路邊煱 (已結業)

今日揾食揾到黎土瓜湾，平時都唔多覺呢度居然有驚喜，係美景街有間平民火煱店，价錢相議但係食物質素都好唔錯喎，今次我同屋企人有大有細黎食，坐既地方都好寬躺，一坐低老板介紹咗個蟲草花雜菌竹笙雞煱俾我地，好足料！啲竹笙肥嘟嘟架！之後有兩個餐前小食，胡麻冰菜同埋豆腐金鏄(推介)，外脆內軟。又唔太咸，食多幾粒都唔口渴。火煱配料有好多得揀，好多地方都有响鈴食呢度個款即叫即炸，上面仲有少少椒盬唔洗浸湯都好好食！仲有大大隻生蝦刺身点少得肥牛呀，珊瑚蚌抵食！佢仲有啲任食套餐，有雞煲呀海鮮呀，下次可以試吓！

今日和同事在士瓜灣工作，同事提議打邊爐，我地決定去試這間*路邊鍋*。店內火鍋同配料選擇多，最後見到海鮮雞煲套餐，包2支飲品，價錢相宜，就叫左。醬料選擇多，可以配出不同味道。店內環境清潔。首先前菜係*胡麻冰菜*，菜爽甜，加上胡麻醬，特別醒胃雞煲，我地雖然叫少辣，但已經好入味，雞味濃同滑，好食。海鮮拼盤有多寶魚，鮑魚仔，蠔，象拔蚌，款式多又新鮮，我最鍾意係多寶魚，肉質夠滑。其他配料都很高質新鮮，我最鍾意芝士丸，芝士味香濃，岩晒我！最後仲會有甜品送，真係食到我好飽！

路邊鍋唔止雞煲得，原來火鍋都好得！上次食完雞煲，所以尋晚試下個雜菌花甲鍋，個蕃茄湯底同花甲好夾、好鮮甜, 飲左兩碗先開始食花甲🤤叫左兩個小食，金磚脆豆腐同青瓜伴海膽！豆腐外脆內滑，好功夫👍🏻海膽亦十分新鮮，唔錯!配料方面就叫左牛頸脊、黑松露墨魚滑、冬菇鮮蝦滑、大蜆、響鈴同窩筍，最正就係牛頸脊同墨魚滑，牛頸脊牛味好濃郁，墨魚滑好彈又好鮮味，呢兩樣一定要encore🤤整體黎講價錢合理，食材新鮮，今個冬天又多個打卡好地方😎

2017-10-22 21:30分一行三人入到《路邊煱》坐底，就問要咩湯底，點了半隻爺爺雞煲皇，朋友想食胡椒豬肚雞鍋，即改聽到佢地俗稱所謂（家姐）侍應講麻（能）煩，我地o嘴食物隨上，點左生菜，面筋，四寶丸，羊肉，山水豆腐，白蘿蔔，豬面青，稻庭烏冬，炸支竹胡椒豬肚雞淡而無味-失望羊肉-口感唔好-切得太厚山水豆腐-酸酸的其實這間餐廳一坐低，碗筷己經set 好，但有塵個烏冬追兩次單先上呢間有九點半任食，我地唔係任食俗語有話「今時今日甘既服務態度係唔得」我地唔會再黎

話說佢話要同我回味小時候...(我細個响何文田讀書, 成日跟朋友黎土瓜灣玩)我唔想 但惟有黑住面跟佢黎...(唔想食頹嘢 我細時成日响呢區食頹嘢... T^T)入到黎, 好企理喎~同事們又親切友善~ 一開始上前菜, 我心情即時回復, 做番個為食開心仔!見得人有凸, 我喜出望外呀完全!之前老大菜冰菜我食, 我經已好鍾意;原來配胡麻食, 風味更佳喎!蕃茄薯仔湯 超級足料, 越滾越濃越夠味, 勁有屋企 feel, 我好鍾意啊！！！有好多靚靚蕃茄薯仔, 慢慢煮陣先~煮到咁上下, 我地開心地食曬~我心愛嘅魚皮新鮮即炸 大大件 熱又脆, so nice! 呢個粟米前菜香口, 但略為咸咗啲, 放耐咗就有啲油, 我下次會 skip~ 海鮮黎喇~無咩誇張嘢， 撲實足料, 屋企 feel~呢隻蟹真係不得鳥!雖然細隻, 但係膏量唔少 又激鮮甜!!!佢上枱後一陣子, 都在踢腳的...新鮮 好甜, 連唔好海鮮嘅佢都猛話好味, 要 enocre~ 好貼心, 蟹 kim 先拍咗一下, 方便客人食用~同事見我地咁唔想錯過每一小絲肉, 為我地送來開 kim 器, hehe~上枱同樣會收縮 o既鮑魚仔, Q彈好咬~蠔脹卜

