可以任食,雖然唔算多選擇,但係我呢啲鍾意試新嘢既就梗係去試吓‼️.💬台式滷水拼盤配素肉燥飯 🍚$72呢個拼盤淨係睇個樣真係同平時食既台式魯肉飯好似,賣相唔錯!至於味道,個滷水汁做得幾好,而且個肉燥口感都做得好似,但係個拼盤,我覺得一般般無咩驚喜🤷🏼‍♀️,整體上靠個汁😏！.💬椰香馬來咖喱羊腩配麥香抓餅跟飯 $70呢個醬汁真係好食過好多餐廳,惹味得黎有微微香辣,配埋個抓餅一齊食勁正❗️至於個羊腩,口感同味道就唔係太似😆！但素食黎講味道還可以！..📍 走肉蔬食研究所 (荔枝角)荔枝角長義街9號D2 Place 1期3樓302號舖..

平時係D2食飯已經有留意開E間走肉蔬食研究所, 今日終於約左同事一齊去試下!餐廳以課室做主題, 環境幾大, 形式係先買飛後拎餐, 沙律前菜同糖水都係任攞的!🌟沙律前菜🥗沙律前菜款式幾多幾新鮮, 醃青瓜幾入味食落好開胃!🌟台式鹽酥雞扒配台式肉燥飯鹽酥雞炸得幾香口, 味道不錯, 蘿蔔同滷蛋都幾入味, 滷肉飯味道正常!🌟黯然銷魂煲仔飯原個煲仔飯連埋個爐一齊上, 燒一陣就有得食, 一打開就聞到香噴噴嘅味道, 煲仔飯份量幾多, 平均一人都有兩三碗, 小妹第一次試素嘅叉燒煲仔飯, 素叉燒食得多, 燒過之後味道更香甜, 略嫌飯焦唔夠多!🌟紅荳沙紅荳沙荳味香, 味道偏甜

好耐之前食過一次下午茶，見到有人食暗然銷魂飯好似幾好食咁，今次難得嚟到荔枝角玩返啲戲飛所以就改咗嚟食埋晚飯，黯然銷魂飯真係幾特別因為有兩隻煎蛋之外，仲有好似叉燒嘅素食，比起平時出邊仔浦食嗰啲嘅感覺完全唔同，另外朋友仲叫咗個海鮮焗飯，有飯有魚嘅逗哏同埋有幾次魚柳嘅素食，食落去個口感都唔錯㗎，下次可以再食多少少其他嘢，不過我哋嘅最愛都係有少少辣嘅薯粉，真係食極都唔驗，好可惜最後差唔多收舖想在家嘅時候就冇晒啦下次再嚟食先

首先講講環境， 因為七點前已到埗， 場內無咩客， 所以與友人㨂左張4 人高枱坐， 而非中間的長枱，老實講， 嗰啲長枱有啲似大學飯堂😅😅😅所以感覺麻麻而餐廳係採取自助服務， 自己去收銀比錢落單， 自己取餐， 自己執枱， 所以無加一服務費。但留意番，餐廳只收現金同八達通。我哋叫左2 人餐-$268包2 主食，2杯飲品及是日蛋糕1份黑椒牛柳絲炒意粉預期中的味道，牛柳絲都係食開素肉嘅口感同味道，黑椒味不重， 意粉不會太淋爛， 偏硬有啲咬口，但唯一缺點係超級油。鐵板雜扒蛋係流心的， 但係好油至於條香腸， 真係麻麻地， 似唔扎實， 一啲都無香腸的感覺素漢堡扒漢堡扒都係同坊間的素扒味同口感差唔多， 無特別，夠厚夠扎實素豬扒素豬扒就較失望， 首先無諗過佢係炸豬扒，而且佢炸得無素年的吉列豬扒咁香脆（無比較無傷害，但昨晚先食完素年，所以好大對比）， 但勝在夠厚，有咬口。但口感同味道都似大粒版嘅仿炸帶子🤭🤭係底有好多好多無味但烚熟左硬骨骨嘅翠玉瓜，紅蘿蔔同西蘭花，仲有啲炸得唔禾口的薯塊而黑椒汁其實係甜燒汁， 無黑椒味Chocolate brownie 朱古力不濃，雪得太硬， 無咩合桃。另外， 餐廳提有一些前

同朋友玩vr 前既一餐諗住是但搵一間食點知就係呢間入面裝修吸引到我入去入面仲有學生枱滿滿既學生時代回憶呀仲有佢地可以狂refill 飯，伴菜野食味道都唔錯下次會再黎幫襯

