越男仔 (已結業)

今日又同玩音樂的朋友出黎食飯, 約左最就腳之銅鑼灣食~呢間成日經過想試呢~終於食到~裝修光猛，除卡位外, 仲有很多高卡位一個人黎食都唔洗搭台天氣熱，先叫一杯飲品解喝先~薄荷龍眼冰$30 (跟餐價$20)好鍾意飲薄荷飲品，好清新，再加埋龍眼更怡神, 加埋梳打夠冰涼!正呢款係三文魚手撕雞檬紙卷$55 (跟餐價$49)餐牌上註明了"超新穎"三個字而吸引了我呢以三文魚做主題的越南菜是幾新鮮呢，這是檬紙卷，有生菜、手撕雞, 層次及口感豐富。蕃茄四寶湯檬粉$78份量十足的四寶湯檬粉，茄膏味濃 ，茄迷必吃，檬粉又夠爽滑。生牛肉牛骨湯河粉$58每次吃越南菜都會吃生牛河呢, 呢款牛骨湯底香甜, 生牛肉很鮮嫩,必食推介!最喜歡的就是有生蒜醬油任用!!! 加去湯粉度一齊食更香口~香笌脆雞$28香口又唔太油，好食~招牌原隻軟殼蟹$78蟹痴必點！真心抵食的78元軟殼蟹，蒜味香濃，炸得香口又唔會太油，真心推介！法式芝士蝦多士$28面層是滿滿的芝麻, 內有蝦餅, 芝士及多士, 入口非常鬆脆又香口, 又不會太油膩, 值得ENCORE~

本人從來無去過越南，除咗因為遠，亦都係因為無錢…打工仔嘅辛酸.....放假時間就拉左老公去左食我鍾意食既越南湯粉。所以如果想有去過越南嘅感覺，最好係去食越南菜。雖然呢間sell嘅唔係正宗越南菜，但係菜式嘅味道非常之適合香港人。餐牌上面唔少得嘅就梗係檬粉啦，仲有唔少小食同配菜揀，去多幾次都唔會悶叫左個冰鎮蜜糖凍蕃茄做前菜，涼浸浸咁，而且酸酸甜甜嘅蕃茄仔食落好消暑，絕對係夏日之選我揀左個招牌手撕雞拼扎肉椰汁酸湯湯濛粉，手撕雞嫩滑而且鎖咗啲啲湯汁，椰汁嘅甜味中和咗湯濛酸味，食落味道有層次身為蟹痴的我係餐牌見到招牌原隻軟殼蟹就梗係唔會放過！軟殼蟹嘅蒜香非常香濃，辣辣地脆卜卜，不論係大人定小朋友都一定會鍾意，加上炸得香口又唔油，真心好好味呀！！老公亦叫左法式芝心蝦多士，芝士溶到會流出嚟咁制，同入面嘅蝦非常夾，加上上面嘅芝麻令香口度倍增不少，係高分之作！同埋也點了碗胡志明市紅蕃茄豬扒拼扎肉湯檬粉，雖然呢碗檬粉紅噹噹咁，但係其實真係酸度適中，非常開胃，豬扒肉質鮮嫩唔會韌飲埋杯香茅薑蜜更感完滿！香茅嘅香味係蜜糖嘅襯托下更加突出，而且因為有薑，所以微辣，味道清新又健康！

不久前與友人路經登龍街，大概有四五個月沒有留意此地，轉眼間變化甚大 V-point的商戶都逐漸就位，這時候才發現面對天橋的地舖已經揭開面紗 那是裝潢新潮的越男仔，看過門面，再加上地理位置因素，只覺定價不會便宜 友人不約而同亦注意到這家越菜餐廳，說聽聞其風評不俗，有機會也想一會 適逢近日不時要到銅鑼灣及灣仔一帶，走到鵝頸橋時立馬憶起友人的話語 趁行程之間的空檔，順道嚐嚐亦無不可，不過今回先撇下友人，就我獨行 一碗豐盛牛味，迎來越式火車頭河粉 $78，題外話，其實可以配飯 底湯味足略甜又未算太油膩，河粉滑溜，浸湯好一會兒也不怕粉爛 牛柏葉薄腍，但食時依然覺爽；牛丸比平時吃的小巧，亦不會太過硬實 牛筋富有彈性，嚼咬之間感受到膠質黏感又不稠漿，但難入味，偏淡 生牛肉連帶脂肪層，潤嫩而肉香濃重；烤牛肉調味帶甜，較有咬口，少分脂味 跟主食可以優惠價加配一款小食及飲品，小嚐一開四件的手撕雞檬紙卷 +$28 米紙未會過份濕腍黏牙，保有幾分煙韌，菜鮮爽脆，檬粉亦滑彈，恰如其分 然而，由於檬粉米紙卷清爽味淡，對比之下，手撕雞調味則顯得太重手過鹹 不過手撕雞有微微黑椒香氣其實不俗，並灑有蔥花及炸蒜