土瓜灣，一個很少到訪的地方，記得上次來都只因工作。原來土瓜灣入夜後都很旺，仍是人來人往。天氣秋涼就會令人好想食雞煲同火鍋。接友人收工後，就在附近食個晚餐，由於近來忙到連睡眠時間都欠缺，我就跟友人要求找一間坐得舒適、有電視看、不會催我快快食的火鍋店。時間尚早，6:30pm 很多位可以揀，當然要揀電視位，邊食邊撈電視汁，為我一洗精彩疲勞。食到8pm已經座無虛席，所以真係早食早享受，加上店員親切，就算坐滿客人仍招呼周到及親和。點菜時，雞煲可以選度，而我這個怕辣的人，竟然會大膽挑戰中辣。只因雞煲真的要有辣度才夠惹味好食。海鮮雞煲套餐 $238前菜是冰菜沙律，冰凍爽脆。並不多餐廳有得食，還記得之前是在日式餐廳食的，估不到火鍋店也能食到。套餐的招牌雞煲，即是爺爺雞煲，2人食有半隻雞，4人食則有1隻雞。店家更特別用上紫洋蔥，將雞煲的味道層次提升。食完雞煲，加湯做火鍋。加湯後，湯底並沒有減辣，依然入味。海鮮拼盤有5款海鮮：多寶魚、海蝦、廣島蠔、肉蟹、貴妃蚌 。第一次火鍋烚多寶魚，魚肉彈牙嫩滑，切條烚，魚肉不會散開，好好食，又不多細骨。友人平時怕食魚，只因多細骨，今晚友人卻肯食呢。貴妃蚌是在店魚缸活養

秋風起..又到烚吓烚吓既時候....今次約埋幾個朋友到土瓜灣既火鍋店食晚飯，雖然呢度係比舊式既小區，但都有一些特式同用心的小店...而呢間火鍋店就有自己特式既小食..同埋食材都好新鮮..！胡麻冰菜...上面有一點一點既小冰點，同埋加一點胡麻醬，令味道都唔錯呀⋯⋯生蝦冰凍..爽甜...加埋醬汁...我就好覺得好辣🔥椒鹽粟米..有好香既椒鹽味、食落都好惹味....墨魚讓油炸鬼...呢款小食我都係身一次食到，同埋有兩種食法、可以就咁食或者放落湯底浸一浸先食..而我自己就比較喜歡原汁原味....而今次湯底係冬瓜薏米海底椰鮮雞....首先當然試下個湯底先...都好甜好清...！三刀魚..甘香嫩滑，魚味濃郁，同埋平時好少地方可以食到、今次有口福了😆如果兩款牛肉比較我覺得本地既比較好食...本地牛肉既香味比較重少少.....美國牛頸脊就較un 些少..墨魚滑...呢度整得唔錯，好彈牙..！食落既口感唔會好散...日本油揚係平時食日本福袋既袋黎既...是次用餐經驗都非常滿意...服務員都有耐心解釋..而食材都唔錯好新鮮.....！

