超級自助壽司店

營業中

休息中

朋友帶我去九龍灣食消夜 小店一间推介海膽       日本馬糞海膽 色澤鮮艷 味道鮮甜不sing仲附送紫菜 夠脆 包住食亦可低燒小小咸味 幾特別 生蠔有好多款 新鮮即開 好Cream 海水味不太重 好吃 老闆話 劍魚腩當造 我地更係試下啦 魚生最正的是劍魚腩 三文魚腩 超新鮮又甜劍魚腩入口即溶 , 成口都魚油羊架 幾淋 , 但有D So 呢間野價錢唔算平, 但材料新鮮 一分錢一分貨啦!

想不到能在香港吃到居酒屋的味道之前跟朋友路經此處礙於外觀,暫且放棄。今晚一個人的晚餐,決定一試!! 所有食物果然即叫即製所以要耐心等待三文魚剌身非常鮮甜仲以大量冰粒墊底確保衞生壽司都一樣三文魚的紋理非常清晰,質素奇高!!!串燒熱辣辣,雞皮仲燒到非常香口!!值得再來

e間餐廳係我中學嘅時候最常食嘅 因為佢同巴士店好近 通常早放就去食便當or壽司 升左上大學因為住hall就好少食lu 所以今日決定去回味一下一坐低 老闆娘已經認得我喇 佢問我蠔便定魚生飯呀 (因為我中學嗰陣已經係常客 仲要黎黎去去都係叫e兩樣) 真係人情味爆燈今次我就叫左蠔便 蠔係即叫即炸嘅 上枱嗰陣仲聽到'卜卜'聲 中間嗰格係中華沙律 另外有一格就有4塊魚生 日日唔同款 今日係甜蝦 墨魚 同2塊三文魚 配一格熱辣辣嘅白飯 同一格沙律 簡直無得頂 跟餐仲要送一杯凍蜂蜜 簡直係消暑欣物下次不妨try try佢吖😉

我從未試過同一日午餐同晚餐都來同一間店舖食, 今次都係例外之中既例外, 但食完今次應該唔會再來食晚餐.其實認識此店係因為友人在荃灣食過佢地同一兄弟開既分店專食私房菜, 介紹到此店既刺身非常美味...引到我都流晒口水.星期六中午時段就走來試下, 平時經過午飯時段必定座滿晒人, 估唔到星期六同樣出現這個情況, 見到午餐選擇都多而且價錢都好平又無加一.我叫左個魚生飯; 友人就叫左個中華冷麵, 份量非常之多. 魚生飯值得一試, 魚生份量多雖然都係切頭切尾既魚生, 但非常新鮮美味.食完中午都覺得好有信心晚飯來都唔錯, 所以當晚放工就來試埋佢地既晚餐.2個人叫左個金見鯛刺身拚盤, 幾串串燒同埋一個三文魚頭什菜鍋.不過講真以咁既價錢真係有點令人失望, 先講個拚盤. 金目鯛切出來既魚肉好散又無咩鮮味一D都唔新鮮, 成盤最好味只係三文魚腩; 其他刺身都係似中午食既魚生飯既刺身, 但一個魚生飯只係收$40, 這個拚盤係$280. 二者價差太大再來既串燒都係非常一般, 雞皮燒得過火太乾身鴨舌亦有同樣問題一D都唔好食, 冬姑都沒有燒烤既香味, 最好味算係牛舌.最後個魚頭鍋都係一般個湯都無魚味..樣樣野都係非常

好友生日第二波來臨，奈何我們三人下班都晚，預約了的重慶燒都被迫取消，但生日飯又豈能推遲呢? 適逄商場內的大型食肆都有大班正在輪侯座位的食客，於是決定再到此食店來個堂食慶祝。等侯的人數大約十個不算多，大概兩至三家庭左右，等侯約二十分鍾，老闆娘便安排入座，對於食店內只有三、四十個座位來說，等侯時間尚算不俗。食店可謂麻雀雖小﹔五臟俱全，一部分為自助壽司外賣區域，另一邊廂供應堂食，堂食的食物亦分為刺身壽司、燒物、煮物，款式多而目不暇給，不過我們今次則以刺身壽司為主。本來應為血鯛全條(加$30)、活赤貝、鮮帶子、甜蝦、希靈魚及三文魚腩。呈上日本血鯛刺身拼盤($188)，有血鯛全條、活赤貝、三文魚籽、甜蝦、希靈魚、三文魚腩及油甘魚，款式較先前多一款，店方在沒有預先告知的情況將帶子轉為三文魚籽及油甘魚，而血鯛刺身數目亦有明顯落差，令人感覺有欠公允。我們加$30可轉血鯛全條，血鯛魚實體欠奉，整體美觀度亦減半，唯一可取之處刺身的確新鮮，甜蝦大隻而肥美，而活赤貝入口爽口有咬感。其後壽司亦陸續呈上，每客兩件壽司，上伊佐木白身魚肉白皙透明，魚味不太淡卻入口清甜美味，不油膩是我喜愛白身魚的原因、下帶子、右真鯛肉

