車仔麵之家

營業中

休息中

灣仔車仔麵之家, 第三次幫襯.車仔麵尼講, 個人認為尼間真係數一數二. 先說湯頭, 唔會死咸, 食完唔會口乾.要辣可加辣. 加完真係幾辣. 唔食得辣唔好加太多.叫咗魚蛋, 雞翼, 酸齋, 米粉, 味道各有各特色, 唔會全部野食一樣味,陳皮魚蛋咖哩味超香, 十分入味. 唔通D咖哩先炒過?雞翼滷水味濃, 入味之餘沒有過咸..酸齋100分. 有咬口, 重有炸過既香口感覺, 沒有被酸汁全搶風頭.唯一不好是立食, 食得較為辛苦.但風味不錯.  值得再去. 

同事推介抵食又高質嘅車仔麵，當中酸齋、魷魚同冬菇都好岀名，lunch time成日都排長龍#小胖遊灣仔🐠 #小胖遊金鐘🐠————————————————🔹牛栢葉、菜心、魷魚、蠔油冬菇配米粉 $52🍜好大碗足料，特別係冬菇同菜心份量都俾得好慷慨牛柏葉爽口唔韌，菜心鮮甜唔會有苦澀味魷魚雖然$13只得3塊 ，但係少少辣好香口，非常易咬🦑蠔油冬菇超級出色，質感滑又彈，唔會有冬菇難食怪up味，反而充滿蠔油鮮味🍄湯底有晒辣魷魚同埋冬菇蠔油精華，米粉索晒啲湯，好滿足☺️💡同事請我食咗一嚿酸齋，秘製嘅酸甜汁，令到平時唔鍾意食酸齋嘅我都覺得好好味—————————————————🧜🏻‍♂️口水度：🌕🌕🌕🌕🌑🤑CP值💰：🌕🌕🌕🌖🌑🧚🏻‍♀️打卡值：🌕🌕🌗🌑🌑🥰舒適度：🌕🌕🌑🌑🌑👅再食指數：🌕🌕🌕🌕🌑.♟Overall♟難得喺金鐘/灣仔嗌四個餸大約都係四十幾至五十幾蚊🤩好抵味道又唔錯，唯一缺點係舖頭比較細而且淨係提供立食，所以都係要買外賣

🍜車仔麵之家午餐時間，落去買個外賣都等咗20分鐘😭揀咗3個餸，粗麵底甜酸齋 唔係軟淋淋個種，似係有炸過，有咬口，幾好食😋外賣on side上，唔怕淋曬👍🏼豬大腸 爽口，冇異味，份量都多魷魚 爽口，但份量細d,好似得3塊，正常發揮🤫好似係鎮店之寶🤨粗面 我個人比較大食，麵可以多返d, 因為都19蚊🥲湯底都唔錯，正常發揮🤫$47既價錢都幾抵食既，不過就真係預咗要等一陣甜酸齋係必食推介😋😋😋

不少人會對奉行「立食」模式的食店不敢恭維，甚至避之則吉。但呢間車仔麵，卻因「立食」作招徠，吸引大批人，特別係上班一族去食，更成為灣仔出名嘅食店。得網友介紹，加上在灣仔返工時食過，泛起了對餐廳嘅思念，所以就去咗車仔麵之家食嘢。今次揀了幾乎從來冇揀過嘅幼麵（$9），配咖喱魷魚（$12）、豬大腸（$12）、蠔油冬菇（$8）、香腸（$7），以及該店特別出名嘅甜酸齋（$9），加上著名的沙爹醬，聽到都流晒口水。🤤非常推介甜酸齋：有別於出面淋淋地嘅甜酸齋，甜酸齋係稍為炸過，非常有咬口。豬大腸🐽非常爽口，唔會有異味；咖喱魷魚🦑質感煙韌，有好濃厚嘅咖喱味；香腸係煎過之後再落湯，口感一流；而冬菇，蠔油味好rich。👍🏼👍🏼呢間店嘅麵底有大、中、小供客人選擇，客人可按照不同自己嘅食量選擇，非常貼心。環境方面：舖面只有一張長方枱，但枱上有不少上一手食客用膳完留底嘅碗筷無人收拾，客人用膳時需要把碗筷收埋在一邊，一嚟食嘢唔太方便；二嚟唔太衛生。小雞覺得呢方面餐廳要改善下。亦都係餐廳在運作方面的高效率同高嘅性價比，吸引到不少在灣仔區返工的上班一族前嚟買外賣，中午經常大排長龍，令「長龍立食」的稱譽傳揚開去。

