跑馬地餐廳 (已結業)

呢間西餐廳係我响佐敦行街揾野食既時候無意中揾到，而食過之後都覺得可以再幫襯既西餐廳; 亦都係暫時唯一一間。呢間西餐廳可以選擇既食物吾多，不過水準都吾係差既，當我响佐敦想食西餐，就會諗起佢。最起碼食物既香、味佢都有齊。羅宋湯味適中吾太濃又有少少辣; 牛柳吾會太薄同有肉汁，豬扒夠厚不過就嫌乾身得滞。最正係個意大利雞腿飯，洋蔥汁夠香同雞腿肉夠滑。不過入面既坐位真係迫，坐得吾太舒服; 當多人既時候就慘喇。

明明叫男朋友搭A22佐敦落點知佢搭左A21激死, 原本排緊澳洲牛奶公司嘅我唯有放棄啦,到佢落車時條queue已經橫跨左隔離3間鋪了, 但我2點要上堂...唯有放棄again...見到正對面有間野幾新幾靚嘅餐廳咁啱有位就過左對面了羅宋湯料多, 食到好多雜菜, 有微辣感, 個湯底夠濃, li碗餐湯唔錯！馬來沙嗲牛肉焗飯佢個特色係棄用焗碗而改以一個pizza pan焗, 金屬邊可能令整個飯嘅熱力好充足, 飯底係蛋炒飯, 面頭嘅牛肉好入味, 加上芝士鋪面, 竟有微微拉絲效果, 証明落足芝士的, 雖然又沙嗲又芝士但一d都唔覺太醎而係好flavorable！挪威煙三文魚青口忌廉天使麵有好多大大塊煙三文魚呢！天使麵啖啖都好creamy, 但係青口就有小小腥腥地(新鮮得滯?) 其實無左青口齋煙3文魚夾青椒&天使麵係1個好好嘅balance.唔好睇好似份量唔多, 其實個碟都幾深食完好飽啊Li間都好多人食架，lunch hour 都有人reserve定枱呢，啱啱真好彩~

路過見到 menu 上嘅照片，餐單都想試下。 入到去，問個侍應呢幅圖係邊個餐，佢居然話呢幅圖係作為參考，要嗌餐牌上寫嗰D...叫咗1個香茅豬扒飯 ... 結果得一隻字 ... 油 ... 仲叫咗個焗肉醬意粉 ... 仲衰，焗到碗底出晒水， cheese 同肉醬都冇味 ... 熱檸茶就有色冇味，鴛鴦一樣 ... quality 仲差過快餐店 ... 食之無味，棄之不可惜!

I tried this restaurant last week and was not impressed The menu outside is very enticing however this is deceptive I ordered a scallop cheese baked rice and it was flavourless the most disappointing was the milk tea, very watery and tasted like water. price was around 70 hkd for afternoon tea set

門面幾好 睇門口餐牌會吸引到人入去食野入左去之後 侍應態度唔係幾好 諗住算喇 食物睇相好吸引下 如果有圖果個質素 應該幾好味點知食物來到 極之實物與圖片不符 跟餐叫左個蝦串燒 睇相係一串4隻大蝦碌 黎到係兩粒雪藏蝦米兩粒蕃茄 仲要唔係燒 係炸 黎到仲滴緊油 咁樣收左$20焗飯焗左個面 個飯底好似白飯冇咩味洋蔥汁雞脾飯 個雪藏雞脾未處理好 仲有雪味 肉素其差真係食快餐店焗豬扒飯同雞脾飯仲經濟實惠試左一次唔會返轉頭

是日到尖沙咀返工，同事們說很久不見，決定要帶我食好野。正好失我想食西餐，同事便帶我來了跑馬地，話一邊睇馬一邊食飯。我奇怪為何去到咁遠食，雖有公司車，但都唔係咁用嫁嘛。原來此跑馬地在佐敦，裝修古典，牆上有畫，走懷舊路線。午餐都係7，80蚊，幾唔錯。我點的煙三文魚天使面，三文魚大大塊，天使面面質彈牙，幾唔錯。同事就食焗食，份量唔算大，但佢話食得下，見佢食得津津有味，咁我估應該都唔差，今餐食得幾開心，下次黎食下晚飯先。