今日和媽媽到土瓜灣探望舊朋友，探訪完畢很肚餓，看到這間有雞煲就衝入去了！內裏是普通的火鍋鍋格局，而且非常整潔。這個海鮮雞煲套餐很像很抵吃，於是便點了。先來餐前小吃，胡麻冰菜。口感爽脆清新，簡單的配上胡麻醬就已經很好吃。接著雞煲來了！雞煲香濃惹味，雞件也很厚肉。吃過雞煲很就打邊爐，調味料有齊基本的選擇，不錯喔！重點就是海鮮拼盤！有蠔，鮑魚，蝦，蟹和多寶魚。鮑魚雖然不巨型，但夠厚肉而且肉質結實。蝦亦不錯，爽口彈牙。看看這蟹，有膏的呢吃過海鮮拼盤後還有烏冬，芝心丸，蟹籽丸，安格斯肥牛和菜。一定不會不夠飽呢

天氣涼涼地，友人相約去打邊爐，由地膽帶我去啦見到餐牌有幾款《推介》的小食，等我地試試先胡麻冰菜，冰菜第一次食，菜上有一點一點的狀似冰幾得意，還配上我的至愛麻醬泰式生蝦，無諗到打邊爐都有得食加拿大海膽 $88/6件，過下海膽癮椒鹽粟米十分惹味，少少辣，夠香口叫左個冬瓜薏米海底椰鮮雞煱，有很多料雞、海底椰、冬瓜，十分足料願條三刀魚 $128，唔太貴-值，肉質嫩滑墨釀油炸鬼 $58 有八大件，店員介紹可以有兩款食法，一.當小食點上酸甜汁食，二.將油炸鬼的下半部放上湯底勺一會(2-3秒)即食，我地兩款試哂，真係各一特點黑松露墨魚滑，幾彈牙，帶有黑松露的香味牛頸脊，一半本地貨，香牛肉味，另一半美國貨，帶多點牛脂日本油揚，口感似日本福袋，索盡湯底的精華

今次去左土瓜灣接朋友收工，之後我們係附近揾野食。朋友仔想食肥牛，於是見到呢間特別sharp招牌的餐廳有提供雞煲、花甲煱、火鍋，所以我們就入左去坐了。我們兩個揀左一個花甲煱.....嘩!!! 好多料呀!! 成個煱都滿佈粟米同蕃茄，再加上大量的花甲，令到成個湯底都好鮮甜！除左個鍋，我們仲叫左一份小的美國牛頸脊，滿佈雪花牛肉切得非常薄，最岩火鍋食。呢個係珊瑚蚌，蚌肉厚外，口感非常爽身。我們仲叫左海蝦同桂花蚌，兩樣都好新鮮！值得一讚的係餐廳無論蚌定蜆都係無沙架！咁大家可以安心咬了。個桂花蚌好肥美！至於黑松露墨魚滑，打得好彈牙！再加入黑松露調味，令到味道更豐富。好耐無食皇帝菜了，見到餐廳有提供，即刻叫返份平衡下。D皇帝菜好香，配埋個咁鮮甜的湯底，簡直係Good Match。今次食過覺得餐廳可以係冬天可以黎encore多次，係凍冰冰的天氣飲返碗熱湯係一樂也！

潮流興打邊爐，香港分分鐘一條街有幾間打邊爐或雞煲，要搵一間好食，真係好考心機，要慢慢搵。而我覺得火窩嚟講，湯底真係好緊要，而食材基本要新鮮同特別。而呢間路邊煱嚟講，雖然地點比較唔就腳，但野食真係唔差。首先係湯底，雞件煮得好入味，湯應該係煲咗好耐，好濃味好甜，嘢食未嚟已經要飲兩啖先，正。牛肉好好食，好有咬感！炸響令，係廚房炸出嚟，唔同出面嗰啲係外面買返嚟。海鮮好新鮮，肉質好爽口！其他食物全部都新鮮爽口。所以呢間係一定要食，好好食。

朋友都知我like打邊邊，就帶我去黎左呢間土瓜灣街坊熱捧的路邊爐開餐我地6點半來到，見到環境都幾闊落有做功課都知呢度八味金磚豆腐係必食，火鍋我地就點左個二人套餐 呢個豆腐不得了，皮漿夠簿，豆腐豆味濃，而且凍左都仲脆皮一口一粒吃不停牙呢個就係二人套餐既前菜－冰菜爽手清新juicy無臭青味，配埋胡麻醬真係想吃一盤主菜雞煲，味道不錯，但不算驚喜海鮮又係要一讚，本來見佢甘多冰係底，以為又係急凍貨，點知除左蠔之外全部都係非常新鮮套餐仲有稻亭烏冬，牛肉同生菜二人餐來說都夠飽肚，加埋埋單都係400左右，下次黎呢邊都會再

