越南米紙 (已結業)

抵食的越南早餐食過幾次越南粉每次都食唔到長麵包, 因為賣哂今次一於早D黎食佢早餐有好多選擇, 一係食越南粉, 一係食常餐我就叫左常餐, set係有一個粉麵+炒滑蛋配長麵包+飲品白蘿蔔絲係有淹過, 酸酸地幾開胃長麵包微暖, 好軟綿, 配埋滑蛋, 真係一流!!唔怪得次次黎都賣哂啦!!杯奶茶就正常, 茶味夠重另外推介大家食以下兩款粉麵::1)越式蕃茄牛腩湯河湯底係濃厚的蕃茄味,而且牛腩又好淋身, 兩者加埋又好match2) 越式生牛肉湯河半肥瘦的生牛肉唔會熟哂, 河粉份量多

清清地食碗火車頭河都唔差，湯底幾好味。反而加左橙色樽野（甜酸醋？）就唔好食。平時我鍾意加d落去食，會開胃d好味D, 不過呢間d醋唔好味。蒸粉皮唔掂，一夾就散，味道尚可。炸芝士蝦餅，寫住係流心，不過實際唔係流心，味道唔差，只是外圓個邊炸得比較硬，失去食完又想食既感覺。黑糖薑茶，無乜味，味唔夠濃，裝飾到幾靚都無用。紫薯乳絡沙冰，唔夾，乳絡搶晒紫薯既味，有款就咁紫薯沙冰可能會唔錯。btw, 以附近既餐廳而言，都可以一試。

响超市買完嘢，覺得有點餓，於是再次來到這間越南餐廳，補充下體力。記得上次來到，都要响門口等位，不過今次可能來得比較早，人未係好多，於是好開心咁揀咗個舒服點的位置坐下，而職員也很有禮貌招待。順化香茅豬扒撈檬撈檬食落涼涼地很爽口，豬扒很厚身，而骨又不多，表面有少少焦，味道香濃。安南炸春卷撈檬還配有一碟炸春卷，米紙皮薄薄的，而且脆卜卜。裡面的蝦啖啖肉，非常有口感。焗芝士蕃茄豬扒麵包盅伴牛油金磚及白飯牛油金磚超大個，只是一打開頂蓋，蕃茄味已經飄出來。先撈勻裡面的蕃茄、芝士和豬扒，豬扒連芝士一齊食，肉質多添幾分滑溜，加埋豬扒索咗不少蕃茄味，非常開胃，用來餸飯真係啱啱好。黑糖薑母茶以為只是一杯茶的大小，怎料是玻璃茶壺煲著。除了黑糖和薑母，茶隔仲放咗紅棗一起泡，暖暖的既養生又補血，真係無諗到越式餐廳會飲得到，確實是女士必飲。藍花皇家伯爵茶同樣地伯爵茶都是一邊加熱一邊享用的，味道清新帶點甘香。

草根一家4口去咗牛頭角行街，晚餐正諗緊去邊到食好，行行下見到間越南餐廳，草根爸爸就建議試下呢間~餐牌有好多選擇，小食、越南麵包，湯粉、麵同飯有齊晒最終決定叫d小食同主食一齊share芝士流心炸蝦餅4件 ($58)炸蝦餅內包住流心芝士😉蝦餅做得唔錯，蝦餅質感彈牙😚又唔會炸到油笠笠，唯獨係芝士太少🧀，如果芝士份量多少少，會更有驚喜泰式無骨酸辣鳳爪 ($48)鳳爪夠哂爽囗，又夠辣🔥草根爸爸愛死啦越式生牛肉湯河粉及安南炸春卷（2件） ($73)生牛肉🐂會俾熱辣辣嘅湯慢慢整熟，所以想食生少少嘅牛肉🐂就要快手啦😎生牛肉份量都算多，不過草根認為如果牛肉可以薄少少口感會更佳😋河粉非常滑身，$45蚊尼講真係好抵👍份量超多性價比高😍個餐仲跟2件春卷，好大件，係素菜春卷，炸皮較厚，一般般。焗芝士咖哩牛腩麵包盎配牛油金磚伴白飯 ($82)份量多到草根都唔知點形容😋可能係全店最抵食之選！成個頭咁大嘅包，仲要包一大碗白飯!🙀包焗得外脆內軟，包有咖哩汁、薯仔、牛腩同牛筋。咖喱夠香唔會辣🍛，薯仔🥔，牛腩同牛筋已經煮到腍哂入哂味🐂配埋個包食好正好夾，仲有成大碗飯🍚，份量夠3-4人食，包你食到捧住個肚仔走😏跟餐的熱咖啡，