今日一個人到荔枝角做嘢，做完嘢入到D2 place, 發現一間門面幾有智慧嘅餐廳，叫做走肉蔬菜研究所，感覺健康，即刻入去試試。我點左午餐台式貢丸肉操撈麵，飲熱奶茶，$62。等餐期間，店員同我講凡惠顧均可以免費試佢哋嘅自由食驗區，其實係類似沙律吧嘅物體，有一般生菜、粟米、蕃茄仔、仲有啲醃過嘅辣青瓜，今餐唔擔心冇菜食。主菜到了，佢嘅頭飾貢丸肉操撈麵非常有台灣風味，我特別鍾意佢感覺唔油膩，台式貢丸好爽，仲年邁個貢丸湯。特別有驚喜嘅係，呢間唔似係一間台灣餐廳，但佢嘅熱奶茶竟然係台灣風味嗰種，我鍾意佢冇港式熱奶茶嗰種咁濃嘅茶味，飲完感覺清新。說到餐廳佈置方面，完全感覺到佢係有heart 的，值得我哋一試。💪🏻💪🏻

扮晒健康嘅健康零食😎想健康又想食零食都係一個選擇～買左核桃同孜然味麻辣味既香蕉乾～核桃係幾好食～不過貴左D @$40香蕉乾都特別既，孜然味好食啲，麻辣味會蓋曬個香蕉乾味～都有興趣試埋另外2隻味～比較少見有芫荽餃子賣，買咗佢哋既芫荽芹菜牛肉餃試，芫茜味唔太濃！鍾意芫茜既朋友就會覺得普通左D🍴下次再試埋其他

食過其他走肉，真覺得好，唸住D2 place尼間質素應該有保證，就實在有d天真。本身同行朋友都話lunch食過車仔麵之後唔會再試，就算係，都應該要有相若水平。一行四人叫左兩個煲仔飯兩個餸，煲仔飯無咩特別，加埋豉油，味道都係ok, 蔬菜粉絲煲唔只清淡，直頭似用滾水烚熟，唯有黑松露豬頸肉真係有香有味。可能係我地唔識揀d招牌呱，但對比起另外既走肉食物質素，真心無下次。

隨年月增長而逐漸注重健康，偶爾會想來一點素食。這天在朋友的熱情推介下，來到D2 Place內的「走肉蔬食研究所」。如同其名——研究所，餐廳佈置得尤如教室一樣；就連餐桌上的溫馨提示，也會把顧客稱為同學，趣味性十足。午餐套餐包括了自助沙律吧，選擇頗多。筆者分別取了麻辣青瓜、麻辣紅薯粉、車厘茄，質素不過不失。舖了滿滿的芝士，焗素豬扒飯賣相頗為吸引。素豬扒無論外型抑或是口感都像真度十足，配上蕃茄汁後，整個焗飯味道酸甜，吃得開胃。美中不足是沒有用炒飯底，未夠香口。估計是由大豆類製品做出來的素雞扒，外觀上看感覺有點乾硬，沒想到入口後比想像中juicy。炸得香脆的口感多添了幾分惹味。另外還配了半隻滷蛋和蘿蔔塊。上海麵幼身，帶有少許煙韌感。台式肉操更是畫龍點睛之作，以香菇代表傳統腩肉，菇菌味非常濃郁，用來佐麵實在一流。另外還有紅豆沙糖水，不過筆者朋友淺嚐一口後覺得過甜，故此筆者未有拿取。

小編身為食肉獸，一向好少食素食。但係見到呢間素食餐廳有好多好評、食物種類繁多、望落都好吸引，完全唔似素食，所以專程黎試下！餐廳屬於快餐形式，要自己出面落單、取餐同處理餐碟。餐廳裝潢特別，有好多港式懷舊擺設，例如超人模型、舊書。托盤同埋容器都係普通嘅鐵盤，但係望落懷舊，富有舊香港韻味，影落去都算ig-able！餐廳設有自助吧，可以任食沙律菜、小食、餐湯同飯。老火湯唔算重味精。小食包括紅腰豆、青瓜、車厘茄、南瓜等。小編本身對自助吧嘅期望唔會好高，出乎意料地老火湯味精唔重，幾好飲！餐廳亦會定期更新menu， 推出唔同菜式。去開荔枝角或者行完D2 Place市集嘅大家都不妨黎下!------------------------------Impossible 黑椒汁鐵板漢堡扒伴雜菜 $138 【7.5/10】素漢堡扒除咗肉質比起真實嘅肉鬆散之外，無論係外觀同味道都同真正嘅漢堡扒相似。薯菜嘅表現一啲都唔遜色，薯條熱辣辣、外脆內軟，但係略嫌冇乜落鹽，而翠玉瓜仍然保持到水份，食落清甜juicy。但係黑椒汁偏鹹，唔建議落咁多。------------------------------牛肝菌汁雞絲炒意

