越南亞呂 (已結業)

2:30pm 人在紅磡,「生牛肉粉癮」又起, 見呢度有得供應, 0拿0拿臨入0黎叫個生牛肉湯河(套餐$35; 送一杯飲品+ 兩件春卷) 試試.先0黎春卷, 有一堆生菜及香葉俾你包住春卷食, 老闆娘亦提醒可以自行落魚露... 魚露唔辣, 又甜又酸, 勁對口味! 春卷唔係咁熱, 不過脆卜卜又唔油, 餡料(只食到有豬肉) 唔多不過甜甜0地, 幾好食!生牛肉河0既牛肉呈粉紅色, 仲有一堆蒜蓉0係面, 下面的河粉就黐埋一餅0野, 賣相認真麻麻... 先飲啖勁熱的湯, 味道好「牛骨」, 好濃香料(我唔識, 食唔出, 唔知係乜0黎0架呢?) 又帶少少青檸味, 都幾好飲, 不過飲完幾口渴; 牛肉好鮮味, 唔0鞋, 而且浸極都唔會硬, 好食! 河粉黐埋一堆, 唔過腍, 食落不過不失啦.飲品揀了青檸冰, 原來唔係冰凍的, 不過飲落幾清, 青檸味夠, 又唔會好甜, 都唔錯.0係門口見環境好似好up dup, 但衛生情況唔差的; 招呼無乜特別.$35 咁多0野, 加上又幾好食, 好抵! 見佢有個2 人餐$88, d 0野食好似都幾吸引, 有機會的話, 帶多個朋友0黎試試都好.

經過這裡不少次，直覺上是間值得一試的越南小店，但一直也緣慳一面，是日終於得以一嚐。周四的下午，出來開會，蛇過來吃碗生牛肉湯河。店主問明吃的是「下午茶份量」還是「正常份量」，那一場來到，當然吃份量及材料足一點的，就要了後者。湯河份量很足，喝一口湯，夠熱且牛肉味很濃，也有點藥材的味道，也混身暖透，很不錯。店主說湯底是比心機煮的，落足材料及藥材，也喝得出火候，頗滿意；牛肉僅熟，幾軟滑，河粉也對辦，加入了金不換、青檸汁及紅椒粒，這碗生牛肉湯河，感覺上是比市面上很多自稱越南湯河專門店也對辦。埋單25蚊，得知也有幾味聽起來不錯的越南菜，又是時候來掃場了。

昨日跟男朋友特意去找這間食店, 原來5:30pm打後關門. 我們倒找了一陣子.是日晚餐:生牛肉湯粉+三色冰蝦膏炒飯+青檸soda炸龍蝦餅共$95生牛肉湯粉-湯底很濃, 味道複雜. 比一般越南餐廳好得多蝦膏炒飯- 沒有特別, 下次都是食粉較可靠飲品- 可能我不嗜甜, 我覺得三色冰太甜, 不過夠椰汁味炸龍蝦餅- 爽口彈牙, 又不腥. 不過較油. 現特價$30. 好抵吃. 下午茶只要$15....抵..總括來說, 這樣的價錢和味道. 是一間可以推介的小店

每每碰到一間未試過嘅越南菜館，總得一試...上次行過已想走入去，今次真正的起心肝特登坐車去...小小店一間。無論牆上或餐枱上都寫滿金句，親切...又係諗都唔使諗，生牛河唔該...湯，清澈而濃郁，加上少許黑胡椒，有少少惹味嘅感覺添；牛肉頗淰，雖未致於入口即化，但算不俗...可惜生洋蔥下得太吝嗇，亦欠缺香菜及金不換葉子，風味大減...套餐連埋嘅春卷，用交嚟嘅來貨，太油，可以不理...見menu有法式三文冶，即叫...麵包焗燶咗，心諗:"有冇攪錯ar"...酸蘿蔔下得不夠，餡料mainly只得普通扎肉，稔肉及紅椒粒亦欠奉。跟佐敦添記及元朗邦蜀美水準差個十萬八千里...仍然追尋另一間出色越南菜館，繼續努力...