返工前係九龍灣遊蕩，係平時搭車嘅小巴站對面，見到有一間製修新穎嘅越南餐廳，光鮮吸引。餐牌上選擇都幾多，午市又有學生優惠等等。而且餐廳位置闊落，都坐得幾舒服。叫左一碟順化三寶撈檬($57)，貪佢有齊香茅雞翼、豬扒同扎肉。無影到有幾大碟，但一上枱，撈檬份量驚人，直頭可以用一桶黎形容，同張相完全係兩回事。女仔黎講，兩個人叫呢個撈檬，再加一碟小食已經絕對夠飽。厚切香茅豬扒大大塊，雞翼炸得香脆可口，扎肉口感結實彈牙。檬粉倒入甜酸汁，惹味開胃。香蔥、花生碎都好多，非常香口，獨欠乾蒜，如果加埋就完美。飲品選擇都有好多，沙冰都有十多款，而啲名仲好新穎，什至連近期大熱嘅牛油果沙冰都有。黎到食越南菜，又點少得滴漏咖啡($26/熱；$28/凍)，跟餐更加有六折。 侍應貼心提醒熱咖啡中有煉奶，要攪勻先好飲用。越南咖啡比一般咖啡味道更苦更濃，所以加入煉奶，但亦正正成為大家愛好嘅原因。九龍灣有太多美食，連比較遠離地鐵站嘅安基苑商場附近，近年都有唔少新餐廳。大家只要行遠多少少，就可以發掘更多更美味又廉價嘅食物。

泰妃雞飯 ($70)泰妃雞飯草根認為唔太有特色，有少少似海南雞😆雞肉軟但較為淡口，雞嘅份量都ok👌，但係配埋個油飯又係冇咩味，整體上一般越式綜合越南麵包 ($33)越南麵包Banh Mi🍞包好大，但真心唔太多料，只有少量雞同扎肉，主要味道尼自醃蘿蔔絲🥕，味道酸酸甜甜，幾清新☘️個味草根姐姐都幾中意👅，只係配料真係唔夠豐富👉🏻👈🏻越式香茅豬扒 ($40)香茅豬扒$40蚊有3大塊，超值啦！可惜香茅唔太濃😛不過豬扒肉質鬆化，都唔錯。扎肉蒸粉包4件 ($48)食落有似港式腸粉，中間包有肉碎。可惜粉包個皮太厚，好一般。

米紙是越南獨有的食物，用米制成，可用作包著食材來吃，似免炸的越南式春卷。店內有不同米紙卷供應，最後選擇了芒果煙三文魚米紙，米紙內包著生菜、粉絲、甘筍絲、芒果煙三文魚，顏色豐富吸引，有點點酸味咸味，可能加了檸檬汁及魚露。米紙的皮煙煙韌韌的，薄薄一層半透明，入面滿滿包著各種一不色彩的食物，令人不知不覺多吃了菜蔬。一碗火車頭包含了各種配料，包括生牛肉、牛腱、札肉、魚蛋，河粉內的湯底最吸引，湯料上加入新鮮薄荷葉、九層塔、鵝蒂、魚露。天冷再加多個火鍋，冬陰公湯底，夠辣夠暖身，配料有菜有肉有烏冬，一人食一個火鍋已經夠飽。

