越南米紙 (已結業)

本人都叫睇左openrice好多年中過唔少伏，但大部份都係食完就算但今次真係為左佢黎申請會員獻上我既處女食評。食物詳細評論，請按圖片內看。服務正常沒大問題，唯一可取地方就係份量算ok（杯凍檸茶幾大杯的，飯也多）問題食物質素超差，一間餐廳既靈魂就係食物既味道，就算服務超好，衛生超乾淨，環境超好，還是蓋不過味道的參差而且前三點也不過正常水平而已。老老實實呢個質素已經唔關價錢事，你請我都唔會去食。所以我唔會講抵唔抵，閣下自行判斷。（以上評論皆為本人真實經過）（圖影得好衰，希望大家見諒，畢竟我無收人錢，係咁上下）

陪友人去牛頭角睇趺打，順道在附近晚餐。見到商場側有間越南餐廳，名字特別，而且食物價錢又合理，於是便入內晚餐。起初人不多，晚了少許已經要等位了 店不算很大，但坐位都很舒適。看看似雜誌的餐牌，我又增知識了......了解越南食物名稱的由來，以及越南話晚安怎說 ^_^還有很多飲品的名稱都很得意、特別，這吸引了我看飲品先 再發現晚市套餐，可以飲其他飲品，只需正價的六折，原本正價都會叫那些特式飲品，現在可六折享用，很抵呢 ^_^於是我們點了兩個晚餐，「順化香茅豬扒撈檬配安南炸春卷」、「法式紅酒炆牛尾煲配蒜茸法包」，加$18 有「越式蒸粉包兩件」，轉了飲品，「黃綠醫生」及「手工水果茶」。法式紅酒炆牛尾煲配蒜茸法包，牛尾鬆軟，滲入了汁更美味可口！除了牛尾可食到汁，蒜茸包加添了汁亦十分美味！順化香茅豬扒撈檬，檬粉爽口，豬扒很厚身，味道香濃！安南炸春卷，很脆，不太油，很香口！越式蒸粉包，薄薄的皮包了很多料，清清地，不錯！三心兩意的我，又想飲花茶，又想飲水果飲品，這款手工水果茶正合我心意，不太甜，茶味香濃，仲有水果食添 友人就選了黃綠醫生，貪個名夠創意 ^_^芒果加奇異果沙冰，冰幼滑，不太甜！

過年前與囝囝外出添置一些年貨逛到連午飯到忘了食食個豐富點的下午茶補番數大食仔點了客 ...泰妃雞飯 HK$52 、 凍奶茶 +HK$3 、 越式芝士流心炸蝦餅 +HK$25 泰妃雞飯份量十足雞油飯粒粒分明，很香又不油膩泰妃雞大大件啖啖肉，雞肉嫩滑，可惜只有黑醬油，如果有埋薑蓉和泰式酸辣醬就更好 越式芝士流心炸蝦餅二件是下午餐 +HK$25 加配的剛炸好的炸蝦餅熱烘烘，炸漿不太厚，香脆彈牙的蝦餅配上流心芝士餡 ... 好邪惡的小食 ~~儍媽的 ...越式火車頭河粉 (細碗) HK$42 、 越南滴漏咖啡 +HK$16 雖然我點的是細碗，但是份量也不少配料也好豐富，有牛肉、牛展、魚丸、豬肉丸、扎肉、雞絲 ...湯頭濃郁，入口清爽不油膩，河粉幼滑，加點辣椒粒和青檸汁更好味呢 !!! 下午茶餐包了杯熱飲，凍飲 +HK$3，特飲可享正價 6 折來到越南餐廳當然要試下 ... 越南滴漏咖啡 原價 HK$24 → 跟餐 +HK$16 越南滴漏咖啡以越南咖啡滴漏壼上枱如果下面隻杯換番隻透明咖啡杯，可以看到咖啡慢慢滴漏的情況就更好喇 !!!咖啡杯的底部已加入煉奶，攪拌後就可品嚐到香醇的越南滴漏咖啡囉 !

