越北牛肉粉專門店

營業中

休息中

今晚同屋企人食完河粉埋單嘅時候個黑衫waitress（全店得一個黑衫），大懵找錯錢，食362蚊野，比$500 蚊佢，找$38都算啦，我一出門口發現唔對數掉轉頭問佢攞攞返＄100，本來諗住如果有就有有得攞返同冇得攞返都冇所謂嘅。但係佢竟然夠膽將個波完全缷我度話唔關佢事仲暗示我呃佢同喺度玩嘢，我唔想搞事但係又唔想蝕比佢，同佢僵持左好耐，佢望一望收銀機同啲單，跟住終於肯俾返個＄100我。我唔想搞事所以最後都冇同佢計較，但係佢咁嘅做法令我對「越北」完全失去信心。各位如果去「越北」食河粉嘅時候埋單時如果見到依個waitress請小心找續。

偶爾與同事放lunch出外吃飯，同事經過越北門口時大力推薦越北的撈檬，原來下午茶時間會比晚市便宜很多。二人均點了香茅豬扒撈檬，撈檬汁放在桌上可任意使用。落單後10分鐘左右，撈檬已經上菜，豬排應該是剛炸起，還有一些餘溫。撈檬的味道不過不失酸酸甜甜，與一般外食的越式餐廳味道一致，但炸豬扒的味道令人驚艷，豬扒的外皮又鬆又脆被香料包裹過的豬扒香味四溢，配上酸酸甜甜的撈檬汁，的確令人感到意外午餐繁忙時間輪候的人較多，與同事急急忙忙吃過後便匆匆離開。沒想到連鎖餐廳的豬扒撈檬有超水準發揮，以後放飯又有多一個選擇了。

紅磡一向都好多好嘢食，見新開咗間越北，食牛肉粉既！有friend食過話推介生牛肉湯河！可惜我麻麻地生牛河，特別鍾意香茅雞翼同豬扒，同埋好耐都無食撈檬，於是點香茅豬扒撈檬，飲椰汁紅豆冰。香茅豬扒撈檬上枱望落都幾大碟，豬扒份量都唔小杯椰汁紅豆冰，椰汁沙冰既口感，再加埋粒粒紅豆，幾特別，但似甜品多啲埋單$46，還可以吧。

開在紅磡後街的這家”越北”是這年頭新開出來的, 一開始時差不多到開餐時間就會見人龍, 現在已經過了差不多半年, 人龍再見不到了不過生意還算得上是不錯, 來過幾次下午茶, 這是其中一次的經驗, 普遍的下午茶價位屬於中間偏上,咁事實店內環境又真的比茶餐廳好嘅, 這天選咗其中一個比較貴嘅:三寶湯河$52湯河同三寶分開上, 係比較有心嘅做法, 三寶係豬扒 / 雞翼 / 扎肉, 兩種炸物都係新鮮炸起, 醃料的香氣同肉香同時跟隨熱氣隨隨上升, 扎肉就比較平實咁放在上面, 這裡的牛湯底是做得不錯的, 一啖會呷到牛骨的香氣, 味道屬於清淡之中有那份濃厚的牛味, 香料的氣味稍稍遲一點出來, 明顯分得出莊閒, 另一個是蕃茄牛腩湯河$40 由於牛湯底功力深厚加上茄膏同新鮮蕃茄配合自然亦是無得輸, 牛腩口感係剛剛好有咬口, 亦有牛芳筋在內, 跟面頭嘅香料同吃美味極了, 

今日來到紅磡探望朋友，順道聚餐，一行三人。眾所周知紅磡多美食，經過越北，看似不錯，於是試一試。餐廳外有電子發票機，我們只需等10分鐘，便能就坐。餐廳內環境舒適、寬躺，感覺乾淨。一打開Menu，就給越北鍋片套餐所吸引！像火鍋一樣，可以選擇湯底！牛肉樣子鮮嫩，肥瘦均等，厚薄適中，牛肉熟透度由自己控制，能滿足各人所好。套餐小食則選了越北扎肉蒸粉包和越式香茅雞亦。此外，還點了鮮茄牛腩配蒜蓉包，牛腩鬆軟可口，蒜蓉包外脆內軟。份量適中，價錢合理，會在再光顧。