想在附近找間新食肆試試， 看門口餐牌覺得ok ，再看看招牌“ 跑馬地 “很有親切感， 便走進去， 一問之下方知門口餐牌是外賣用途， 都沒所謂，裏面有很多選擇。叫了一客海南雞飯加一杯熱咖啡， 咖啡先到，沒有所謂啦， 始終是佐敦餐廳仔， 不能期待太多。 但奈何他真的當了自己是茶餐廳， 咖啡已經加了淡奶， 而且不熱， 可能大概70度。 問他可否給我一杯沒有淡奶的咖啡， 他跟我說咖啡與奶是一齊冲出來的， 無得換！ 恕我孤陋寡聞， 從未聽過淡奶可以跟咖啡一齊出， 學到新野！😅之後海南雞飯到了， 飯上面有黑色物體， 而且下水太多，煮得太林， 搞到沒有胃口。雞也沒有應該有的雞味， 有雪味， 只可以說淡而無味。

夜晚去佐敦近九龍公園附近搵好野食，行經見到間餐廳幾得意叫"跑馬地"，裝修似cafe，環境又幾乾淨，無諗太多就決定入去試下。咁啱有枱唔洗等位，坐低見餐牌裡晚餐分兩個價錢，我同朋友都叫左$78 set 的晚餐，包一款小食 + 一杯特飲，樣樣都好似好好味咁，見到隔離枱果份牛扒好吸引，搞到我都想試下，不過都係想試左卡邦尼意粉先，朋友就叫左白咖哩配香烤雞扒，員工落單好快手，等餐時間都適中。我果份卡邦尼意粉味道恰到好處，菇味夠，意粉口感一流！好好味呀！其實兩個餐嘅賣相都好好睇，小食都比想像中花心思，蝦仁似係用左大蝦，係飲品咖啡沙冰唔多夠味。在場可以 "like" Facebook & 打卡，食飽出示打卡紀錄就有甜品送，甜品係"原味焦糖奶凍底"，甜品雖然免費，但一d都唔馬虎，賣相別緻，食埋感覺好完滿，不過甜品味道好似落太多香料，總結呢餐感覺好滿意，會再去。

今日游完水，諗住搵間環境嘅餐廳食飯，見到呢間餐廳環境幾好，就入去試試。我叫咗牛扒配大蝦意粉 + 意式串燒 + 青檸梳打。先係嚟咗一串意式串燒及青檸梳打，一般般。跟住牛扒配大蝦意粉，唔好食，比一般茶餐廳更差，之後我去咗斜對面間小食店買串魚肉燒賣都好食過佢！絕對唔推介！冇下次！

雖然我唔指望叫個午餐HKD65 西冷扒，有乜好野！但竟然係宇宙最難食，可以將牛扒醃到似豬扒(老實我再三向待應確認係，佢話係牛）！之後人口咸到比咸魚更咸！係咪傳説中嘅50年肉？真心不能吃！已經同侍應講......當然冇反應！大家千奇唔中伏

第一次來試吃晚餐。吃過後才去看其他食評。結果是頗認同一些評語。點了個三百多元的二人晚餐。老實說，即使是三百元內在佐敦也可以吃到不少烹調得很好的食物。湯的溫度很容易入口，但就是不夠熱！沙律上的煙三文魚的濕度感覺是天然風乾的巴馬火腿。差一點就變硬了。沙律醬也過多了一點。西冷牛扒其中一部分很柔軟容易入口。但牛扒本身質素只是一般。帶子青口天使麵賣相不錯，味道口感溫度只是一般。簡單說，本來肚子餓，吃著卻提不起食慾。