Today同左表妹仔食午餐，去左銅鑼灣食，因為食完後可行街，所以就當然係搵間輕食餐廳喇！係表妹仔帶領下就去左呢間越式Fusion菜餐廳，可能因為午餐時間，眼見都好多人吓，裝修都好舒服，同夠冷氣，我最鍾意聽表妹講原來呢間餐廳成日都係好多人，好彩我地到時剛有位，唔係就又要等嚕~表妹仔話一定要食手撕雞檬紙卷及海膽手撕雞檬紙卷，咁當然就order來食吓係咪咁堅好食！手撕雞好滑，海膽亦都非常鮮甜，連埋外面個塊檬紙一齊食，佢地嘅味道就更加突出，係好食！果然無介紹錯！！我就點左我平時都好喜歡食既越式蝦餅，呢度既蝦餅炸得啱啱好，加埋上面嘅蒜粒同蔥花，令碟蝦餅更加香口表妹仔見到餐牌有法式蒜蓉包即刻叫左來食，因佢平時都係爆like食~這裡的蒜蓉包烤到變咗做金黃色，個賣相已經非常吸引，蒜香同牛油香令個包更加吸引，食落外脆內軟，很是好味道！我地仲叫埋個三絲撈檬，係有扎肉、手撕雞&豬頸肉，檬粉爽口，扎肉好有肉香，手撕7雞就好清甜，豬頸肉就煎得邊皮帶點微焦，而亦保留左當中的肉汁在內，加埋魚露一齊食真係好消暑又美味其實個餐牌上面仲有有好多選擇，有唔同嘅特飲同小食，下次再黎就食埋其他先

左車仔麵，宜家連越南粉都有得自選！湯底: 清湯、牛骨湯、撈檬粉、椰汁酸湯、蕃茄湯如果唔食辣既，我會推介食牛骨湯！佢唔係好淡架喎，有d黑胡椒，所以仲幾香濃添配料都有好多選擇，今次要左佢既豬頸肉同手撕雞好滿足，佢分量都好多！值得一試呀！法式芝心蝦多士 ($38, 跟餐+$28)呢一個蝦多士睇落平平無奇，但食落好惹味！外層加左好多芝麻令到個蝦多士更加脆，同更香！蝦多士都幾厚身，食落好滿足！而且最好係佢芝士既分量岩岩好，食起上黎既味唔會蓋過左d蝦味同埋唔會太膩

今日出左銅鑼灣剪髪，剪完都成十二點幾諗住去時代廣場附近搵野食。咁啱見到呢間新開裝修又幾潮嘅越男仔，一於入去試下。佢除左卡位外亦都有bar枱坐。選擇方面都算多。最貼心就係可以加銭叫小食，一小客份量就可以滿足一個人開餐嘅慾望。先泥一個人氣No.1嘅手撕雞扎肉椰汁酸湯湯檬粉！料足手撕雞入味，個湯底好開胃。聞到好香椰子味但如果椰汁再濃啲就perfect啦👌🏻好耐冇食蒜蓉牛油雞翼啦！🤔有啲失望。個粉䊢比較厚，聞唔倒牛油蒜蓉味，雞肉ok鹹07，正常！一人前盛惠$88

嚟到銅鑼灣除左係商場開飯外，登龍街哩邊都好熱鬧嫁。幾間拉麵都經常有人龍。今次就試吓哩間越南菜。唔洗加一，性價比高。主打粉麵同小食。越式手撕雞清雞湯河粉好大碗，男士都夠飽肚。如果以為佢清清地，你就俾佢呃左lu。無錯，個湯底係清，但個手撕雞勁重胡椒味，撈完後，好似胡椒豬肚湯咁惹味。另一碗沙嗲烤鴛鴦肉撈檬個沙嗲味就唔太出，但餸同粉嘅份量都幾多，抵食。鴛鴦肉包括烤豬肉粒，幾可口，有食燒肉嘅感覺。另一款係牛肉片，食落唔覺有烤過，而且鬆肉粉落多左，失去牛味。值得一讚嘅係調味料放哂係枱面自己加，十分方便。全晚最驚喜嘅係三色雞翼拼盤。有三款，包括辣味，牛油同金蒜。辣味不太辣。牛油同金蒜味道分別不大，只係金蒜有炸蒜係面。不過雞翼真係勁香脆，粉又薄，好香口。哩間真係銅鑼灣平價之選。