兒子要去吃「政治飯」，兩老無所事事，下班後，最佳嘅節目，當然就是外出覓食。之前聽朋友介紹，話牛頭角安基商場有間開咗約莫大半年嘅越南餐廳，據說食物水準唔錯，價錢經濟實惠，服務又好，推介我一試。講真，筆者從來未試過去呢個屋苑商場搵食，反正這天有得放早，閒著無聊，就一於先去附近逛逛，再去吃頓晚飯。店子裝潢甚討好，以黑白兩色為主調，天花嘅吊燈非常搶眼，型格而不俗氣。入面轉彎位設有落地大玻璃，可以一邊用餐，一邊欣賞外面嘅街景，悠然自得，感覺亦蠻不錯。餐牌好有時代感，設計成一本 magazine 模樣，非常之有心思，充滿年青活力。翻開內頁，菜式選項甚豐，有越式沙律、越南麵包、米紙卷、越式小食、越南湯粉、越式撈檬、飯意粉、火鍋、越南帽子海鮮火鍋及甜品等。既然餐廳用上米紙作店名，就先來一客燒豬頸肉米紙卷 ($42)  做頭盤。米紙卷嘅外皮非常薄，完全唔黐嘴，入口帶米香，而入面嘅材料就有豬頸肉、生菜、青瓜、紅蘿蔔絲、米粉和薄荷葉等。豬頸肉燒得剛好，肉汁豐富，爽口彈牙，一點也不膩口，吃時蘸魚露品嘗，倍添滋味。接著是一客扎肉蒸粉包 ($48)，粉卷以木盒盛載，上桌時仍冒著煙，新鮮熱辣。老實不客氣，馬上用匙羹

呢日去左牛頭角幫個小朋友補習，補完六點幾就收到女皇wts app話大帝唔返黎食，咁我就叫佢黎搵呢頭搵我，索性抖下唔好煮，出去食埋飯先返歸我地係附近行左陣，見到呢間越南菜應該係新開無耐，價錢睇落都唔係貴啵，所以就決定呢晚喺度開餐先去得越南菜館，加上呢度既店名以“米紙”命名，女皇話點都一份米紙卷當頭盤小食，要試一試咁話除此之後，我同女皇仲一人點左一份晚餐（包熱飲），準備share黎食米紙卷方面，我地嗌在呢款“芒果煙三文魚米紙卷”HKd$68+10%一客四件，size比平日喺其他店舖食到既大，入面有不少紛絲同蔬菜絲，食落都幾清新其中一款晚餐主菜我就揀左“法式紅酒炆牛尾煲(配蒜蓉多士)”HKd$78+10%牛尾炆得入味，當中加入洋蔥、西芹同甘荀一齊炆，所以食落帶微甜好易入口，牛尾既份量仲唔少，有成5-6舊架而烘得香脆既蒜蓉多士就沾牛尾汁/女皇所嗌既咖喱汁都同樣一絕另一個主菜就係女皇揀既“越式咖喱牛腩煲(配白飯)”HKd$72+10%帶有微辣而香濃既咖喱，除左有6-7件炆得軟腍既牛筋同牛腩之外，當中仲有唔少又粉又入味既薯仔呢個咖喱辣辣地咁，真係愈食愈野味，淨係個汁都經已令我可以食多碗飯都仲得食住

係九龍灣好似好多都係連鎖食店, 今次去距離地鐵站遠少少既安基苑, 食下D街坊越南菜幾好~雖然係街坊餐廳, 但裝修都幾清簡同埋企理, 而且D姐姐態度唔錯, 上菜速度幾快。見好多人都係食佢個dinner火鍋set, 七八十蚊個又幾扺玩, 不過我就無咩興趣打邊爐XD食返越南野食開心D~ 清清地叫個煙三文魚木瓜沙律先~單叫$68, 如果跟餐$70 , 有埋野飲咁唔差在果2蚊XD 超大盤既沙律, 面有三大片煙三文魚蓋住, 煙三文魚無平時食既咁咸, 偏淡味, 感覺上無咁多納健康D哈哈, 中層係木瓜絲同蘿蔔絲, 估唔到最多係底部既沙律菜, 多到好似食唔完咁, 即刻變左草泥馬XDD 超級健康, 不過本身係想食木瓜先叫呢個沙律lol 哈哈既然佢個名叫越南米紙, 當然係要食返個米紙捲, 點左豬肉鮮蝦, $48 價錢都中等~包得相當紮實既米紙捲, 春捲皮夠薄身但又保持到佢應有既軟韌度, 內裏既材料主要以蘿蔔絲等為主, 豬肉原來係肉碎混和左洋蔥碎, 鮮蝦幾大隻同爽口, 整體豐富飽滿, 但如果有埋花生碎就更美味呢!!檬粉成日食, 呢到仲有焗飯等西式飯類, 但我就揀左價錢較平既越式法包, 估唔到三十令蚊既size