今天約了丁丁看電影，所以要吃一個快速晚餐，我先去佐敦看看，被我發現一間特別裝飾的餐廳叫跑馬地，在外面看到的餐牌，價錢真的很抵，於是我入去找了個卡位在等丁丁!其實餐廳裝修頗有心思，有一些意大利餐廳的感覺，藍色的牆璧和地板佈置也不錯!但食物卻真的有一點失色，因為丁丁要了一份7成熟的牛朳配薯菜，但出來的竟然是全熟的，我自己的巴拿馬青口蜆肉天使麵，還可以的，味道香香的!但最失望的是待應叫我們贊臉書送甜品，我們做完後，又說甜品送光光的！我和丁丁對此真的沒話說！

我都沒有時常在此寫評論，但我對不好味的都會寫岀來讓大家知。因為錢用了，肚皮脹了，但味道就沒有得騙。返回主題了，我們下午出去吃午餐丶經過這門口看到內裏裝置都幾好和清潔，又有門口女伙計說服入來試試。我就見了他們厨師推介的焗豬排飯和海鮮冬陰宮。首先個餐跟湯，我們叫了一紅(羅宋)和一白(磨菇). 紅湯是一般，是但一間茶餐室都差不多味道。白湯簡直溝稀到沒有人有！真係失望。同時跟住快蒜蓉飽係用微波爐，涼了後十分不碎和銀。😁等那個豬排飯終於來了，一看芝士非常少，二，快豬排好細，茄汁味一般。再吃過內裏的沙飯，好難食。又軟到好似糊，又食到有飯焦，😡!美❤️MX好好多。其次我太太的冬陰功變咗叻沙。真係好懷疑個廚房做什麼?最後來的咖啡有個拉花，又做到好似排骨多過似個花。所以全餐午餐都水準好底！

公司放LUNCH, 最緊要快快趣去到餐廳度 ~ 拎位!!同事想食呢間, 咁就入左去.店內裝潢几得意喎,選左3號餐: 日式咖哩魚跟飯, 奉送蒜蓉包 + 餐湯 + 餐飲真係全條魚肉喎, 但無魚味, 亦無魚肉的質感, 得個”淋” (>.<)咸咸的魚身靠咖哩來吊味好在有多菜,假如多返D咖哩汁, 可以撈飯咖啡早左送上, 飲果陣已經攤涷左 <<< 可能天氣涼掛試唔到咖啡的真味飲咖啡果陣, 發現就來夠鐘, 又要快快趣埋單.離開時已經見到好多人係門口等緊.好多公司係得1個鐘LUNCH炸

總是覺得佐敦是一個找吃的好地方XD！所以如果上班時午飯沒有帶～要出外吃絕對不是問題(比較擔心的大概是應該吃什麼好呢？)  本來是打算吃這餐廳旁邊的Pizza Hut... 但見到這間的Menu好吸引就決定要試試。因為是2個人的關係，其實好快就有位置了 (反倒是3/4人比較難找位)是說對於這餐廳的裝修實在有種喜出望外的感覺  藍色的牆壁加上一些畫、桌上的圖案磁磚，還有半開放式的廚房~讓這餐廳的環境加分了不少~ 晚上來吃也應該頗有氣氛(?午餐選擇頗多~ 都配有湯+餐包。羅宋湯一般，但忌麻湯卻讓人感覺驚訝！！不是那種罐頭的味道。能喝出這湯應是廚師自己煮的，有一點點的麵粉味道~餐包尚算鬆軟~就是會有漏單的情況，需要提提侍應給餐包。挪威煙三文魚青口忌廉天使麵 ($52)雖然是忙碌的午餐時間，但也有花少少的心思上碟~青口細細隻，初看還以為是蜆  雖然是碎三文魚，但至少每一啖也能吃得到。忌廉汁也足夠，不會讓整個天使麵變得乾乾的。而且天使麵煮得軟身一點 鐵板2x2黑椒牛柳粒 ($68)上菜方式雖然特別，但貌相就差了點點~　而且鐵板傳熱速度快～要小心牛柳粒會燶掉另外雖然說是牛柳粒，但跟我想像的有點點