叫左沙嗲牛肉飯，軟殻蟹米紙卷，香茅牛肉撈檬。沙嗲汁好甜，唔香，好稀。軟殻蟹米紙卷切得好大舊...係成條卷既2/3咁上下...食得勁唔方便米紙卷本身味道極淡，軟殻蟹好細件，食落完全感覺唔到佢既存在😅 撈檬先係重點😅食食下有隻啡色既細蟲係碟中間爬出黎🖕🏻🖕🏻嚇到我無哂胃口...（爬得太快我影唔切)佢個檬汁又係得個甜字，酸味辣味欠奉加幾多都係得個甜字P.S 真係第一次見撈檬係用碟上😅呢間真係幾難食下，話佢茶記水準都比多佢😅😅

令我寫第一次這食評，竟然是因為有不愉快的經歷。上星期日的晚上，在家人的提議下又再一次踏入這店，遭遇到又係不禮貌的招待😤我們一行3人，被門口的職員安排坐在5人的卡位，一坐落位，店內一位職員已經與另一位職員在竊竊私語話，3個人坐咁大張枱，(其實同樣的事情第一次光顧時已經經歷過)，不到5分鐘已有5位客人入內，所以又再被調位。點菜之後，因附近是餐桌用品的櫃，剛好員工在整理用餐餐具時，放置回櫃時的聲浪非常大，好滋擾。好像要做出一些小動作要令你快點完成快點離開。其實於剛開店的時候，亦是吃晚餐，已有同樣的經歷，只不過當時的冷氣再開大d🤧，令你更想快些離開。第2次就是光顧下午茶，食物只是將價就貨。至於食物，有試過生牛肉湯河，3寶湯河，酸辣鳳爪，蒸粉包，炸蝦餅，䉀蝦，又不見得有什麼特別，粉麵湯底亦偏咸，所以，真。的。沒。下。次。免。得。受。氣

突然想食湯麵，捉左男朋友過黎食越南野，平日午餐價錢都算還好，大約$50-60（加一後）連餐飲，好彩野食既水準都值呢個價。揀黎揀去又想食雞翼，又想食豬扒，叫越北三寶撈檬最抵。有香茅豬扒，香茅雞翼仲有扎肉，正常味道，少少鹹但配上檬粉就剛好。醬汁酸酸甜甜，特別開胃。檬粉條條分明，唔會痴埋一束。最中意係撒係面頭既乾蒜同埋花生碎粒等，好香口，又脆。相反，男朋友點既生牛肉金邊粉就還好，對我黎講湯底都係略鹹，但牛肉好嫩，都幾新鮮。可以自己落青檸汁同埋辣椒。Lunch黎講係呢區食茶餐廳都要四五十蚊既時候，有咁多另類選擇都幾好。

今日瞓晏左同媽咪落街去左食越南湯河。自從黃埔花園果間冇左之後就好小食越南河了。呢間啲河粉量岩女士食，湯味道基本。但湯料甚多，我叫左生牛，牛腩片。生牛起碼有5-6片，比我夜晚喺大家樂食一人一鍋好好多！媽咪就食豬扒，我對豬扒要求比較高，佢係脆口嘅，但稍嫌薄身同有點乾。媽咪加$6叫左杯特飲-椰汁紅豆冰，估唔到係椰汁沙冰加紅豆。飲品唔算甜，紅豆中等，唔爛唔硬。佢地有個男侍應態度很好！好有禮貌值得加獎👍🏻所以食物質素同服務黎講整體都算唔錯。

見到呢間係越式既牛肉麵店，黎到就試下佢個招牌啦。呢個生牛肉麵又唔錯wor，個湯底唔會好醎好重味，河粉又夠滑，牛肉都好食。見到其他人食撈檬個賣相都唔錯，但係我唔鐘意食檬粉，所以就冇簡到啦。另外再叫左個軟殻蟹卷，呢個好清新，成個卷好爽口，加埋軟殻蟹脆脆地，點埋鋪頭既汁好好食👍🏻但係食得好麻煩，咬左一啖就散開晒。最後我地都叫左個椰青，好清甜好飲，食完野慢慢一邊係到不椰子肉一邊傾計😂不左好耐先食完，食完飲完個椰青後，超級飽！