本身同男友諗住係德褔食元氣，但係男友覺得元氣麻麻於是行左去淘大到睇有咩壽司食，見到呢間超級壽司，心諗租咁貴呢間野都可以咁大間而且裝修咁簡陋，應該係好好食先可以捱得住租，於是入左去食，啲侍應基本上吾會招呼你，只係會逼你坐邊坐邊咁。。叫左七客三文魚壽司，一客带子，仲有一客饅魚之類。。。仲叫左個豬軟骨煲 。。一來啲壽司真係好難食，而且份量九成係飯，啲飯大件到爆就算，三文魚仲勁薄，目測只有0.1mm 而且飯好散，一啲都吾似壽司飯，似平時屋企煲完飯自己加醋自製only,而且三文魚係無味架！仲衰過爭鮮，爭鮮先三蚊一件，感覺好似食梗七褔神壽司咁，一百元放題個種。。。唉。。我都算。發現中招，點知個飯黎個時仲離譜！就係一個煲仔飯上面放豬軟骨，份量超少只有平時茶記小菜煲咁大！但就要80 一個飯！仲細過一哥焗豬排飯！最衰冇映相！我都好少寫食評，最後埋單仲有三百大元 只係食左好多飯，同少少薄肉，唉！希望大家吾好中招！點解呢間野捱到貴租！原因就係 "羊毛出自羊身上"收你正常價錢但俾極差質素你！

呢度既午市套餐係至六點，tea time嚟食既都仲有set食有個叫七彩碎魚生飯，睇外表以為好細，其實內裡係幾足料。開頭睇落去成堆八爪魚，以為被搵笨，實際就唔係既。碗野個底先多料，有希靈魚，魚，油甘，劍魚，醋青魚，三文魚等等足以令人1次過食幾種既魚生，其中三文魚都比幾多腩位出嚟，下午茶既享受，午市後大把位，不過3點半開始又多人番，兩點幾嚟食就perfect

早兩天在九龍灣經過這間超級壽司，告知過另一半這間壽司店曾是筆者放學後的好去處，壽司價格相宜，用料亦新鮮，是筆者與同學們的至愛。至此之後，筆者一直嚷著要去再品嘗過，剛好星期六不用上班，另一半主動提及，於是便外賣回家作早午餐一解口癮。另一半點了冷面，冷面其實是將意粉冷凍再加上千島醬再配以螺肉、鳴明卷和蟹柳。酸酸甜甜頗為開胃。三文魚小卷外賣會再以天使蝦頭作點綴，蝦頭略炸過，而三文魚小卷，雖則說是小卷，不過三文魚質量充足，肉質鮮肥肥美，小卷比五元硬幣再大，令人不禁多吃幾口。而套餐則點了六款十二件的日本天使蝦套餐，望見已令人濊涎三尺，天使蝦再配以少量蟹籽，蝦肉質新鮮彈牙有口感，飯粒夾起亦不易散開，師傅的手握壽司功力可見一斑。三文魚腩肥美度十足，脂肪與肉質比例相均，魚香十足，有入口溶化的感覺。白色魚身是日本真鯛，似是鯛魚一種，蘸鼓油，鮮味十足，爽口。吃到這裹，筆者和另一半已不禁讚嘆壽司店用料新鮮，每一件壽司都要慢慢品嘗，領略每件當中應有的口感。其後，嘗試鱆紅魚，筆者一直對其愛恨不得，到過很多日本菜餐廳，他們處理過的鱆紅魚都有不同，有些大型連鎖壽司店都會略有魚腥味，但反觀，這間肉質新鮮鮮甜，條紋清晰

今年做冬都唔知去邊好，最後決定買外賣，我預早3至4日訂，到左當日早上還很好致比我知有咩特別海產返貨 我都揀左成$2100，再送左一大支清酒首選推介海膽其次係生蠔有好多壽司都好正，不能盡錄之後可以細細地揀一d佢原條set 好既拼盤，壽司就可以食下，不過貴左d,食刺身就較抵生蠔有好多國家選擇，新鮮即開！！呢板海膽真係yumm !!仲附送紫菜！！無論堂食或外賣，外賣一樣咁靚咁新鮮！！魚腩肥美，原條魚新鮮，赤貝一d腥味都冇！！