半年前轉左去灣仔返工，無意中見到呢間車仔麵出面出現人龍，佢得寥寥幾個位可以企喺度食嘢，否則其他全部都外賣，我第一次排隊都排咗三個字至半個鐘先買到，但食完一次真係返唔到轉頭，最出色一定係佢甜酸齋，酸酸甜甜浸完個湯一齊食，簡直無敵，另外佢個湯底都超好食，尤其鍾意食辣嘅話佢個辣醬真係一流，另外個人建議，豬紅同大腸都好值得一試！我見好多人都係嗌油面居多，但我覺得米線同米粉同埋河粉都好食因為好索湯嗰陣味，我冇專登揀份量但普通一碗都已經好夠飽， 10分滿足！

自從冇響金鐘返工之後，都好耐冇幫襯啦，偶然去開嗰頭，都會專登去幫襯返碗車仔麵。今日又去咗幫襯啦。叫嘅係魷魚甜酸齋豬紅菜心米粉，堂食。企響度慢慢食。店員做嘢係快靚正嘅，節奏快促，但係都好有禮貌同友善。咖喱魷魚係鎮店之寶，相信都唔駛我多講，仍然維持高水準，非常好味啊，其他餐廳真係絕無僅有。甜酸齋係用心之作，比起好多齋舖賣嘅更有水準，唔會一味軟淋淋咁樣。豬紅好入味又夠滑，菜心夠嫩亦都俾得慷慨，米粉嘅份量都唔少。整體來講，係快快脆又令人心滿意足嘅一餐。口味人人唔同，然而呢間的確係我心目中多年以來車仔麵嘅no.1。如果順路去開嗰頭，我都會繼續幫襯。此外，唔知係咪因為天氣熱，午膳時間條排隊人龍好似比以前短咗好多。請大家都同我一樣，多多支持有誠意嘅小店啦。

甜酸齋 冬菇 魷魚 雞翼 米粉第一次嚟食 唔知道原來可以叫淨餸早知唔要米粉 要菜 米粉都有分大中細叫咗個細米粉都食唔晒 個份量好多甜酸齋：要浸湯 因為我覺得佢比較硬身冬菇：好抵食佢有成五六粒 仲要厚身咖喱魷魚：爽口入味雞翼：兩隻 好入味 出色約1215到達小店門口 條龍已經提出門外我叫咗堂食 我食完條龍都無短過廚房五個人 各有各工序佢哋好有協調性 所以出餐好快好多時都唔該前 唔該後 好有禮貌舊式店舖嘅味道 搭上車仔麵👍🏻雖然店舖堂食 係立食但你會體驗到另一番風味感受到成件事就係 快 靚 正

💟甜酸齋+豬紅+咖喱魷魚+油麵(大) [$39]一定一定一定要食佢個自製甜酸齋 同普通酸齋唔同 佢個外皮仲有啲啲脆 食落好有層次 口感一流佢個咖哩魷魚都係招牌 幾入味 不過唔係好似甜酸齋咁驚艷到我個秘製沙嗲醬超惹味一定要加！整體個湯好夠味 油麵又夠彈牙💟甜酸齋+白蘿蔔+牛腩+油麵(大) [$36]蘿蔔唔係全部都好稔 豬紅正常發揮 牛腩就普通啦雖然呢間舖頭冇得坐淨係可以企喺度食 但老實講如果我喺附近我都可能會encore 因為真心係好食嘅車仔麵 有懷舊feel得嚟又高質 重點係有好特別嘅食材其他車仔麵店食唔到！

Lunch time由中環行去這裡買車仔麵，一般食飯時間都要排隊，10多個人，但好快就到，地方細，只可企位食，多數見人都會外賣我要油麵，雞翼，酸齋，魚皮餃，37元，買到返公司，油麵都仍有咬口👍，都算大碗，如要辣，要叫佢加辣醬，同個湯好夾😃，雞翼好入味，魚皮餃，都似是四洲那款，鐘意食魚餃的就鐘意的，酸齋好食，佢會另用袋放，不會放在湯，不是出面賣的只有酸甜味，林林的面根，這裡的是少少咬口的，入口食岩岩好👍，未試過的要試啊😃

外賣車仔麵, 我成日食但今次試左哩間野, 我覺得真係唔多掂叫左碗粗麵, 粉腸+蘿蔔+春捲打開一睇, 咁少既個麵底收$18蚊, 係咪比得半個我食左四啖, 完啲餸就唔使講更多啦春捲一候剪開三舊蘿蔔大粉到嚇死你粉腸係好食但係都係得三碌唉, 應該無下次啦.我明白, 灣仔鋪租好貴, 但係地盤對面間幾間餐廳, 五六十數都連野飲, 仲要好好味.哩間野差左幾步路, 真係唔應該差咁多啦.最大問題, 上google search 左先去, 諗住食評正面不妨一試, 點知中伏.