最近又多左一間我成日幫襯既新餐廳，呢間新新地既越南餐廳，我已經幫襯過三次！第一次試都係因為附近所有餐廳都要排隊得呢間唔洗，但估唔到一試愛上。餐廳環境都幾舒服，有少少越南特色既裝潢。雖然餐牌得兩頁，但都有唔少選擇。有時更有D限定主食同小食，都唔會話好悶。我好鐘意食呢度既3+2撈檬，裡面真係有5種配料：烤豬肉、豬頸肉、烤牛肉、扎肉、手撕雞！好豐富，再岩咩都想想少少，好似我呢D咁貪心既人。烤豬肉粒好香口，烤牛肉又有少少沙爹味都幾正。男朋友食既係沙嗲烤駌鴦肉撈檬 佢都話好食好惹味！ 另外，呢度食野記住一定要加小食，因為真係好抵！我地叫左三款小食，當中手撕雞米紙卷係我每次必叫既！另外，叫左個越式鴛鴦蒜香牛肉卷，用左生牛肉，個人雖然食生牛，但呢個我都覺得怪怪地，好似生食打邊爐D肥牛咁。最唔鐘意就係食雞翼，雖然好香脆，但真係好油，下次都係叫返香茅脆雞算！

星期日同朋友到銅鑼灣逛街，Lunch到登龍街V-Point附近逛逛，太多餐廳花多眼亂，見到越南仔，正想食一碗越南湯粉，不用多想便入去，餐廳裝潢年輕時尚，有Bar枱有卡位，卡位坐得舒適。《越式火車頭河粉 $78》（有牛丸、生牛肉、牛筋、牛柏葉和烤牛肉）店員介紹湯底是用牛骨熬製而成，牛味十足，加上牛丸，生牛肉，牛筋，牛柏葉及烤牛肉，份量十足，但肉質較韌。河粉軟滑，但如果配金邊粉比較適合。吃完整個越式火車頭河粉真的非常飽肚。《沙嗲烤駌鴦撈檬 $58》（牛肉、豬肉）沙嗲味香濃，食越南撈檬加上必配的越式醋汁，帶有酸甜味道再加上少許的辣椒碎，非常野味，當中的牛肉都較韌，豬肉反而軟滑，沙嗲味和檬粉撈在一起食用，口感味道都一流。 《手撕雞檬紙卷 正$38 跟餐$28》檬卷粉皮好薄，包住灑上黑胡椒的手撕雞肉和甘筍絲青瓜絲，除雞肉較乾之外，味道調教得不錯。《法式芝心蝦多士 正$38 跟餐$28》芝士半流心，蝦爽口彈牙，多士香脆，口感豐富不膩，味道亦不錯。《青檸梳打 正$20 跟餐$13》冰凉爽口，食越菜配上青檸梳打，十分夾。《利賓納青檸梳打 正$28 跟餐$18》加上了利賓納的青檸梳打，剛開始比較甜。

心血來潮想食越南粉，想起前天銅鑼灣逛街經過見到登龍街地下有間越南仔想去試試。餐廳裝潢格調清新，門口落地玻璃開揚，樓底高。《胡志明市紅蕃茄四寶湯檬粉 $78》份量足，但蕃茄湯湯底味道太濃茄膏味，味道不夠真實，濃湯配上四寶，豬肉味道都被蓋過，唯檬粉口感爽滑。《招牌手撕雞拼扎肉椰汁酸湯湯檬粉 $62》湯檬粉和傳統越式雞絲扎肉，手撕雞偏碎和韌，份量亦少，唯湯底酸酸的帶有椰漿香味，很對胃口。《越式蝦餅 正$38 跟餐$28》蝦餅口感彈牙爽口，調味很不錯，配上甜酸醬更美味。 《三色雞翼拼盤(6件) $68》當中包括蒜香牛油脆雞翼、火辣蒜椒脆雞翼、金蒜脆雞翼，都比較油膩，外皮香脆味道重，雞翼肉質嫩滑但不算入味。《冰鎮蜜糖凍蕃茄 $35》賣相漂亮，去皮了的蕃茄冰鎮上晶瑩剔透，柚子蜜糖味香，入口一點酸味都沒有。這個不太對我口味，但媽媽卻是很喜歡，所以口味還是因人而異。《青檸梳打 正$20 跟餐$13》清凉冰爽，食越菜配上青檸梳打一流。《利賓納青檸梳打 正$28 跟餐$18》加上了利賓納的青檸梳打比較甜。總結：如果只是來吃小食其實還不錯。