曾幾何時沒有那麼多的外賣壽司店，這店非常的受歡迎，現在臨臨種種的壽司店四周也是，慶幸這裡在租金加同行的圍攻下還能挺住。老實說自從牛頭角下邨清拆後也減少了來這邊，今日難得經過就入去回味吧！店內裝修沒有變，外賣壽司堂食食眾還是各佔一方，但入來的服務真的是不行，店員看見你搵位時一點表示也沒有，就像不憂做的樣子讓你自生自滅。看到其他人有疑問也只是叫自己看餐牌，除非你是叫放在外面的刺身，店員馬上熱情地介紹，也真現實唷。不過不能跟荷包對抗所以隨便點了幾樣東西。金姑牛肉卷湯烏冬:牛肉很老，湯麵很淡像滾水做湯一樣。三文魚刺身:全晚最好比較新鮮肥美而且也挺大塊價錢也合理。吉列豬扒炒烏冬: 吉列豬扒拍粉拍得很厚，豬扒炸得乾身沒肉汁，炒烏冬像吃中式的落三椒味道很搶但不夾豬扒，而烏冬份量很少。壽司:甜蝦一點也不新鮮，蟹柳比較正常，沙拉軍艦也算可以，炸蠔卷物那蠔少到佔整個5-10%而已，蒲燒帶子上台不熱，像放了很久一樣。整體來說不濟......燒雞軟骨串/大蔥燒雞串:全晚另一樣比較正常，熱的上台也不會燒得過焦但要自己上七味粉調味。服務方面就不行，上壽司沒有醬油碟而且催了很久，經常呼喚才會整理台子，而且落單混亂，

周不時都會黎買壽司食.通常買4蚊件果d"早上8點時以經開了鋪.突然間就好想食壽司,就和男朋友落去買反屋企食!!由於去到可能比夠早.得三文魚壽司.甜蛋.蝦...！問個女侍應幾時有其他？佢就黑口黑面就話:等等就有架拉！心諗我都係客黎！我黎幫親吾係黎睇你面色架囉講真d態度真係好x差囉最後吾想等就為有寫紙叫廚房整！叫左個鮑片壽司，甜蝦壽司等等........照片左上角果盒就叫廚房整既.都幾貴下其實！不過底既D芥未八爪魚好彈牙，好正！仲要勁新鮮，果然廚房野係吾同d由於我最中意三文魚，都有叫到三文魚壽司，入口溶咁滯超讚👍但員工態度請改善下

我經常經過淘大見到此店都會想, 為什麼賣散裝壽司店可以多人幫襯到坐下來吃的,而且在人流非常暢旺的馬路口開店...今天我跟男朋友予定去睇concert, 原本大家諗住食炸雞的, 搭小巴就在此店門口下車, 經過門口看到擺放出來一本一本的餐牌,便開始試試此店,解開多年的疑團.撥開門口的冷氣膠簾幕, 看到的是很多堂食的坐椅. 左手邊冷凍柜放滿一件一件獨立包裝的壽司, 有冷麵及便當(跟一般外賣壽司店無異), 再行前幾步....yeeeee ?? 為何會有蠔bar 的 ? 還有赤貝, 蜆, 海膽... 我在蠔bar 前看了一會,有一位架著眼鏡的女侍應過來說只要你order我們就會即時開, 最終我跟男朋友都非常心動地坐下了.在枱面旁有紙筆, 有壽司,sashimi, 串燒, 熱暈, 時令食材... 不過有些食物都不在order 紙上所以大家要細心看均全店上的圖片及時令, 不然就會錯過很多美食.我看己去蠔bar ordered : Irish Rock 2只, White Pearl 2只同埋唔知咩法國蠔仔3只 (100蚊3只) , 架著眼鏡的女侍應立即拿了我選的蠔入廚房準備我們又點了一些串燒 : 牛

三文魚腩同蝦壽司好得！蟹膏壽司都好多蟹膏！海鮮炒拉面唔錯！面質OK， D蝦同蜆都好新鮮。見到兩枱人食生蠔，估唔到在這些地方都有咁多人食生蠔，下次都想試下。不過服務就認真麻麻！個個人都有D黑面？？如果只計食物都算唔錯！可以再試。

呢間店位於九龍灣大街,是去淘大的必經之路.人流絕不成問題.而店主力是賣外賣壽司.但仍有不少堂食位.冷氣是足夠.但服務真是奇差.收銀黑口黑面.沉默不語..呢種服務客人怎會開心?三文魚刺身45元:沒有便宜的選擇.全部都45元.但魚肉色澤暗淡,夾起來相當薄身.入口雪味什重,魚肉林身,完全沒有魚油香味.只是淡而無味.冒住眼食.肯定不知道正在食三文魚,但幸好沒有一股腥味.無味三文魚都45元.當然喊臉

早幾日去淘大間超級壽司，見到剛有情侶離開，於是我和老婆就坐佢地張4人檯，坐落之後伙記叫我埋去隔離搭枱，ok，that's fine，之後坐左過去，由於張檯可坐6個(3個坐一邊)，而早已有1人坐在食野，咁我坐佢對面都好正常，點之老闆娘之後叫我地坐埋去食緊野的人側邊，咁就可以空出3個位俾其他客，聽完我火都嚟埋，之後我和老婆都真心嬲，待客如狗，即轉場去食阿牛哥算........