呢間越南餐廳睇住開張，一直搵機會來試！今日同肥髀來，唔使等位，店內地方唔大，裝修見心思！坐靠牆二人位，淺綠色梳化加黑色桌面，一群燈籠🏮式燈罩幾特別，地方較少，黑白不規則線條瓷磚型格！大路越式食物都有，落單後食物好快到！越式無骨雞河粉（$42/細碗）好少見越南🇻🇳菜中有無骨雞！細碗份量都幾大，河粉幾滑，湯底係濃雞湯，清甜油香滿咀！雞肉嫩滑，有兩款醬汁，自己偏好濃甜黑醬油，配雞好味，蔥油香，我用了落撈檬！好食越式雞絲扎肉撈檬（$40/細碗）札肉彈牙，夾雜了啫喱，落了枱面嘅酸汁，酸酸地開胃，檬粉唔夠彈牙，粉多配料少！青瓜絲、蘿蔔絲都醃漬過，酸爽好味！如果有生菜絲會更好！而家欠了點口感！味道ok越式蒸粉包（$18/2件）一個木盒盛載住，木盒比較舊，粉包皮較厚，唔夠嫩滑，入面肉碎餡肥美！ok香矛雞翼（$22/3隻）一份三隻，金黃色乾身，皮脆到咬開有聲音的，雞肉嫩，不過香矛味唔強！好味不過欠缺了風味！越南滴漏咖啡（$16）叫了少奶，瓷杯顏色精緻，咖啡夠熱濃香，少甜剛好！微甘好味！椰青（$38）唔可以跟餐！肥髀飲，夠凍，不過椰青水好滿，飲落肥髀話有酸味，同平時唔同！所以無叫佢再飲！食物幾好味！份量大

下午茶試左沙嗲牛肉檬粉，炒滑蛋餐。一睇就知個沙嗲吾夠，成個湯非常淡沒有沙嗲味，牛肉同檬粉正常。炒蛋過老不是餐牌寫的滑蛋😑，總括得個餐包同咖啡可以的。之前新開時都試過生熟牛肉河，牛肉是很韌同老。隔左甘耐應該好啲都係甘😕2次都不好食，但見其他人的食評都很好，可能試其他菜式會更好?

焗芝士咖喱牛腩麵包盅伴牛油金磚及白飯 $82佢🤗並唔係一個簡單既農夫包！佢係包埋牛油麵包同白飯既重量級農夫包餐！😂完全係食到超滿足～咖喱係屬於甜辣果款，所以唔會話好辣😝，上面仲有芝士比你玩埋拉絲。牛腩肉質鬆化，牛筋亦入口即溶，牛油金磚連裏面都係脆身既，仲有索哂汁既薯仔，真係無得輸！越南麵包 $33雖然黎之前都search過下佢地既review，越南麵包一上枱都仲係嚇我一跳😂。真係好大個😱，有我隻前臂咁長，上面塞滿酸酸地既紅蘿蔔絲、生菜絲、粉絲等，再淋上千島醬，裏面仲有扎肉同豬頸肉，不過略嫌肉類配料少左d，加多d就更好。兩款特飲大大杯，黃綠醫生芒果味道香甜，慢慢又有奇異果既酸味調和；曲奇摩卡沙冰朱古力味道好香濃！

🥖芝士流心炸蝦餅 $58老實講佢冇咩芝士味 但佢係好好食既蝦餅唔算油膩 超脆 入面幾彈牙 好食😛--🦀酥炸軟殼蟹伴生菜 $55軟殼蟹好多肉 有膏 炸得好酥脆 咬落啲汁咇岀黎 生菜我冇理到 哈哈😅--🍞焗芝士番茄豬扒麵包盅伴牛油金磚及白飯 $82其實整體都ok既 除左芝士左啲之後豬扒都有五舊 又有飯又有包 一定飽呀😅--🍋芒果黑白糯米飯 $48一舊舊咁樣幾特別 黑糯米比白糯米好食😘

下午本想去九龍灣吃越南菜，不過見到網友對那間店的評語普通，便改去米紙，最少我去過兩次，知道不會伏。記得上次吃香茅豬扒飯，覺得不錯。而隔離有位女士，原來一星期來幾次，次次也是點火車頭，故我也想試試。有大細碗兩款揀，我選了細碗的，下午茶時段連飲品$42。雖說是細碗的，但河粉的份量也不少，配料亦豐富：有生牛肉、牛展、札肉、蘿蔔、魚丸、豬肉丸和一堆雞絲，碗底有點芽菜和生洋蔥，上面舖了蔥段和一片九層塔。牛展和魚丸沒甚麼味道，札肉有很濃的黑椒味，豬肉丸裏面有些汁，不過並不濃味。較好吃的是生牛肉和蘿蔔，雞絲也可以。配料的味道不特出，最好的是那個湯底，清香味濃，不油不膩。蔥段和九層塔也令整碗河粉加添了特別的香味，令本來只是一般的河粉，變得很鮮味，十分好吃。網友推介這裏的錫蘭奶茶，送到來時我才記得，上次已經試過。奶茶的茶味很濃，味道並非港式奶茶那樣，溝了幾種茶，沒試過的話，一試亦無妨。

