越式阿肥美食

營業中

休息中

由中學食阿肥食到而家，十幾年都係咁好食。出黎工作之後都比較少再去慈雲山，但去親都一定會食阿肥！因為每次都好掛住阿肥既美食。呢日放工專程約左舊同學一齊回味一下，老闆娘依然係咁型，未至於澳牛咁，但對住d客絕對唔同你客氣，極有霸氣😂😂😂上菜見到沙爹牛肉檬真係口水直流，我忍唔住要食啦！牛肉好滑好入味，一點都唔鞋，大量乾蔥同蒜好香，沙爹汁配合檬粉勁正！可以唔使落其他酸醋食，色香味俱全呀～好快我又再番黎食架啦！🤣

話說有一日lunch心血來潮好想食撈檬，醒起以前有個舊同事帶過我去慈雲山食一間好好味又地道既撈檬，一放飯就第一時間衝去食🤤🤤其實都唔知exactly係邊到😧🤔 不過跟住d同事就跳左上的士去😂可能慈雲山唔係好大，司機咁岩就擺低左我地係阿肥美食既同一條街，我一眼就spot到 "係佢啦" 就衝左埋去羅位。好在去到都只係十二點半，唔算多人，即刻有位，如果遲多三幾個字就應該要同學生哥爭位🤦🏻‍♀️ 話說呢，呢到既lunch time就無咩野食揀的，因為太多人去既關係，老闆只係得以下呢張餐牌既選擇，其他大部份既小食包括佢最出名既牛油雞翼 一 律 無🤷🏻‍♀️ 叫左杯我的至愛，咸檸七🤤 平時我係唔中意飲汽水的，不過一遇上咸檸七，無法抗拒❤️ 佢係原罐七喜加冰底同督好左咸檸上比客的，只要一加入七喜，撈兩下，就好咸同好檸嫁啦❤️雖則大部既小食都無得賣，basic野都仲有，叫左個越式春卷，有幾片生菜比你包住食無咁油膩，春卷炸得超級脆😍 入面係d粉絲丫碎肉丫香料丫咁，味道都幾好，食唔到蕃茜個d味👍🏻主角當然係呢碗三拼檬粉啦，先講份量，咪話女仔，男人都會夠飽，碗粉超級大碗🤷🏻‍♀️ 如果檬粉再凍d會更好。三拼餸揀左豬扒

呢間餐廳真係世界級，無冷氣，夏天真係有啲難頂，但係仍然搵個位都難，就知有幾好食😊次次都必點炸蝦餅同牛油雞翼，呢兩個係必點‼️必點‼️必點‼️所有野都係即叫即做，蝦餅好彈牙，配埋雞醬，真係好正！牛油雞翼都係即炸，所以等嘅時間會耐啲，炸起即食，好多肉汁流出黎😋豬扒飯配豉油蔥汁，簡直無敵！豬扒唔會太乾身，平時唔食蔥嘅我，都好鐘意呢個汁😋好多人投訴呢到啲姐姐好串，又鬧人。無錯，佢係好燥底嘅，所以你叫野食嘅時候要揀好，唔好阻住佢做野，咁就唔會俾人鬧架啦😂夜晚7點想搵個位都難！買外賣都要等半個鐘先有！真係唔係誇張！

一直都想食撈檬再加上終於等到星期三(p.s星期一，二依到唔開架),一於揸車去慈雲山食。十二點半一去到好好彩有張二人枱，唔洗等。環境同一般，無冷氣，但佢既撈檬令我接受左依個事實😂其實除左撈檬外，好多人都叫四寶飯，望落都幾大碟吸引，難怪吸引左唔少學生黎，所以等唔切或者熱唔到既，外賣都係一個good choice😂鋪頭中午因爲少員工，所以午市menu選擇唔多，小食menu要主動問呀。總括來講，一人食左60幾，我會再黎，一定會

