車仔麵之家

營業中

休息中

車仔麵之家聞名已久，但一直都未有機會去試，今次o黎到灣仔就要試一試，鋪面細細的但排了長長的人龍，這裡是立食的，食客一個一個有次序地點餐付款，有的留在店內品嚐，有的提著碗筷立在店外大快朵頤。羅白、豬皮、油菜、魚蛋河粉，份量十足，羅白清甜沒渣，豬皮滲滿湯汁，魚蛋彈牙，再配上秘制辣醬，別有一翻風味。另一碗墨魚丸、雞翼、冬菇、油菜幼麵，3粒墨魚丸大大粒又彈牙，2隻雞翼滷得入味，5粒冬菇厚厚的，入味又彈牙，非常出息。總括車仔麵之家雖然要立食，但有人多的灣仔鬧市，算得上價錢實惠，食材新鮮，人流快。

今日中午lunch既時候，同事問我一唔一齊食車仔麵，幫我買埋，我就搭埋佢單啦！睇到佢地既menu 選擇非常之多，麵底都有多種選擇！我就簡左河粉底，加香腸、魚蛋、冬菇！打開外賣，份量好足，湯底好香好濃郁，試左啖，唔會成口味精味！冬菇令我好surprise既係菇味好濃，入口軟彈有咬口，而且佢地用既醬汁好入味，好好味呢！佢地魚蛋一樣好出色，咬落好爽彈，唔會好粉！香腸都唔錯，用醬汁入左味，比平常好食！河粉抵讚既係唔會碎哂，好齊整，用快子食都好方便。另外同事叫左魷魚，墨丸，冬菇，大腸！也非常吸引，出左名咖哩魷魚，非常馳名。同事仲同我講呢度既甜酸薺都好出名，下次lunch 又多一個好選擇啦！

之前食過北角既車仔麵之家, 非常難忘, 因為實在係車仔麵界既經典,星期六要返公司OT咁慘, 但好彩同事提我話近金鐘既灣仔晏頓街都有, 個人即刻開心晒位於晏頓街, 近金鐘PP3, 但入面冇得坐底食, 買外賣黎食就岩晒入到去好多人, 但望住D餸個人都開心晒啦我叫左好多個餸! 正呀, 今日既豬腸好正, 彈牙得黎又夠味；而魷魚依舊咁入味, 雞翼岩岩好味, 唔會過咸；豬皮彈牙；蘿白幾清甜, 同埋記住要加辣, 會開胃好多, 但又唔會過辣, 但D間店冇招牌豬排真係有少少失望...同事都叫左同我差唔多既餸, 但佢比我多左冬菇, 都幾入味, 好好味!佢仲有叫左甜酸齋, 我鐘意佢個質地, 唔會太淋, 個味都唔錯, 唔怪得都係車仔麵之家既另一招牌總結來說, IN 車仔麵之家, WE TRUST! 實在好好味!

原先想去的餐廳要等位，便四處逛逛，另覓地方。見到此處有條人龍，從店內延伸至後巷，但去得很快。店內幾個阿姐，一人煮麵，兩個落餸和收錢，流水作業，效率超高。米粉堂食，魚蛋、蘿蔔、牛腩，要辣。$34。阿姐可當神算。明明排第七/八，不消五分鐘麵已在我手中。大部份人都外賣。要吃得熱辣辣，當然要堂食，立食都在所不惜。把上面的辣醬等拌勻，湯底變成深啡色，十分惹味。夠辣但未至於要加飲品，正。魚蛋看似普通，其實是久違的硬魚蛋，嚼勁十足。單是為了這粒魚蛋，就值得再來。蘿蔔幾甜，夠腍但可以更腍，沒有渣。牛腩炆得很入味，不嚡但可以更腍。牛筋黏滑，好吃。米粉頗粗身，很爽，掛滿湯汁很好吃。有大中小三個份量供選擇，這個小的，已夠大碗，夠飽肚。餸的份量也不少。沒想到$34已吃飽了。口裡留下惹味的腩汁香，去吃杯抹茶雪糕就完美。

經同事介紹去左試呢間車仔麵⋯中午食飯時間約十二點幾去，好多人排隊買既方式都係傳統車仔麵叫餸咁⋯但呢度令我好緊張，因為後面條隊千軍萬馬咁，車仔姐姐已經擺出一副十秒夾完一碗麵既預備姿態出黎，所以排隊時就要諗定食咩，再用急口令方式叫出餸名，到我時我真係以急口令式叫出「蘿蔔、牛腩、豬腸、甜酸齋、魷魚」，連高效率摩打手既姐姐都聽唔切，俾漏左魷魚我⋯仲有佢冇問我要唔要辣，我又唔記得叫⋯所以今日係食得異常清淡。結論係聽日要再去食多次，誓要食到魷魚同辣醬！食飽飽好滿足，甜酸齋好味！如果豬腸再清乾淨點就更好（不過我都知清洗豬腸係好花時間同手力）總而言之呢間係一間中上級數既車仔麵檔！

