車仔麵之家

營業中

休息中

車仔面慢慢地消失在香港熱鬧的都巿之中，在灣仔的一家車仔面，讓我回憶起童年的車仔面味道，這一家位於灣仔晏頓街1號地下A號舖的＂車仔麵之家 ＂，沿用著傳統舊式的煮法，風味四溢。還是那些古舊的餸菜名稱，還是我最喜愛的滷水雞翼尖，骨頭碰上牙齒，輕輕一咬，骨中美味散滿整個口內，實在讓人回味無窮。忽然聽到一位顧客點了一客甜酸齋，想必定有古怪，也跟著叫了一客，一嚐之下，果然不錯，甜酸有序，齋感爽脆。再配上已經入味多時的咖哩豬皮，以及小辣的辣汁，使得整個車仔面的靈魂都在湯頭裡，細細一呷，回味無窮。盛惠$51外賣，難得少有的香港傳統車仔面味道，第一次食這家，將來會常常吃。

喺灣仔區返工嘅我，8成時間都帶飯返工如果當日冇飯帶，我多數都會去「車仔麵之家」買外賣😜原因係佢真係平靚正未試之前，每次經過都會聞到超香醬香味所以佢亦係我返依份工第一間買嘅外賣今日12點05分去到，已經開始排隊🤣今次叫咗豬大腸、紅腸、甜酸齋、米粉，中辣唔洗10分鐘就買好兼行埋返公司開餐豬大腸-入味唔韌紅腸-正常甜酸齋-放埋入湯食超正米粉-每次都唔會冧晒秘製辣醬-超香超好味，中辣唔會好辣三餸一碗先$56，平過好多附近嘅餐廳，好味又夠飽！值得推薦

依家間車仔麵屹立喺灣仔已經好多年，好多年前已經食過一次外賣，我知道佢係有得立食，今日咁啱經過附近就決定去食過咗咁多年已經加晒價，粗麵（小）@10，份量嚟講真係唔算多，老細都有問我使唔使叫個大嘅，我就決定叫多幾個餸算啦，粗麵味道正常啦，口感都唔差嘅其實！咖喱魷魚@14，呢度有啲唔抵食，因為得幾件，咖喱魷魚味道非常香濃，係我鍾意食嘅口感，只係真係份量太少，就係個面嗰三件，沒有其他豬大腸@14，豬大腸，我覺得都非常濃郁，而且使得都幾乾淨，食落去唔會有奇怪味道，而且非常爽口，呢個推介甜酸齋🔥 甜酸齋冇以前咁好食，不過鍾意食嘅朋友都可以試吓，酸酸甜甜都幾開胃價錢唔係最平，但係質素我覺得都仍然保持到，可以定期食下我覺得，下次會外賣食！

今天去了灣仔出差，聽說有一間車仔麵很有名，有名的原因是立食車仔麵，故名思義就是要站立的，餐廳不設椅子。我點了四款餸，有牛腩，豬腸，豬紅，酸斋，配油麵+辣汁。不得不讚他們用料和做法都很用心，食材新鮮又大塊，牛腩是配有牛筋的，軟硬適中，入味，好評。豬腸大件，有咬口。豬紅質地不易散，也不會有異味。特别要提的是酸斋做得很出色，不會煮太爛，不像平時吃橙色那款，有驚喜。辣汁偏甜，可能是為了部分不能吃辣的朋友而設。

早排去灣仔做嘢，又係例牌search下嗰邊有咩好味。咁啱想食車仔麵，就搵到依間車仔麵家。去到嘅時候已經過咗lunch time，所以我排第一個就買到。開頭叫咗麵筋、紅腸同牛腩，但之後啲人排隊個個都有叫酸齋，我又忍唔住加咗個酸齋可能要趕住食完就走，所以個面筋同酸齋都未浸林。不過個酸齋味道好好。最主要個湯底加埋個辣醬好好味，食完又唔會好口渴，好耐未試過食車仔麵會飲埋個湯。如果講個湯底，我覺得佢仲好過銅鑼灣新記，期待下次再過嚟幫襯

早兩個月去唔点解冇開門。今尋決心要再去多次！大約11：45已經有3、4個人排隊，但好快到我。我叫左粗面牛腩、豬皮、尤魚。牛腩豬皮炆得好入味！咖喱尤魚亦好野味！唔怪得咁多人買淨送！加埋小小辣汁，我忍唔住飲左幾啖湯，好正！係份量較少同D麵再煮透D會好啲。食左幾分鐘門口已經出現人龍，由於舖面好細又要企喺度食，為免阻住人所以快D食完走人！我個人覺得呢間車仔麵好食過銅鑼灣榮記。遲多兩個禮拜再去食，不過會早D！

今日行過呢間有名車仔麵，忍唔住要來一試。我點咗一大碗粗麵，足足加咗四款餸！麵條兜住湯汁，辣椒醬嗌醒，勁入味！豬腸同豬皮點得好，咬落去夠哂腍，香滑得嚟不夠腥。至於雞翼就真係贏晒，滷得味道透徹，啖啖肉都飽滿得黎惹味。貢丸個個都夠勁彈牙，瞓喺湯底嘅冬菇都叮咗正正好，每啖咬落去都吸足咗鮮。時菜方面，我揀咗生菜同通菜，清爽打底，滋味十足！這個組合嘅價錢，真係無敵超值。食嘢嘅朋友哋，下次經過灣仔，記得唔好錯過呢間呀！🤩👍🍲

