超級自助壽司店

營業中

休息中

比錢買難受既感覺，令到我不吐不快！！！原本七點三坐底叫個二人餐，諗住好似幾好咁可以誠下丫。點知，伏到無朋友！講真，我廿幾年人一直都係USB, 都無諗過自己會有出報告哩一日！佢個set 有Salad，鐵板廣島蠔，炒飯，清酒煮蜆，刺身同壽司。都知哩間野要等架喇，但無諗過最尾食到背脊骨落姐！六百蚊，二個人，都唔平丫下化？都唔緊要！一黎到個蜆我肯定佢無洗過，仲要有沙！我食個蜆既時候仲要見到隻蜆吐緊的水出黎，真係嘔嘔到心！話咁快，等多二個字到，佢黎左個刺身！落單前佢問我洗唔洗加多一百蚊要多半隻毛蟹，好彩，真係好彩，我無！因為跟餐個半隻毛蟹完全唔掂，我第一啖食落去既時候咩味都感受唔到，唯一感受到既就係隻蟹入邊仲有一舊冰。😪😪😪但坦白講，佢其他既刺身都算係咁上下。食完哩個course , 就到廣島蠔屎！我女朋友食左一啖就停左手，質素自己諗。之後就一直等呀等，等呀等，等到我頂唔順就問第一個waitress 我個salad 同個飯要等多幾耐。佢𥄫左我一眼就行開左，如事姐，我問多左三次！個三個waitress 既反應係完全一樣！！！都唔知係咪training 教佢地咁對的客！其間仲有一個waitress

好耐都未同媽咪同妹妹行淘大，今日去番我地以前成日去食既日本餐廳-超級自助壽司店！一入到去左手邊已經擺左個好吸引既大雪櫃，有好多唔同款式既外賣壽司揀，再過d仲吸引，有好多好新鮮既海鮮，即開帶子，大大隻牡丹蝦，生蠔同長腳蟹都有，見都幾多人買外賣番去，而我地就選擇堂食，餐廳用劃紙仔形式黎叫野食，我地3個人就叫左一碗牛肉飯，一盤刺身同壽司首先黎既係汁燒牛肉飯($70)，由於太肚餓所以唔記得影相，但碗飯係勁大碗，我地3個人都食唔哂，係牛肉再加日本既甜醬油同d菜炒埋一齊，雖然味道唔係好特別但都係好食既！牛肉份量就適中，而且加埋唔同既菜一齊炒開胃好多，但最後雖然係好飽但我地都食哂d菜同牛肉先放棄碗飯壽司:呢d就係我地劃紙仔叫既，每件既飯都係細細件，絕對無飯大過舊魚既情況，我覺得最好食係三文魚子同海膽，侍應都有提我地盡量食左d軍艦先因為怕d紫菜淋，三文魚子無腥味好鮮甜，而且粒粒都好飽滿，海膽好creamy，亦都好鮮甜，入口即溶，兩種食完都好滿足，而其他壽司亦都唔差竹夾魚刺身拼盤($218):個拼盤有竹夾魚，三文魚腩，油甘魚，馬刀貝，希靈魚同大甜蝦，第一次食竹夾魚，原來竹夾魚唔係點豉油而係點酸汁食，竹夾

朋友介紹呢度魚生好味, 放工約埋朋友黎試下環境似係做街坊客, 坐得舒服叫左加拿大海膽味道當然唔及日本海膽, 尚可 美國生蠔口感清淡,味道鮮甜  蝦蛄剌身第一次食, 味道有D似龍蝦 蝦蛄個頭可燒黎食, 有少少膏, 唔錯

朋友推介這店的拉面好味同埋老字號,於是就試試吧~!除了拉面外,還有烏冬、飯、便當可以選,最出名應該是壽司和刺物,但胃唔大,都係想食個炒烏冬。汁燒豚肉炒烏冬($42),配料是3色椒,不太甜的燒汁味,烏冬"煙煙韌韌",無酸味,豚肉俾左好多塊,肥瘦均勻,味道都唔錯,如果烏冬再入味D就好了。炸三文魚拉面($42),三文魚炸得好香,感覺唔算重油味。拉面份量多,軟硬剛好,配料都好多。至於湯底,我覺得是豬骨湯底,但唔係新鮮熬果D啦,鹹左少少呢。跟餐送的蜂蜜綠茶好好飲,綠茶味清香,唔會過甜,蜂蜜味唔會太搶。呢間鋪好多款野食,價錢中上,可以屹立咁耐唔係無原因。最緊要佢唔係集團式,是有特色的小店。

