越式阿肥美食

營業中

休息中

呢間野啲嘢食唔錯但啲姐姐啲服務態度可算係全慈雲山數一數二差嘅今日叫外賣等咗差唔多30分鐘仲要比個姐姐兇返轉頭眼見前面六個學生已經食完晒但自己仍然喺度罰企等緊實在好無奈見到有個學生同我一樣因為等左好耐但都未有嘢食所以問下個姐姐點知個姐姐又係以最差嘅態度寸個學生呢啲當客人唔係人嘅服務態度實在可恥到不得了唔鍾意做可以唔做執咗間鋪佢冇需要侮辱客人啫我亦未會繼續幫襯呢間咁不知所謂嘅阿肥美食

住呢區都知阿肥其實好出名慈雲山好細食肆唔算多，大部分都聚集係毓華街呢邊！而唔知報紙雜誌都訪問過阿肥阿肥店面很細，其實只能大概容納兩張枱，但店主應該經常偷雞把枱放在街上，但街坊們都唔介意環境差同天氣熱，每次都座無虛席。好多次到阿肥打算品嚐美食，怎了10次有五次以上都摸門釘😭所以今日經過見佢開門真係一定要試下一如以往餐廳堆滿人，又熱又冇冷氣我都係買外賣返屋企食了！今日姐姐可能心情好，態度唔錯（平時有時幾惡的）。我一於點左個雞翼拼豬扒飯多蔥$37。返到屋企打開飯盒。嘩的確好多蔥喎！呢到的蔥油撈真係好好好食雞翼有兩隻，雖然外皮唔脆但係非常惹味！豬扒就略嫌鞋左少少有啲失真，白飯淋上豉油再加埋蔥油真係非常好食！份量都唔少我一個人食唔晒一於留返聽日再食

不嬲知阿肥啲越式野同埋啲呀姐態度差出名，好耐冇食，今日黎嗌外賣，呀姐仍然好惡！叫左香矛豬扒飯、四寶飯同一客牛油雞奕。我個香矛豬扒飯啲豬扒，實在太太太乾啦！好似翻炸過咁，又硬又un。我直頭食唔哂啲豬扒，因為咬到好攰。朋友個四寶飯我冇食，比唔到comment. 最後牛油雞奕係唯一拉分嘅地方，雞奕隻隻大隻，漲卜卜。外脆，雞肉又好滑。一咬啲牛油走哂出黎，好香口。不過就真係好肥！

與朋友到慈雲山Hea遊，見肚餓就到區內著名的越式阿肥食個下午茶~戶外環境用餐，阿姐們大聲較無禮的態度亦無損食客的熱愛，外賣堂食均絡繹不絕。不過三點三會休市，到晚上才恢復營業！四寶飯(香茅豬扒、炸雞翼、扎肉、炸肉餅) - 米飯剛新鮮做好，食落像糯米的感覺，煙煙韌韌。豬扒炸得較乾身，肉質有點嚡！雞翼用豉油醃過，煎得皮薄肉嫩。炸肉餅質感彈牙～扎肉味中規中矩！香茅豬扒撈檬 - 豬扒切開都有七小件，炸得較乾身，肉質較嚡。檬粉份量十足，配上花生粒、青瓜蘿蔔絲及醬汁，酸酸味味挺開胃！牛油雞翼(半客) - 因為只有兩個人關係，所以點了半份！即叫即整，熱騰騰的牛油雞翼味道十分可口，皮脆肉嫩之餘亦都滲出濃濃的牛油味～絕對比炸雞翼惹味得多，難怪成為招牌菜之一！沙嗲什錦串燒(牛、豬、雞) - 牛串燒牛肉味尚可，燒得合時肉質不致於韌！豬串燒燒得較乾身，肉質厚度不足故食落帶點嚡～雞串燒味道最佳，肉汁夠之餘肉質亦嫩滑有嚼勁～配上粗身花生粒及濃郁的沙嗲汁，味道更上一層樓。

撈粉要平要好食 我除左諗到慈雲山我都諗唔到仲有邊度35蚊有一碗好食又飽既今次放假突然又好想食就去左慈雲山食撈撈今次叫左雞扒同豬扒豬扒就真係唔錯 可能係招牌關系但係個雞扒就真係好利害 可能炸到咁脆咁乾=.=係乾到估你唔到我平時都會叫三寶 今次叫豬扒就出左事我女友個豬扒就軟熟仲有D汁 我果個真係好大分別-.-碗粉都係好多配料同乾身個汁都係自己加想要幾多就自己黎 超正!!35蚊食到飽 仲要係唔差既我相信都冇咩地方可以做到今次我以為個惡人阿姐冇做 原來去左買野=0=收錢就出現返 

今日好熱但忽然好想吃阿肥(冒著接受阿姐臭臉的風險哈哈)叫了豬扒肉餅飯($37)同炸雞翼撈檬($27)豬扒香口夠入味但炸得有點乾肉餅多汁不俗配上邪惡的豉油及蔥油撈飯正!!!!炸雞翼撈檬雞翼不比店內的牛油雞翼遜色都算香口惹味!今日驚喜雖然天氣熱但竟然無損阿姐們的心情她對客人十分客氣呀!!!