懷念車仔面，隨著連鎖店餐廳侵霸香港車仔面店越黎越少，做得好嘅更少，近排返灣仔，聽聞呢間車仔面最出名，點都要試下。鋪頭地面得企位，大多數人都選擇買外賣慢慢嘆。丫姐落單速度奇快，建議排隊前諗好食乜，因為丫姐會係差唔多15秒內搞掂一碗，基本你企到係門口位排已經問你要咩面底，有大中小揀，可以就住當日有幾肚餓而決定。配料亦有好多選擇，我今次叫左油面，白蘿蔔，大腸，魚蛋&牛腩。白蘿蔔煮得夠林又甜，外面好多都煮到苦哂，大腸係乾淨冇腥味，洗得夠徹底。本身清湯係牛腩汁加白蘿蔔湯，我就叫湯加左辣，佢辣醬有溝過甜醬，口味幾特別，唔會死辣，食落更香口。我叫左大油面底，4個餸，都係54蚊，飽到上心口，好滿足。

今日中午嚟到公司附近人氣車仔麵之家，因為只可以立食所以就嗌左外賣啦！ 廚房姐姐手腳十級利落！排隊就嗌定麵，之後就到餸啦，過程係快到不得了，中午時分真係好勁！我地分點嗌左粗麵同米粉🐿🐿 粗麵比較淋身，湯底加左辣所以比較濃味👬 而豬大腸豬皮都煮得好入味！雞翼有三隻，滷得好淋好惹味！另外貢丸都好彈牙💪🏻💪🏻 冬菇厚肉地，好吸湯汁😌😌 時菜有2款，生菜同旺菜，都好爽脆新鮮🙆🏻‍♂️🙆🏻‍♂️ 咁多野加埋都係百令蚊！灣仔抵食之選呀👍🏻👍🏻

口痕最好就走去食，魚蛋、大腸、魷魚。 好鍾意食呢度嘅魷魚魚蛋大腸， 可惜已經今非昔比啦！自從老闆移民加拿大之後，大腸~每次食都係有腥味，有腥臭味，即處理得唔好，洗得唔乾淨。 以前一早經過見到老闆去完街市入貨推住架鐵車仔回舖，就開一半鐵閘，將啲貨品就擺入舖度，然後佢就係後鋪門口清洗大腸， 老闆個樣好認真好專注清潔。 好多時都會睇到老闆個仔喺度炒魷魚，整湯底。 魚蛋係交貨來，但係而家好多時啲魚蛋食落會咬到有沙粒， 大腸，好多時都有send臭味，同埋D大腸煮嘅時間唔夠，入口好硬， 到唔到，冇理由生吞㗎！唯有吐返出嚟， 而且好多時都有腥臭味。 由於咩？魷魚質素又係降低曬，炒得又唔夠。最主要佢個靈魂 辣醬，辣醬而家傑撻撻 同埋好硬，難溶化在湯內，又冇乜香味。 一路以嚟有一位短頭髮姐姐跟住老闆工作而家仍然係店中，佢哋嘅手作實在粗支大葉， 質素大打折扣😖冇心延續老闆心血。

好多食評都話好好食 見有時間就去試下味道冇啲人講到咁好 而且好多人排隊 尤其係繁忙時間 入面冇得坐 堂食要立食 宜個都係其中一個特色黎但去到繁忙時間 有啲人就要拎住碗等有枱既人食完 成間舖就好多人而且lunch time 好多人 夏天排隊已經排到出哂汗好處就係價錢夠平同埋粉既量有得揀粉既量有大中細揀 有分別唔同價錢 食少啲就比少啲 唔似某啲連鎖舖頭咁 少啲粉都只係減$1一個細粉加2個餸都係29蚊 性價比高普通一個女仔細粉加2-3個餸已經好飽

記得好耐之前tvb7點定7半果d節目有介紹過呢間車仔麵lunch hour 真係好好生意 去到賣晒河粉出名既送好似係魷魚 得兩舊無咩特別豬腸份量就算多甜酸齋無咩味咁見有其他食客叫分開另上 但應該都係無咩味佢其實唔係甜酸齋黎 係有甜甜地既source既豆腐卜咁上下一共食左兩次 第二次加小辣又好食少少但係果頭車仔麵得佢同埋唔想又食榮式條街既平民野都可以一食麵可細中大細麵+豬腸+由魚+甜酸$38我覺得最好食既車仔麵都係西營盤高街麵霸同埋鵝頸橋街市