秋風起,又是食雞煲嘅時候,老友住喺土瓜灣附近,今晚我地去左該區嘅路邊煱。餐廳主打海鮮及雞煲,一場黎到當然是幫襯主打菜式。還有各樣火煱生料可點選。。原來九點半後有每位$148,兩小時任食 ,咁抵,下次一定再來試。我地點左招牌雞煲,辣度可於落單時向店員講明,因為我們不太嗜辣,故揀左個小辣,食落果然啱晒口味,廚師控制得很好,雞煲用左很多配料烹調,有紅洋葱,辣椒及唐芹,雞件嫰滑得黎又夠入味吃完雞煲,加湯後開始火煱了,點選了呢度最出名的海鮮拼盤,入旁有超大條多寶魚,廣島蠔,鮑魚,海生蝦及巨型羔蟹。鮑魚又大又鮮,吸收左雞煲精華味道更惹味。多寶魚真係超級大,廚師已預先斬件,吃起來魚肉很滑,魚皮爽脆,口感一流。羔蟹是呢個拼盤嘅精粹,送上桌時,蟹腳還在微微郁動,極之新鮮,而且蟹羔含量極多,比起早前吃的大閘附更為多,蟹羔甘香而蟹肉鮮甜,吃罷很有涌足感肥牛肥瘦適中,有牛味而唔靭海膽丸和芝心丸雙拼稻庭烏冬,配雞煲湯底是非常夾。埋單奉送雪米糍,呢餐雞煲超完滿。

美景街很多店舖也是只做夜市的，在朋友的推介下知道這個宵夜雞煲優惠，就去了試試這裡的門面，座位以及碗具也很整潔，可能因為開了不是很耐，所有東西都好新，好乾淨。整體上一入黎個感覺幾舒服。我們選擇了$148任食爺爺雞煲和+$20配料及啤酒汽水任飲。醬料盤的醬料有沙茶醬、芫茜、蒜泥、辣椒、蔥花及碎花生。等了10分鐘左右，先來了招牌雞煲，我們點菜時叫了少辣。雞大概有半隻，雞皮少雞肉多，雞煲溫度很高，但煮出來不會太老，肉質尚算滑嫩，味道惹味。 但不太入味，食到入面就沒有麻辣的味道。食完雞煲就到火鍋，加完豬骨湯底也不會太油膩選擇的食物不多，忘記了拍照但一般常吃的食物也會有。我特別喜歡他們的蘿蔔，很鮮甜很水和沒有絲，我們追加了三次蘿蔔。。這個價錢這的味道，有點喜出望外下次想試試他們其他的海鮮鍋🤤🤤冬天吃應該更加惹味

打邊爐當然唔少得調味配料啦，佢地都有俾你自助選擇，都算細心。胡麻醬蕃茄冰菜，第一次食呢d冰菜，口感好特別，佢d菜個表面真係好似有層冰咁，幾好味。海膽配青瓜，海膽入口鮮甜，即溶。抵食夾大件。海鮮拼盆（二人份量）都幾多選擇，大蝦🦐4隻，鮑魚2隻，肉蟹🦀1隻，大蜆2隻，全部都好新鮮。😜😜😜😜叫左個蕃茄豬骨湯底，清清地無咁熱氣，清湯鮮甜，超級多材料，有好多蔬菜同豬骨係底。👍🏻👍🏻👍🏻👍🏻手切肥牛，厚薄適中。😁😁😁雞肉新鮮😋😋😋唐生菜🍀好翠綠新鮮爽口竹笙即叫即炸自家製響鈴，黎到熱辣辣，好脆口，浸落湯底仲會有炸炸聲👍🏻👍🏻👍🏻👍🏻