何謂勇者無懼？就係高溫下，30幾度都滴住汗黎食，只為了一碟美味越式碟頭飯！通常我都係買外賣比老婆食，今日難得佢肯同我堂食，就算汗流夾背，都在所不計啦。今日真係好熱，所以完全唔洗等位。雞翼肉餅飯（$38）雞翼扎肉飯（$38）雞翼即炸好熱辣辣，醃得好入味呀！肉餅煎得juicy，扎肉就係原汁原味，加啲魚露食再正啲！呢兩碟飯嘅另一個靈魂就係豉油汁同蔥油，超好送飯！加埋兩支汽水（$10/支），成餐飯只需$96，兩名勇者烈日當空挑戰美味食物完滿結束，哈哈。

朋友仔帶我來食佢嘅學生時期最中意嘅阿肥，坐係路邊別有一番風味，不得不提個牛油雞亦真係好好食，雖然好似講緊廢話但真係好香牛油味豬扒撈蒙都好正，雖然唔係好就腳，但都會再來

讀書嗰陣時，呀肥就係學校附近，一星期起碼三日食呀肥，放lunch鐘聲一響起就即刻跑去阿肥霸位（因為好多人），最鐘意食佢個咖哩汁撈檬粉，仲要多乾濕蔥，諗起都想食。到讀完書仍然會有時返去食懷念下，大個左去先知原來牛油雞翼好味到傻，一咬落去牛油既香味出晒黎知道慈雲山好多舊食店都執晒好唔開心，希望呀肥長做長有，繼續keep落去啦！

阿肥就出名服務態度差架嘞，不過冇計真係太好食，所以每次都唯有抱㒓戰戰兢兢嘅心情去食！街邊檔就預左坐得唔舒服，所以我同朋友就外賣左返屋企食，正，有冷氣嘆！朋友仲要勁醒咁一早打咗電話去book，去到就有得攞，勁方便！牛油雞翼真係不得了，冇得唔食，脆到一個點，熱氣都要食！撈檬最鍾意佢個汁，多油嘅蒽又係大愛，佢仲有勁多配料，救命，太正！炒通菜同樣食到停唔到口，最衰得兩個人，唔可以嗌得多，唔係一定叫多幾樣！

依間阿肥係坐 o係街邊食 ga不過店外面條馬路其實冇咩車經過所以都唔會話好污糟o黎依度食 o野別有一番風味呢~本來想食凍濛, 不過諗諗下都係食飯飽 d一個係雙拼 o左雞翼同豬扒另一個就牛同魚餅味道都 ok, 但就冇以前 o甘好食 lor雞翼都好香口好好食 ge不過豬扒係就係大塊, 但係有 dd 乾得濟同硬失色 o左 d牛肉冇以前 o甘樣鬆鬆軟軟 ge 口感而家係有 d 硬, 牛肉顏色都深色 o左反而魚餅我覺得好味 o左至於服務態度就一時時 la, 始終太好生意太忙

今晚買外賣晚飯比老婆，我呢個24孝老公當然要買好嘢比佢食啦。雞翼魚餅飯（$39）-單係豉油撈飯，再加埋蔥油已經冇得輸。雞翼炸得香口，魚餅辣辣地又彈牙，難怪老婆仲食得多過我！！牛油雞翼（$39）-半客有5隻咁多？！唔理了，反正呢個係老婆至愛，牛油味香噴噴，蒜蓉味濃，係就係邪惡d，但偶爾一食都唔錯。呢度堂食環境麻麻，亦有可能比d阿姐串你，但其實都幾好生意架，如果唔想坐街邊的話，選擇外賣返屋企食都幾好！

豬扒撈檬: 塊豬扒都幾大塊, 唔會太乾, 偏清淡。檬粉都ok, 有d 花生碎+ 酸羅白, 加埋d 越式醬汁, ok ge~香蔥雞肉蝦片: 面頭有舊燒雞肉+ 蔥, 雞肉岩岩燒起,熱辣辣,  下面墊左好多蔥, 最上面用蝦片墊住。堆得都高, 所以好難成舊質入口食, 仲有6大舊, 抵食! 有驚喜~ 食完好大朕蔥味 呢度真是要忍受等好耐, 同埋staff比較惡, 同埋地mou少少。不過價錢係抵ge