天氣寒冷打完波要食番d熱野暖暖肚，去咗超級壽司，本來諗住食拉麵，但見太夜，都係揀一品煱，感覺無咁HEAVY。天氣寒冷，今晚放棄我最愛嘅刺身，揀咗個熱辣辣廣島蠔雜菌魚湯煱。 這個煱用上魚湯，好濃郁嘅魚湯 ，內有數隻廣島蠔，還有昆布、日本豆腐、雜菌和蔬菜。整體味道是不錯的，一向愛吃蠔的我.... 覺得鍋內那些蠔很"腥"，豆腐很嫰滑，最失望係一品鍋上台的賣相，真係好唔吸引 ⋯不過不知為何個湯有點油膩。最後係清晒⋯⋯一滴魚湯都唔好浪費

一個落雨嘅晚上,$98就可以食到滿滿一碗新鮮熱辣嘅鮑魚海鮮烏冬,真係好滿足🍻鮑魚鮮甜帶有牛油味,帶子有彈性口感,蜆肉肥美,比我想像中豐盛🍁多謝廚師,我會再嚟㗎👡

去開九龍灣都會幫襯嘅日本料理店，原來已經擴充咗，喺隔離間鋪開多咗好多位，動都唔駛等就有位～最好就係咁！嚟之前已諗好要食生蠔，見到兩個生蠔魚生套餐，但唔想食咁多生凍嘢，所以淨叫生蠔加其他熱食～我哋叫咗$138半打美國大生蠔，上枱時竟然有七隻，原來其中一隻係一大一小黏埋，所以畀埋我哋，好「均爭」呀！當然我哋都唔客氣，味道唔太鹹，好新鮮，以六隻計，每隻廿幾蚊，又大隻，好抵食！另外仲食咗活蝦什菜天婦羅，整碟菜色唔單止靚，而且蝦好彈牙添！值得一試！

晚上收工後，有點餓，但又不想太熱氣，所以來這里吃點東西。由於我地兩個人，點左少少野食。第一樣寿司全部都係散叫既，食材都好新鮮，所以全部都好好味!飯唔會太大舊，適中!第二樣係燒牛舌同雞軟骨我自己唔太鐘意厚身既牛舌! 但都好juicy,有牛舌既香味，都唔會太咸! 雞軟骨一般，燒得唔算香。第三樣燒三文魚頭 只可以講正常和食既水準，個人特色就冇咩啦，都唔會特別香，特別點。而且魚頭都係好細隻總括而言，這間算是不過不失的。但位就有點逼!而言服務都一般，佢落燒物既時候將碟hi埋我既寿司到😑😑😑😑兩人甘埋單要兩百幾!

初初係九龍灣搵食 見呢間幾多人幫襯諗住試下。一入去都冇咩野，想落單時又被安排調位都算。跟住即刻俾左個生蠔我地，我地話應該就冇叫到，叫佢check又話有落我心諗可能我叫錯左算，點知食食下話個生蠔吾係我地，做咩食左態度極差。焗住我地要俾多d錢。最後倒瀉野落我到，一句吾好意思就完，紙巾都吾俾你抹激死。硬食左3xx蚊。以後都吾會幫襯。

住開淘大個邊嘅老街坊一定會認識依間壽司屋，佢嘅裝修就似足90年代初嘅廣式壽司店，總之一睇個裝修就有似曾相識嘅感覺！話雖如此，佢嘅刺身同生蠔水準真係唔比大集團差，今次同老婆唔食生蠔，只點了兩盤刺身同壽司拼盤，真係好好味！廚師精選刺身真係樣樣都咁新鮮！尤其係時令秋刀魚同帶子，我鐘意老細會親自推介時令食品，同食客傾計咁建立關係，講真係依家香港真係好少有，記得以前落茶餐廳都會同伙記吹水，依家食完就轉頭趕人走了！另外亦點了一盤帶子壽司，估唔到同廚師精選都有d重覆，早知叫返生蠔同鍋物啦！不過壽司都唔差，其實新鮮就好味架喇！鐘意佢舊飯唔會太大太細，同埋最想推介係佢地嘅wasabi啊！ 自家製真係香，食完聽老細講原來依家租埋後面舖位，希望佢擴張同時可以keep住食品質素！支持小店 

很有歴史的老店，我小時侯有記憶開始，這間店已經迄立於此。今次第一次去試，卻發現小店雖沒有一般壽司店的豪華裝修，用料卻有酒店級水準外賣區的壽司造型不錯，其中三文魚手卷的三文魚更是十分豐富。三文魚手卷：呃......原來堂食三文魚手卷和外賣三文魚手卷長得不太樣，但三文魚新鮮，合格。鰻魚串燒：我很少吃鰻魚，因為怕有小小的骨。但這串鰻魚，醬汁濃郁，香氣四溢，令我把持不住吃了半件。鰻魚柔軟，配上燒汁，十分惹味。雞軟骨串燒：燒得香口，但有點硬。即開海膽：老闆娘推介要試，雖價錢有點貴，但指明新鮮空運。海膽鮮味十足，入口即溶，幸福的滋味令人無法抗拒。壽司：因為太好吃和壽司種類繁多的原故......我腦海沒有一一記下每種壽司的名字和味道。我的記憶只有『每一件壽司都非常新鮮，可以吃到食材原有的鮮味，其中部份更做到入口即溶的效果。』其實，這間店很有日本feel