Went here with my colleague during lunch time to try out this cart noodle resto in Wan Chai..I selected Vermicelli for noodle, while choosing Sweet & Sour Gluten and Pig Red for ingredients. With a crispy exterior, the Sweet & Sour Gluten were juicy internally. It's interesting that even though it was soaked in the soup, their crispiness still remained. The cubicle Pig Red was huge and came with generous amount. They tasted savoury and complemented the soup well. .There was no seating, but only

天氣凍 又係食湯麵嘅時候我鍾意食車仔麵哩間車仔麵好出名 久仰大名上星期終於試咗果真好食！難得當日係平日3點都keep住有人買 仲有台灣人慕名而來湯底好濃郁飲落咸咸甜甜 有滷水及花椒八角香餸有好多款 竟然有粉腸 好新鮮冇臭味 要試！🩵豬腸、雞翼入哂味 豬紅好滑 唔會一夾就散魷魚幾爽口最鍾意係佢個辣醬 似沙嗲+辣醬 好香好惹味 👍🏻👍🏻一定要加！另外酸齋都係必食炸到外層脆脆地 唔會有油溢味似係新鮮炸 order時先淋酸汁保持口感哩間車仔麵係會食完想再食的難怪咁出名！

數學題:2碗外賣1個粗麵，蘿蔔豬皮豬紅各一份1個粗麵，蘿蔔冬菇魷魚各一份酸齋2個，共收$122粗麵$10、 豬紅豬皮$11，蘿蔔$9， 魷魚$14、酸齋齋$11冬菇$11外賣多數收多錢！

冬菇唔知點解可以咁腥，叫左豬皮又冇嚟，蘿蔔多渣，非常差嘅體驗，估唔到第一次寫食評係因為難食到要寫。啱啱發現原來要寫夠80字，警惕世人，唔會再有下一次。🥲🥲🥲

這家立食車仔麵，covid以來都沒來過， 還好仍在， 這天路過見人流不算多，就決定進去吃一碗。我點了酸齋、粉腸、大腸、蘿蔔、必配油麵。我要了多辣， 吃起來超惹味。這幾款餸都是我每次必點的。他們的酸齋在外面基本吃不到， 他不是浸在濃稠橙色的醬汁，而是很清爽的但又足夠味道，不會吃到一口醬汁，非常好吃。粉腸跟大腸都清理得很乾淨，爽口彈牙，味道濃郁。今天的蘿蔔就有點失色，硬了點。在我吃麵的期間，不停有人進來點外賣淨餸，啟發了我，我下次也可以外帶點酸齊回家吃呢！

中午想簡單食個午餐，金鐘附近最快應該是這間車仔麵之家。店鋪門面比較普通，加上馬路對面有地盤正在起樓，路比較窄，如果不是特登過來，未必找到。店舖較細，只提供幾個站立位，唔想企，於是買外賣。車仔麵：麵可㨂大、中、小。餸就揀咗雞翼，有兩隻，小辣，好入味！ 魚蛋唔夠彈牙，有點失望。甜酸齋：另外點咗甜酸齋，甜甜酸酸好開胃，好滿足，撈埋落湯麵，味道出奇地配合。

由招牌酸齋 夠酸夠香夠色夠脆到而家一個舊舊無色無味無心機做由以前排隊大熱天時都照拎住响後行單手托住黎食 ，到而家得小貓三四隻叫左一碗油麵一碗幼麵 油麵夠膽未熟 加有油益味 以前可能去貨快 而家可能去唔切貨 真心唔靚幼麵以前會食大麵 而家細麵都覺得唔想食麵質變咗，滾水淥麵所以麵身冇味。只能夠靠個辣蓋過去扮嘢從上一手伯爺年代開始食，先一啖湯，一啖麵。再吃酸齋，肉 ，菜。 然後開始撈辣醬一切已成過去 由湯 麵 料 都變成一間普通到唔普通嘅店總結粉腸唔乾淨 - 好苦羅白- 冇味魷魚 - 普通，唔似炸過牛腩普通辣醬味道保持到酸齋 - 不了冇下次了

車仔麵之家 (灣仔)被稱之為灣仔名物 車仔麵第一🤭最特別嘅地方係要企喺度食 每次揸車經過lunch time嘅時候都會見到長長嘅人龍 OL排隊買外賣返公司食咁啱有一次又聽屋企人講喺呢一間車仔麵 就專登去咗試啦😇 我嘅食評係 好普通嘅車仔麵😅 比較特別嘅就係企喺度食😅😅上網推介必食佢嘅酸齋 冬菇同魷魚 我哋三點左右去到冬菇同魷魚都已經賣晒了🧐 最後我只試到酸齋可能我孤陋寡聞 未食過咁樣嘅酸齋 覺得好硬又唔酸😂不過我見上網啲食評 個個都好讚🤨 我搞不懂🤫📍 車仔麵之家 (灣仔)灣仔晏頓街1號A