慈雲山毓華街嘅《阿肥越式美食》無人不曉出名嘅除左係阿肥老闆娘 姐妹花仲有我覺得係全港最好食嘅 牛油雞翼未畀老闆娘話個嘅人 都唔好話自己食過阿肥佢正正表現出大聲唔代表冇禮貌同鬧你嘅語氣每次食阿肥 唔畀佢鬧過好似都覺得唔過癮講番個超級無敵牛油雞翼$66/6隻牛油同蒜香味係我食過咁多越式牛油雞翼中最濃 最香嘅咬落每一口都有牛油嘅香味， 而且脆漿上面嘅蔥頭同蒜蓉都係重點呢個雞翼簡直係每次都必點系列不過由於即點即炸上菜嘅時間就較長另一推介香茅豬扒飯$40阿肥嘅香茅豬扒大大塊香茅味十足 上面嘅蔥同個豉油汁 簡直係靈魂所在阿肥美食嘅座位只有戶外夏天食嘅話都幾熱下不過勝在少人排隊阿肥美食由細食到大 希望唔好俾地產霸權令到一間美食小店冇咗啦

黎過幾次 次次都無開 今晚終於開門了 今次系第2次食 老闆娘依舊咁好火 😂😂 今晚我同男朋友叫佐個人氣牛油雞翼(好正 即炸 熱辣辣 成隻雞翼都有牛油既香味 重點唔油膩)蒜頭炒芥蘭(非一般市面既蒜頭同芥蘭，芥蘭好爽脆 仲有d魚香味 可能系d蝦仔鮮味)香茅雙併飯(香茅雞翼同香茅豬扒都好入味 豬扒晤肥仲有蔥油撈飯)魚餅凍撈(魚餅好彈牙 陣陣香茅味有少少辣 開胃又涼快)概括而然阿肥既送菜系好抵食好好味

烈日當空企街等位🔥🔥🔥一路等一路流汗流足 30分鐘💦💦💦終於等到有位🤓見到每個食客都係叫香茅豬扒飯或撈檬梗係要跟大隊啦😂😂😂同友人分別點了一個香茅豬扒飯 一個香茅豬扒凍檬半客牛油雞翼同埋一杯紅豆奶茶香茅豬扒飯（$35）堪稱阿肥美食的招牌菜😍😍😍兩大塊生炸厚切豬扒豬扒有少少肥邊 但不會太肥膩 而且不多骨😌香茅的味道也很突出 很有越式風味沒有太多的醬汁 只有撈飯的豉油但經過生抽和老抽精密調校 鹹中帶甜 十分惹味😋一大撮青葱經過滾油浸泡 味道特出最適合撈飯食 簡直一流👍🏻👍🏻👍🏻香茅豬扒凍檬（$27）炎炎夏日🌞梗係想食d凍野❄️原來撈檬價錢平$8係因為只有一塊生炸厚切豬扒🤔香茅豬扒也烹調得十分出色😋多了炸得香脆的炸蒜配上特製的越式酸辣汁 加上醃過的紅白蘿蔔絲 十分醒胃😌牛油雞翼 （半客）（$33）真係即叫即炸架！🤓外皮十分香脆可口未食已經聞到好香牛油味😳😳😳一咬 wow 差d熱死我 d肉汁係口腔𥚃爆發肉質相當嫩滑😋雖然看似簡單又易烹調的牛油雞翼但味道卻一鳴驚人😎屋企自家製真係未必整到🤔雖然價錢看似有點兒貴但食落就會知道物超所值🤑🤑🤑紅豆奶茶（$22）港式茶餐廳特式飲品不過唔係周圍都有得orde

今次渣車經過，好多年前食過一次，韻味依然。都係無變過，同家姐兩個人去食，叫左一個四寶飯同豬扒凍檬仲有必叫既牛油雞翼。唔記左影左先食😂呢個係豬扒凍檬四寶飯包括左豬扒、炸雞翼、炸肉餅同埋扎肉，佢炸肉餅好好味，外脆內軟下次可以叫炸肉餅檬試下一定要叫牛油雞翼食佢係我暫時食過咁多間牛油雞翼最好食既一間，無論佢香口程度十足，完全唔覺得佢油膩，齒頰留香