朋友介紹話這間不錯，我就去試試，點知真的很好食。大多數店會因不懂掌握溫度，令牛腩很硬，但這間反而軟軟的，容易咬碎，真不怪得是牛肉粉專門店。不過，除了牛腩，還有很多不錯的選擇，下次我要嚐試下其他餐。

過了一整天的工作，非常疲倦，沒有心機煑晚飯丶又太夜到九時許。出去吃飯算了。想了不久，都想試試很久都沒有去的越南河粉。可能太夜了，我和太太即入即坐，有窗邊卡位，ok!叫了茄汁牛腩湯粉，炸越南春卷和清湯牛腩粉。等了大約十分鐘到左右丶兩碗湯粉來先，我一看我的茄汁牛腩湯粉，當場目定口呆！原來佢地叫茄汁牛腩湯是簿簿一層浮在面上的茄油加一塊番茄咁大把，和其他越南餐廳的全碗煲出來的茄湯有很大的差異，但價錢又卻不平宜。非常失望！不好味都唯有照吃，更甚湯都有味精，不是牛骨㷛出來的。(是關我係對味精有敏感，所以之後我皮膚痕癢，萬試萬靈）吃了不久，我很期待的越南美食之一，炸春卷，終於來了放在抬上。我們當然立刻把生菜去將它捲起，放入口中品嚐。但可惜非常強差人意，個春卷皮很厚，又勒。一D都不碎，真的不好吃。就次經驗如此，都會覺得食物不對版！吃這般食品和好些的水準，紅磡區多的是，為何要自己活受沒有誠意的食品呢！所以我們不會再來了！希望佢地自己知道和改進吧！

紅磡一向多好野食，今次同朋友揀左食呢間越南粉。因為系閒日既緣故，我地唔洗等位直接入去。入到去有個靚仔侍應笑笑口甘招呼我地，即刻加曬分。入到去睇menu，又系以二人，四人套餐為主。但我同fd加埋得三個人。結果我既fd一齊嗌一個二人餐，我一個人散嗌一碗$46既生牛肉河粉。（被世界遺棄不可怕）我碗牛河d牛望落幾新鮮，同埋切得幾薄。先試下個湯底，又幾清甜，香料味唔算重。同埋個份量都幾多。當我以為自己個碗已經好多既時候，我既fd嗌既套餐上左。佢地個份系一碗二人份量既特大size既河粉。入面有牛柏葉，牛丸，生牛肉，仲有d我唔記得左既配料。真系好大一兜，我兩個fd都食唔曬。碗野百幾蚊，每人五六十蚊黎講，的確幾抵食。

想同個朋友食越南嘢，附近最近紅磡，周圍都有好嘢食，不過最後都係食返呢間。2個人叫了一個香茅牛肉湯檬，一個蝦粉卷，一個香茅牛肉生菜包。牛肉湯底好有味，加上越式香草，梗好，不過d牛肉弱咗d，份量好似少咗d。不過蝦粉卷有4件大大件，入面d青菜青瓜新鮮，入口好fresh!最後係生菜包，感覺一般，d料少咗d，同埋冇乜味，卷埋d生菜食好似淨係食緊生菜咁～

最近看到好多越南餐廳開業, 但名字都差不多.不知道這幾間有沒有關連的呢? 有南越, 北越, 仲有我今日食既越北雖然係中午12點, 店內已經坐滿7成, 同埋大部份都係學生. 估唔到佢地都咁早食飯.我叫左香茅豬扒撈檬($45, 無加一)包熱飲上枱既時候, 第一眼覺得都幾豐富, 撈檬需要有的配料都有齊. 食撈檬緊係要加酸汁啦.但呢度既酸汁有少少甜, 香茅豬扒唔夠香茅味, 反而有點甜, 應該係醃豬扒時糖重手左少少吧.食到尾既時候會覺得膩豬扒好似好多, 係幻覺, 因為佢切到非常細, 感覺似豬肉條多些有些咬下去就只係皮, 其實可以正正經經切返好一條長條型既豬扒.切到咁細好小家檬粉份量夠食, 唔算太少. 女生食得飽, 男生食檬粉應該都仲係差少少.未必夠飽不過$45包野飲又坐得舒服, 都算不錯既選擇