👍🏻👍🏻👍🏻👍🏻/5分💛走肉蔬食研究所My Meat Run Laboratory荔枝角長義街9號D2 Place 1期3樓302號舖-溫泉蛋肉碎長通粉🍲話明走肉緊係for素食🤤個肉碎雖然係不可能肉但係都勁香有d豬肉質地同feel🤣個蛋都啱啱好可以用黎撈長通粉😃如果鍾意食3色椒既健康寶寶一定鍾意食🤣超重椒味😄芝士焗咖喱薯仔牛腩飯🧀哇新鮮出爐焗飯熱到辣👅表面芝士勁多勁香😇個咖喱係港式咖喱完全唔啦但係有淡淡既香味☺️可惜就系食唔出牛既感覺🤣好似食勁咖喱豬肉飯🤣整體都唔錯喔😃下次要試下咖喱羊睇下有無個個羊味啦🐑仲有沙律吧同糖水任食🥗生菜超新鮮仲有🌽啦🍅啦😋有個四川辣味feel既涼粉超正☺️☺️☺️☺️不過糖水係紫薯🍠就一般啦-🚽(5🌟滿分)🌟🌟🌟🌟🌟d2place係我飯堂🚽乾淨滿分係基本啦🤗

終於黎咗呢度試吓😋煲仔鹹蛋蒸肉餅飯 首先店員會詢問要不要飯焦，要的話會提供gas爐，再煮多4分鐘左右便可以了。打開煲蓋後，迎來較紅色的肉餅，所以賣相差了一點點。撈勻後味道不俗，完全感覺不到一般素食會有嘅豆味。另外因為用了真鹹蛋，所以整體味道滿意。人氣星州炒米 賣相吸引，咖喱味十分香濃😋米粉質感不俗，素叉燒味道不是叉燒而是甜甜的齋。只是食到最尾感覺有點油膩。自助素食前菜甜品 免費雖然選擇種類不多，但味道可接受。因臨近歲晚，當日亦有自家製年糕可供試食😬

我諗好多朋友都聽過呢間新潮嘅素食店🥗，除咗有傳統素食，仲有新派嘅中式小炒素菜🍲同西式等等眼花撩亂嘅選擇。走肉鐵板餐 $268無可能係鐵板漢堡扒伴雜菜牛肝菌汁睇落去完全唔似係素，像真度極高。好欣賞佢有好多蔬菜伴菜🥗。牛肝菌汁比想像中味道濃郁，配上素漢堡扒🥩好似食緊真嘅肉一樣，非常惹味。而波浪形薯條🍟都炸得非常香脆。日式山賊汁雜菌雞絲意粉好老實講睇落去好似平時喺屋企快煮嘅樣咁🍝，點知竟然有啲驚喜，山賊汁食落類似係白汁帶啲海鮮味。意粉除咗有三色椒🫑之外，仲有紅蘿蔔絲🥕同素火腿絲。雖然外貌普普通通，但味道又唔錯啵。是日蛋糕 布朗尼望落去好乾，但係食落口又唔算，而且有適中嘅朱古力味🍫，估唔到都OK喎。冰糖雪梨茶係自家製嘅味道🍐，係冬天嘅日子飲非常潤喉。雞籠 （南蠻風炸雞、點都得雞）$108食落去兩種素雞肉🐔都好相似，係形態上面唔一樣。另外，提供左三種唔同嘅醬汁🥫。全部都炸得香脆，亦都有雞肉一絲絲嘅口感，完全可以一解素食者想食炸嘢嘅口癮。值得一提嘅係店內提供任添嘅紅豆沙🥣，質素非常之高，有濃郁嘅陳皮味，仲暖暖地，令人好滿足😋。

💛又就到農曆新年啦, 係時間要搵下黃店賀年食品! 我地之前幫襯過”走肉蔬食硏究所”, 今次就提早同大家試下佢地同”走肉朋友”聯乘製作嘅賀年食品💪🏻! 等大家可以襯住新年前入定貨😆🧧先係2款黃金賀年糕點, 佢地都係用全素食材製作, 而且份量好大!1️⃣人氣黑糖年糕: 一煎完已經有好濃黑糖香味, 好似食黑糖珍珠果陣烤黑糖香咁🤣, 又唔會太甜, 必食之選呀!2️⃣夠薑年糕: 薑味一樣好出, 長輩食呢款讚口不絕, 食多多都唔覺膩👍🏻🧧新年成日食全盒食品, 點少得試埋佢地嘅 #黃金攢盒, 用黎做健康零食都好岩:3️⃣芥末香蕉片: 呢款最鐘意, 芥末粉好刺激到味蕾, 好爽😌4️⃣麻辣香蕉片: 幾惹味, 唔算好辣, 我地唔太食得辣都食唔停口😆5️⃣脆冬棗: 無糖又香口, 棗香味好出6️⃣凍乾芒果: 芒果味好濃之餘, 仲好香脆, 好似食緊芒果薯條咁7️⃣懷舊齋雞粒: 第一次食, 好似食酸齋咁, 甜甜地好又好易入口

其實賣相不錯，食物不錯，但係煲仔飯個煲凍既，你俾小小誠意熱左個煲先落飯都俾你過，凍既真係接受唔到，咁樣賣呢個價錢食到成肚氣，覺得被騙，你不如唔好寫煲仔碟上算喇！