慈雲山係我一個充滿童年回憶嘅地方， 有陪著我長大嘅環境、朋友、當然仲有美食。而《越式阿肥美食》， 就一定係慈雲山好食龍虎榜嘅首位。每次食《阿肥》，都例必會叫一客牛油雞翼，皆因呢度嘅牛油雞翼無可匹敵。可惜今次喺學生lunch時候幫襯，老闆娘竟然激罕地發放可貴嘅笑容， 話冇牛油雞翼，叫我哋揀過第二樣嘢食。 我哋就梗係乖乖咁一秒都冇諗，即刻指住人哋隔離嗰碗鮮牛肉撈檬落order啦~碗鮮牛撈檬好快上枱， 賣相就真係非常之靚， 香煎嘅鮮牛肉色澤金黃， 用嘅鬆肉粉唔算太多， 總算食到少少牛肉鮮味，而鮮牛嘅份量亦唔少。碗撈檬有生菜、花生碎、酸蘿蔔絲、 同埋香蔥。倒埋酸甜味適中嘅越式蒜蓉酸汁， 撈埋黎食確實非常開胃。另外檬粉亦都唔會糊口， 算係幾爽身。 難怪成圍枱有五個學生都食緊呢碗撈檬。今次食唔到至愛嘅牛油雞翼， 亦冇聽到老闆娘鬧人， 真係有啲唔過癮，哈哈！

人哋話慈雲山好多嘢食，但係我一次都未食過。今次揸車特登過嚟朝聖，話呢間越式鋪頭好好味，一定要黎試吓。呢日凍凍地，等到個人好肚餓，一坐低諗都唔諗。見到人哋枱面食乜就點果樣呢個牛油雞翼，從來都未食過咁好味既炸雞翼，咬落去好香牛油香味，又juicy 必點炸魚餅扎肉飯，望落去好普通但係唔知係咪太肚缿找既關係，特別好味招牌豬扒飯每張枱必有一碟，佢啲豬扒煎到啱啱好唔會柴皮，肉汁爆出黎，呢碟飯上左枱唔夠5分鐘，就沽清左，好味到自己都驚呢間價錢好相宜，但係你要冒一個險，要諗清楚先後點餐，同埋唔可以吹老闆娘因為你要預咗被鬧

住左係慈雲山都廿幾年，第一次食阿肥，因為一直聽人講黎呢到食要俾錢又要受氣。加上係露天，所以從來都冇踏足過。今次會食純粹因為本身想食個間野太多人，禁岩阿肥又有開又有位就試左佢，（因為老公都未食過）坐低就叫左一個香茅豬扒煎蛋飯 多蔥，另一個就香茅豬扒雞翼飯，啊姐態度麻麻架咋，話要等3個字，等等等，終於有得食。蛋煎得都幾令，而且撈埋d蔥同飯食就正正子， 豬扒我就嫌比較乾身，雞翼就幾入味同脆口架但就不過不失。建議大家， 如果鍾意食濃味， 可以叫多蔥。汁就唔使多，因為已經好多 順帶一提， 我哋食食下阿姐已經話啲飯賣曬， 得番檬粉，所以想食飯嘅朋友，就記住早啲嚟啦。最後，埋單嗰陣，阿姐都幾有禮貌，算佢啦

舊區有好多小店, 位於慈雲山, 友人一定要帶我黎食, 由鑽石山站行上去應該要十五分鐘等左一陣就有位, 見到每樣都想試就叫左一飯一粉一小食香茅豬扒雞翼飯, 雞翼好脆口, 豬扒有d乾但份量好足, 成碟飯靈魂就係上面d蔥油, 真係可以食晒成碟, 加沙爹汁$1雞扒已經碎上, 真係好多舊, 鋪滿成碗, 檬粉汁自己落, 酸酸甜甜好開胃, 底係檬粉好多, 係乾身左少少雞絲蝦卷, 上檯後先發現其實同檬粉好相似, 好足料, 每一條都好多料, 賬卜卜, 好飽肚抵食夾大件, 我會再來幫襯