車仔麵由細食到大，都冇咩特別。正常一碗麵加d餸咁食。而呢間真係會一改我以往對車仔麵印象。入面冇座位，得拍牆邊有一行企位食。牆上亦見到有餐牌，種類多，價錢合宜！而麵底都可以揀大/中/細！呢碗叫左米粉，豬腸、咖哩魷魚、生菜。另一碗都係米粉，有豆卜、咖哩魷魚、豬腸、豬紅。真係我食過最好食嘅車仔麵呀！湯底好香，而米粉完全吸曬湯嘅精華。好正！而且每個餸都好有驚喜，煮得好入味，而又好口感。咖哩魷魚必食推食，超香口！好入味。完全唔係其他車仔麵果d,就咁水煮冇味。豬紅都好正，我自本身好中意食，有得揀豬紅我都必食。呢個豬紅好入味，而佢唔係一食就散曬。仲好爽口！經過都一定要食呀！！！！！

周不時聽同事介紹，喺附近有間車仔麵好正，不過係無位坐大家柴娃娃企喺度食。平時一大班同事周圍搵食的話，都無咩機會試到。話晒難得一齊Lunch，當然係想坐吓傾吓計，真係好難有人陪我立食。咁啱早幾日假期連放好多同事都放假，公司得返連埋我三個同事，我就提議不如去買車仔麵返黎食。去到時門口已經有一大班人，排隊既人龍排到入去巷仔裡面。雖然排隊人數眾多，都唔係等咗好耐就到我哋啦。叫咗碗蘿白豬紅冬菇咖哩魷魚油麵少辣。碗車仔麵上面既辣汁好杰，要撈一撈落湯先食。辣汁好香好惹味，食到我係咁出汗。蘿白好清甜，一碗入面都有四五舊。咖哩魷魚雖然寫到明係必食個個讚，不過我真係覺得無咩特別，有機會我期望太高。冬菇炆得好入味，必食！總括黎講，呢間車仔麵都幾啱我口味，下次如果要一條友去食Lunch會想再返黎食/買返公司食，下次會想試吓佢哋個酸齋。

聽聞過呢間車仔麪好多次，講到佢有幾好食!!門口仲貼曬啲新聞雜誌既推介。都問過做得耐既同事呢間野OK唔OK，好多人都話唔錯，不過就係冇位坐，一係就立食，再唔係就買外賣。立食同買外賣唔係一個問題，最緊要係好食抵食!!但今次我真係100個失望!!去到既時候已經排長龍，不過入面啲人真係好快手，所以都好快可以叫野食，我叫左個米粉，餸就叫左佢最出名既咖哩魷魚同埋豬紅。我自己又衰既，冇自己計清楚，但佢地啲人要快都好趕客架啦，兩餸計左我$38，返到公司再睇清楚影左相既餐牌先肯定佢收多左我$2，都唔係一個問題，$2都算，一揭開蓋係無敵失望!! 咖哩魷魚少到一個點!!唔可以原諒!!勁少!!有冇搞錯!!仲要勁少湯，我覺得自己似食緊撈米多啲囉!!佢唯一最特別既都係個辣醬，有啲似沙嗲醬味，味道係好味既，但基於佢冇湯既關係，成件事係破壞晒，好咸。同埋魷魚同豬紅份量都屬於少，我覺得唔係好抵食囉。完全唔值得咁多報道既讚賞，D相完全係騙人!!

雖然由細到大都活於灣仔區，但這是第一次光顧車仔麵之家。今次我點了豬大腸、釀豆卜及牛丸小辣米粉。先説湯底，光看顏色就知道湯底夠濃，先喝一啖湯，因有辣醬輔助，令每呷湯都有刺激的辣味，很開胃。牛丸是普通，但釀豆卜和豬大腸是我最喜歡。豆卜中釀了蝦膠，令豆卜不再簡單，湯汁再浸入豆卜裡，每一口都刺激味蕾。豬大腸非常肥美而且醃得格外入味，每口大膠都彈牙，可口美味。最後，米粉只是一般，下次會嚐試河粉。價錢合理，質素中上，會再光顧。

招牌好不顯眼，如果路過沒有特地看很難發現在這麼小的巷子裏竟然有滿滿的食客排隊買面和路邊吃面。第一吸引我的當然是吃面群眾啦！排隊時隔著玻璃窗就看到了煮麵的帥哥。原來落單是先跟帥哥說什麼面類，再跟旁邊的姐姐說要什麼toppings,搭配好完美，有效率！價錢平民，讚！外賣回來一吃：湯底味道濃郁，蘿蔔小小的超級入味沒有筋，生菜新鮮，香菇彈牙軟嫩入味，魚蛋是港人最愛的口味QQ的！總體來說，走過路過不要錯過，帥哥服務好貼心！