店仔細細，蠻有風味的，可是是晚5個人來發覺此店只適合“一人一麵”政拆。小菜份量很細，要是share來吃就不夠分，起碼要叫多一碟。雖然價錢不算高，但這樣叫菜小數怕長計，也吃得沒意思。先來個生牛肉河粉：的確靠得住；湯底帶深色，喝一口，好濃郁鮮甜，洋蔥味也好香。牛肉片很厚卻不韌，但個人還是喜歡簿切的。，但個人還是喜歡簿切的。整體幾滿意味道，但如果用回軟身一點，幼點的河粉就更好。扎肉湯蒙：扎肉很鬆，吃得出加了點肥肉令味道更甘香。蒙粉圓身帶透明，看起來好像賴粉。口感不錯，也算煙韌。湯底比生牛肉河的清一點，也蠻清甜。也來了客扎肉凍蒙：還是喜歡可以沾魚露冷吃的方法。炸過的蒜片令整碗蒙生色不少。炸龍蝦餅：龍蝦餅炸得香，但外皮不是乾身的，內外也比較moist. 龍蝦餡起膠，味道真的幾好。但略嫌太油膩。炸軟殼蟹：軟殼蟹沾滿麵包榦才下油鍋炸，脆脆的香口的很。可是軟殼蟹本身沒太多肉，點這道要有心理準備只會吃道“軟殼和脆粒”。這個比龍蝦餅還要油膩。炸春卷：用米紙做皮，炸過有挺特別。內餡跟一般春卷沒兩樣，好穩陣，不錯。咖o里雞：辣度不能自行挑選，結果好辣，乘下了整碟，只吃了幾件沒太多鮮味的雞肉。蒜蓉包：法包外脆內

原來在黃埔街頭,有間越南小店,名叫"越南亞呂".經常在次一帶,也得走漏眼.開在殘舊的黃埔街,收費相宜,下午茶時間吃個生牛河,不過$15.見到餐牌上有鴨仔蛋,大喜,要一隻,老細說無貨.)失望.先嘗其湯底,牛肉味濃,加上其他的香料,藥材,清甜之外,多一份甘甜.其生牛肉上桌時也保持七成熟之狀態.肉質鮮嫩,味道也濃.入口無渣.河粉不夠幼身,粗幼不一如不規則,小弟懷疑是否老細自己切?單看這種不修篇幅的態度,我反而喜歡.看見牆上一些勵志之字句,細看,原來這也算是一間"福音"餐廳.雖然眼見老細愛理不理之態度,原來只是錯覺,或者他暗地裏祝福著你也不定.其他菜式,唯有留待下次與住在附近的友人前來試試.

唔記得得閒上來寫添...呢間我都成日食.最成日食的是生牛河,吸引我的最主要是湯底,鮮甜濃厚,只略嫌河粉不夠滑.大家還可試轉酸辣湯底,我平時唔鐘意酸辣都成日食.大頭蝦就主要看來貨,有兩次好大隻,不過平時都唔多大,不過做緊特價食都抵.蝦餅同龍蝦餅好少食..一個人係咁架啦....串燒我就唔鐘意食,用煎pan煎,會好乾喎!所以連帶豬排我都唔會食,因為越南餐廳好難整得好食.茄汁牛腩好濃厚,間唔中會叫,鐘意味濃都試下.仲有....蒜蓉包真係唔錯,鬆軟無比,食得過.食過呢度之後,已經好難搵到一間食生牛河滿意既餐廳,而家再食那些連鎖集團,例如"西x星"的湯河,已經入唔到口了...係完全覺得難食.其實好多野未試過,你知,一個人都係食碗生牛河算數....一個人的壞處呀~~~~突然有點失落......離題了...

今次我們吃了兩個套餐，生熟牛肉湯河和蝦膏扎肉炒金邊粉，小食是春巻，另叫一個炸龍蝦餅。據稱牛肉湯河是熬了六個小時的老火湯，能吊出牛肉和河粉的鮮味，加上青檬汁令人胃口大開。金邊粉的主角是旁邊兩攤其貎不揚的沙嗲醬，分別是辣與不辣。老闆說常有客人於燒烤前購買沙嗲醬作汁料。金邊粉是用橄欖油炒的，所以不要期望是中國式的鍋氣，卻令人吃得健康。不可不提的是壓軸的炸龍蝦餅，厚度是正常蝦餅的兩倍，好彈牙。出外吃飯的最高境界是離開時還有很多未了的心願︰下次再來，一定要品嚐由六星級酒店提供的麪包所炮製的法式蒜茸包配上咖哩鴨，還有沙嗲串燒...老闆和他的朋友夥記態度親切，朋友夥記心思細密，吃過飯後還送上清水，是加了冰塊和飲管，他說這樣令人喝得舒服。老闆趣談飲食之道，且笑談人生，誠如店內掛上的一張banner，是老闆SARS時創作的︰亞呂戰爭用的武器是味道，要嬴取你的笑聲和讚賞。在不開心的日子裏，我們的食物會跟你共同進退，令你暫時忘記一切。提一提大家，星期日是休息的，別碰門釘~~