夏天熱辣辣 緊係想食啲無咁熱嘅野腦海即刻出現撈檬 結果來到慈雲山阿肥因為想食扎肉米紙卷 所以無叫撈檬因為米紙卷內有檬粉啊米紙卷好fresh (如果一個人食四件 一定飽晒)咁改嗌 生牛湯檬啦 第二最愛朋友就叫左香茅雞翼豬扒飯 一定要加咖喱汁 (好油 但的確好好味)最後都係忍唔住口 叫埋份牛油雞翼

阿肥雖然地方淺窄，d伙計呀姐d服務可以話全港數一數二差，但一樣客似雲來，所以其實d野好食抵食，香港人真係無咩要求。話說今日經過，買外賣小食返屋企，當然係選擇牛油雞翼啦！牛油雞翼同香茅雞翼係兩樣野黎架，牛油雞翼遠遠就聞到好香嘅牛油味，每一隻雞翼大概有大半隻手掌咁大隻，雙面鋪滿一啲炒咗嘅蒜蓉同埋洋蔥，個炸漿香到好似用牛油去溝咁樣，一上碟嗰陣熱辣辣，咬落去一啲都唔乾，相當juicy，最利害係啲牛油味咬到入去雞肉入面都仲聞到，好食到連其他嗰啲洋蔥啊算啦都要食埋。但係要注意，牛油雞翼係要等夠一定數量夠多碟先一齊做嘅，千祈唔好吹佢哋。除咗牛油雞翼，其實佢哋嘅凍檬同埋咖喱都好好食，下次上到嚟慈雲山不妨試吓。

今日又約左美國返黎朋友同佢老公，想食越式野我有推介，就係由細到大食開嘅阿肥, 泊好車後雖然見到同一條街新開嘅韓國野，但都無改變我地嘅目的地阿肥！由於得我識睇中文，我負責嗌野食： 串燒沙爹什肉 有牛肉、雞肉、豬肉。牛同豬肉都好tender，雞肉嫩滑配埋超好味灑上花生粒嘅沙爹汁，食落啖啖肉，四個人share每款一人一半係剛剛好，想encore但要留位食其他什錦拼盤 （炸扎肉，扎肉，燻蹄，牛肉蝦片，炸蝦，春卷） 剛剛炸起牛肉蝦片鋪上檬粉，配上越式汁加上牛肉，脆脆地好好味; 炸蝦係蝦打成嘅蝦膠包住一條蔗炸起，一d都唔油林林，春卷就更好味，最鐘意夾住檬粉同小小豬肉嘅味道，燻蹄就一早預備好的，面頭圍住jelly, 有好大粒黑椒喺裡面，正！沙爹炸扎肉飯x2 終於黎主菜，li個係每次都必叫嘅飯，濃濃嘅沙爹汁滲哂入每粒飯粒。扎肉本身就有好多種食法，經過脆炸後再配埋沙爹汁就更加好味。

呢間真係又愛又恨……好鍾意食，但係姐姐好惡……成日都好想食，但係又無位……今日最後都係決定去等位……等咗成45分鐘，終於有位。我地叫咗最鐘意既香茅豬排飯多蔥，牛油雞亦，越式春卷。啲豬排好香又唔乾，一啲都唔“鞋”，再加多啲香蔥，真係送飯一流！牛油雞亦例牌等好耐，但係值得既。外脆內嫩，好香既牛油味~不過食完應該肥幾磅~哈哈哈哈。春卷炸得香脆，啲餡好多唔太咸，包埋塊菜fresh啲，咁就無咁滯。今餐好滿足，太耐無食。不過姐姐都仲係咁好中氣~

炸蝦餅 (半客: 2件) $34 :即叫即炸, 所以需要等下. 好夠熱又香口, 蝦肉爽彈好味. 唔點甜辣醬都夠味.少人可以叫半客, 好貼心既做法, 唔怕食唔哂, 分量岩岩好.牛油雞翼 (半客: 4隻) $33:又係即叫即整, 所以好熱而且脆卜卜. 一上枱好香陣陣牛油香. 雞翼咸左少少. 送飯麵/啤酒就一流啦.同樣少人就叫半客, 不過有D唔夠喉, 可以叫多D.牛肉炒金邊粉 ($46) :好夠獲氣, 牛肉軟嫩好咬, 又有牛味. 金邊粉夠乾身. 好足料夠哂大碟. 有6小碗.不過碟底點都係多油d.