午飯時間，總不希望留在公司，今天想走遠一點，遠離繁囂，行著行著，便來到了這個安基商場。安基商場位於牛頭角上邨和淘大花園既中間，由於附近office不多，所以我到訪既時候都係以一家人既客人為主。透明玻璃既門口，天然既陽光由門口照入，都幾光猛。打開餐牌，選擇都真係幾多，河粉，撈檬，焗飯，炒飯，都一應俱全，而且價錢唔貴，最平既$40幾蚊已經有交易。午飯時間每個午餐都會包飲品，另外可以加錢轉特飲，特飲就係以6折既價錢去計算。晚上6點前都免收加一，「早鳥」既晚飯客絕對能夠受惠。基本既餐具都已經放在桌上，另備有碗仔，方便客人share。順化三寶撈檬 $57心多多既我就揀佐三寶撈檬，三寶包括香茅豬扒，香茅雞翼，和扎肉。估唔到既係撈檬都幾大碗，生菜，花生，蘿蔔絲齊備，加上魚露汁已經好好味，食完超級飽，我覺得甚至比食一大碟炒飯更飽。香茅豬扒和香茅雞翼煮得有少少overcook，不過香茅味都好夠，扎肉就仍然係穩打穩扎。芒果乳酪沙冰 $20飲品方面我就好豪氣咁叫佐芒果乳酪沙冰，估唔到既係餐廳會用沙鮮芒果去製作，少少酸來自乳酪，芒果味就好清甜，6折既價錢真係好抵加，因為我覺得呢杯飲品既滿足度絕對大於$20。埋

.🍴 焗芝士番茄豬扒麵包盅🍴$82呢個餐好多碳水化合物又有麵包又有蒜蓉金磚又有白飯😂😂🍞🍚 包你飽😂打開個蓋估唔到有芝士拉絲😎🙌🏻整體來講都算好食但入面嘅豬扒唔似係焗過🤨🤔最後飽到個麵包中無切開黎食 好哂😐可能同款嘅焗芝士咖喱牛腩 會更加夾芝士🤤.呢間越南餐廳嘅越南野比較值得推介🍴越南小食雜錦拼盤🍴$72💁🏻‍♀️炸春卷💁🏻‍♀️香茅雞翼💁🏻‍♀️炸魚餅💁🏻‍♀️蝦片肉碎 炸春卷好足料有木耳籮白絲 冬菇同蝦😌雖然好多炸野但食完都半飽🤤過足口癮🤪😋.🍴生菜包軟殼蟹🍴$55有成6件軟殼蟹😘呢個真係好抵食👍🏼性價比好高！ 出面泰菜食軟殼蟹撈檬 $8x先得3件😵但係無汁食好乾😫 最好叫佢上個泰式醬或者酸醬😋😂.地址：越南米紙 牛頭角振華道20號安基商場地下11號舖幸福指數：7/10人均消費：$80-120

牛頭角安基苑商場被翻新之後，整體感覺煥然一新，好些新食肆進駐商場，>>>越南米紙<<<就是其中一間。 米紙是甚麼東西？據維基百科解釋，「米紙原來是磨米成幼粉，加水成糊漿，蒸熟成薄如紙狀，待水蒸發之後，即成。」 既然餐廳以米紙命名，定要一試這名副其實的招牌菜，所以先點一客鮮蝦豬肉米紙卷(HKD48)。透薄米紙爽口清淡，包裹大大隻鮮蝦和豬肉，佐以紅蘿蔔、青瓜、生菜及薄荷葉，既平衡營養，口感更見涼爽，是上佳炎夏開胃小吃。 酥炸軟殼蟹伴生菜(HKD55)是另一滋味小吃。油炸食品從來是冰的cup of tea，蟹也是令冰垂涎欲滴的食材，兩者結合實在無法抗拒。由於軟殼蟹即叫即炸，就得要花點時間等候，方能享用美食。新鮮炸起的軟殼蟹甘香可口，外脆內軟，然而淨食未免太過油膩，所以得要以生菜包裹，讓軟殼蟹入口更乾爽俐落。 生菜看來經過細心挑選，翠綠菜葉面積均較大，完整包起軟殼蟹綽綽有餘，菜葉數量也充足，不會僧多粥少。 加一後消費為HKD113，略略高於預期，猶幸食物水準值回票價。