啊，有自然光影乜都靚d😭銅鑼灣抵食越南嘢❤️喺登龍街V-Point附近真係超多嘢食，大熱天時唔想食得咁heavy，一碗湯粉就夠哂。飲番杯薑蜜先，對女仔身體幾好。招牌火車頭湯粉，牛丸係彈牙好食嘅，不過如果可以多d香葉和海鮮醬就更有越南風味。牛油雞翼好香脆，牛油味好平均。而且夠哂熱，跟餐做小食好選擇！另外小食都推介煙三文魚米紙卷，少地方有得食好特別！好少店有得食，而且好清新！煙三文魚份量都好多！男朋友點了雞絲湯粉，清清地。

同朋友食完甜品吾夠飽，去搵食既時間見到有間越男仔😂 個名好搞笑，就去試下。環境乾淨，光都好充足。款式都好多，有茄底，有酸湯湯底，火南頭湯底等等，鍾意酸味味既我就叫左個椰汁酸湯湯檬，但椰汁味吾會太重令酸味無左。朋友就叫左個No.1 牛肉河，河粉好滑，到既時候牛肉仲係半生熟👍🏻仲叫左個牛油雞翼！好食好食。銅鑼灣平價之選😊

胡志明市紅蕃茄話四寶湯檬粉 $78 呢一碗麵入邊有我最鍾意嘅蕃茄同埋檸粉依家仲有好多肉同埋好多菜依家仲有啲蔥同埋脆脆地嘅炸物係入邊而且佢嘅湯底都好夠酸同濃所以好啱我呢種鍾意食蕃茄口味嘅人而且粉嘅份量左好多添招牌手撕雞拼扎肉椰汁酸湯湯檬粉$62呢個湯嘅口味就比頭先更加清而且有好多扎肉係入邊聞落去都好香鍾意食肉嘅我可以叫呢個麵招牌原隻軟殼蟹$78 呢個蟹就好多蟹膏同蟹肉係入邊而且出面就有啲炸咗既蒜蓉有一隻係入邊佢幫我切開咗一半越式蝦餅 $28超級好食而且全部都好入味薄荷龍眼冰 $20真係有粒龍眼係入邊飲落去呢好清淡仲有一個薄荷葉入邊都會飲都有薄荷既味利賓納青檸蘇打 $18飲落去利賓立嘅味會比較重反而檸檬唔係好出

想係銅鑼灣搵D比較平價既野食, 的確唔易, 記得之前搭巴士經過, 見到“越男仔”係TIME SQUARE附近開左間地舖分店。今日路過見到門口張貼全日免加一, 於是平平地就入去一試。店內很整潔, 更設有卡位, 都坐得幾舒服。呢度既粉麵款式都幾多, 更可因應唔同跟餐價錢, 自由配搭小食同埋野飲。我同妹妹各人都叫左SET套餐SHARE食。【招牌手撕雞拼札肉椰汁酸辣湯檬粉】HK$62淡淡既椰汁香散發出, 湯底酸酸辣辣, 味道唔算好濃, 唔食得辣既朋友都可以試試, 唔會太辣, 除左手撕雞、札肉, 仲有吸味既豆腐卜, 檬粉連同湯底一齊食, 的確唔錯。【越式生牛肉牛骨湯河粉】HK$58河粉係最易吸湯底味道, 呢個牛骨湯底很清甜, 生牛肉浸一下湯就好快熟, 薄切牛肉很鮮嫩, 呢款絕對係"牛魔王"必食!【法式芝心蝦多士】HK$28 (跟餐價)芝士為半溶狀態, 面層為蝦餅+芝麻, 下層為西多士, 入口鬆脆香口而不帶油膩, 蝦餅部分不太彈牙, 但濃郁芝士搶返唔少分數。【三文魚手撕雞檬紙卷】HK$49 (跟餐價)越南手撕雞檬紙卷配上西式煙三文魚, 底層口感豐富, 有爽脆既生蔬菜、手撕雞, 味道較淡, 配上上層

時值午飯時間， 同事們都各有各忙， 只好自己一個外出尋找美食。 其時諗起喺另一間越南粉 餐廳內聽到同枱食客話銅鑼灣亦都新開咗一間越南菜餐廳， 身為一個越南粉愛好者讓我當然一定會去試下啦。去到時已經係十二點半左右， 只剩少量單丁位。 一坐低已經感覺到唔對路， 竟然冇是拉差辣醬， 但係一場坐低冇理唔使下個越南粉先走呀嘛。 另外加錢買咗兩隻雞翼， 雞翼唔錯。 但係主角越南粉一到場， 就知道原來係港式越南粉。 越南粉必備嘅青檸芽菜都唔喺度， 辣椒仔喺桌上任攞。 但係越南粉冇咗越南粉應有湯底嘅味， 包括一陣陣藥材味( 筆者以北美的越南粉作為標準)。 總括而言 碗河粉都唔算難食， 但是唔係我期待嘅越南粉。