Need to work at Kowloon bay Good friend just recommended to the Vietnam 🇻🇳 little restaurant On Kay centre near Amoy garden surprise to see a flounder fried with fish sauce a fresh brewed coffee is given with every set 45$ raw beef soup noodles add 2 steam Vietnam powder packages (Fun Buns )actually The best food is that Steam vegetables and porky 🐷 bunsHot 🤗Soft Full of fresh minced particles Feel like Floating on a boat 🚣 In the Indo ChineAnd a real Vietnam 🇻🇳 lemongrass (Heung Mai )tea ☕️ 20$

放工去搵食～見到有間越南菜🤩即刻心心眼成個環境都好大好舒服～野食水準都好得👍🏿👉🏿✨越式火車頭河粉 Hkd 68 💸📌話明火車頭一定多料😍個湯好好飲，一定要加青檸同辣椒！超地道，最愛雞絲同牛肉，煮到岩岩好，唔會老🤩開正我口味～👉🏿✨泰妃雞飯 Hkd 70💸📌啲雞本身唔洗點汁已經夠味，重雞味呀！超級驚喜到我🤤肉質嫩滑，好香，配飯食一流！👉🏿✨芒果軟殼蟹米紙 Hkd 68💸📌個名叫米紙。點可以唔試佢啲米紙呢！入面啲蘿蔔同粉絲酸酸甜甜，加埋芒果好清新又開胃！重點係軟殼蟹超大舊，脆到脆卜卜，完全唔夠喉！必叫😆👉🏿✨黑糖薑母茶 跟餐有折 Hkd 19 💸📌係一大壺，兩個人share都夠飲☺️暖下個胃，都唔會太辣喉。

和朋友來到牛頭角，朋友想食東南亞菜，尋尋覓覓來到越南米紙。泰妃雞飯超多雞肉，還有雞翼和雞腿，已去骨，肉質嫩滑，淡淡肉沾上蔥油份外惹味。咖喱牛腩焗飯即叫即焗，上枱時熱辣辣，咖哩味香濃，牛腩鬆化，伴以焗飯起進食，味道一流。玫瑰園有花茶的清香，玫瑰香氣撲鼻，如果有蜜糖可以把花茶的味發揮得淋漓盡致，豐富了味道的層次。越南滴漏咖啡需等待咖啡的精華慢慢由而下滴到杯內，咖啡味香濃，有種炭燒的味道，喝之前要攪拌一下，待杯底的煉奶慢慢融入咖啡中。如果想凍飲，可把咖啡倒在一個預先盛著冰的杯內。

去開牛頭角搵朋友,朋友介紹下去左食呢間越南餐廳~~~餐廳位於屋苑商場地下...裝修好新派好新潮,我都幾中意...仲要有wifi提供,超級照顧周到~我點左香茅豬扒河粉,份量不少湯中有香葉炸蔥味道亦不錯.食落口D豬扒仲熱辣辣..juicy亦都好夠腍..仲好入味....朋友食左越式咖哩牛腩煲,係寒涼的天氣，吃咖哩最好,牛腩腍滑，咖喱濃香,,非常入味, 撈汁食飯一流...好有水準!!!再追加左個小食,就係香茅雞翼~~~啲雞翼真係醃得好入味, 好香嘅香茅味, 酥脆香口...都是零失敗的美味選擇!!!!

中午和朋友到九龍灣午餐來到一家裝潢不錯的越南餐廳午餐選擇多價位平易近人朋友點了順化三寶撈檬材料在碗內堆得滿滿有越南扎肉雞翼香茅豬排配上蘿蔔絲芽菜口感豐富拌上撈檬汁惹味可口魚露鮮醋汁酸辣椒辛配上鹹香的肉類五味紛陳集於一身加二十八元追加越式墨魚餅口感實在吃得出是真材實料六折可加點越南三色冰用來解辣就最好不過了另點了香料鮮辣肉碎煎蛋飯既是泰式又是越式混有九層塔味道超惹味是殘酷的白飯殺手補充了力量下午再努力拚搏