今日同同事夜左妖工, 所以大定約左一齊晚飯...平昤好少去牛頭角食飯, 同事介紹我食呢間, 話價錢超值晚餐套餐多選擇....種類豐富我地叫左豬扒撈檬配安南炸春卷.檬粉超級大碗, 入面有花生碎, 生菜, 芽菜, 紅蘿蔔＆青瓜絲..好足料...加埋個汁落去食, 超越開胃豬扒有2塊, 煎得好香...唔'鞋'......炸春卷層皮好香脆因為我地叫左個晚餐SET...所以轉特飲有6折..好抵..大大杯沙冰, 唔會過甜之後再叫左個火車頭河粉, 都係大大碗, 好多肉  有牛丸, 雞絲, 牛展, 肥牛. 河炒份量都係超級多...最緊要係河粉無'雪味', 湯好飲最後我地叫左個小食, 蝦春卷米紙原來米紙係一層好薄,好似腸粉咁樣..入而有蝦, 蟹柳, 粉絲...仲有一Ｄ配菜，味道好清新食物份量對得係個價錢

睇戲前去附近快食越南菜，裝修唔錯。Menu介紹越南菜特色和由來，故事性豐富。順化香茅豬扒撈檬及安南炸春卷(2件) $73厚切豬扒很入味，配料有青瓜、蘿蔔絲、花生碎，檬粉好大碗。安南炸春卷春卷好鬆化，唔油。生菜包香料新鮮豬肉碎配香茅黃薑飯$72份量十足，肉碎有很多配料mix，生菜新鮮爽口，和酸瓜和蘿蔔食，味道唔會單調，飯的黃薑味可以再重些。鮮蝦豬肉米紙卷$48除左蝦肉，仲有青瓜絲、蘿蔔絲、粉絲、生菜，豬肉碎好香口，蔬菜和肉比例非常好，米紙幾煙韌，味道清新，好健康。配熱檸水

米紙之前上午十時才有早餐，後來改為八時，在門外見到有越式粉麵套餐。今早來試吃，聽熟客說改了餐牌，經典早餐以港式為主，但加了「越式湯」三個字。我點了C餐仿鮮魚絲火腿通粉，以前喝過奶茶，非港式並不好喝，便叫了咖啡。見到「升級優惠」內容不錯，價錢亦平，又加了$2要蒜蓉牛油多士。想不到那件$2的蒜蓉牛油多士，十分美味。熱辣辣送上，只是微烘不算脆，但十分鬆軟，香草蒜蓉香口味美，真想吃多一件！通粉也是熱辣辣的，湯底有很香的鮑魚味，大大碗十分滿意。咖啡則是普通的即磨味道，沒特別但比奶茶為好。這個新鮮熱辣早餐，埋單才$28。我最喜歡有個自閉式單人座位，十分好hea！

我記得多年前，香港收留了很多越南難民，當時曾經出現很小型的越南食肆，隨著難民移居外地，越南餐廳變得少了，不過近年，有一間越南餐廳，越做越好，仲成功在香港上市，之後忽然之間，市場上出現了很多南越和北越餐廳。這間位於牛頭角的越南食肆，是友人推介的，如果唔係，都唔知這裡有間新開的餐廳。餐廳位於商埸外圍，設計時尚光猛，給人一種舒服休閒的感覺，有卡位及方枱，空間寬敞舒適。我們要了香茅豬排檬及炸春卷($73)，越式牛肉鍋($78)，這兩個都包咖啡或茶，凍飲加$3，而轉餐牌上其他飲品，享正價6折，所以我們要了一個青黃不接(折實$18)及芒果乳酪沙冰(折實$20)，因為芒果乳酪沙冰太好味，最後以原價($33)追加了一杯。青黃不接，係青瓜汁加菠籮汁攪勻加上沙冰，味道好清甜，飲完覺得食咗好多青瓜和菠蘿。芒果乳酪沙冰，芒果的甜味加上乳酪的酸味，形成一種好想食嘢的感覺，配合其他食物一起進食，就更加好味。因為太太試了一口之後，覺得太好味，所以不得不追加一杯給她。香茅豬排檬，豬排用香茅醃過，大塊而且好入味，外皮亦炸得好香脆，檬粉份量很多，一個男人吃都一定飽。炸春卷，外皮用米紙包著，炸得好脆，入口溶化，和餡料配合得