之前朋友話這裡生豪很不錯，一心想來試一試。入去坐低後先叫7客壽司+蟹肉沙拉同燒多春魚。原本就沒什麼問題的，到同朋友出去選生豪的時候，想問一下生豪味道和價錢的問題，原本有個服務生很好的答，之後有個應該係老闆娘的人物出現，態度非常之差 ，價錢寫不清楚又態度很差地不太想答，又說現在生豪已經沒套餐什麼什麼的，最後連生豪都不可以自己選擇。心情已經很差。食物品質是很不錯，但到最後結賬的時候，一次過拿了很多單出來 ，完全唔知個價錢怎麼計出來。我之前計過7客壽司+蟹肉沙拉同燒多春魚+2杯飲品大約$220，但最後埋單要比$540。我大約記得生豪澳洲大約$158-6隻，紐西蘭大約$108-6隻，蘇格蘭大約$98-2隻，我地每款只叫了2隻。6隻生豪點都不用$320吧。真的成間黑店咁，服務又不好，食完重要心情勁差，一定不會再去。

行過九龍灣超級壽司呢度可以話係。超級壽司就係淘大等一間裝修唔係好靚嘅日本菜。唔好睇佢裝修好似冇其他日本菜咁認真或者咁靚，其實菜式同埋用材料到1D都唔差。甚至可以同酒店級數有得fight。今次就同個朋友試咗個晚餐。晚餐頭盤有青瓜沙律你哋有幾款唔同嘅壽司有一個海鮮烏冬，亦都有魚生刺身。青瓜沙律嘅青瓜非常爽口， 青瓜非常之新鮮且，即係切好就即上碟。壽司呢就有八爪魚三文魚同埋花之戀。至於魚生呢就有三文魚腩，同埋幾款係壽司度都有嘅魚生。因為太好食所以冇影到相。去到正餐呢就有海鮮烏冬。海鮮烏冬入邊嘅海鮮都非常大粒啲青口啦，鮑魚啦都非常足料。二百幾蚊食餐食到咁靚嘅海鮮正啦。

小編是一名壽司狂人，居所附近的壽司店均被小編嘗過不下10次，今次小編介紹的是這間超級壽司，店鋪已有至少6年歷史，雖然裝修簡單，但食材及各種壽司都是一流，就像卧虎藏龍般。 這裡的食材都是日本新鮮運到而且種類繁多，有各種日本刺身魚新鮮即叫即切，如金目鯛，池魚，甚至是藍鰭吞食魚也有，實在不得了。 論味道這間店就不在話下了，因為弄壽司最重要是食材，食材夠新鮮，已能將食物提話好多倍了。而這次小編想推薦的是店內的帆立貝壽司及三文魚刺身。 帆立貝壽司的帆立貝新鮮程度可說是數一數二，帶有新鮮的海水味以及其本身的鮮甜味，令整個壽司成為極佳之作，吃極不厭。 這種新鮮度在其他店是很難找的。 再說一下三文魚刺身，在香港三文魚刺身比比皆是，想找上級的卻很難。而這間店的三文魚可算是中上，魚肉新鮮，口味油而不膩，富有很香魚油味卻令人吃完想再吃，口感就像入口便想溶化一樣，使人愛不釋手。

超級壽司@九龍灣九龍灣foodki覺得係一個美食龍蛇混集既地方，平又有貴又有。有朋友話呢到既壽司好接近日本既水準，就等foodki試下，睇下佢有幾超級。地鐵站往淘大方向出，大約行５分鐘，就會見到大大個招牌寫住＂超級壽司＂。Foodki 入到去就覺得入面真係好有日本既味道，好似去左日本食野咁！入面個姨姨真係好nice，一入去態度好好，面帶笑容，好友善比menu 我地，令foodki 對超級壽司好感大大提高。有好多款壽司，有好幾款都係香港難D搵到。我地叫左兩個壽司拚盤－"鹿兒島和牛盛"($198)　同　"藍鰭吞拿魚腩（日本一）"($248)，外加加拿大海膽(A)$68，再加雞皮，牛脷串燒，合共約$35等左大約15分鐘，兩個set 同時間黎到，嘩，真係睇到流曬口水。以下係重點推介帶子壽司(5.5/10)賣相晶瑩剔透，肉質細膩。但味道其實麻麻，帶子並非最好既帶子，可能跟餐掛。壽司捏得唔錯，唔會鬆散，略嫌壽司醋落得多左少少，掩蓋左帶子本身既鮮味。加拿大海膽(4/10)加拿大海膽有分A 同 B，A貴廿蚊雞。呢舊海膽令我幾失望，海膽係就係入口即融，但係海膽有啲苦，講真，以一間好既壽司店，絕對唔可有啲