疫情嚴峻，食飯時最好買外賣🥡番公司，減低同人既接觸。今日心血來潮想食車仔麵🍜，同事介紹必定食灣仔名物「車仔麵之家」。店舖面積小，沒有座位供堂食，只可立食。當日正午十二點，排了長長人龍，等候良久，終於到我😂。粗面+酸齊+ 豬腸+牛腩 （中辣） HKD 42:粗麵份量唔算小，配上辣醬啲湯好入味好夠味，湯頭比較辣偏甜，粗麵掛住辣醬，並無因浸湯而發漲，面質都幾有咬口。豬腸洗得好乾淨，沒有異味，帶少少脂肪，好香。牛腩有數舊，而且有幾個牛筋非常軟腍，牛腩肉多，牛味濃。重頭戲必試酸甜齋，好細心，用上膠袋分開載，不怕味道同湯頭唔夾/避免浸腍。吾會過酸，拎到番公司仲脆😍大愛。總結：灣仔名物保持水準 高質車仔麵

話說本身返左中環附近開工但突然有事要去一去灣仔一趟, 咁我呢d 慳家嘅人知道可以去灣仔食lunch 就緊係拍手歡迎啦, 咁灣仔區比較多車仔麵食嘅, 而比較出名又歷史久遠嘅就係今次我光顧嘅呢間 - 車仔麵之家, 不過因為路線臨時有變, 所以就轉外賣返公司食了咁我呢碗車仔麵係中size 油麵配豬腸, 牛腩同埋甜齋嘅, 而呢度係一向唔會分湯嘅, 所以要考慮下如果叫大size 有機會多到個碗都裝唔哂嫁不過因為唔分湯嘅關係, 所以要食嘅話絕對係爭分奪秒, 睇相都見到d 湯都不知所蹤, 不過車仔麵之家嘅優點係抵食夾大件, 所以冇湯當撈麵食都ok, 豬腸方面佢地洗得都幾乾淨, 而且滷得色水均勻, 幾夠味道, 口感彈彈的, 份量唔少嫁, 計落都有8舊咁上下, 而牛腩就炆得入味, 肉質鬆軟, 而且唔會碎濕濕, 避免影響口感, 不過本人嘅建議係呢度嘅甜齋, 真係好好好食, 甜齋係佢地專門額外用膠袋包住, 因為本身甜齋係充滿蜜汁, 而且外層硬硬脆脆的, 不過內裏又有根度, 大大舊好好食最後埋單45蚊, 抵食夾大件, 包埋我買飯食

因為，疫情關係，已經好耐冇四圍去覓食喇！現在，情況稍微有點減退，所以，才夠膽出嚟食下嘢...今日，好想食車仔麵，首選一定會去車仔麵之家的正店 - 發跡之店...午餐時段過後，依然有人龍。耐心等侯...好期待要： 酸斎 2份，豬大腸 2份，韭菜餃1份，粗麵細份，++辣 ！酸斎，脆，酸味適中，正豬大腸，夠冧，入味，冼得乾凈，必食之選！韭菜餃，皮薄 餡多，韭菜多，好味湯底吾咸，溫和，無搶味自制辣醬，辣得嚟有小小甜味..食得過癮依然保持水準，抵讚

7月中開始疫情變得嚴峻，食飯時間都儘量叫外賣或者買返公司食減低人與人之間嘅接觸，公司附近嘅餐廳都食到悶, 做嘢做妟左拿拿臨去附近買外賣！ 最好就係食車仔麵，價錢又實惠又一定啱食！我平時食開春園街果間，呢間店我第一次幫襯！店仔細細只限立食同外賣，落單就喺車仔麵檔前講，好有舊式車仔麵檔嘅風味！以前都係睇住D餸黎點餐架啦！一個小檔4個人一個煮麵一個放餸一個收錢另一個幫緊另一個落單嘅人！好精彩好快就點完拎走埋仲要冇落錯單架！勁！ 🍜🌶️咖喱魷魚🦑魚旦，蘿蔔油麵，蠔油齋 （中辣）$49食物份量多，油麵冇漲大，湯頭加左中辣汁超辣好惹味！全部車仔餸都好味，特別鐘意咖喱魷魚，煮得啱啱好，咖哩味香！抵食！   🍜🌶️豬紅，豬腸，紅腸，蠔油齋，米粉 （小辣）$49外賣米粉難免有小小漲左，好彩同事點了小辣！至鐘意蠔油齋唔會浸到淋哂食落仲好有咬口！

我第一次試立食，仲要係好耐冇食過嘅傳統車仔麵，其實都幾期待。餐廳裝修絕對冇花巧，所以見到大排長龍，一係就夠便，一係都應該幾有質素一碗細幼麵，配墨丸，冬菇同馳名嘅魷魚$39，其實食物成本唔會太高但以金鐘一帶真係抵細麵份量都唔算細，配上落左辣醬嘅湯好入味墨丸正正常常，冬菇可以索到啲湯魷魚彈牙易咬，咖哩落埋個湯度更上一層樓我之前睇相見到外賣啲湯都俾啲麵索曬，所以立食雖然迫啲，可以食到原汁原味，又係一種體驗。排隊到你之前記得計好數以便核對