越南米紙 (已結業)

上月到過越南旅遊後，忽然喜歡吃越式佳餚，今晚在「越式米紙」開餐。7:00入座剛剛好有一枱才客滿，不過由於座位坐近門口，一塊玻璃之隔看見越來越多顧客在排隊等候，感覺被望著似的，令我吃得有少許不安！先來一款小吃芝士流心炸蝦餅，熱騰騰的炸蝦餅，有蝦肉鮮和爽，也很香脆可口，我不喜芝士也可以接受，因為芝士不多而且味道不濃。越式生牛肉湯河&蒲燒豬頸肉湯檬，肉、湯河和湯檬都不賴，但湯底比較港式味道。泰妃雞飯，去骨的泰妃雞很滑份量頗多，飯沁椰香，比較遜色是飯涼了！沒有加一服務費，而服務不錯！

開業無幾耐就試下呢間越南野食完無回頭第一，食物麻麻地今次點了鮮蝦豬肉米紙卷，法式紅酒炆牛尾，越式雞絲扎肉撈檬米紙卷作為生招牌認真麻麻，蘿蔔絲青瓜絲米紙卷的味道mix唔到一齊，唔好食。炆牛尾還好，味道幾好牛味幾出，係全場唯一好少少的菜。撈檬味道好普通，不過份量係幾多，都抵既。第二，員工太新錯漏百出餐廳有好多特飲，但員工唔熟飲品的樣，成日出錯單比錯客，坐左一個鐘已搞亂三杯飲品。再者，客人要求碗仔，d 員工睇都唔睇就拎左隻痴住d 餸渣的碗出黎，實在太唔醒目啦！結論係：不值一試

見到呢間越式餐廳新開冇幾耐，就來試一次。餐廳好細間，一眼望曬全部，醒目的店標抬頭可望。＂鮮蝦豬肉米紙卷配麵包＂屬茶餐一類，米紙卷幾好味😍，麵包有Ｄ多余。＂越式沙律撈檬＂，全素，枱面有魚露、辣椒醬供客人自己調味。＂鮮蝦豬肉越南麵包＂算是比較出色的一個餐，嗰麵包熱烘烘上枱，且外脆內鬆，好味😍。飲品＂奇招百出（奇異果+香蕉）＂，雖然香蕉味蓋過奇異果味，但都算好飲嘅。飲品＂宇治綠茶沙冰＂就讓人失望了，甜味蓋過了綠茶味，似糖水多Ｄ😒。總體來講，食物不算＂精＂，但勝在價格＂平＂，鍾意越式餐飲的朋友，試一次無妨😋。最後奉上餐牌供食家參閱。

呢間舖裝修時都有經過下留意過，早幾日見佢啱啱開咗，就入去食個早餐先返工。入面地方不大，但環境幾好，坐咗個可以望街嘅位，光猛又舒服。除咗普通早餐，仲有越南湯河、越南麵包等越式早餐。跟餐可以6折轉特飲，特飲種類都幾多。叫咗個早餐中經典中嘅經典──沙爹牛肉麵～個麵沙爹醬香濃，仲加多咗香葉，多咗幾番東南亞風味 而跟餐仲有炒滑蛋、麵包、沙律菜。炒滑蛋好滑，而麵包就有得揀牛油多士或者Panini長麵包，我就叫咗個長麵包（其實我都唔知咩係Panini，但好過次次都食多士咁悶）；個長麵包又有驚喜wor！睇落似一個白色嘅熱狗包，入口鬆化，可以搽牛油，有少少似餐包，不過冇餐包咁甜，個人幾鍾意呢款包～此外，早餐難得跟沙律，有啲菜食，甜甜酸酸嘅蘿蔔絲、菜絲，清新又開胃，幫助消化。早餐質素唔錯，下次有機會再嚟試下午餐晚餐！